خرابـــــــط مرابيـــــــط مال أول ,,,

الموضوع في ',, البُريمِي للتُراثِ والحَضارات ,,' بواسطة جروحــ دفينه ــي, بتاريخ ‏10 سبتمبر 2008.

  1. جروحــ دفينه ــي

    جروحــ دفينه ــي ¬°•| مٌشرِفة سابقة |•°¬



    خرااااااااااااااااااااااااااااااااااابيط مرااااااااااااااااابيط مال اول



    ايام أول... أيام أ نتشرت فيها الخرافة بشكل كبير..وهذا اللي محلنها


    \
    /
    \


    - بوبشير، وهو حشرة ضعيفة وطويله ولها يناحات طوال، كانوا يعتقدون إذا شافوه إنه يبشر عن ضيف قادم أو عمل ناجح او المطر راح ينزل .

    \
    /
    \



    - بو النقيع هو حشرة من فصيلة الخنافس، كانوا يمسكونها بإيدهم ويتمنون أمنية إذا نقع بتحقق الأمنية وإذا لا ما بتحقق.


    \
    /
    \


    - الطيطار إذا انضرب وانقطع ذيله لازم ينحط على الذيل شيء لأنه يدعي على أهل البيت. منو خاطره في طيطار مقلي ولا مشوي على الطريقة الافريقيه شو لاعت جبودكم ؟

    \
    /
    \

    - هاي حق اهل البحر بس إذا بتاكل السمجة لازم تقطع راسها قبل ما تبتدي فيها.

    \
    /
    \


    - تعالو يا الشعراء هاي لكم اصحاب المهياوه ما يخصهم : يقولون اللي ياكل لسان الذبيحة يستوي شاعر.

    \
    /
    \


    - الماي مب زين ينشرب حزة الغروب، لأنه يمرض.


    \
    /
    \

    - يوم بتي ترقد لا تحط الماي عند راسك لأنه يخف نظر العين. حطوه تحت المخده


    /
    \

    - كانوا يقولون رقاد العصر يقصر العمر.


    \
    /
    \


    - النعال ( عزكم الله ) مب زين يتم مجلوب، لأنه يدعي على أهل البيت أو تستوي مشاكل وضرابه وتكفيخ .ويقولون حرام اتم الجهة السفلية من النعال مجابلة السما لان فيها الله...(انزين والوسخ المكود ع الارض...ما يجابل السما؟)


    \
    /
    \

    - كانوا يدخنون بالشبه لأنه يطرد الحسد.


    \
    /
    \

    - كانوا يقولون إذا رفت العين اليمين خير، وإذا رفت العين اليسار شر.


    \
    /
    \

    - إذا كفك اليمين حكك يعني بتعطي حد فلوس، وأذا اليسار بتقبض فلوس(( أظني كل حد بيتمنى يده اليسار تحجه)).

    \
    /
    \

    - إذا خشمك (الأنف) حكك يعني بتسلم على شخص ياي من بعيد.

    \
    /
    \

    - إذا الأذن صاحت يعني حد يطريك يا بالخير أو بالشر.

    \
    /
    \



    - أذا كان شخص طالع وناديته أو قلتله لا تطلع (( يعني تنعبه - تزقره بلهجتنا )) مب زين، لأنه يمكن يستويله شي.


    \
    /
    \

    - الحرمه المربيه لازم ما تطلع من البيت ولا ينقال إلها خبر مب زين إلين ما تطلع من الأربعين.


    /
    \


    - الياهل ( الطفل ) لازم يحطون في منزه ( مهده ) سكين وملح وقرآن، عشان يحفظه الله بالقرآن، والسكين والملح عن الجن. طبعا اليوم يحطون حق عيال النيدو والسيريلاك تلفون متحرك وقنوات فضائيه وبلاي ستيشن .

    \
    /
    \

    - الياهل يوم يطلع من الأربعين لازم يسبحونه على ريول أبوه أو أي حد ثاني عشان يطلع على اللي مسبحينه عليه


     
  2. (الكعبي)

    (الكعبي) ¬°•| مُِشْرٍفَ سابق|•°¬

    يوم بتي ترقد لا تحط الماي عند راسك لأنه يخف نظر العين. حطوه تحت المخده

    صح مرة شاااااااااال ماي معي الغرفة وقالت لي يدتي لاتخل المااااااااي
    عند راسك ماااااااااااااااااااااااااااااااااااااااااااااااااااازين بس انا كنت أعرف
    أنهاااااااااااااااااا خرابيط قديمه............
    مشكووووووووورة يروحي دفينة ع الفنتك
     
  3. السَعيدي

    السَعيدي <font color="#ff0000">¬°•| إداري سابق|•°¬</span></

    والله انج ما قصرتي

    صدج انها خرابيط
    واستغفر الله حتى شي من هالخرابيط شرك بالله



    ما قصرتي اختي والف شكر لج
     
  4. الفلاحي صاحي

    الفلاحي صاحي ¬°•| عضو مثالي |•°¬

    هذا كلام فتيل أول ماشاء الله عليج جمعتهن في صفحة وحدة وشكرا على جهدج اختي روحي دفينه,,,,:)
     
  5. ولد شيوخ

    ولد شيوخ ¬°•| عضو مميز |•°¬

    يسلموووووووووووووووووووو اختيه على الطرح المفيييد

    وربي لا يحرمنا من ابداعاتج
     
  6. جروحــ دفينه ــي

    جروحــ دفينه ــي ¬°•| مٌشرِفة سابقة |•°¬

    مشكورين على المرور ,,

    ويعطيكم العافيه ,,

    :patch_lov:
     
  7. منوة الروح

    منوة الروح ¬°•| مراقبة عامه سابقه |•°¬

    هههههههههه

    وانا واايد مصدقه

    مثل اذا رفت العين
    والنعال عزج الله
    والاذن هههههههه

    وحليلي المسكينه انا ....


    مشكورة ع الطرح ^^
     
  8. جروحــ دفينه ــي

    جروحــ دفينه ــي ¬°•| مٌشرِفة سابقة |•°¬



    خخخ خخخ خخخ

    يا حليلج ,,

    خلاص لا تصدجين مره ثانيه ,,

    ومشكوره على المرور ,,

    :patch_lov:
     

مشاركة هذه الصفحة