اسماء كبا الشعار في البريمي

[بن تيمور]

بسم الله الرحمن الرحيم
سلام عليكم ورحمة من ربي وبركاته


اخواني اخواتي محبي الشعر ودي اعطيكم اسماء شعراء الي في البريمي

الشاعر:خليفه بن مترف الجابري
الشاعر:سعيد بن عديل الجابري
الشاعر:علي بن مشاري الشامسي
الشاعر:حمود بن المهزاع النعيمي
الشاعر:محمد بن سعيد البادي
الشاعرة:نوره بنت عبدالله البادية
الشاعر:عبدالله بن سالم المزيني (الوسمي)
الشاعر:عبدالله ابن سليم البادي
الشاعر:عامر بن عبدالله المقبالي
الشاعر:جمعه بن راشد العزاني
الشاعر:احمد بن كميدش الكعبي
الشاعر:زايد بن مشاري الشامسي
الشاعر:خميس بن قلم الهنائي
الشاعر:محمد بن مرزوق اليحيائي
الشاعر: حمد بن الكيلة الدرعي

والسموحه اذا في شعراء انا ماكتبتهم وهذول هم الي موجودين في ساحه الشعريه وومثلين في الشعر البريمي

 

[مرح]

جزاك الله خير
ونعم فيهم كلهم

 

[شموخ وكلي طموح]

وعليكمـ الســـــــــلام والرحــــمه..

تسلم أخوي على الطرح الجميل..
الصراحة بعض الأسماء يديدة علي وأول مرة أسمعبها
لأني مب دوووم في الساحة فمن جي..
الله يبــــــــارك فيهم جميعااا..
تـــــــــــــقبل مــــــــــروري

 

[شنان الجابري]

حبيت اوضح لك امور اخوي بن كميدش من شعراء محضه وليس البريمي اما خليفه بن مترف من شعراء صعراء وكذالك بن عديل ومعهم النعيم ولعزان وبن مشاري , بعضهم من حماسه والاخر من صعراء العذيه

 

[*ڎڕبــۃ'ة ♛]

بالفعل هؤلاء هم شعار المحافظة

ولكن فالفتره الحاليه .. برز البعض منهم .. آلـأ وهم ؟.::

# الشاعر عبدالله بن سالم المزيني (الوسمي) ..وليس عبدالله بن راشد ^^
# الشاعر عامر بن عبدالله المقبالي .. وهوا بارز فالساحه الفنيه حاليا وبقوه بعد أن تعامل من الفنان راشد الماجد ..


وأيضاا هناك شاعر لم يذكر :/

ألا وهو الشـأعر :: سليمان بن عوض الغيثي ..

شاعر جميل من شعار محافظة البريمي .. شارك فالعديد من الامسيات الشعريه داخل أو خارج السلطنة .. كما كان له لقاء في أف أم عمان من فترة ..


ونتمنأ كل التوفيق للشعار .. وعسا أن يكونوا قدوه حسنه لشعار المستقبل ^^


آحترامي للجميع

وشكرأً

 

[شنان الجابري]

بخصوص من هو ابزر خليفة بن مترف و كميدش بن نعمان ابو احمد هم الابزر رحمة الله عليهم ولهم قصايد كثيرة وغنا لهم بن روغة وميحد العديد من الاغاني ولهم سيط في الامارات

بعض قصايد خليفة بن مترف

حب البر والمزيون

أحب البر والمزيون = وأحب البدو والأوطان
واحبك قبل لا يدرون = هلي واهلك ولا الجيران
واحب العذري المخزون = بمجرى الدم والشريان
واحبك والمحبة عون = محب عاشق ولهان
ولو تطلب نظر العيون = عطيتك مني الصفطان
وابيع الروح لو يشرون = ونرضي الخاطر الزعلان
حرام البعد يالمظنون = حرام الصد والهجران
تعطف وارحم المفتون = بحبك هايم حيران
تبات انت مريح شجون = وانا شجوني بها طوفان
لي من غمضت العيون = انا ونومي حربنا بان
ياللي هاجمني المظنون = فمن عنده برد الشان
وصلى الله على المأمون = محمد من نسل عدنان
ا
آه يا من ون

