روايتي الاولى بالرمسة الاماراتية(نداء القلب)

[رهوفة العسولة]

السلام عليكم شحالكم اليوم حبيت اقدم لكم رواية من تاليفي اتمنى تعجبكم نقول بسم الله ونبتدي
الفصل الاول
اليازية:منو سيري شوفي منو يدق الجرس
منو:انشالله عمو الحينة سايرة افتح الباب
سارت منى عند الباب و قالت : منو علباب .
أم هزاع : فتحي الباب بنتي أنا خالتج أم هزاع
منو:أنشاء الله خالوه شحالج خالوه شخبارج شخبار شموسه و ميثوه
ام هزاع:الحمد الله كلنا بخير و سهاله و هم يسلمون عليج أندوج بنتي هاذي بطاقة دعوه ولدي هزاع بيعرس الأسبوع الياي
منو:مبروك خالوه منه المال و منها العيال سلميلي على عمتج و أمج
ام هزاع:يوصل تسلمين و أنتي بعد سلمي على بناتج
منو:يوصل مع السلامه
اليازية توصل عند الباب و تسأل بنت أخوها : منو كان عند الباب
منو:هاذي خالوه أم هزاع يايبه بطاقة دعوة حق عرس ولدها هزاع
اليازيه ينخطف لونها و يغمى عليها
منو:عموه عموه تسمعيني ردي علي أمايه أماية عموه اليازية طاحت عدعنه و ما ترد علي
أم فزاع تركض بسرعه : خير أنشالله أنتي قلتي لها شي .
منو:لا و الله أمايه كل ألي قلته أن خالوه أم هزاع يايبه بطاقه دعوه حق عرس هزاع
زاغت أم فزاع : الله يبحصج يا منوه شو ألي سويتيه
منو:شو السالفه أمايه فهميني مب فاهمه شي
ام فزاع:السالفه طويله يا بنتي بعدين أقولها لج المهم الحين دقي على أبوج و خبريه أن عمتج مغمى عليها خليه يرجع البيت بسرعة
منو:أنشالله أمايه الحينه بدق له
نداء إلى المسافرين على الرحلة رقم 342 المتوجهه إلى أبوظبي على المسافرين التوجه حالا إلى البوابه ب 6
شروق:أبوي أكوم زجروا على رحلتنا أخيرا راجعين لج يا إمارات الخير تصدق أبوي وايد وحشتني الإمارات و وحشوني الأهل و ربايعي
حمدان:مب بس أنتي يا بنتي بس شو نسوي تدرين الشغل هو ألى غربنا بس الحمد لله هانت الحينه نحن راجعين
دخلت شروق الطياره و شافت رقم المقعد a13 وينه وينه أكوة بس منو هذا ألى يالس على كرسيه لو سمحت أخوي أظنك مغلط فلكرسي
فهد:سوري أختي ما نتبهت
شروق:نو بروبلم مسموح و بتسمت له مدت إيدها تسلم عليه ارتبك فهد بس مد إيده و قال أنا فهد
شروق:و أنا شروق تشرفنا
فهد:الشرف لي
و يلست على كرسيها ألي عدال فهد الريال استحى كيف تيلس عداله و يبين عليها خليجيه
فهد:لو سمحتي أختي أنتي خليجيه صح
شروق:هيه أنا إماراتيه و أنته
فهد:أنا بعد إماراتي سوري بس الإماراتيات حشيمات سوري بس أنتي غير
شروق:سوري شو قلت
فهد:سوري أختي ما كنت أقصد بس عادتا البنت الإماراتيه ما تسلم على ريال غريب و تقوله أسمها و تيلس عداله و ما تتحجب
شروق:أخوي عارفه بس أنا حياتي معظمها عشتها هنيه فألمانيا عشان جيه برستيجي دفرنت
فهد:هيه فهمت ما عندج مانع أعطيج رقم مبايلي
شروق:نو بروبلم أفكورس يو كان عندي أصدقاء من الجنسين في كل أنحاء العالم بس صداقه أونلي
فهد:أوكيه أتفقنا أندوج رقمي
شروق:أوكيه بسير عند دادي أشوف شو يبا
و سارت تشوف شو يبا أبوها .

 

[دفء المشاعر]

رووووووووووووعة نتريا التكملة لا تبطين علينا ...

يعطيج العافية ...​

 

[رهوفة العسولة]

الفصل الثاني
كان حمدان يتصوخ للحوار الداير بين بنته شروق و فهد و هو يبتسم و تذكر أول لقاء مع أم شروق و خطفت عليه ذكرياته السعيدة معاها و قال فنفسه الله يرحمج يا أم شروق تعالي شوفي بنتج أستوت عروس و شكلها بتشبك مع فهد يا رب أتطمت على بنتي قبل ما أموت
شروق تقول لابوها : وين سرحان يا قمر أكيد مع أم شروق
حمدان : شروقو زيغتيني لا أحم و لا دستور
شروق تضحك : سوري دادي حتى فكلامك سياسه نحن قلنا خلاص أفتكينا من السياسه و عوار الراس يا سعاده السفير
حمدان: شروقة أنطمي أحسن لج تراني طفران و ما لي بارض أضحك
شروق: خلاص بابا بخليك ويا أم شروق يا عسل باي
و سارت تيلس على كرسيها قال فهد عقب ما سمع الحوار أللي دار بينها و بين أبوها : شروق أبوج سفير
ردت شروق : هيه كان بس الحين استقال تعرف شوب كفايه علية 20 سنه
فهد: يعني أنتي أنولدت فألمانيا
شروق :هيه و أمي ألمانيه
فهد: وينها الحينه
شروق : عطتك عمرها
فهد: سوري آسف قلبت المواجع
شروق: مسموح ذكرياتي عنها وايد جليله توفت و انا عمري 4 سنوات
فهد: الله يرحمها
شروق : و يرحم جميع المسلمين
الرجاء ربط الأحزمة الطائرة تستعد للهبوط في مطار أبوظبي
و في المطار كانت اليازيه و أخوها سيف يتريون أخوهم حمدان و بنته شروق
و سمعوا نداء على وصول طيارتهم فقالت اليازيه لأخوها سيف : أكوم وصلوا و الله وحشونا الحينه 3 سنوات ما شفناهم
سيف: تعرفين ظروف حمدان زين بس الحمدلله استقال و ارتاح
اليازيه : ياحظه حمدان منو قده عنده جواز دبلوماسي
سيف : الحمدلله على كل حال كلن ياخذ رزقه
اليازيه شافت حمدان و اشرت له بيدها شافها حمدان و سار صوبهم و سلم على سيف و قاله :
شحالك سيف شخبارك و اخبار العيال
سيف : بخير و سهاله انت شحالك شحالج شروق
شروق تبتسم لعمها : آم فاين آنكل فرحانه بشوفتكم شحالج عموه
اليازيه:بخير و سهاله شحالج الغاليه و حشتينا شحالك اخوي
شروق و حمدان : نحن بخير و سهاله
و طلعوا من المطار و كانت بانتظارهم ليموزين لنكولن موديل 2008 سوداء فقالت شروق :
بدينا بالخقه فألمانيا ما عندنا هسوالف السفير يركب سيكل مثل الناس العاديين
اليازيه : أص لا يسمعج حد ودري هسوالف و ركبي السيارة
شروق : انشالله عموه
و دخلوا الأربعه السيارة متوجهين إلى بيت سيف الكائن في منطقة الخالدية في أبوظبي

