1. نسايم ريف

    نسايم ريف ¬°•| شاعرة |•°¬

    السلام عليكم ورحمة الله وبركاته ​

    جديدي ​

    هجوسي المخفي على حد الصعب منصاي
    ياتي على بغته ولا ادري ويش اسويبه
    ياتي ويسري بالخفا من اقصاي لين اقصاي
    وانا على ذاك الفكر من يوم عدي به
    من يوم ضيعني وضيع فرحتي و رجاي
    وقت ن عصيب وموقف ن مر تجريبه
    موقف ولا اتمناه يـ عيون الشعر لـ سواي
    عسى ربي يبّعد عن المسلم تصاويبه
    أذكره في عيني وفي قلبي و وسط حشاي
    ذكرى ولا زالت وجرح ن صعب تطبيبه
    طفله وفي يدّي شماغ وبرقع ن مطواي
    تحرقني الرمضا وحر ن كنت مـ دريبه
    و جدامي الغالي على حر الثرى مرماي
    ينزف بدم ن عطر الأرض من طيبه
    وهناك من يمه وانا مريت أجر خطاي
    وأعزي الخافق عسـاه يـخف تعذيبه
    و آدوّر العمّه .. عساها تكون حذاي
    وتحد من ذعري و عني تخفف الخيبه
    لكن حسافه .. وياكبر همي ويابلواي
    خوفي غدى خوفين ولا لي من ألاييبه
    روّح أبوي وعمتي ومعهم قمر مضواي
    بنت بـعمر عشرين يوم.. راحت بالمصيبه
    وهناك في داخل الموتر على يمناي
    أسمع ونيين عيال عمي وداخلي رييبه
    وتمرني أشباه ناس وسلمهم منساي
    ما يعرفون السمت و المعنى ومعازيبه
    راحوا وانا اناظر واخبي دمعتي وبكاي
    والخوف يطويني كـ علقم مر تشريبه
    يا ظلمة الدنيا .. ويا شين العمر لي ياي
    ويا كبر حمل اللي فقد أغلى محابيبه
    وكبرت مع همي واحساس القهر وياي
    وذكراي لـ اغلى الناس يزرع داخلي ذيبه
    أدري ترى طوّلت لكن ما بلغت مناي
    والقاف ما يوقف اذا دارت دواليبه
    وان جيت للأبيات هذي قطرة ن من ماي
    ما تروي الضميان لي تشعل لواهيبه
    وارجو السموحه والعذر ع زلتي واخطاي
    وان كان به منقود .. ننطر بترحيبه


    والسموحه ع لقصور والتطويل
     
    آخر تعديل: ‏18 أكتوبر 2012
  2. بنت المقابيل

    بنت المقابيل ¬°•| مشرفة سابقة |•°¬

    صح لسانج الشاعرة


    مب عليج زوووووووووود


    قصيدة وافية


    الله يرحم جميع الأموات أن شاء الله ويفرج هم كل المهمومين ويخفف عليهم


    تقبلي مروري الغاليـــــــــــــــة
     
  3. نسايم ريف

    نسايم ريف ¬°•| شاعرة |•°¬

    صح بدنج الشيخه
    وتسلمين فديتج على المرور الكريم

    وآآآمييين فديتج
    الله يرحم أمواتنا وأموات المسلمين يارب
     
  4. يوسف الكعبي

    يوسف الكعبي ¬°•| شـــاعر|•°¬

    نص شعري في غاية الجمال من شاعرتنا الجميله



    صح الله لسانج ملايين



    شاعرية وجزالة لأبعد الحدود ولكن ترتدي ثياب الحداد

    الله يبعد عنج الحزن ويرحم جميع أموات المسلمين



    يشرفني ان أقيم هذا النص ولج خالص ودي
     
  5. خافق احساس

    خافق احساس الفرَيق الإدِاري إداري

    بسم الله الرحمن الرحيم
    و عليكم السلام و رحمة الله و بركاته

    ؛

    شاعرتنا المميزة /~ نسايم ريف . .

    حروف مؤلم / محزنة / موجعة ,,

    انسكبت ما بين كلماتك الرائعة و العذبة . .