آه يا من ون والجفن محروم = من صوابه ما يغضي بالمنام
جنه في وسط الحشا نار السهوم = تكوي الاضلاع وتبث العظام
ما شكت نفسي من الدين الركوم = لا ولا تشكي من العله اسقام
شكوتي من ليعة الحب الظلوم = لي دعا روحي من الفرقا حطام
شط قلبي يا ملاريم الخشوم = يوم شد الهين وانوى باعتزام
قلت قومك قال عنكم بانشوم = قلت وين الحل من عقب المشام
قال في دار بها بس الصروم = في محاضير ليوا بالتمام
ديرتي وهناك قصدي واللزوم = وان نويت اتزورنا حد المشام
وان هوت نفسك هوانا لك ندوم = فالتزامك يا فتى لو بعد عام
وان هوالك غيرنا فوق الخشوم = لا تقاطعنا من اردود السلام
قلت عفوك لاتزيد القلب لوم = ليعته تكفيه عن كثر الملام

انا لو لاه

جنابه لو جفاني لا يزالي = وداده راتع ٍ في ضامر لي
أنا لولاه ما قلت لمثالي = ولا فضيت من صدري مثلّي
ولا غنيت في روس العوالي = ولا رضّفت نوح وْ ونة لّي
ولا عنيت له شرح المقالي = ولا خطيت له صفح السجلّي
عديل الروح لو يعطف لحالي = وينقل من صوابه حالة ٍ لي
عساه يدور له لوف الخيالي = زمان الولف ويّام التغلّي

جزاك الله

جزاك الله يا ناسي ظنينك=ويا من فيه ضيّعت العهودي
نسيت إمّا مضى بيني وبينك = وخنت إيمان ربك يا عنودي
تغيّر بك هواك وضاع دينك = وميل بك هوى ناس ٍ وغودي
وهنت القلب يوم أصبح رهينك = وبادرته بهجرك والصدودي
حبيب الروح لا تفخر بزينك = ترا فالبيض من مثلك وزودي
غراشيب ٍ يفوق ٍ فوق زينك = تلع لرقاب غضات النهودي
ترا يا زين ما ربي يعينك = على الأنكار في ربط العهودي
أنا الديّان لك وإنته بدينك = فلي بالدين إلى يوم الوعودي
ولا برضاه إلا من يدينك = ولو بيجيب لي غيرك نقودي
أنا صابر ولو طالت سنينك = عسا في يوم يكتب لي سعودي
على لاماك ومصافح يمينك = ونسوا أفراح غما ع الحسودي
تقول التاض يا ديّان دينك = على إمّا كان في حضر الوجودي
ونقطف من ثمر فلك وتينك = ونسكر من خمر ذيج الجعودي
إلين اتهل من عيني وعينك = دموع الحب من فوق الخدودي
وذا ما قال بن مترف ظنينك = وبه يعناك يا زهر الوجودي
إله العرش كلنا طالبينك = صلاة ع النبي ألف ٍ وزودي

اذا هبيت

اذا هبيت يا شرتا الصبايا = من احسانك تمهل يا هبوبي
ايلين اعطيك علمي والوصايا = تبلغهن لحبي ومحبوبي
وليفن له معي قدر ووفايا = وفي حكم الهوى حقه وجوبي
سكن ودّه بلحمي والدمايا = وخطير القلب من حبه يذوبي
عليه آحن حنّات الظمايا = زمان الصيف وايام الغيوبي
وارظّف ونتي باطن حشايا = و اعزّْ النفس بالعزم الغصوبي
عن العوفين واصحاب النوايا = ونقال الحجي لي هم كذوبي
وخِلِّي نال راحات الهنايا = وبندر مَحمله عقب الهبوبي
وأنا تلعبي أمواج الشتايا = تنسفني شمال ٍ مع جنوبي
عسن الله ما يقطع رجايا = آله العرش غفّار الذنوبي