 

[رهوفة العسولة]

الفصل الثالث


سيف : وصلنا البيت منو وايد وحشتينا يا شروق أذتنا من زود ما تسأل متى بتين
شروق: و انا بعد وحشتيني وايد
فتح سيف الباب و زجر منو و امها : منو شروق يت
و يت منو تربع صوب شروق و اول ما شافتها حضنتها و قالت لها : شروقو يا البايخة وحشتينا وحشتنا سوالفج الحمدلله ان عمي استقال
شروق: و انت بعد وايد وحشتيني شحالك خالو ام فزاع
ام فزاع : طيبه طاب حالج شحالج انتي حبيبتي
شروق: بخير و سهاله خالو غرفتي زاهبه خالو
ام فزاع : هيه حبيبتي سيري بدلي هدومج و ارتاحي شويه و نزلي عقب ساعة بيكون العشا زاهب
شروق : انشاء الله خالو
منو : شروق عندج ربع ساعه و بييج بطفربج شوية
شروق: حياج الله انا بعد ابا رمس وياج
منو: اوكي اتفقنا
سيف: و انته اخوي سير ريح شويه و بعدين عقب العشا بخبرج عن الترتيبات الي سويتها عشانك
حمدان : تمام نلتقي على العشا فمان الله
سيف : مع السلامه أم فزاع تعالي شوي أباج
أم فزاع : انشالله بو فزاع
و سارت وياه و قال لها سيف : الحين قولي لي شو صار بالضبط ويا اليازيه
ام فزاع : ماشي كل لي صار ان ام هزاع يابت بطاقة دعوة حق عرس هزاع و عطتها حق منو و اليازيه سألت منو منو كان علباب قالت لها ام هزاع يايبه بطاقة عرس هزاع و انت تعرف الباجي بس منو الحين تبا تعرف شو السالفه اقولها ولا شو
بو فزاع : تدرين قولي حق منو اذا تبا تعرف تسأل عمتها
ام فزاع : صار تيا شي ولا اسير اشوف العشا
بو فزاع : توكلي على الله
في غرفه شروق كانت شروق تبدل ملابسها عقب ما غسلت ويها و ريحت شويه عقب شوي دقت منو الباب عليها و قالت : أدخل
شروق : دشي حبيبتي
و دشت منو الحجرة و قالت حق شروق يلا يلسي قوليلي شو سويتي فثلاث شهور الي طافن
شروق:ماشي طلعات وييات مع الربع
منو:يا حظج عندج ربع مب حنا مالت علينا كل شي عيب
شروق تضحك:حسبي الله على ابليسج يا منو والله سوالفج تضحك
منو :قوليلي شو اخبار ثاني وياج
شروق:تمام تدرين اخر مرة شفته قالي انه يبا يتقدم لي
منو:يا سلام وانتي شو رديتي
شروق:قفطت ومشيت من جدامه
منو تضحك:على هامان يا فرعون الحين شروقو تستحي ما ظنتي
شروق:وليش انشالله شايفتني فاصخة الحبا ولا فاصخة الحيا
منو:مو قصدي بس انتي وايد جريئة عشان جي استبعدت انج تستحين
شروق:هاي الي صار عاده اول مرة حد يخطبني عشان جي ما عرفت اتصرف
منو:تدرين ربيعتي تبا تتعرف عليج دوم ارمسها عنج عشان جي حابة تعرفج
شروق: صج وشو اسمها
منو:اسمها مزون بتشوفينها يوم الخميس فعرس اخوها
شروق:يوم الخميس بكون فبيتنا
منو:على طاري البيت ابوي شاف لكم جم فلة غاويات باجر بيسير ويا ابوج عشان يختار وحدة
شروق :اكيد ابوي بياخذني وياه عشان اختار
منو:يا بختك يا عم بتختارين بيتكم بروحج مب احنا يحلينا محد ياخذ راينا فشي
شروق:حمدي ربج ان عندج ابو شراة عمي سيف صحيح تفكيره حصى بس قلبه طيب
منو:حلاته ابوي شراة اخوي فزاع تفكيره يعيبني
شروق:على طاري فزاع وينه الحينه
منو: فدوام فضحنا مواطن وممرض
شروق:لا فضيحة ولا شي بس انتو مكبرين السالفة انا اشوفها شغلانة عادية
منو: طبعا تشوفينها لنه امج المانية
شروق:شو فيها الالمانية مب تارسة عينج
منو:مو قصدي بس تفكيرج راقي مب شراة عقول الاماراتيين
شروق :ياريت شباب الامارات تفكيرهم راقي شراة فزاع
منو: هي والله لو كلهم شراة فزاع جان امورنا غير
شروق:تدرين تفكيرج بيوديج فداهية
منو:سمعوا منو يرمس شروقو ومنكم نستفيد الي بنت عمها شراتج لازم تصير جي
شروق: خلينا نغير السالفة تدرين اليوم فطيارة صار لي موقف سويت
منو:شو صار شوقتيني
شروق:اليوم تعرفت على اماراتي باين عليه خطير صراحة استرحت له تصدقين عطاني رقمه
منو:وبتتصلين به
شروق:اوف كورس أي دو
عقب شوي صاح منبه الساعة عقب ما خبرت شوق منو عن الكلام الي دار بينها وبين فهد فقالت شروق
يلا ننزل على العشا بعدين نكمل سوالفنا
منو:امي قالت لي اخليج ترتاحين من تعب السفر عقب العشى وباجر نكمل سوالفنا
شروق:اوكي نكمل باجر ونزلوا يتعشون عقب العشى سار كل واحد حجرته وتم فحجرة الطعام سيف وحمدان يتناقشون بخصوص الفلة الي بيشتريها حمدان اما منو فقالت لها امها اذا تبا تعرف سالفة عمتها تسالها فسارت منو عند عمتها وقالت لها
عمو شو السالفة بينج وبين هزاع
اليازية تبتدي قصتها:تعرفين احنا يران من حنا صغار يوم صار عمري15 وهو17 بدينا نحب بعض يوم صار عمره21تقدم لي وابوج رفضه بحجة ان اخوي سفير وهو اهله ماعنده واحد منصبه كبير ترياني ست سنوات يعني صار عمره27عشان اقنع اخوي من ثلاث شهور عطاني مهلة شهر يا اقنع ابوج او انه بيتزوج خلص الشهر وابوج ما غير رايه والحينه هزاع بيتزوج
منو:يحليلج عمو ليش ما تكلمين شروق تكلم ابوها يمكن يقدر يقنع ابوي
اليازية:حتى لو اقتنع ابوج خلاص هو بيعرس
منو:يمكن اذا وافق ابوي يطلق حرمته
اليازية:وشو ذنب المسكينة حرمته مب انا لي اسوي جي
منو:الله يساعدج عمو الله يرزفج بلي احسن منه يلا تصبحين على خير بسير انام
اليازية:وانتي من اهله
وسارت حجرتها عشان تنام







