فزعتكم .. الله يخليكم

الموضوع في ',, البُريمِي لـ قَنَاة حَواء ,,' بواسطة العسل, بتاريخ ‏25 جويليه 2012.

  1. العسل

    العسل ¬°•| عضو مبتدى |•°¬

    بسم الله الرحمن الرحيم

    السلام عليكم ورحمة الله وبركاته

    اخوآتي ما رح اطول معاكم .. فديتكم ابي فزعتكم

    بنتي كان شعرها كثيف بس مو مره وتعبت كثير لان الكل كان يسمعني
    بنتك ما فيها شعر ... والحمدلله صار حلو لكن المفاجئه لما اخذت زيت
    من وحده مغربيه بايعتني اياه بسعر وايد غالي واستخدمته لبنتي لمدة اسبوع
    إلا والبنت ما تنام غير بصياح وتشد شعرها ورغم اني كثير مهتمه فيه واغسله
    لها لكن لقيت شعرها مليان بيض صيبان وحشرات غريبه ..

    قسم بالله ندمت اني صدقتها واخذت الزيت منها ..
    قال الصيدلاني لازم تشيلي الشعر كامل...

    مسكينه طلعت من الحلاق قرعا ..
    حتى ما نفسي اشوف عليها .. وكل وحده عندها بنت بتحس
    في حالتي وتعرفون نحن في رمضان والعيد قريب ..

    دخيلكن اللي تقدر تساعدني بأي نصيحه من تجاربكم حق بناتكم او
    خواتكم او اقاربكم اقدر اكثف لها شعرها لانها محلقه ع الزيرو..

    واعتبروها لله وفي الله لا تخذلوني لاني اعرف بنات البريمي شعرهن
    (ماشاء الله) كثيف وطويل...

    ووعد مني رح ادعولكم من قلبي بالبركه

    بانتظاركم ..

    العسل
     
  2. العسل

    العسل ¬°•| عضو مبتدى |•°¬

    معقوله يا اخواتي ولا رد!!!

    محد يبي الخير؟؟؟
     
  3. حكاية روح

    حكاية روح ¬°•| سَحَابة صَيفْ |•°¬

    وعليكم السلام ورحمة الله وبركاته ،،
    ،
    اهلين ختيه ،، ماعندي علم صراحه
    بس بحثتلج بالنت عن مكان بالعين جان ترومين تروحين
    وماعرف علاجهم امكن يساعدونج ،،
    هذا مكانهم العين- خلف الشارع العام - بناية/الشيخ - نهيان بن زايد آل نهيان
    وهذا رقمهم : 7519878 , 0
    يقولون يعالجون الشعر ،،
    والمكان الثاني
    بطرشلج اياه ع الخاص ان شاء الله لأنه فيه صور نسائيه
    /
    دقي عليهم اتخبريهم قبل لا تروحين لاني ماعرف طبيعة شغلهم
    كلهم
    ،
    وان شاء الله تلاقين اللي يفيدج ان ما فدتج
    احترامي
     
  4. الوتر الحزين

    الوتر الحزين ¬°•| عضو مميز جدا |•°¬

    هلا اختي اخبارج؟
    ربي يعينج ،بس كان من الأولى إنج ما تشترين شي مو متأكده منه
    لأن وايدين للأسف يروجون لبضاعتهم للربح
    ويقولون هذا زين ،ويبيعونه بأغلى الأثمان
    وكل هذا بس عشان يربحو بدون محاسبة ضمائرهم
    بس قدر الله وما شاء فعل
    وثاني شي لما ياها هالصيبان والحشرات
    الأولى لج ما كان له داعي تستخدمين الحلاقه ع الزيرو اول حل
    في الصيدليات يباعن ادويه للصيبان تفيد وايد ولها تأثير
    وبعد ممكن عن طريق البيف باف تعالجين شعرها
    ترشيه في شعرها وصدقيني مع اهتمامج بيخوز بس كان يباله شوية صبر.