::: آه يا من ون :::
مشاطرة على قصيدة سمو الشيخ محمد بن راشد آل مكتوم التي يقول فيها:
(( كل ما جن الدجى همي ضوا يوم خالين البراهين اهتنو ))
..
آه يا من ون والناظر يرا=ونت المطعون وربوعه سرو
ونتٍ منها الظمير اتفجرا=والخوالي عن مصابي ما درو
لو سمعها ميتٍ تحت الثرا=جان قام وقال روفو وغفرو
سبها من ناسمٍ نوده سرا=من فيوي ادبي وين اهله سكنو
الكرم واليود وصحاب الذرا=في حماهم كم من ناسٍ ذرو
والقوافي لي تعد وتنظرا=بالمعاني عبّروها ونشرو
بالغوالي ما تباع وتنشرا=موهبه من رب في قلب المرو
حازها شيخٍ وكلٍ به درا=شهم كل الناس بافْعاله درو
اعني امحمد حميدٍ ينطرا=شامخات العز فيها يظهرو
يعل من يابه إلهي يا ترا=جنت الفردوس فيها يحبرو
والعفو نطلب ولك نتعذرا=جان عارضنا طريقٍ سايرو
شاقنا يا شيخ ذاك المصدرا=وانتحينا بالمثايل و اعذرو

هذه القصيدة تلبية لرئيس الدولة عندما نادى الشباب للالتحاق بالقوات المسلحة..

لبيك يا من بكْرم الصوت ناديك=لبيك يا ذرب النبا ولفعالي
بارواحنا والدم يا شيخ نفديك=يا شيخ متلات العمر للزوالي
انعاهد الله والوطن ثم طاريك=إنا جنودٍ مخلصينٍ اصالي
سيفٍ بكفك كيف ما شئت بيديك=يقطع معا الغدار يوم لهوالي
شبابنا قطّع اشياكٍ شرابيك=لبّو نداك وترّكو كل غالي
يا كم خلو من غوالي متاريك=خلو حلايلهم وخلو العيالي
كلن يقول الصاحبه عطني ايديك=عليك بالأول وخل التوالي
اشرب من الصافي الأول يهنيك=لا تشرب التالي ولو ييت تالي
إن ييت فالأول تعلّت معانيك=واشربت من بنٍ مقند بهالي
هذا مثل يا من تأخرت يعنيك=يا بن الوطن ترا الوطن مالغوالي
ترابه الطاهر ايطهر معانيك=ويعز قدرك بين كل الاهالي
اخوانك الأبطال غرب وشماليك=لبسو لباس الشرف والراس عالي
زايد بصوته لشجاعة يناديك=لب الندا وكسب ثواب اوجمالي
زايد حكيم وحرك الجو تحريك=حما الدار من غدر الطغاه لنذالي
صدوقٍ وطبعه بالصداقة يصافيك=صريحٍ إذا قال النبا ما يبالي
ولي عهده من صخاته يسليك=رحومٍ على شعبه ويبذل المالي
انييت عانله يعزك ويذريك=يفرحك لو ضاقت عليك الليالي
وريس اركان الجيش طلبت مناويك=شيخٍ رقا فالمجد عالي العوالي
حييت بو خالد عسى الرب يحميك=عن حاسدٍ يسعو ابكيدٍ ونكالي
وكل الشيوخ الهم تهاني وتبريك=سلالة انهيان نسل الهلالي
يا رب تحميهم من اشرار عاديك=يالله يا معبود تقبل سؤالي
ويابن الكويت اترا كويتك تناديك=تبكي بدم ودمع والدم سالي
خلك صبور وربك العز يعطيك=قو العزم لو صاب جسمك عطالي
وحنا على يمناك مابانخليك= وبو خليفة محتمي عالتوالي
واخوان مريم يا كويتي تهنيك=آل الصباح شيوخ فأول وتالي
يا الله يعل العز والنصر يعطيك=يا بن الكويت وتستعيد الغوالي
ترجع كويتك مثل ما كان بيديك=والشيخ جابر نورها والهلالي
يا خير من وليت عهدك يكفيك=قوا ركايزها وسهر الليالي
سعد أمين ويشهر اسمك وطاريك=يا كويت فرشيله حرير الزوالي
وشهيدك اللي مات ما مات بييك=يا كويت بتشوفه إلو فالخيالي
لانه شهيد الوطن يا كويت يعزيك=يا خير ذاك الدم لي منه سالي
فهد فهد اسمٍ مسمى بتحنيك=مثواه جنات النعيم الظلالي
والختم مثل اما بدينا نلبيك=لبيك يا زايد حكيم المقالي

