البريمي واجهة السلطنة

الموضوع في 'مركز أخبَار وقَضَايَا مُحـَافَظة البـُريمِي' بواسطة زهرالصباح, بتاريخ ‏3 سبتمبر 2008.

  1. زهرالصباح

    زهرالصباح ¬°•| عضو مميز |•°¬

    مرحبا بجميع المتواجدين في المنتدى وكل الأعضاء فردآ فردآ

    موظوعي اليوم يخص المشاريع الإنمائية والتطوير العمراني والبنيان إللي قاعدين نشوفه في البريمي مثل الياثوم

    مثل مانعرف إنه البريمي تعتبر واجهة للسلطنة ولازم يكون كل شي فيها راقي ومتطور وبأحدث التقنيات

    لكن إللي صاير العكس الشوارع مكسرة والشارع العام الممتد من دوار المازدا لين دوار الشرطة ورشات تصليح

    التواير والعدة كلها برع هل في رايكم هالمنظر يلوق بالبريمي؟

    طبعآ لا

    المهم كل الجهات المسؤولة عن هالخبصة عندنا لهم كم سؤال

    1. ما هي الخطة الإنمائية بالظبط وشو تشمل؟
    2. ما هي مراحل هالخطط؟
    3. شو المشاكل المحتمل مواجهتها؟
    4. شو سبب التأخير في إنهاء الشارع إللي يربط البريمي بصحار؟
    5. من هي الشركة التي تم التعاقد معها وكسرت شوارع البريمي وخلتها منقشة وكلها حفر؟

    ياليت حد من هالمسؤولين في البريمي يجاوبونا على الأسئلة لأن طفرنا وخلص صبرنا

    وفي نهاية كلامي أدعو كل عيال البريمي في المنتدى يباشرون الإتصال بوسائل الإعلام المرئية والمسوعة والمقروءة

    لمتابعة الموظوع وطرح الأسئلة على المتورطين في الخراب الحاصل في البريمي لين يعطونا حل نهائي وكلمة وحدة

    وتاريخ محدد لنهاية المشاريع.
     
    أعجب بهذه المشاركة DarkFireSlash
  2. بنت شيوخ

    بنت شيوخ ¬°•| بنٺ نآڛ مآ ٺندآڛ|•°¬

    ما عندي تعليق ع كلامج

    بس ياريت حد من المسؤولين يشوف ويسوي شي لان صدق طفرنا

    مشكوره اختي ع الموضوع

    (متابعه)

     
  3. غريب الدار

    غريب الدار ¬°•| مشرف سابق|•°¬


    مرحبـــــــاتج اختي زهر الصباح بينا وتسلمين عالمشاركه الطيبه والموضوع الطيب...

    بالنسبه للبريمي في رايي اشوف انه المشاريع التطويريه اللي قايمه فيها لاباس فيها ..ابتداءا بالشوارع اللي تم توسعتها واعادة تنظيمها السنه السنه واللي عطت البريمي شكل ثاني...يمكن عابهم التنسيق مع الشركه المختصه بالصرف الصحي وتم تكسير بعض الشوارع ولكن شاهدنا انه الشركه قامت برصف الشوارع اللي خربتها وكان الغرض هو مشروع الصرف الصحي وليش تهديم وتخريب مثل ماقالو البعض...عدم التنسيق يحدث في كل مكان وفي مشاريع اكبر من هالمشروع...

    بالنسبه لطريق صحار البريمي...ماعرف اذا تاخر او لا بس اللي كنت اسمعه راح ينتهي في بداية 2009 والظاهر انه بيكون عالموعد لانه تقريبا النص خلص..واذا تاخرو ما نقدر نلومهم لصعوبة الشارع والمشروع والله يعينهم ....

    اللي تحتاجه البريمي مثل ما قلتي يمكن تجميل بعض المناطق والشوارع والتشجير اللي اشوفه معدوم بصراحه...وتفضلتي وقلتي شارع المازدا لو يتغير شويه وتنشال هالكراجات يكون افضل لانه واجهه للبريمي...

    فالنهايه البنيه التحتيه فالبريمي جيده جدا وافضل من اماكن ومناكق كثيره فعمان وخارج عمان بس تحتاج لبعض التنسيق ...

    دمتي بود والسموحه ..
     
  4. وقباوي

    وقباوي ¬°•| عضو مميز |•°¬

    شكرا لك أخي الغريب ع الطرح الممتاز وشكر خاص لطارح الموضوع
    ولكن البريمي والسلطنة بالكامل تحتاج إلى موظفين أكفاء
    وعدم التخبط في المشاريع
    زالرقابة عالموظفين الأكفاء

    هذا رأي
     
  5. DarkFireSlash

    DarkFireSlash ¬°•|مٌفكِر وُمبِدع تطوِري |•°¬

    همممممممممممممم مشاريع وايد بتتنفذ في البريمي ومثل ما قلتي نريد حد من مشرفي هاذي المشاريع يرد على استفساراتج

    موضوع ج يحتاج للرفع والتقييم
     
  6. زهرالصباح

    زهرالصباح ¬°•| عضو مميز |•°¬

    البرنسيســـة

    غريب الدار

    وقبـــاوي

    فايرسلاش

    مروركـــم عطـــر موظــــوعي

    شكرآ ع التفـــاعـــل
     
  7. اللهب المتجمد777

    اللهب المتجمد777 ¬°•| عضو مبتدى |•°¬

    اشكرك اختي عالطرح فعلا يوجد سوء ادارة للمشاريع المنفذة وسوء تخطيط واضح لكن ربي يستر
     
