ليش البطره

الموضوع في ',, البُريمِي للِحِوار و النقَاشْ ,,' بواسطة اسطورهـ, بتاريخ ‏6 نوفمبر 2012.

  1. اسطورهـ

    اسطورهـ ¬°•| عضو مبتدى |•°¬

    البارحه رحت المستشفئ ( البريمي) المهم انه ونحن عند الصيدليه ناخذ الدواء الا او وحده الله يستر عليها عقب ماعالجت وخلصت وخذت دواها بس بقا اخوها اظني او ولدها يتريا ونحن وغيرنا واقفين بعد فجت وقامت انصرخ وبكل بطره وغرور وجدام الناس والصيدلاني اتقول للولد خلاص خلاص يعني شوه بيعطونك مب منى زينه دواهم الا ادول !!!!!

    يعني ولي انا قلته افخاطري ليش كل هالبطره لازم اتراعي وتحمد ربها دوله تعليم والعلاج فيها ببلاش!!

    اتشوف الدول 2 مايرومون يدرسون عيالهم ولا يعالجونهم لانه بفلوس وهم مب قادرين علمبالغ ؟!!

    وما ننسئ من كان في قلبه ذره كبرلم يرح رائحة الجنه

    ابي ارائكم
    ...........
    red-crab11
     
  2. ونه العوود

    ونه العوود ¬°•| عضــو مــهــم|•°¬

    احس الكلام مشوش وما فهمت السطرين الاوليينonion head17..والسموحة منج:004:
     
  3. اسطورهـ

    اسطورهـ ¬°•| عضو مبتدى |•°¬

    ههههههههههههههههههههههههههههههههههههههههههههههههه

    حسستيني اكتب طلاسم عااادي عادي م ب كل شخص يفهم كلام 2احيانا onion head8
     
  4. ونه العوود

    ونه العوود ¬°•| عضــو مــهــم|•°¬

    حسستيني اكتب طلاسم

    اسفة اختي ما كان قصدي..بس من جد ما فهمت..ماعليه يمكن الاخوان يفهمون ويتناقشون..ومن خلالهم يمكن افهم شوي شوي^^::s29::
     
  5. سوسو العبيدانى

    سوسو العبيدانى ¬°•| مشرفة سابقة |•°¬

    هلا حبووبهred-crab1
    احين واايد شكااوى على المستشفيااات
    وانا وحده من اللي يشتكوون بعد
    مقارنه العياده مع المستشفى
    المستشفى بتمسكي صف وين طووله:nope:
    وانتظاار طووويل وفحص مو دقيق لان داايم
    يكون دكتور او اثنين وحاله يستقبلون
    حادث او طوارئ يتعطل بقيه المرضى

    وسالفه الادول مدري يمكن هو دوااء
    اثاره الجانبيه قليله لذلك هو شاايع عندنا كثير

    ولكن كما اسلفتى الوااحد داام انه مو عاجبه
    علاج المستشفى يروح لعياده خاصه:dead:
    مافي حاجه لانه الواحد يسوى حشره ويرفع صوته
    على الموظفين

    صرااحه ما اوجهه اصبع اللوم للاحد
    ولكن اطالب ان مستشفياتنا يكون فيها عدد
    اطباء اكثر لكي يكون هناك اهتمام اكثر

    وبعدين العيادات الخااصه
    يحطونج على رااسهم على شاان البيسه
    وااصلا اسعار علاجهم مرتفعه كثير

    فمقارنه بسيطه عشان تعرفون النعمه
    خذوا وصفه العلاج ورحوا الصيدليه
    شووفونه بكم

    ونص اللي يعالجوون
    يفجوون عيونهم وحلووقهم يقووولون .......ادووول بس:7:

    ولكن نبقى نقول الحمدلله
    على خدمات متووفره لدينا
     
  6. ♛[أسطورة]~

    ♛[أسطورة]~ ¬°•| مُراقب قِسم الّتكنِولوجَيا |•°¬

    أولا سلامات


    ثانيا ههههه السالفة تضحك شوي:BB-1:

    بس مثل ما فهمت انها خذت دواها وبقى اخوها ماخذه وقامت تصرخ

    عيل انتي خذيتي دواك شمعنى الأخ عاد الي مابيفيده الدوا لووول ...