منو:اصبحنا واصبح الملك لله اشوف الساعة جم
وشافت الساعة9الصبح وقالت:اكيد محد نش للحين بقوم اتسبح وانزل المطبخ اشوف البشكارة شو سوت حق الريوق
تسبحت منو ونزلت الدري دشت المطبخ وشافت فزاع وقالت له:شو قعدك من الصبح ما لحقت ترقد متى رجعت البارحة
فزاع:شفتي يخلص ثنتين الفير بس الغريبة ماياني رقاد وقلت انش احسن لي اتريق واسلم على عمي حمدان وشروقو على طاري شروقو شحالها للحين مثل ماهي ما غيرت طبعها
منو تضحك:اسكت لا تدش علينا الحين وتسمعك
فزاع:يلا نسير حجرة الاكل انا قلت حق البشكارة تييب الاكل
منو:على طاري الريوق شو مسويين اليوم
فزاع:شكشوكة بلاليط دونات وكرواسون
وسارت منو ويا اخوها حجرة الاكل عقب شوي دشت عليهم شروقو وقالت :السلام عليكم شحالج منو اوه انته هني يا الفارط شحالك
فزاع:ما تيوزين عن سوالفج شروقو انا بخير انتي شحالج من شوي كنت اسال منو اذا غيرتي طبعج بس شكلج عمرج ما بتغيرين
شروق تضحك:الله يقطع ابليسك لي متى بتم تحرجني متى بتيوز عن طبعك
فزاع يضحك:لين يزتي انتي عن طبعج قربي
شروق:مشكور انا مسوية ريجيم اشرب بس عصير برتقال عريوق
منو:على شو تسوين ريجيم كلج عظم ويلد
شروق تضحك:لازم تقولين جي ميتة من القهر ليش انا رشيقة وانتي دبة
منو معصبة: شروقو عن الغلط ومنو قالج انا دبة
شروق:الحين انتي مب دبة وزنج 90 ومب دبة عيل متى بتكونين دبة لين وصلتي 120
منو:على الاقل 90 احسن من 40
شروق:انا وزني 46 وطولي154 يعني وزني مثالي بنسبة لطولي
فزاع:بسكم تراكم صدعتوني اكو الريوق وصل
شروق:عليكم بلعافية انا بسير اييب لي عصير
منو:سيري يا العظامة قالت شو قالت رشاقة بلا رشاقة بلا هم
شروق وفزاع يضحكون على منو المعصبة

 

[رهوفة العسولة]

وين تفاعلكم شكلها الرواية ماعيبتكم اذا ماتبوني اكملها خبروني اكملها ولا لا

 

[إنجاز]

كملي قصتج وايد حلوة..
بس الواحد يخاف من تأثيرها على عقول الشباب الصغار والمراهقين ، فهي تدعوا بشكل أو بآخر إلى الإنفتاح الغير مقبول في مجتمعاتنا الخليجية ، أيقن بأنك لا تقصدين إلا الخير ولكن أمعني النظر لما يتناثر بين حروف هذه القصة وأنت تكتبينها.
أرجوا أن تحمل الأجزاء القادمة من القصة رياحا خيرة..

 

[رهوفة العسولة]

الفصل الرابع

عقب شوي نشت اليازية وكانت وايد متكدرة اليوم عرس هزاع وقلبها يعورها مو قادرة تتصور انه يرتبط بوحدة غيرها كله بسبة سيف الله يسامحه فال شو انا ما يوز اختي اخت السفير حق واحد عادي اليازبة تقول فقلبها وانا شو ذنبي اعاني فتحت التلفزيون على قناة النجوم وكانت عريب تغني:
فمان الله ياحبي الوحيد فمان الله واترك ما تركته
وابارك لك على الحب الجديد واعزي قلبي الي ما نصفته
انا اتمنى لك الحظ السعيد وتوصل للذي ماقد وصلته
وانا عني ترى بزجر واعيد الا يا ويل قلبن ما رحمته

و يلست تبكي على حبها الوحيد يحليها اليازية ما تستاهل الي جرا لها و هي تصيح دقت شروق الباب عليها و قالت اليازية : منو
شروق: أنا شروق عمو ممكن ادخل
اليازية : دشي حبيبتي
شروق تدش و تيلس ويا عمتها و شافت عيونها محمرة من الصياح و سألتها : عمو انتي كنتي تصيحين
اليازية : لا حبيبتي ما صيح تبين شي
شروق : عمو لا تجذبين علي انتي كنتي تصيحين بس ليش تصيحين
اليازية : لا تشيلين هم حبيبتي ما بيصير إلا الخير
شروق : لازم تقولين لي شو فيج ولا تراني بزعل
اليازية : حبيبتي اليوم هزاع بيتزوج
شروق : عارفة قالت لي منو لا تقولين انج تحبين هزاع
اليازلة: بلى احبه و هو تقدم لي بس سيف الله يسامحه رفضه قال شو قال انا ايوز اختي اخت السفير حق واحد عادي مثل هزاع
شروق: شو فيه عمي صج انه متخلف لو كان ابوي يدري جان ما خلاه يسوي فيج جي بس الحين ما شي فايدة الريال بيتزوج و ما نروم نسوي شي ما قول غير الله يعينج عمو
اليازية : مشكورة حبيبتي على كلامج الطيب بس اليوم ما با اكلم حد خبريهم اني ابا ايلس بروحي
شروق : تامرين عمو ما بخلي حد يزعجج
اليازية : مشكورة حبيبتي
شروق: أوكي بخليج الحين باي بيبي
اليازية: باي حبيبتي
و طلعت شروق من حجرة عمتها وهي زعلانه على الحالة الي وصلت لها عمتها المسكينه
سارت شروق حجرتها طلعت موبايلها و دقت على فهد شاف فهد شروق يتصل بك رد بسرعة و هو فرحان
آلو السلام عليكم شحالج شروق
شروق: عليكم السلام أنا بخير و سهالة انت شحالك
فهد : أنا طيب طاب حالج معليه ما بروم أرمسج لنه اليوم عرس اخوي و وايد مشغول معاه
شروق : أوكي ام سوري على الازعاج لين فضيت دق لي
فهد : أوكي باي و سمحي لي بس انتي تعرفين الظروف
شروق: نوبروبلم باي
فهد: باي
شروق : منو يدق الباب
منو : انا
شروق:دشي منو
منو تدش و تقول : كنتي ترمسين منو
شروق:شو تجسسين علي
منو: شو هرمسة كنت بدق الباب جان اسمعج ترمسين
شروق: كنت ارمس فهد
منو : ما سرعج حنيتي خلج ثجيله شوي الرياييل ما يحبون البنت الخفيفة
شروق: و منو قالج اني اباه يحبني تراه مجرد فريند لا اكثر
منو : نسيت انج عادي عندج ترابعين رياييل ما علينا بس انتي فالامارات مب في المانيا عشان جي لازم تنسين هالامور ولا الناس بيرمسون عنج
شروق: خلهم يرمسون ما دامني واثقة من نفسي ما يهمني حد
منو:و عمي حمدان الله يهديه مخليج على راحتج
شروق: لنه ابوي واثق مني
منو: يا بختج بابوج
شروق : الله يخليه لي انشالله
منو: اترخص تامرين علي شي
شروق: نسيت اقولج خبريهم عمو ما تبا ترمس حد اليوم مسكينه كاسرة خاطري كله بسبة ابوج البطران شو استفاد يوم اخته تعاني بسبة خقته
منو: الظاهر عمو خبرج مسكينه حتى أنا كسرت خاطري ما تستاهل الي ياها
شروق:هي والله لو ابوي درى جان خلاها تاخذه
منو:عارفة ان ابوج ما عنده خرابيط ابوي الله يهديه
شروق :خلاص الي صار صار كل شي مكتوب عند الله
منو:والنعم بالله بخليج الحين
شروق:باي بيبي
منو :باي بيبي
و طلعت منو من غرفة شروق و سارت حجرتها فتحت موبايلها تشوف منو دق عليها وما حصلت مس كول و قالت فنفسها حشا محد دق لي ولا طرش لي مسج يا بختج يا شروق تحصلين موبايلج ما يسكت مب حنا خلف الله علينا .

