يالله عفوڴ يوم تصفية الحساب .

الموضوع في ',, البُريمِي لـ القَصائد المنقولة' بواسطة مرهف الاحساسـ, بتاريخ ‏29 سبتمبر 2012.

  1. مرهف الاحساسـ

    مرهف الاحساسـ ¬°•| عضو فعّال |•°¬

    يالله عفوڴ يوم تصفية الحساب ..
    .. يوم حصاد لما زرعنا في السنين

    يوم الحشر قرب ولا معنا زهاب ..
    .. اليوم في الدنيا وبڴرة راحلين

    نجمع ذنوب ونرتجي عفو وثواب ..
    .. وعلى نصر ربي لنا مستعجلين

    تدرون ليه آمالنا مثل سراب ..
    .. تدرون ليه النصر سيف الأوليين

    الأوليين أعمالهم وفق الڴتاب ..
    .. قاموا عليه وباعوا الدنيا بدين

    وحنا غفلنا بين مالذ وطاب ..
    .. والنصر سيف ما يسله غافلين

    نصبح على شوف انتهاڴات وخراب ..
    .. ونمسي على دمع وتنهات وونين

    بصدورنا شي تذوب اله الهضاب ..
    .. وأفعالنا والواقع رياح .. وطحين

    وعلى العيون من الفتن مثل الضباب ..
    .. معاد ندري من يسار ومن يمين

    ما للضعيف الا الدعا لو ما يجاب ..
    .. ما غيره الا الشوف مكتوف اليدين

    يالله زلزل تحت الأعداء التراب ..
    .. والطف بنا واحقن دماء المسلمين

    ندعوڴ يا قادر على جعل السحاب ..
    .. جيش لنصرة قلة مستضعفين

    أغرقهم بنوع من أنواع العقاب ..
    .. غرق الغلام اللي يحسب انه فطين

    لوما عصى نوح نجا به في رحاب ..
    .. سفينته وأمضى معه في العمر حين

    لڴنه اختار الخساره والذهاب ..
    .. اصنع بهم صنعڴ به وانت المتين

    والا اخذهم يا مجري سود الحقاب ..
    .. أخذ العجوز اللي بقت في الغابرين

    ذوقهم اللهم أنواع العذاب ..
    .. اللي عثوا في أرضڴ من المفسدين

    وألطف بمن لبسوا من التقوى ثياب ..
    .. عبادڴ المستهدفين المتقين

    تكالبت عليهم أنياب الذئاب ..
    .. ولا غير عونك يا معين الصابرين

    من بينهم شيبه يعجزون الشباب ..
    .. من وقفته من طولها في الركعتين

    ومن بينهم عذرا تون بلا حجاب ..
    .. أحجابها لفوا به الجرح المكين

    تصيح ما هو من الم ولا صواب
    تبغي الحجآب اللي خذوه المسعفين

    وطفل عن عيون أمه الثنتين غاب ..
    .. تبكيه عين وتلتفت لأخيه عين

    من هول ما يجري لهم شاب الغراب ..
    .. يا وسع حلمڴ وانت ما فوقڴ مدين


    أدعيڴ وانت ادرى بحال أهل المصاب ..
    .. وأمد ڴفي لك يا أڴرم الأڴرمين


    لـ الشآعر / محمد بن فطيس ..
     
  2. وحي القلم

    وحي القلم ¬°•| عطاء من نوع آخر |•°¬


    تسلم على نقل هذه القصيدة المميزة لشاعر البيرق ابن فطيس المري ,,, هذا هو الشعر ولا بلاش

    ققق9ققق9
     
  3. ونه العوود

    ونه العوود ¬°•| عضــو مــهــم|•°¬

    وعلى العيون من الفتن مثل الضباب ..
    .. معاد ندري من يسار ومن يمين

    معاناة قاسية ههههههه...حلوة القصيدة بمعنى الكلمة نتريا المزيد..تقبل مروري
     
  4. مرهف الاحساسـ

    مرهف الاحساسـ ¬°•| عضو فعّال |•°¬

    الله يسلمك خيووو
    كم اسعدني مررررروورك
    لاهنت
     
  5. مرهف الاحساسـ

    مرهف الاحساسـ ¬°•| عضو فعّال |•°¬

    تسلمي خيتووووووووووووو
    يعطيج العافيه
    اسعدني مررررورج
     

مشاركة هذه الصفحة