سقاني حبكم :::

يقول اللي غرام الحب لاعه=بدع الابيات من قلبٍ حزينا
على يا زين انظر بلتذاعه=وعيد اللفت صوبي يا الظنينا
تراه القلب زادتبه أوجاعه=وطيب النوم حارب مقلتينا
ألا يازين منّك هالقطاعه=وانا من حضرتي ما ياك شينا
نصوح ناصحٍ زد الجماعه=مطيعٍ طايعٍ في كل حينيا
خضوعٍ خاضعلك باختضاعه=خضوعْ اشيوخ علمٍ خاضعينا
أنا المسكين ما عندي أطاعه=ولا لي عالهجر يا عم جينا
سقاني حبكم كاس اليراعه=أمَرّْ امن الصبر يا نور عينا
لكنه فالهوى شربه ولاعه=ألذ امن الخمر للشاربينا
وختم الجيل صلوا ياجماعه=على محمد شفيع المسلمينا

::: سمرة أم العزايم :::

سمرة أم العزايم=ناسٍِ لفوها حشام
يعله كرمها دايم=مده ودهر واعوام
تشرب فوّل وسايم=من مرعدٍ همام
برق وسيل ورهايم=وسحبٍ وفيه اغيام
تخضر امنه الهشايم=زامٍ ويطلب زام
ينبت عشب الخزايم=من حرشا ومن خزام
من ليوا ومن تهايم=يعنوله بالسلام
ويبهي حلو الوشايم=بو خمصٍ وقدام
معزّل مالحزايم=ومعنوق له تمام
يتخطر كالحمايم=ويمشي مشيت نظام
نوره تحت اللثايم=يسفر لو فالظلام
مالته في سمايم=امخضب بالوشام
شلٍ صدره زمايم= نهدين شادوام
في يوفي له رسايم=بنا قصر وخيام
حبه في قلبي هايم=حطم جسمي حطام
يكفا لوم ولوايم=عن حاسدٍ نمام

::: كيف ما تسأل :::

نسيم البرياالنوّدي=يا مجفف طلة النادي
من احسانك يعلك اتعودي=بلغ المكتوب يا غادي
للذي عنوي ومقصودي=ومعناي او غايه امرادي
ان لفيت الدار قل هودي=وينكم يا نسل لمجادي
باتشوفه ناسع العودي=معتدل فنه ومتهادي
ينفند عن جملة الخودي=يعتنيه الياي والغادي
له عيان ٍ ريّش اوسودي=موحشات او فيهن اعنادي
وان نطق منطوقه انقودي= عذب ويشافي م ليهادي
قله اتناسيت لعهودي=واليمين او مد لايادي
ليش تقطع حبل لورودي=يوم حزة ورد ورادي
فوق عدك قيلن ذودي=معطشات او صوعهن زادي
كيف ما تسأل ولا ترودي= وانت روحك فالهوى بادي
راح ونهيته من الوجودي=ودنا يا ولد ليوادي
يعل دارك ما طر اليودي=يا خذ اسبوعين بعدادي
البدو تختال وترودي=وين خاير سيله اويادي
يود حفرة ماله ابلودي=من عطايا رب لعبادي
يكشتن ترفات لخدودي=العصرفي يارح الوادي
والعشب يتنسف انضودي=والزهر ينفحبه النادي
لين تازم ذودك ارغودي=فالفلا واطلاق وتمادي
يقطفن من كل عنقودي=والحنين ايهيظ الشادي