 

[رهوفة العسولة]

الفصل الخامس
سارت شروق حجرتها عشان ترتاح شوي عشان تتزهب حق عرس هزاع وهي حزينة عشان عمتها المسكينة اللي جنى عليها اخوها بسبب مخه المقفل فتحت اللاب توب ودشت المسن جان تلقى ثاني اون لاين ثاني هذا اماراتي عايش فالمانيا كان يارهم هناك وهو يحب شروق بس مابين لها حبه لنها تعتبره مثل اخوها وهو اكبرمنها بسنة خريج هندسة جيولوجية وتوه متخرج بعده ماحصل شغل ولد ناس معروفين في الامارات قبل ماتسافر شروق طلب من شروق تطمنه يوم توصل عن طريج المسن عاد هي مادشت المسن من وصلت الامارات الا توها ويوم لقته اون لاين طرشتله مسج ودار هلحوار بينهم
شروق:هاي ثنوي هو ار يو
رد عليها بسرعة وهو فرحان:ام فاين هو ار يو
شروق: ام فاين سوري مالقيت وقت ادش المسن قبل الحينه عشان اطمنك علي
ثاني:جان دقيتي على تليفوني
شروق: كنت مشغولة تعرف لازم ايلس ويا الاهل ها ماعندك علوم يديدة
ثاني: هي عندي دادي اقترح علي ارد الدولة واشتغل فيها وانا وافقت (يحليله روميو يبا يكون جريب من حبيبة القلب)والحينة برتب اموري عشان السفر شروق ممكن اطلب منج طلب
شروق: ممكن تفضل شوتبا
ثاني: طلعتي رقم اماراتي
شروق:هي طلعت تباني اعطيك اياه
ثاني: هي اذا ماعندج مانع
شروق :اندوك هذا رقمي
وعطته رقمها
ثاني:انشالله يوم اوصل البلاد بدقلج من رقمي الاماراتي
شروق: انشالله توصل بالسلامة ثنوي بخليك الحينة بسير اتزهب حق عرس ولد ييران عمي سلم على الاهل يلا باي
ثاني:باي الله يحفظج خلي بالج على نفسج
وسكرت اللاب توب وسا ختار فستان عشان تلبسه واختارت فستان احمر قصير موديله بسيط بس انيق وتمكيجت مكياج خفيف كان عبارة عن ماسكرا وبلاشر وردي فاتح وغلوس وردي اما الاكسسوارات فاكتفت بساعة رولكس شافت نفسها فلمنظرة وقالت خلاص الحين هانا زاهبة بسير اشوف منوا ذا زهبت ولا لا وطلعت من حجرتها وسارت حجرة منو دقت الباب وردت عليها منو
منو:منو عباب
شروق:انا شروق
منو:قربي
دشت وشروق وشافتها مب زاهبة فقالت:بعدج مازهبتي
منو:بعدني باجي البس اكسسواراتي واتعطر
شروق:من صجج بتسيرين جي غادية مهرج بسبب هلميك اب وايد over
منو:بدينا نتخقق مب عشان انتي حلوة وماتحتاجين فل ميك اب عشان تبرزين جمالج يعني احنا شراتج لازم احط فل ميك اب عشان انا مب جميلة والمكياج الي حاطتنه يدوب يخليني حلوة وبعدين انتي من صجج بتسيرين جي تتحرين عمرج فالمانيا اذا سرتي جي الناس بتاكل ويوهنا سيري لبسي عباة
شروق:لا بسير جي والي يبا يرمس خليه مايهمني حد
منو:اذا كنت سايرة بروحج برايج بس انتي سايرة ويانا الناس مابيرمسون عنج بيرمسون عنا احنا وامي اكيد اكيد مابتشلج بدون عباة
شروق:خلاص كلتينا بلبس بس ماعندي عباة
منو:سهلة طولج شراة طولي بعطيج عياة من عباياتي بس اكيد بتكون وايد وسيعة عليج
شروق:نوبروبلم يبيلي الحينه وانشالله بفصل عباية حق مثل هلمواقف
منو:خلاص واذا تبيني اوديج المحل الي اتعامل معاه ماعندي مانع
شروق:يلا بسج من السوالف تزهبي بسرعة وعطيني عباة
وسارت منو تطلع عباة حق شروق وعطتها اياها فقالت شروق:ثانك يوم نو اسمع امج تزجرنا بسير اشوفها واخبرها انج بتنزلين اول ماتزهبين لاتتاخرين وايد
منو:مينونة اتاخر على الوالدة والله لتاكلني وانا حية
طلعت شروق وقالت لام فزاع:خالو دقايق وبتزهب منو انا بلبس عباتي الحين ترومين تخلين الدريول يشغل السيارة لين تخلص منو
ام فزاع:خلاص بسير اخبره يطلع السيارة من القراج وانتو لحقوني بس اذا تاخرتو بنزل اييبكم
شروق:لاتخافين خالو مابنتاخر
عقب شوي نزلت منو وسارت ويا شروق السيارة وانطلقت السيارة متجهة الى الفندق المقام فيه العرس

 

[رهوفة العسولة]