    وإذا تبين يسرع نمو الشعر ويكثف استخدمي زيت زيتون أو زيت دابر الشعر أو بلكريم الأخضر.هذول أنفع شي للشعر .وإن شاء الله بيطلع شعر بنتج حلو وكثيف
    بس اصبري انتي وما اعتقد انه بيكون كبير لحد العيد عشان لا تروحين دورين زيوت او كريمات ثانيه يقصون عليج ويقولون لج ان الشعر بينمو كثيف خلال اسبوع او 10 ايام تراه كله كذب.

    والسموحه منج
     
  5. العسل

    العسل ¬°•| عضو مبتدى |•°¬

    حكاية روح يزاج الله خير بشوف اذا قدرت اروح العين
    مشكوره عزيزتي...

    مكتب احمد العجمي مشكور .. انا قالت لي الوالده
    رشيها فليت وسويلها خل لكن قلب الام خفت يضرها والله ..

    مشكورين .. كنت استخدم لها برشوت وعاد مالي نفس ارجع
    اهتم فيه مثل الاول بس برد استخدم لها اللي اشرتو عليهم..

    /
    رزقكم الله ما تهفو به انفسكم وبارك في ذويكم وفيما
    رزقكم وسدد على طريق الخير خطاكم يارب..

    العسل
     
    آخر تعديل بواسطة المشرف: ‏25 جويليه 2012
  6. Hyuoka

    Hyuoka 130710

    انزين زرعوا لها شعر !
     
  7. سمو الشيخه

    سمو الشيخه ¬مُشرفة المساحة الحرة¬

    اهلين خيتي اعتقد ف العين ف العيادات الخاصه عندهم علاج ..
     
  8. دانة غزر

    دانة غزر رئيسة المشرفين إداري

    زيت الزيتوون زين حق الشعر

    بس اهم شي يكون زيت زيتون اصلي
     
  9. العسل

    العسل ¬°•| عضو مبتدى |•°¬

    مشكورين الله يوفقكم .. بشوف اذا قدرت اروح العين...
    ...

    (زرعولها شعر )))!!!!!!!!؟؟؟؟؟؟!!

    بارك الله فيكم
     
  10. غاوي

    غاوي ¬°•| عضو مميز |•°¬

    سيري نزيه لإدوات التجميل
    تحصلينه في العين
    واشتري ابر حق كثافة الشعر بيفيدج وايد ومب غالي
    تحصلينه على 50 كرتون اخضر
    وانتي خبريه وهو ما بيقصر وياج

    واذا ما حصلتي في شارع خليفه
    بتحصلين في البوادي موول عند محل الكمبيوترات اللي عند السينما
     
  11. سوسو العبيدانى

    سوسو العبيدانى ¬°•| مشرفة سابقة |•°¬

    onion head15 شو من الاوادم هاااي؟؟

    ماا شااء الله الاخووه ما قصرووا

    كل وااحد اللي ينتبه من الخلطات قال
    خلطه زياانه وخلطه وضحه ومدري شو فيها
    واايد منهم هالبيعات المتجولات
    يبون يمشون سلعتهم بس
    لاتااخذوون شي مو مكتو عليه بيانات

    وبعدين ااحين الطب اتطوور في كل شي
    وعسى ان شااء الله شعر بنتج بيطلع
     
    آخر تعديل: ‏27 جويليه 2012
  12. العسل

    العسل ¬°•| عضو مبتدى |•°¬

    /

    يا هلا وسهلا فيج.. اتصلت وكلمتها وسألتها ابي اكلم المدير حقكم
    قالت ما عندي مدير ولا مسؤول .. وسألتها طيب تشرف على اللي تبيعينه
    البلديه؟او عندج تصريح ؟ قالت لا ..

    والمشكله كاتبه تاريخ الانتهاء السنه القادمه..شهر 1..
    ياالله..الحمدلله ع كل حال ..وبصبر مثل ما قالو الاخوه لين
    يظهرلها شعرتين..
     
  13. Hyuoka

    Hyuoka 130710

    ايوه ، في ناس يزرعوا لهم شعر
    كل يوم 5 شعرات او شعرتين !
    لكن يمكن بـ 1000 ريال عماني أو أكثر
     

مشاركة هذه الصفحة