    بعناية فائقة . . عشنا معها الحدث و الواقعه ,,

    رحم الله كل ميت و قوى الله كل قلب على مصابة

    اشكرك على هذه الابيات الجميلة

    عساج ع القوة دووم

    و لاتحرمينا من يديدج

    احترامي لج​
     
  6. نسايم ريف

    نسايم ريف ¬°•| شاعرة |•°¬


    صح بدنك يالشاعر وتسلم على هالرد الذوق
    آآآمين والشرف لي ياخوي
     
  7. نسايم ريف

    نسايم ريف ¬°•| شاعرة |•°¬


    تسلمييين يالهتن وربي يعطيج العافيه فديتج
    التميز في مرورج وردج لاعدمناج
    ربي يقويج ونورتي القصيده الغلا
     
  8. المسماري

    المسماري ¬°•| شاعر|•°¬

    صح لسانج ينسايم

    وماعليج زود يا اختي

    تقبلي مروري
     
  9. عمـر الكعـــبي

    عمـر الكعـــبي ¬°•| عضو مبتدى |•°¬

    الشاعرة نسايم ريف
    صح الله لسااانج مليااار على هذا الابداااع
    قصيدة رائعة
    جمعت بين الحزن والحب والدموع والجزالة الشعرية
    جداً جميلة
    ألوان خلابة ... عاطفية ... قصيده حزينه
    في قالب رصين من المفردات والصور والشاعرية
    الله يبعد الشر عن جميع المسلمين ويرحم موتانا
    تقبلي مروري المتواضع
    تحياتي وتقديري لكٍ
     
  10. بن الريان @

    بن الريان @ ¬°•| عضــو شرف |•°¬

    طفله وفي يدّي شماغ وبرقع ن مطواي
    تحرقني الرمضا وحر ن كنت مـ دريبه

    ظللت أقتبس ه البيت وصدقيني ما قدرت أكمل لقرايه وعدت مرة ثانيه

    ثلاث مرات بنية أني أجاريك لأقتباسي البيت
    كملت القصيده والسموحة ما أقدر !
    شاعرة المنبر
    نسمة المكان ما أزيد على أشعرانا
    وما أقول ألا يبعد الله عنك الهم وعيدك مبارك
     
  11. miss 6air

    miss 6air ¬°•|مُشِرفَة سَابقة |•°¬

    صـح لسسآنج ي الششآعرة . .

    أبدعـتي والمديح يوقف معآاج

    وصدج آنج جلبتي الموآجع ،

    ربـي يحفظ أمـة محمد من كَل مكروه

    لكـ ودي ،
     
  12. المزن

    المزن ¬°•| مشرفة الأُسرَة و الطفل |•°¬

    صح لسانج ملاين ولا يسدن فديتج
    والله قصيدة طيبة وماشاء الله عليج ابدعتي
    مااقدر اقول غير ابدعتي في وصف القصة
    بالحدث وبالتفاصيل ... ماشاء الله عليج
    الله يرحم موتانا وموتاكم وجميع المسلمين
     
  13. شاعر الخير

    شاعر الخير ¬°•| عضــو شرف |•°¬

    ياااااااااااااااااا سلاااااااااااامي عليج يالشااااعرة
    قصيدددددددددددددددة تجاااااوزت حدود الحزن مع الحب
    ماا اقووول غير صح الله لسااانج
    وربي يبعد عنج الشر يااارب وكل عااام وانتي بخيره
    دمتي بود
     
  14. نسايم ريف

    نسايم ريف ¬°•| شاعرة |•°¬


    صح بدنك يالشاعر وماعليك زود ياخوي

    نورت
     
  15. نسايم ريف

    نسايم ريف ¬°•| شاعرة |•°¬


    صح بدنك ياخوي وآآمين يارب

    ربي يعطيك العافيه ع الرد الطيب
     
  16. نسايم ريف

    نسايم ريف ¬°•| شاعرة |•°¬


    وعيدك سعيد يارب لو انها متأخره ياغير كل ن وله ضروفه

    وماعليكم زوود جميع ياخوي
    وربي يبعد الهم عن كل مسلم
     
  17. نسايم ريف

    نسايم ريف ¬°•| شاعرة |•°¬

    صح بدنج الغاليه والأبداع وجودج وردج الراقي
    آآآمين يارب
     
  18. نسايم ريف

    نسايم ريف ¬°•| شاعرة |•°¬

    صح بدنج الشيخه
    تسلمييين الغاليه على هالكلام الطيب
    آآمين يارب
     
  19. نسايم ريف

    نسايم ريف ¬°•| شاعرة |•°¬

    صح بدنك ياخوي وتسلم على الرد الطيب
     
  20. المرزم

    المرزم ¬°•| عضو مميز |•°¬

    نسايم ريف

    صح لسانج ،
     

مشاركة هذه الصفحة