الفصل السادس :
وصلت السيارة للفندق المقام فيه العرس وكان من أفخم فنادق أبو ظبي نزلوا الجماعة و دشوا لقاعة الفندق و طبعا كان في استقبالهم عائلة العروس و المعرس و طبعا كان في استقبالهم أم هزاع أم المعرس و أخت المعرس مزون الي أول ما شافت منوه ربعت صوبها تسلم عليها ودار هذا الحوار بينهم :
منوه : السلام عليكم شحالج خالوه ام هزاع , شحالج مزون ؟
مزون : بخير و سهاله , شحالج أنتي دبوه ؟
منوه : ما شاء الله عليج الي يسمعج يقول أنج قمة في الرشاقة .
" ضحكت مزون"
مزون : هاذي شروق بنت عمج صح ؟ما شاء الله عليها وايد جميلة شكلها اليوم بتنخطب من نص الحريم الي في القاعة حق أولادهن .
"ضحكت شروق "
شروق : اهلين مزون يوآرفري سويت مشكوره حبيبتي عيونج الحلوه بس شكلج وايد بالغتي .
منوه : لاتسوين عمرج ماتعرفين انج وايد جميله يا حظج امج المائية لازم تطلعين ملكة جمال مب احنا يحليلنا .
مزون : منوه ذكري ربج لاتحسدين بنت عمج تفضلوا هاذي طاولتكم .
ويلست أم فزاع ومنوه و شروق على الطاولة وقالت :
شروق : فري نايس الأعراس هني كلها بهل الفخامة .
منوه : لاطبعا كل ناس وحسب مقدرتهم المادية .
"وخطفت عليهم ساعة و حطوا العشاء "
"فاستغربت شروق" وقالت : من صجكم تاكلون عيش ولحم في العشاء ؟؟
منوه "تضحك " : هي ليش مستغربه ؟
شروق : عشان جي غاديه درام إذا كنتوا تتعشوا عيوش ولحم مالومج , سوري ما روم آكل عيش فليل مابا يزيد وزني .
منوه : برايج بس منظر العيش مايشهيج ؟؟
شروق " تضحك " : لا حبيبتي عليج بالعافية أكلي لين تعدي وزنج ثلاثة ارقام .
منو " تضحك " : حرام عليج يالظالمه الله لا يقول إن شاء ما يوصل وزني مئة .
شروق : امزح معاج يالدبةه ما تعرفين متى الواحد يمزح معاج و متى يكون جاد .
وعقب ما خلصوا العشاء بدن الحريم يلبسن شيلهم و عباياتهم فسألت شروق منوه : ليش الحريم يلبسن عباياتهن ؟
منوه لأنه الريايل من أهل العروس و المعرس بيدشون الحين يزفون المعرس .
شروق : تحريت بعد عندكم عيب المعرس و أهل المعرس و العروس يدشون .
منوه : شو شكلج نسيتي انج إماراتيه يالسه ترمسين جنج مب منا .
شروق : لا تنسين أني عايشه فالمانيا طول حياتي موحاسه أني إماراتيه يبالي وقت عشان أتأقلم و لوا أن عاداتكم فري ديفيكالت فور مي بس شو أسوي لازم أتعود .
منوه : بتتعودين إن شاء الله و طبيعي تحسين أنها صعبه عليج لأنه عاداتنا وايد مختلفه عن عادات الأوروبين بس فالنهايه أنتي إماراتيه و لازم تتطبعين بطباع أهلج وناسج و أنا بستمتع و أنا أشوفج تتغيرين أكيد صعبه تغيرين الي تعودتي عليه بس ماشي حل جدامج الا انج تتغيرين .
شروق : لا تنسي أن لي شخصيتي و ماراح الغي شخصيتي عشان عادات و تقاليد جديمه ولي مايعيبه يشرب من البحر ما دامني واثقه من أخلاقي و نفسي ما علي من كلام الناس صحيح في أمور ممكن أغيرها بس أكون مقتنعه فيها وابوي ماراح يضغط علي وايد عشان أتغير .
منوه : هي و الله يا بختج بعمي حمدان ياريت أبوي شراته أنا مستغربه كيف أبوج و ابوي اخوان فرق السماء و الأرض بتفكيرهم و طباعهم .
شروق : لأنه أبوي عاش فألمانيا و أبوج هني طبيعي تكون أطباعهم مختلفة لأنه البيئة إلي عاشوا فيها مختلفة .
وعقب شوي حصلت مفاجأة ما خطرت على البال فشو هي المفاجأة هذا ما ستعرفه في الجزء السابع .
الفصل السابع :
عقب ثواني دخلوا الريايل وكانت شروق يالسه تشوفهم و فجأة شافت فهد وا ستغربت شروق و سالت منوه : منوه تعرفين منو هذا الشخص .
و اشرت على فهد فجاوبنها منوه : هي هذا فهد أخومزون ليش تسألين عنه ؟
"فردة شروق ": هذا هو فهد الي شفته في الطياره الي كلمتج عنه .
"فضحكت منوه " : كيف ما خطر على بالي صح مزون خبرتني أنه بيرجع أمس نسيت هذا . شروق انتبهت أنه فهد شافها وبتسم .
شروق : شوفي يالله شافني و ابتسم اكيد عرفني اوه صح اليوم يوم رمسته عتلفون قالي ان اخوه بيعرس اليوم .
وشافت فهد يالس يكلم مزون وعقب شوي يات مزون وجهت كلامها لشروق :
طلعتي أنتي وخوي معرفه توه يسأل عنج و خبرني أنه شافج في الطيارة أمس كان ساير ألمانيا يحضر مؤتمر تابع لشغله تراه يشتغل فادنوك فرح يوم عرف أنج يارتنا شكله اخوي طب و محد سمى عليه .شروق " منحرجه " : مزون الله يهديج عشان رمست وياه دقايق يعني خلاص طب صج أن تفكيركم وايد تقليدي .
"ضحكت " مزون : بنشوف الأيام هي إلي بتثبت لج صحة كلامي أو عدمه.
منوه :مزون بسج احرجتي البنت عموما ايام وبتنتقل شروق لبيتها و يا ابوها .
مزون : يا خسارة أنا حبيتها و كنت أتمنى نكون صديقات بس بتسير عنا .
شروق : ثانكيوا حبيبتي و أنا بعد حبيتج و نقدر نتواصل بالتلفون يوم نتحول و هذا رقمي . " و عطتها رقمها و عقب شوي رجعوا البيت , و يوم وصلوا كل وحده قالت حق الثانيه تصبحين على خير وساروا غرفهم عشان ينامون " .
و في صباح اليوم الثاني نشت شروق على صوت التلفون فردت عليه و كان فهد و دار بينهم هذا الحوار :
شروق : آلو قود مورننج فهد كيف اصبحت اليوم .
فهد : أكيد اصبحت بخير يوم سمعت صوتج البارحة كنتي منوره العرس تفاجأت بوجودج و المفاجأة الكبيره أنا احنا طلعنا جيران .
شروق :مب جيران لأنه عقب جم يوم بنتحول .
فهد : ياخساره يعني ما بنقدر نشوفج بعدين ؟
شروق : ليش ما بنشوف بعض أنا هليومين بطلع ازور الأماكن في أبو ظبي و ممكن نتلاقى .
" استغرب " فهد : أنا حاس أنج وايد متحرره تعرفين إذا حد شافنا شو بيقولون عنج انج بنت مب زينه .
شروق : ليش عاد ترانا فمكان عام و أنا مايهمني كلام الناس دام
أني واثقه أني ما سوي شي غلط .
فهد : شروق لازم تحاسبين على سمعتج بعدين محد بيتزوجج إذا سمعتج مشكوك فيها
.شروق : منو قال لك أني بتزوج أي شخص لازم أتزوج من الشخص الي يختاره قلبي .
فهد : هالخرابيط مب عندنا الريال الي يكلم وحده ويطلع وياها مايتزوجها .
شروق : وشو هتفكير المتخلف إذا هذا تفكيركم احسن لي ما أتزوج و إذا حبيت شخص و تفكيره جي احسن لي ما أتزوجه لأنه اكيد ما يناسبني .
فهد : انا نصحتج و أنتي بكيفج بخليج أحين وراي شغل اكلمج فوقت ثاني باي .
شروق : باي سي يو ليتر .
الفصل الثامن :