جفاني الحب

جفاني الحب واجفتني الليالي = وجافاني زماني ثم خلي
تغيّر صاحبي عنّي ومالي = وعز النفس عنّي بالتسلّي
مريح البال من الليعات سالي = وانا قلبي على نار الغضلي
ولي منّه طرا حبه ف بالي = ابرحت آنوح ودموعي تهلّي
على من حط لي رسم وْ دعالي = فقلبي مثل ما طبع السجلّي
وشيّد فالحشا عالي المعالي = ومعروفه تملّك مهجتلّي
بحسن وطيب واخلاق ودلالي = نسب أمجادها الفخر وتعلي
عريب الجد منسوب الخوالي = صخي ٍ مرحبانيٍ خجلّي
كساها الرب ملبوس الجمالي = وكمل له جماله بالتحلي
عليه إمن المها نوع إمتثالي = ومن خشف الظبا ماخذ مثلّي
عيون ٍ فوقهن خطّات دالي = طبيعيٍ كحلهن ما يعلّي
ومصقول ٍ بحرف الخاء يدالي = تورّق بين خطّات لهلّي
و وجه ٍ له رهاف الشيل يالي = عنَه يعشيك نوره بالدجلّي
وثغر ٍ به دوا علة إعلالي = ولا غيره يدواي علة ٍ لي
جنابه لو جفاني لا يزالي = وداده راتع ٍ في ضامر لي
أنا لولاه ما قلت لمثالي = ولا فضيت من صدري مثلّي
ولا غنيت في روس العوالي = ولا رضّفت نوح وْ ونة لّي
ولا عنيت له شرح المقالي = ولا خطيت له صفح السجلّي
عديل الروح لو يعطف لحالي = وينقل من صوابه حالة ٍ لي
عساه يدور له لوف الخيالي = زمان الولف ويّام التغلّي

