₪ جسر الصِداقَة ₪

الموضوع في ',, البُريمِي لـ القَصائد المنقولة' بواسطة ν̵̵̵м̨нخَг̵̵, بتاريخ ‏15 جوان 2012.

  1. ν̵̵̵м̨нخَг̵̵

    ν̵̵̵м̨нخَг̵̵ ¬°•| مشرف سابق |•°¬

    آلسّلـآمْ عليِڪمَ ۈرحمَـﮧ آللّـﮧ ۈبرْڪآتـَﮧ ،،
    يسّعدليْ صبآحَڪمْ / مَسآڪمَ آبڪلَ خيرْ ۈبرڪَـﮧ
    ( ] - -



    جسر الصِداقَة
    من أشعار سمو الشيخ حمدان بن محمد بن راشد آل مكتوم (فزاع)



    المقطع الأول
    الضايق اللي ساري الليله ولا حصل طريق
    تلعب به الأيام بـــين يميـــــنها و شـمالها
    يا غارق ٍ ب الهم لا تطلب نجاتك من غريق
    الصبر مفتاح الفرج و الناس هذا حالها

    و أنا ترى مَتني يشيل من الحمل مالا يطيق
    مالي و مال الحمل اللي كل كتف ٍ شالها
    أيامنا بين الشهر و اليوم و الباقي سحيق
    الأيام كم يبالغها و الناس كم يبغالها

    و الدله اللي ما تقهوي ضيفها قل لـ البريق
    يرسل تعازي ضوها لا فاحت ب فنجالها
    وقمرية الأحزان لا غنت على الغصن الدقيق
    ما تعاتب المحزون لا غنت ولا غنالها



    المقطع الثاني
    يا ناس وش حل الرفيق اللي يعاتب له رفيق ؟
    لاحدته الأيـــام و الـدنيا على منـــوالها
    لا تحسب ان اللي تحبه لا جرحته ما يضيق
    لو يستر جروحه عليك و عــلته مـا قالها

    يضيق ولكن مبسمه ضحاك و أحجاجه طليق
    لأن الصداقه كنز والحسنة بعشـــر أمثالها
    و الحقد ف قلوب الرجال للوفاء ماهو يليق
    قلوبها تبقى نظــــيفه لو تغيــــر حالها

    و أنا لو أبني لـ الصداقه جسر لعيون الصديق
    الناس من كثر الزعل فال الله ولا فــــالها
    العذر ما يكفي من التقدير و الصده تعيق
    الوصل من بين القلوب اللي تمد أحبالها



    المقطع الثالث
    والماس سعره فوق سعرك يـ الذهب لولك بريق
    سعـره لحاله و الذهب تســــعيرته ب حالــها
    و أهل الجواهر يفرقون الكهرمان من العقيق
    لو نخلط الثنتين بنتٍ في طرف سلسالها

    نصبر على قرص النحل حتى نوصّل لـ الرحيق
    و أهل الهوى يمسح خطاياها لذيذ أوصالها
    و الناس لجل آمالها تحتاج للفـــهم ٍ دقيق
    و اللي ما تملك فهم تخسر نفسها و آمالها

    جبال الأرض الشامخة يا منكر المجد العريق
    هاماتنا مـن كبـر هيبـتنا تطول أجبــــــالها
    جديدنا مستقبل زاهر و ماضـــينا عتيق
    مســــيرة التاريخ يبقى مجدنا في بالها


    و لو أن حضارتنا قصيدة شاعر ٍ فكره عميق
    ما كان غير " محمد المكتوم " صاغ أمثالها
    ونعم الضايق اللي ساري الليله ولا حصل طريق
    تلعب به الأيام بـــين يميـــــنها و شـمالها




     
  2. مِـفآهيم ﭐلوفِـآ●∑™

    مِـفآهيم ﭐلوفِـآ●∑™ ¬°•| مشرفة سابقة |°¬

    الكلمات واااايد حلوه

    تسلم اخي على النقل الرائع

    نتريا الزود منك

    احترامي لك
     
  3. ŔξVẼήĜξ

    ŔξVẼήĜξ ¬°•| فنّانُ أسـطوري |•°¬

    كلمات جميلة
    اختيار موفق أخوي
    كل الشكر لك
     
  4. ν̵̵̵м̨нخَг̵̵

    ν̵̵̵м̨нخَг̵̵ ¬°•| مشرف سابق |•°¬

    اقتباس:
    المشاركة الأصلية كتبت بواسطة مِـفآهيم ﭐلوفِـآ●∑™ [​IMG]
    الكلمات واااايد حلوه

    تسلم اخي على النقل الرائع

    نتريا الزود منك

    احترامي لك




    تسلمي
    انشا الله الي اقدر عليه بسويه



    اقتباس:
    المشاركة الأصلية كتبت بواسطة ŔξṾẼήĜξ [​IMG]
    كلمات جميلة

    اختيار موفق أخوي

    كل الشكر لك





    من ذوقك
    العفؤ اخوي

     
  5. زهرة الجوري

    زهرة الجوري ¬°•| مُشرفة الأخبار المَحلية و العالميّة |•°¬

    كلمات جميلة و راقيه
    تسلم اخي على الطرح الراقي
    :imuae85:تقبل مروري:imuae85:
     

مشاركة هذه الصفحة