طلعت شروق من غرفتها و سارت لحجرة عمتها اليازيه تتطمن عليها و بعدين سارت تتريق و استأذنت من ابوها عشان تبا تسير المول ووافق ابوها و يوم دشت المول التقت بالصدفه ويا ثاني ودار بينهم هذا الحوار :
ثاني : هاي شروق هاو آر يو ؟
شروق : آم فاين متى وصلت البلاد حمدالله على السلامة .
ثاني : البارح وصلت وكنت بدق لج بس الوقت كان متأخر فقلت بدق لج اليوم .
شروق : خلاص ناوي تستقر هني ؟
ثاني : هي إن شاء الله مو ناقصني إلا بنت الحلال ؟؟
شروق : متأكد أنك بتلاقيها و لا في في وحده معينه فبالك ؟؟
ثاني في وحده فبالي بس المشكله هي ما تدري بحبي لها وأخاف أصارحها وما أكون فبالها اطلاقا .
شروق :فري نايس عمرك مارمستني عنها خبرني وين شفتها وكيف حبيتها وكيف شكلها ؟؟
ثاني : مب وقته الحين أرمسج عنها فوقت ثاني أنتي خبريني متى بتنتقلين بيتكم ؟؟
شروق : هلا سبوع إن شاء الله .
ثاني : ضروري تعطيني عنوانج أوه نسيت هذا رقمي الإماراتي ضروري تدقين لي .
شروق : اوف كورس بدقلك اوه شفت شخص أعرفه خليني أعرفه عليك .
الشخص الي شافته كان "فهد" وكان ربيعه وياه فزجرته "شروق" فشافها مع ثاني فجرب منهم وقال : أهلين شروق شحالج ؟
فردت شروق : بخير وسهاله أنته شحالك ؟؟اعرفك بصديق طفولتي ثاني , ثاني هذا فهد ولد جيران عمي سيف التقيت به فالطيارة الي يابتنا هني .
مد ثاني ايده و ابتسم فصافحه فهد وقال ثاني : تشرفت بمعرفتك .
فرد فهد : الشرف لي استأذن أنا شروق مثل ما تشوفين ربيعي معاي .
شروق : مسموح سير حق ربيعك .
وعقب ما ردت البيت دق فهد حق شروق وقال : شروق وين تتحرين عمرج عايشه إذا استمريتي جي الناس بترمس عنج انتي فالامارات مب فالمانيا .
شروق : ما علي من حد أنا مقتنعه بالي أسويه .
فهد : بس أنا خايف عليج من كلام الناس .
شروق : وليش خايف علي انت ماتقرب لي عشان تخاف علي .
فهد : اعتبريني اخوج الي يفكر بمصلحتج .
شروق : مشكور انا أدري بمصلحتي .
فهد : برايج الي علي سويته وانت سوي الي يريحج ..
وانتقلت شروق لبيتها ويا ابوها و كثرت المكالمات بين فهد وشروق و كثرت اللقاءات وبدت شروق تحب فهد وفهد بعد بدا يحبها وعقب مرور ثلاث شهور ... دار بينهم هلحوار على التليفون :
فهد : شروق ممكن أسألج سوال و تجاوبيني بصراحه من غير خجل ؟؟
شروق : تفضل أسأل .
فهد : شو شعورج أتجاهي ؟؟
" شو تتوقون جواب شروق هذا ما سنعرفه في الجزء التاسع "
الجزء التاسع ...
شروق : شو هالسوال المحرج ؟؟ لو أنا سألتك هسؤال شو بتجاوب ؟؟
فهد : لول انتي جاوبي .
شروق : ما يصير لازم أنته لول تجاوب .
فهد : بصراحه أنا أحبج و أخاف ماتبادليني هشعور .
شروق : تطمن شعورك مثل شعوري .
فهد : انزين ممكن اطلب منج طلب و ماترديني ؟؟
شروق : تفضل .
فهد : ابا اخطبج من أبوج شو قلتي ؟؟
شروق : أهلك يدرون ؟؟
فهد : لا قلت لول اشوفج و إذا وافقتي اخبر اهلي .
شروق : خبر اهلك لول يمكن ماتعيبهم أطباعي اذا وافقوا انك ترتبط فيني خبرني و بعطيك جوابي .
فهد : فالج الطيب بس لول طمنيني إذا وافقوا تتزوجيني ما يصير افاتحهم إذا انتي رافضه .
شروق : لا تخاف إذا وافقوا أنا موافقه .
سار فهد حق أمه وقال لها :
أمي انتي من زمان تبيني أتزوج صح ؟؟
ام هزاع : اكيد وليدي شو اخيرا لقيت بنت الحلال الي اقنعتك تترك العزوبيه .
فهد : هي امي لقيتها وانتي بعد تعرفينها .
ام هزاع : و منو هلبنت الله يفرح قلبها مثل ما فرحت قلبي ؟؟
فهد : شروق بنت حمدان اخو يارنا سيف .
ام هزاع " معصبه " : منو قلت مالقيت الا هلبنت الصايعه الي ماتهتم بسمعتها .
فهد: امي هي مب صايعه بس ماتقدر تغير العادات الي تربت عليها .
ام هزاع : و انا ماقدر ازوجك وحده الكل يرمس عنها انساها ياولدي هي ماتصلح لك بعدين الناس بتاكل ويوهنا إذا خذتها .
فهد : امي بس أنا احبها الله يخليج لاترفضين .
ام هزاع : اطلب منها تصطلب لول إذا غيرت طباعها بعيد التفكير فلموضوع .
فهد : إن شاء الله بطلب منها .
ويوم خبرها فهد عصبت عليه و قالتله : شو قالت منو تتحرى عمرها اسمح لي فهد بس هاذي النهايه بينا أنا ما أسمح لأي انسان يشكك فأخلاقي بليز امسح رقمي و لاتحاول ترمسني او تشوفني باي طريقه باي .
و سكرت التليفون فويهه و و مسكينه انصدمت فيه وبدت تصيح طول اليوم وما تاكل ولا تنام و فيوم من الايام دق لها ثاني فردت عليه :
اهلين ثاني هوآريو ؟؟
ثاني : آم فاين شو فيج هالايام مختفيه مادقين ولا اشوفج فأي مكان من الاماكن الي تحبين تسيرينها ؟؟
شروق : نفسيتي تعبانه .
ثاني : سلامتج خير إن شاء الله إذا حابه ترمسين خلينا نتقابل في الكوفي شوب و ذكر لها أسم الكوفي شوب فوافقت تقابله بعد نص ساعه و سكرت التليفون و نزلت تخبر ابوها الي وافق على طول خاصه انه لاحظ حزنها في الايام الي راحت وحب تطلع من هلحزن الي هي فيه فوافق فلبست ملابسها و سارت الكوفي شوب و يوم شافته قالت : اهلين ثاني شحالك ؟؟
ثاني : بخير وسهاله انتي شحالج ؟؟
شروق : حالي مايسر لاعدو ولا حبيب .
ثاني : يالله بستر يلسي و فضفضي .
يلست شروق و فضفضت كل الي فقلبها فقال لها : حمدي ربج انها يات على جي الله يعوضج بالي احسن منه شروق صار لي فتره أحاول افاتحج بموضوع بس خايف تزعلين مني.
شروق : لا تخاف مابزعل تكلم .
ثاني: لول وعديني إذا ما عيبج كلامي انسي الي قلته وتبقى علاقتنا مثل ما هي ؟
شروق : اوعدك تكلم .
ثاني : تذكرين من فترة سالتيني إذا لقيت بنت الحلال و قلت لج أجلي الموضوع ؟؟
شروق : هي أذكر لاتقول هلبنت هي أنا ؟
" كانت تمزح معاه" فرد عليها : هي أنتي سنين و أنا أحبج وكاتم حبي بس ما اقدر أصبر أكثر يهمني أعرف جوابج ابا اتزوجج حتى لو ما تحبيني يمكن مع الايام تحبيني ما أطلب جوابج ألحين فكري فالموضوع و انا بتريا جوابج حتى لو عقب شهور فكري على راحتج .
شروق " مصدومه " : إن شاء الله بفكر بس أنت فاجئتني .
ثاني : عارف اني فاجئتج بس لازم اعرف وين مكاني فحياتج حتى لو رفضتي أتمنى صداقتنا تستمر .
شروق : أكيد ثاني انته مثل أخوي ما أقدر أستغنى عنك خليني أفكر و يوم أكون مستعده بعطيك جوابي .
شو تتوقعون جوابها هذا ما سنعرفه في الجزء العاشر .