يا رفيع الجد والبيت الرفيع = يا حسين اللون يا حلو البهاه

يا عشب لفواد يا زهر الربيع = يا حشاشة روح روحي والحياه

يا من اللي فيك ظني ما يظيع = يا من اللي عندك العوقي دواه

انت شمسي وانت ظلي والنفيع = وانت قوتي وانت شربي والهناه

وانت لي لك فا الحشى قصر ٍ منيع = يا الظنا لجلك وغيرك ما رقاه

مدخل الله لا تخليني قطيع = ارحم اللي فا الهوى زايد بلاه

ظايق ٍ بي الكون والفيّ الوسيع = هوب عارف صبح يومي من مساه

الملا في راح وارباح وربيع = ساليين البال كللّن في هواه

الى انا ما بينهم كني لسيع = حر سم الفاع لي قلبي قلاه

ظايع ٍ متبايعن مالي فزيع = كن نجمي خر من مجرى سماه

ما بشاكي ما بباكي ما بذيع = بك يلين ايحط جسمي في ثراه

تمت وصلوا على الهادي الشفيع = اححمد اللي ثبـّت الدين ورساه

يا نسيم الريف يا شرتا السهل = دوك هذا الخط وافعل ها الجميل

بلغ المحبوب جيلي والمثل = والحذر لا يكشف السر الهبيل

ان لفيت الدار لي فيها نزل = با تشوفه با الحسن فردن نبيل

عن بنات الحي يفرق وييعزل = كا المها في جملة الصيد الظويل

وان تهايالك على شكله مثل = قول وين اللي مفارقله خليل

با تشوفه راعي الود انخذل = وانعكس قيج الهجر سيره نزيل

ذاك خلي لي عليه الوصف حل = حب قلبي ما يبا غيره بديل

لو نحل حبل الموده وانبتل = من جداه وشذ عنـّا با الرحيل

له يتوق القلب والعين اتهمل = وان خطر ذكره يزيد الويل ويل

والعذارى من زمن يوم الرسل = في محبتهن غدا كم من جتيل

الهوى جـبـّاار شنـّااع الفعل = ما يحمله غير لي عقله ثقيل

ما تذوق امنه مطاعيم العسل = لين تشرب مر كاس المستحيل

::: يا ذاك وين :::
يا ذاك وين الود هذاك=وين العهد وين الوفايا
وين الايام الحلوة اوياك=مرت شرا حلم الروايا
بعنا الغوالي وشتريناك=باثمان في المعنا غلايا
في خافي المهجة زرعناك=ما بين روضات الحنايا
من صافي الصافي رويناك=والغير لي غيرك ظمايا
كرامة اللافي كرمناك=كرامة امجادٍ وفايا
حتى ولو تخطي سمحناك=نمشيلك ابحسن النوايا
أول انيَّر الطارج اوياك=في الود ب الحان الغنايا
واليوم عيَّت بك مطاياك=عنّا ويذَّبك حفايا
لكن كيف الفكر ويّاك=يا ناسي ايام الصفايا
من يوم فينا ضاع معناك=مسموح يعلك في هنايا
يعلك امريح ابطول دنياك=ويحفظك خلاق البرايا
ا
::: يا نسيم الريف :::

يا نسيم الريف لمْذنا= خذ سلام ٍ مني و وده
بالنبا كن منا وعنا= بالعجل هذا الخبر رده
للخوي لي به حسن ظنا= مسندي في حزة الشده
قله اشّو لي بدا منا= ما نباها منك هالصده
أول اناحيك بالفنا=بالشعر والمزمل اترده
بالسجع وانْ ير بالغنا=فوق رزمٍ مرتفع نده
بين ربع ومعمل البنا=النشامى لي بهم بده
ذا وتم الجيل لمعنا=يا حميد وننتظر رده
::: عريش الروض :::
يا عريش الروض ما زينك=يا حلا شكلك مع ألوانك
بالصخا أهلك محلينك=والكرم ساسك وعنوانك
الكرام اللي مودينك=شرفو أهلك وخلانك
من بلاد العين ناصينك=واجلسوا في وسط صيوانك
علّها تسقى ميادينك=من حياب ٍ يروي أوطانك
لين يثنولك مزايينك=لي عنو من قبل عشانك
ا
::: الحديد ايذوب :::
مرحبا ما ذعذعت شرتا الينوب=وما لعا ورق ٍ على روس الهضاب
وما سرى برق ٍ يزاغيه الهبوب=من مغيب الشمس مدهم له احياب
بالسلام اللي له الخاطر طروب=ينعش القلب العليل المستذاب
من عزيزٍ له معزه ومحسوب=زد كل الناس نحسبله احساب
عالي الجدين والخال النجوب=ينتمي من جد واحد لنتساب
فالشرف له منزل ٍ فوق الهضوب=عالي ٍ متعلي ٍ فوق العداب
من خلج للناس جذاب امحبوب=من حسن زينه ولطفه والآداب
لي ظهر والشمس مغشيها الغروب=يعكس ابنوره على لون السحاب
لو نقول المدح ما نبلغ ادروب=تعجز الاذهان ويغيب الصواب
يا خفيف الدم والنفس الهذوب=يا مقام العز يا عالي الجناب
لك تحية من حشاشات القلوب=من صغير ومن كبير ومن شباب
الحديد ايذوب واسمك ما يذوب=والأسد لو حط تاج الصفر ذاب
والختم نطلب عفو في كل نوب=جان زل القول واخطى فالجواب