    ما اعتقد انه مو عاجبنها بس شكلها أنانية لان خذت دواها ويوم جا دور اخوها استغلته عليه صار مامنه فايده

    او انها ما طايقه المكان في ناس يكرهو المستشفيات يروحوهن غصب وعاد يبو يطلعو بسرعه .....

    تقبلي مروري + تم التقيم



     
  7. جنوبية السلطنة

    جنوبية السلطنة ¬°•| عضو فعّال |•°¬

    الحمدلله ع سلامتك خيتوووو

    ماتشوفين شر

    أجر وعافية

    الحمدلله عندنا خدمات قد تكون مفتقدة بالدول الثانية

    نحن عندنا ما شفناه شي والناس االثانيين اللي مفتقدينها يشوفوها واجد

    بس بغض النظر ع الخدمات والشكاوي التي صدرت من مستشفيات الحكومة

    ومع احترامي للي جت تتعالج

    المفروض ما تكلم بصوت عالي

    وبغض النظر ع الحكم الشرعي بالنسبة لصوت المرأة

    المفروض كلنا بشر وعامل غيرك مثل ماتحب أن يعاملوك الآخرين

    فيه أسلوب وف احترام لذاتي ولغيري

    والسمووووحة ع الإطااااالة

    دومت بكل خير ي الغالية
     
  8. مجروحة المشاعر

    مجروحة المشاعر ¬°•| عضــو مــهــم|•°¬

    السلام عليكم ورحمة الله و بركاته


    انا وصلت onion head2

    و جايه اضارب:imua49:


    لو سمحتوا خلونا ف كلام الحق

    السلطنة ما مقصرة

    كل شي موفر لكم و بعدكم مب شبعانين ؟؟

    نحن ما نقول عندنا كل شي

    بس الي عندنا احسن من الي عند غيرنا

    غيرنا حتى شوارع ما عندهم

    و بصراحة عشان المستشفيات

    صحيح في سلبيات ...بس الايجابيات اكثر

    نحن ما ندفع الا حق الكرت و كم الا ريال و ميتين و من سنة لسنة

    و ميتين بيسة حق كل مراجعه

    مستكثرين هالشي

    الوافدين ترى يدفعون اكثر


    حمدواا ربكم و شكروه

    و الدواء حتى ريال ما تدفعون عنه الا ف العيادات الخارجية و الصيدليات

    الدولة مب مقصرة تحاول توفر لكم كل الي يقدرون عليه

    و حتى لو ما يقدرون تراهم يحاولون

    و المفروض نحن نشكرهم

    ما ننتقدهم


    السموحه طولت عليكمonion head2
     
  9. اسطورهـ

    اسطورهـ ¬°•| عضو مبتدى |•°¬

    ثانكس ع لمرور والله يعافيكم

    انا النقطة الي حبيت اوضحها مو عن المستشفئ اوو الخدمه بس اقصد انه لازم نتوااااااااااااااااااااااااااااااااضع فمن تواضع لله رفعه

    تسلمون :book:
     
  10. دانه أبوها

    دانه أبوها ¬°•| عضو مبتدى |•°¬

    والله انا اقول شكله حد هزبها في التلفون
    وعصبت بعد ماخذت الدواء مالها
    خخخخخخ
     
  11. Rowland

    Rowland ¬°•| عضو مميز |•°¬

    اللي يضحك في الموضوع انه الموضوع عن البطرة ومثل ما ذكرت الخت فوق
    بس الكل حاط ع المستشفى قق12 تخلف عقلي يمقن ويمقن لا
     
  12. براءة الجودي

    براءة الجودي ¬°•| عضو مبتدى |•°¬

    طبعا طريقة المرأة خاطئة في رفع صوتها فإن لم يعجبها الدواء في هذه المستشفى فلتصمت ولتذهب لأخرى وترى الأنسب لها وانتهت السالفة ..
    ويابعد جبدي يالأسطورة هذا موبكبر فيها بس قولي يمكنها تبي تتفشخر اشوي وتنفخ ريشها فجالسة تهايط على خلق الله ::x2::

    وصدقتِ الواحد يحمد ربه على النعمة اللي هو فيها وللأسف الشخص مايعرف قدر الشئ إلا إذا افتقده
    دمتِ بخير
     

مشاركة هذه الصفحة