  8. حلوة مكحلة

    حلوة مكحلة ¬°•| lمشرفة سابقة|•°¬

    لا تعــــــــــــــــليق
     
  9. BMW740

    BMW740 ¬°•| عضو مبتدى |•°¬

    والله كلامج صح لازم في نظام وترتيب لكن كم بنتكلم والله يا ناس انا اشوف البريمي قبل احلى من الحين كلشي ضيعوة وكل من هب ودب يابوة وحطوة هني ويتحرا البريمي شرات >>>> خلوني ساكت احسن ................ بالمختصر البريمي يبالها تظييف من اشياء وايد
     
  10. زهرالصباح

    زهرالصباح ¬°•| عضو مميز |•°¬

    اللهـــب المتجمـــد

    BMW740

    مشكـــورين ع التفـــاعل

    مـــروركم عطــر موظـــوعي
     
  11. شرطي مرور

    شرطي مرور ¬°•| عضــو شرف |•°¬

    موضوع جميل وراق
    طرح رائع للموضوع
    بالنسبة لشارع بارهوز يعتبر قلب البريمي حالياً والمفروض إنه يتم تغير المحلات والكراجات وحصرها داخل المنطقة الصناعية

    شارع الخياطيييين يوضع له آلية للمواقف وعبووووووووووووووور المشااااااااة اللي هم المشكلة الكبيرة في هذي المنطقة

    المشكلة الأكبر شارع دوار المحكمة باتجاه دوار محضة أنا أعتقد انه هالشارع مسواي حلبه لسباق السيارات مب شارع يخدم

    لأنه من طول مسافته الشباب ماخذينه مكان حق التسابق صاير وضعه خطير جداً لو انوضع له دوار أو اثنين كان كسر الطول اللي فيه وخلا أصحاب النفوس المريضة بالسباقات يدورولهم مكان ثاني يأذوا فيه نفسهم ولا يأذوا غيرهم


    محلات المعارض مال السيارات الجديد اللي عند مصنع الأودوية حق كم معرض مسوينه والبقيه وين يشلوا عمرهم

    المقبره العامه وانتوا بسلامه ويعطيكم طولة العمر ميدان كبير وواسع لو تم تقسيمة على بلوكات أو مربعات وعمل ممرات للسيارات
    أقلها السيارة اللي شاله الجثمان ومسوين نقاط في كل مربع نقاط خدمية ماي طابوق عدة للحفر والدفن كان بيكون أحسن وأكثر خدمه من ما هو عليه الحين

    أظن إني أطلت بالموضوع شو وبرأي بس شكراً لطارحة الموضوع


    زهرة الصباح موضوع رائع

    يالله يا مسؤولين ردوا علينا وعلى هالإستفسارات
     
  12. زهرالصباح

    زهرالصباح ¬°•| عضو مميز |•°¬

    شكـــرآ

    شـرطــي مـــرور ع التفاعـــل

    مرورك عطـــر موظـــوعي
     
  13. أبو قحطان

    أبو قحطان °•|كاتب وصحفي|•°

    زهر الصباح :
    شكراً على طرحك الجميل ، وياليت لو كل الناس عندهم نفس الإحساس بالمسؤوليه وحب الوطن وحب التطوير في البلد ، أما بالنسبة لتسميتك لدوار حلة السور بدوار المازدا فهذا خطأ !! ، وأرجو إعادة النظر في نطق هذا الإسم لأنه ليس الإسم المعتمد لدى الجهات الحكومية بولاية البريمي الإسم هو (دوار حلة السور) والحارة السكنية المحاذية للدوار من جهة الشرق إسمها (حلة السور) والشارع الواصل بين دوار حلة السور ودوار الحصن (أو ما يسميه البعض دوار الشرطه.. طبعاً مسمى خاطيء) إسمه (دوار الحصن) ، المهم هذا الشارع هو شارع ورش تصليح السيارات بحلة السور يعني شارع حلة السور .

    وأريد أن أضيف بأن الدوار الذي يطلق عليه البعض (دوار الغزلان) هو في الحقيقة (دوار الشريعة) ، وهناك الكثير من المسميات الخاطئة التي يطلقها الكثير من الناس على أسماء الشوارع والحواري بولاية البريمي .

    أحب أضيف أنني أيضاً لمست من قبل الكثير من رواد وأعضاء المنتدى كتابة كلمة (درهم) بدلاًُ عن (ريال) فيقول أشتريت بكذا وكذا درهم والصحيح أن يرمز الى ذلك بعملة البلد التابع له المنتدى وهو سلطنة عمان .

    أرجو أن تكونوا قد أستفدتم وأن لا أكون قد أطلت عليكم .
     
  14. أبو قحطان

    أبو قحطان °•|كاتب وصحفي|•°

    شرطي مرور :

    الشارع الممتد من (دوار المحكمة) الى (دوار محضه) إسمه (شارع السلام) وأرجو أن تستبدل كلمة _دوار المحكمة بـ (دوار السلام) الجدير بالذكر أنه تم إطلاق هذا الإسم على هذا الشارع تزامنا مع الفترة التي حصل فيها مولانا حضرة صاحب الجلالة السلطان قابوس بن سعيد المعظم - سلطان البلاد المفدى على لقب رجل السلام في العالم .
     
  15. شرطي مرور

    شرطي مرور ¬°•| عضــو شرف |•°¬

    تسلم الحبيب على حصة التاريخ


    نحن ما نريد تعليم نريد حل لهالمشاكل إذا عندك

    وبخصوص الدروس هذي نزلها فصفحة بروحها عشان يتم الرد عليها


    شكراً على رأيك الجميل
    :patch_mechan:​
     

مشاركة هذه الصفحة