مـــرحبا ما ذعــذعا الـــغربي وطاب =ناسمــه وابـــرد على الـــيازي الــعزيب
ومـــا حدا الــحادي وما خبن ركــــاب =شـــامخات الــناب ريــــفات الــخبيب
بالــسلام وبالـــتحيه والـــعتــــاب =يـــا حلا منــطوقه الــصآفي الـــعذيب
لك عـــلينا حق يا عالي الــجناب =لك تعـــاتبنا ونـــحنا نســـتحب
حـــبك الــعذري مـــشيد لــه اطنـــاب =في حـــشايه لا يــزول ولا يـــغيب
عادة الاعتاب ما بين الاحـــباب =يـــوم ذا مــغرم وذا منــه صــويب
لـــو غيابك طال يـــا نسل الانـــجاب =لازم نـــراعي الودك يـــا نـــجيب
عــدت يـــوم انـــه غـــدا غــي الـــشباب =الــعوارض خـــطها نـــشح المشــيب
قال تـــوه يا الحــشيم الــغي طاب= هــذي ايام الــهود فَــيهن يطيب
ما نــطالع يـــوم طــيشات الــشباب= اخـــتبار الــصب لي لاح الــمشيب
تـــكمل الاداب ويـــريض الــجواب =تــهلع الارواح للـــصوت الــرطيب
باحتـــرام وللـــشرف نـــحسب حـــساب= والـــحشم مـــطلوب منـــك يا طليب

فا الحفظ لو دااع دار الطيــبـــيــن = يـــعــــل تسقيج المخايل والـمزوون
من هطل وبل السحاب الموشليـن = ليــــــلةٍ فـــيـــها المـــــلا مايهيعون
تصبح الغدران وابها كــانــفـيــــن = العـــــــــــذارا يكشفن كنز امخزون
يــا حــــلا صوت المدوّي والحنين = ويــــــــن خلفاات العرابي يرتعوون
ديـــــرةٍ فـــيــها مــحــبٍ لـي ظنين = عـــاليٍ شانـــــــــه وعندي مايهون
لو سقاني فا الهوى كاس المهين = اطعمه فا الذوق كا الخمر امعجون
لن حبه في ظميري مـــن سنــيـن = مــــــــن قبل غيره على قلبي يكون
يــــــــــوم انا ويـــّاه كنّـــا جاهلين = فا الهوى ماعنـــــدنا عرف وفطون
في غرام الولـــف نمشي سايحين = يـــا زمـــــــانٍ فيه راحات الشجون
ارتظي منه مراعات الظــنـــيـــــن = كــــــا الحبـيب اللي يراعيله ظنون
يا الهي يا مجيب ويـــــــا مــعــيـن = تــــرحـــــم القلب المعلل لمحزون
من صوابٍ له تشيييب المرضعين = وكـــــــــــــل يومٍ يبتدل حاله ابلون

(يافريد اللون )
يا فريد اللون والوجه المليح = يا بهاة الدار يا سيد الملاح

أسألك با الله قلي كن صريح = ريح بالي يا سفر نور الصباح

ايش كدّر جوّك الصافي المريح = من عقب ما تاه نوره واستظاح

يعل منا ما بدا حالن يسيح = فا الهوى ويقول راعي الفن طاح

كيف تجرح صب من لوّل جريح = يستجير ابشخصك اداوي الجراح

آه ويحي منك يا المزيون ويح = ويحي مأسور ٍ يهدد با السلاح

ان فظن لسرار سده بايبيح = وان كتمها ما معه قوّة يواح

من عناك مسيح يا الظبي السريح = يا مها اليده تراه الحال راح

وانت سالي البال عنا مستريح = يا مريح اترى الهوى يبغي كفاح

كم لي فا الود من قبلك ظريح = ظحو بغالي الغوالي ولرواح

وين عليا روحت دمّن نظيح = صبعها لكحل وذاك الزلف راح

والملوّح قزر ايامه يصيح = هايم ٍ بين البراري ولبطاح

يعل دارك يود هماله نظيح =يسجي اديارك مصباح ورواح

 

[بن تيمور]

مشكورين ع الرد الطيب في شاعرانا

 

[الزلزال]

يزاك الله خير اخوي بن تيمور على هذا المجهود بس عندي استفسار عن الشاعر راشد بن حمدان العزاني منو هذا بارك الله فيك ؟

كل الود

 

[بن تيمور]

اعتذر منك شد العذر يا اخي جمعه راشد العزاني


غلطه هذا انتred-crab2