((( يقول من عدى )))

الموضوع في ',, البُريمِي لِـ/ للشٌعرٍوالْقصِيْد,,' بواسطة عرش الملوك, بتاريخ ‏23 أوت 2008.

  1. عرش الملوك

    عرش الملوك ¬°•| عضو مبتدى |•°¬

    القصيده للمرحوم الامير محمد الاحمد السديري



    يقول من عدى علـى راس عالـي...رجـم طويـلٍ يدهلـه كـل قرنـاس
    في راس مرجـومٍ عسيـر المنالـي..تلعب به الأرياح مـع كـل نسنـاس
    في مهمهٍ قفـرٍ مـن النـاس خالـي..يشتاق له من حس بالقلب هوجـاس
    قعـدت فـي راسـه وحيـدٍ لحالـي...براس الطويل ملابقه تقـل حـراس
    متذكـرٍ فـي مرقبـي وش غدالـي...وصفقت بالكفين ياسٍ علـى يـاس
    أخـذت أعـد ايامـهـا والليـالـي....دنيا تقلب مـا عرفنـا لهـا قيـاس
    كم فرقـت مابيـن غالـي وغالـي...لوشفت منها ربح ترجـع للأفـلاس
    ياما هفـا بـه مـن رجـالٍ مدالـي...ماكنهم ركبوا علـى قـب الأفـراس
    ولا قلطوهـن للكمـيـن المـوالـي...ولاصار فوق ظهورهن قطف الأنفاس
    ولا رددوا صـم الرمـك للتـوالـي....كلٍ يبي من زايـد الفعـل نومـاس
    من بينهـم سمـر القنـا والسلالـي...مثل البروق برايـح ليلـة ادمـاس
    يقطعـك دنيـا مالهـا أول وتـالـي...لو اضحكت للغبن تقرع بالأجـراس
    المستريح اللي مـن العقـل خالـي...ماهوب بلجات الهواجيـس غطـاس
    ما هـوب مثلـي مشكلاتـه جلالـي...ازريت اسجلهـن بحبـرٍ وقرطـاس
    حملـي ثقيـل وشايلـه باحتمـالـي...واصبر على مر الليالـي والأتعـاس
    وارسي كما ترسـي رواس الجبالـي....ولا يشتكي ضلعٍ عليـه القـدم داس
    يا بجاد شـب النـار وادن الدلالـي....واحمس لنا يا بجاد ما يقعد الـراس
    ودقـه بنجـرٍ يـا ظريـف العيالـي....يجذب لنا ربعٍ على أكـوار جـلاس
    وزله إلـى منـه رقـد كـل سالـي.....وخله يفوح وقنّـن الهيـل بقيـاس
    وصبـه ومـدّه ياكريـم السبـالـيي....بعد همومي يوم اشمـه بالأنفـاس
    فنجـال يغـدى مـا تصـور ببالـي...وروابع تضرب بها اخماس واسداس
    لاخـاب ظنـي بالرفيـق المـوالـي....مالي مشاريـه علـى نايـد النـاس
    لعـل قصـرٍ مايجـي لـه اظلالـي...ينهّد مـن عالـي مبانيـه للسـاس
    لاصـار ماهـو مدهـلٍ للرجـالـي...وملجا لمن هو يشكي الظيم والبـاس
    بحسناك يا منشي حقـوق الخيالـي...ياخالق أجناس ويا مفنـي أجنـاس
    تجعـل مقـره دارس العهـد بالـي...صحصاح دودٍ دارسٍ مابـه اونـاس
    البـوم فـي تالـي الهدامـه يلالـي...جزاك يا قصر الخنا وكـر الأدنـاس
    متـى تربـع دارنــا والمفـالـي...وتخضّر فياض عقب ما هي يبّـاس
    نشـوف فيهـا الديدحـان متوالـي...مثل الرعاف بخصر مدقوق الالعاس
    وينثر علي البيدا سـوات الزوالـي...يشرق حماره شرقت الصبغ بالكـاس
    وتكبر دفـوف معبسـات الشمالـي...ويبني عليهنّ الشحم مثل الأطعـاس
     
  2. (الكعبي)

    (الكعبي) ¬°•| مُِشْرٍفَ سابق|•°¬

    وارسي كما ترسـي رواس الجبالـي....ولا يشتكي ضلعٍ عليـه القـدم داس
    يا بجاد شـب النـار وادن الدلالـي....واحمس لنا يا بجاد ما يقعد الـراس
    ودقـه بنجـرٍ يـا ظريـف العيالـي....يجذب لنا ربعٍ على أكـوار جـلاس

    الله يرحم الشاعر بس بالفعل الابيات جميلة
    يسلم الاختيار
     

مشاركة هذه الصفحة