.." صموود "..
¬°•|مشرفة سابقة|•°¬
دخيلك لا تشجعني أسولف وأكسر الكتمان
تعبت من السكوت اللي تعود يسكن بذاتي
عليم الله مافيني شبر يضحك فرح وأشجان
وأنا لو جيت ابضحك لك أجيك أضحك بدمعاتي
وأنا لو جيت ابضحك لك أجيك أضحك بدمعاتي
حياتي شعرن وشاعر وجمهوري بقايا انسان
ونقادي زمن قاسي ولا يفهم كتاباتي
أناظر للبشر حولي أحد يضحك أحد طربان
وأنا صعبن علي أضحك أسايرهم بضحكاتي
وأنا صعبن علي أضحك أسايرهم بضحكاتي
عجزت أكذب على نفسي بفرحه ما بها ألوان
وحزني ما عجزعني بدا يرسم نهاياتي
طريقي صعب وجروحي كثير وداخلي ضميان
أبي لو يوم واحد أحاول أجمع شتاتي
أبي لو يوم واحد أحاول أجمع شتاتي
أبكتب لك وبالخط العريض وريشه الفنان
أنا الخسران توقيعي وانا الخسران بصماتي
أنا الخسران توقيعي وانا الخسران بصماتي
أكمل لك عن الضيقه اكمل لك عن الأحزان
تأكد لو بكمل لك تصيح وتطلب سكاتي
تأكد لو بكمل لك تصيح وتطلب سكاتي
ممآ رآآآآق لي ^_^