 

[ΣίšŠ.Ќάšћ5ђ]

الرواايه حلوه
وين الجزء البااقي
يلا كمليهاا خيتوو نتريااج بأحر م اليمر هااع ~​

​

 

[رهوفة العسولة]

الجزء العاشر .
و في اليوم التالي سارت شروق بيت عمها حمدان و لقت مفاجأتين بانتظارها وحدة تخص عمتها اليازيه و الثانية تخص فهد شوهن هلمفاجأتين ؟؟
الأولى يوم يلست ويا عمتها اليازيه دار بينهم هلحوار :
اليازيه : شحالج حبيبتي شروق شكلج متضايقه في شي مزعلنج ؟؟
شروق : هي عمو انا محتارة و محتاجة حد ينصحني .
اليازية : رمسي حبيبتي و بقولج رايي .
فخبرتها شروق عن قصتها ويا فهد و ثاني , فقالت لها عمتها : شروق حبيبتي لاتفرطين فلانسان الي يحبج أكيد مع الايام بتنسين فهد انصحج توافقين عليه و أنا بعد عندي سالفه ابا افاتحج فيها لأني حاسه انج ترومين تساعديني .
شروق : عيوني لج عموه رمسي .
اليازيه : هزاع حرمته توفت فحادث و يبا يرجع لي ترومين تخبرين أبوج يقنع أخوي سيف أنه يوافق يزوجني له ؟؟
شروق : فالج الطيب عموه برمسه و برد عليج .
اليازيه : تسلمين حبيبتي .
وعقب شوي يات منوه من عند مزون وشافت شروق و قالت : أهلين حبيبتي من زمان ما شفتج شروق و قالت :
أهلين حبيبتي من زمان ما شفناج شو علومج ؟؟
شروق : علوم الخير شكلج فرحانه خير إن شاء الله فرحينا وياج ؟؟
منوه : توني راده من عند مزون خبرتني أنه أخوها فهد بيخطب فلانه و ذكرت اسم وحده من بنات الجيران فتغير ويه شروق من الألم كيف نساها بهل السهوله فا ستأذنت و سارت
فعصبت اليازيه على منوه و قالت : انتي دوم ماتيبين الا الأخبار السيئة .
منوه : ليش تقولين جي عموه ؟؟
اليازيه : لول يبتي خبر زواج هزاع و ذبحتيني و الحين يبتي خبر خطبة فهد و ذبحتي شروق .
منوه : شو قلتي شروق تحب فهد ؟؟
اليازيه : هي يالفهيمه .
منوه : و أنا شو دراني محد خبرني بأي شي و أنا دوم أكون آخر من يعلم ليش ما خبرتني مزون ؟؟
اليازيه : لأنها ماتدري الي يعرفون الموضوع أنا و أم هزاع و فهد وبس .
منوه : و أنا الرابعه خبريني شو الموضوع , وخبرتها اليازيه بالموضوع فقالت لها منوه :أنا ياما حذرتها و هي ما سمعت الكلام شوفيها الحين خسرت حبيبها بسب طباعها الله يعينها المسكينه خليني أدق لها و أعتذر لها عن الموقف الي صار دقت لها و اعتذرت و قبلت شروق اعتذارها و عقب ما عرفت بخطبة فهد قررت ان تعطي ثاني قرارها فشو كان قرارها هذا ما سنعرفه في الجزء الحادي عشر .

 

[رهوفة العسولة]

