لا ضاق صدرك عالي الصوت جره

الموضوع في ',, البُريمِي لـ القَصائد المنقولة' بواسطة `¤*«مُحمدْ البادِيْ»*-¤, بتاريخ ‏2 أوت 2012.

  1. `¤*«مُحمدْ البادِيْ»*-¤

    `¤*«مُحمدْ البادِيْ»*-¤ ¬°•| غَيثُ مِن الَعطاء ُ|•°¬

    السلام عليكم ورحمة الله وبركاته
    وردتني هذه الأبيات على المسن وأعجبتني




    لاضاق صدرك عالي الصوت جره
    لو كان قلبك ما يطاوعك مسرور
    دنياك لو تسوى من الحِزن ذرّه
    ما كان تاليها توابيت وقبور
    وما كان للكافر بعمره مسره
    وما شفت في ملكه ملايين وقصور
    العمر يمضي بين حلوه ومره
    والموت حق وقابض الروح مأمور
    دام الحياه الفانية مستقره
    ورزقك يجيك وبين الأجواد مستور
    لا تنشغل بالوقت برده وحره
    واحذر تصير بقسمة الناس مقهور
    وحكم القدر لاجاك خيره وشره
    اشكر عظيم الشان والذنب مغفور
    والمجلس اللي يزعجك لا تمره
    خله تراك بشوفته منت مجبور
    والرجل سقها في صحاصيح بره
    ومد النظر مابين ريضان وزهور
    لا صار وجه القاع ما فيه جره
    والمشي حافي والثرى تو ممطور
    ساعات صمتٍ ما وراها مضره
    تسوى الكلام اللي به ذنوب وشرور
    اطلق خيالك واترك النفس حره
    وخل الطبيعه في حياتك لها دور
    وبالليل لا بانت نجوم المجّره
    أذكر بديع الخلق بإحـساس وشعور
    واسجد لرب الكُون مره ومره
    وإحفظ لسانك واترك الكذب والزور
    وفروض ربك خلها مستمره
    وطاعتك لا يدخل بها نقص وقصور





     
  2. ˇعنودْھَہ ♡

    ˇعنودْھَہ ♡ ¬°•| مشرفة الِضِيافَة والترحٌيبْ |•°¬


    واسجد لرب الكُون مره ومره
    وإحفظ لسانك واترك الكذب والزور
    وفروض ربك خلها مستمره
    وطاعتك لا يدخل بها نقص وقصور
    ,,
    السلام عليكم ..
    ,,
    ابيات رائعه اخي [ بو رسيل ]
    يسلم يمناك
    ,,
    تحياتي لك
     

مشاركة هذه الصفحة