الجزء الحادي عشر
اتصلت شروق بثاني و قالت له : ثاني أنا اتخذت قراري و أنا موافقه اتزوجك تروم تكلم أبوك وتييبه تقابل ابوي عشان تخطبوني فرح ثاني و دق حق أبوه فألمانيا و قال له : أبوي أمنيتي تحققت شروق وافقت تتزوجني متى تروم تي عشان تخطبها من أبوها ؟؟
وحدد ابوه موعد جيته بعد عشر أيام و خبر ثاني شروق بالوقت و عطته رقم ابوها الي فرح أنه بنته بتتزوج و فرح الجميع بالخطبة و تذكرت شروق عمتها فخبرت ابوها الي قدر يقنع سيف بالخطبه و قرروا يسون عرس اليازيه و شروق في اليوم نفسه ولما عرف فهد بخطوبة شروق زعل وايد بس كان مقتنع أنه الزواج قسمه و نصيب و تزوج هو البنت الي اختارتها امه و مرت الأيام و خطفت سنه على زواج شروق و ما قدرت تحبه و فهد نفس الشي ماقدر يحب زوجته أما اليازيه فعاشت في سعاده ويا هزاع أما فزاع فتزوج مزون الي كان يحبها من فترة طويله و هي كانت تبادله نفس المشاعر تزوجوا عقب زواج شروق و اليازيه بسنه كامله .
وبدت شروق تعصب من قلة غيرة ثاني ما طلب منها تتحجب وكان دوم يطلعها الكوفي شوب و يعرفها باصدقائه بعده متطبع باطباع الألمان ويشوف الأمور عاديه بس شروق ملت من عدم غيرته فعصبت عليه في يوم من الأيام وقالت له : أنته ماعندك غيره علي انته ماتستحي من كلام الناس عنا أنا مليت من برودك احنا عايشين فالإمارات مب فألمانيا أنا ما حب الريال الي ما يغار على زوجته أرجوك طلقني أنته يبالك وحده بارده دم و أنا مب جي
حاول ثاني يصلح الوضع بس ماقدر واستسلم في النهايه وطلقها أما هي عقب الطلاق تحجبت و التزمت بعادات أهلها الي ما تسمح للبنت انها تتحرر مثل حرية الأوروبيين وبدا الكل ينعجب بالتزامها بالعادات و التقاليد و استمر حالها جي حوالي سنه وعقب سنه حدثت مفاجأه غيرت حياة شروق للأفضل فشو هي المفاجأه هذا ما سنعرفه في الجزء الأخير من الروايه .
ملاحظة :اذا ماحصلت 5ردود على الاقل مابحطلكم الجزء الاخير

 

[ساعديه طر]

كمليهاااااا فديتج مشكوووره واااايد حلوه

وبذلتي فيهاا مجهود


تقبلي مروري

 

[7lm wrdy]

يسلمو

ننتظر المزيد
منج
اختيهـ

 

[بو مايكل]

يسلموا اختي ع القصه
.......ونتريا الجزء العاشر ...........
::s13::::s13::تقبلي مروري
:4f7c50bc2e7eee3c450

 

[بو مايكل]

مشكوره اختي وننتضر الجزء العاشر
.............تقبلي مروري................:imua31::imua31::imua31:

 

[سمو قلب]

اتمنى لكم قراءه ممتعه.

 

[بو مايكل]

الروايه حلوه بس عندي تعقيب بسيط الروايه من يوم قريتها كلها زاواج
ف يعني لو يكون الجزء الاخير احداثه غير
........والتعقيب الثاني كيف هزاع لما توفت حرمته بالحادث مامر وقت يعني علشان يخطب اليازيه.......
,,,,,,,,,,,,,,,,تقبلي مروري,,,,,,,,,,,,,,,,,,,,,,,,,
بو مايكل
:imuae56::imuae56::imuae56::imuae56::imuae56::imuae56::imuae56:

 

[رهوفة العسولة]

اقتباس:
المشاركة الأصلية كتبت بواسطة بو مايكل
الروايه حلوه بس عندي تعقيب بسيط الروايه من يوم قريتها كلها زاواج
ف يعني لو يكون الجزء الاخير احداثه غير
........والتعقيب الثاني كيف هزاع لما توفت حرمته بالحادث مامر وقت يعني علشان يخطب اليازيه.......
,,,,,,,,,,,,,,,,تقبلي مروري,,,,,,,,,,,,,,,,,,,,,,,,,
بو مايكل

:imuae56::imuae56::imuae56::imuae56::imuae56::imuae56::imuae56:
هلايام الرياييل اول ماتتوفى حريمهم على طول يتزوجون

 

[رهوفة العسولة]

الجزء الثاني عشر و الأخير :
في بيت فهد و أمل صارت مشاجره كبيره هذا مضمونها :
أنا مليت من برودة أعصابج أنتي ماعندج أحساس ماخذه الدنيا كلها مزاح وفرفشه ماعندج جديه أنا مليت .
أمل: أنت وايد جاد أنا بعد مليت من جديتك الزايده .
فهد: لا والله هذا الي قاصر مب عايبنج عيل انتي طالق
وطلقها حاولوا الأهل يصلحون بينهم بس ماقدروا لأنه فهد عرف أن شروق تطلقت ويبا يرجع لها فاختلق هلمشكله عشان يطلق زوجته ويرجع لشروق حتى لو أهله ماوافقوا لأنه أكتشف أن فراقه عن شروق كانت أكبر غلطه غلطها فحياته و ان حبها بعده ساكن قلبه .
المهم عقب ماطلق زوجته فاتح أمه فموضوع شروق فرفضت أمه فقال لها :
أمي شروق تغيرت وصارت ملتزمه بعاداتنا ليش بعد ترفضين أنا أحبها حاولت أنساها ماقدرت زواجي كان غلطة ظلمت بنت الناس و ظلمت نفسي و ظلمت شروق حسي فيني أرجوج أمي ماعندج عذر الحين عشان ترفضين البنت صارت زينه .
أم هزاع : بس هي مطلقه انته تروم تتزوج بنت بدل مطلقه .
فهد : بس أنا أحبها حتى قبل ماتتزوج هذا قلبي الي حبها قولي لي شو أسوي بقلبي؟
أم هزاع : أكيد هلبنت مسويه لك عمل .
فهد : الله يسامحج أمي هي حتى ماتدري أني بعدني احبها كيف ترمسين عنها جي ؟؟
أم هزاع : خلاص ياوليدي برمس أبوك ولي فيه الخير ربي يجدمه .
وكلمت أم هزاع أبو هزاع الي وافق فكلم سيف الي كلم أخوه حمدان وحدد وقت عشان الخطبه .
ويوم عرفت شروق أنه فهد تقدم لخطبتها فرحت لأنها بعدها تحبه وما اختلقت الخلاف الي حصل بينها وبين ثاني الا عشان ماقدرت تنسى فهد وما حبت تظلم ثاني فاختلقت المشكله عشان يطلقها فوافقت تتزوج فهد يوم تقدم لها أما ثاني فالتقى بامل طليقة فهد وحبها وتزوجها ففرحت له شروق وهو فرح يوم عرف أنها بتتزوج فهد و اخيرا عاش الجميع في سعادة و هناء ماعدا المسكينه منوه الي قعدت وحيده فقررت تنزل وزنها لأنها وايد دبه فظنت أنها يوم بتستوي رشيقه بتحلو وبتلقى نصيبها و بالفعل عقب ما نزلت وزنها استوت حلوه و شافتها احد الامهات في عرس من الاعراس و خطبتها حق ولدها وتزوجت أما حمدان عقب مايابت شروق بنت سماها ساره على اسم زوجته المتوفيةو كانت حفيدته تشبه يدتها نزلت دموعه وتذكر شروق وهي صغيره يوم كانت امها تشوفها بنفس نظرة الحنان الي شافها في عيون شروق فحس انه ملك الكون كله زوجة شاركته الحياه5 سنوات وكانت اجمل خمس سنوات في حياته ويابتله هالبنت الي هي محور حياته الحين ... والحين بنته يابت له الحفيده الي تشبه زوجته الحبيبه شو يبا من الدنيا اكثر من جي ..
وهاذي هي النهايه لا تبخلوا علي بردودكم ورايكم في الروايه .