[ ..البروفيسور جوهان جانثر..]

[غالي الأثمان]

بسم الله الرحمن الرحيم..

/

سمعنا اخبار عن استقالة البروفيسور جوهان جانثر,, طبعا اذا كان هالخبر

صحيح راح تتلعوز امور كثيره..لانه بالصراحه والكل يشاركني اعتقد هالراي

انه البروفيسور ماقصر ابدا وكان قريب من الكل,, كان متواضع بصوره كبيره

وكل اللي بالجامعه يحبووه,, ماندري شو الاسباب؟

وماندري من وراء هالاستقاله؟؟

وماندري هل استقال بكيفه او هناك اموور خلف الستار؟؟

طبعا احنا كلنا نصدمنا من هالخبر,, وكلنا حزننا,,لكن نتمنى انه هالخبر مب

صحيح.. ونتمنى ايضا ان المسؤولين عن الجامعه نتمنى منهم عدم التفريط

برجل كان كالذهب تعامله وكانت الابتسامه من محياه كدافع للطلاب

للعطاء الدراسي وبذل المزيد من الجهود للتفوق والتميز,, اعلنها بصراحه

ان خروج البروفيسور سيكون اكبر خساره للجامعه هذا رأيي ورأي الكثير..

في الاخير نتمنى ان هذا الخبر غير صحيح ونتمنى ان لا يخرج البروفيسور

من الجامعه.. ونتمنى انه هالكلام يوصله ونتمنى انه يعرف انه طلابه كلهم

يبوه يبقى ف الجامعه

 

[Emotions]

صدق والله خرووج البروفيسوور خساره كبيره

واكيييد ورا هالموضوع ناااس حسااااد الله لا يوفقهم يااارب

ياااريت الادااارين لو بايدينهم شي يوقفون يمه ولا يخلوونه يطلع ومثل ما يقولون باجر اخر يوم له في البلاد واذا رااااح ما اظن انه اموور الجامعه رااح تتيسر بدوونه واظن الكل عاااارف هالشي البروفيسور كان مكتبه مفتوح للجميع وعمره ماردلنا طلب والله ....

 

[Emotions]

Prof. Dr. Johann Günther

please don't leave us

 

[الضمير الحي]

حلوه هذي
كل واحد يتخلى عن الجامعه لين ما تنهدم
والضحايا الطلاب
والسبب عدم وجود أنظمه سلسة تخدم الكل
واااااااالله اااااااالمستعاااااااان

 

[دموع الشوق]

شووه هذا الخبر المحزن إلا لفاجعه
نحن من بعد برفسور جانثر في الجامعه أيتاام !!
بصراحه كله و لا لبرفسور جانثر /

أخ غالي الأثمان أنت متأكد من هذا الخبر ؟؟؟


فعلاً نتمنى أنه مب صحيح أنا هذا بالنسبه لي أحسن شخص تعاملت وياهـ في الجامعه

إنــــسان في قمة التواضع يرحب فينا من بعيد لما ندخل باب الجامعه دايم يدعي لنا بالتوفيق و يشجعنا .....الـخ
بـــإختصــار /
نحن ما نبي جانثر يروووح تكفووووون و صلوا له هااي رمسه هو شرات أبونا و أخونا هو الي يحل أمورنا في الجامعه
بالرغم المظاهرات و المشاكل الي صارت في لجامعه جان صامد و يحل أمورنا قد م يقدر
و الحين شو صار ؟؟؟

فهمونا !!
خصوصاً هاي لفتره الجامعه في أمس الحاجه له !!
جان و نعم البرفسور!!
يحترم طلاب و رأيهم عمري ما شفته يغلط بحق أحد

فهمووونـــا ؟؟؟؟

إحترآآآمناا الشديد لك يا برفسور جانثر نحن نبيك أمانه لا تظهر !!​

 

[أحذر كل الحذر]

ياخي جد والله خلوني عميد حق الجامعه والله اموركم بتكون طيبه الحمدالله عندي موهلات وايد
عندي شهادت ثالث ثنوي وعندي شهادت تقدير صف اول عدادي

 

[زنوبه سبورت]

بالفعل البروفسور اطيب شخص قابلته بحيااتي..واتمنى انه الكلام يكوون مب صحيح

انا اضم صووتي ويااا غالي الاثمان والكل...نحن ما نتمنى البروفسور يطلع من الجامعه ابدا..~

:a033:

 

[awad baloosh]

صرااحه ما حاله هذي

ياخي انا اتكلم صدق ليش ما يوصل لكلام لسلطان قابوس وين الصرح التعليمي الي السلطان مهتم فيه .. ليش ما يعرف عن جامعة البريمي
انا الي اخافه انهم يسون فينا نفس الطلاب الي كانوا ضحايا اول ..​

 

[هياا]

صراحة البروفيسور اكثر شخص طيب و متواضع و خلوق شفته في حياتي غير انه يحب مساعدة الغير ويدور على راحة الطلاب ياما ييت عنده و عندي مليون مشكله واهو تكفل بحلها

الصراحة بتكون خسارة كبيرة للجامعة لو تركته
يا بروفيسوور
Johann Günther

كفاية ها البروفيسور يوم يشوف الطلاب يروح يبادر يسأل عنهم و عن اخبارهم ومشاكلهم
ما ينتظرنا نروح له بريولنا اهو يلي يينا :angry3:

ياريت اي احد يقدر يخليه موجود في الجامعة من اداريين وإلخ
يخليه في الجامعة لان صج محتاجين بروفيسور يفهم وعنده عقل مثله

 

[هياا]

على فكرة اهو الوحيد يلي كان يحاول ينزل لنا درجة الايلتس ل 4,5
ولو راح بيردون درجة الايلتس ل 5.5

ياليت ردونه الجامعة وإلا الطلاب بيتبهدلوون :cry:

 

[awad baloosh]

احتمال يجيبوا من عايلة نايدوا برفسور .. لو صارت هذي

اكييد على الدنياء السلام...

 

[هياا]

دخيلكم كله ولا احد من عايلة نايدو
يلي لا يفقون شي في التعليم
لعلمكم انا اعرف انه كم احد من عيلته ما عندهم
شهايد تؤهلهم يدرسون طلاب في الجامعة
ولعلمكم و كثير منهم يدرس مستويات عالية و هو ماعنده ايلتس >> اهم بنفسهم يقولون ..

غير ان في واحد متعدد الاستخدامات رياضيات وانجلش يدرس ويا ريت الرياضيات صح >> على الدنيا السلام
احسن لي اسكت :aza:

 

[غالي الأثمان]

بالفعل نطالب المسؤولين بعدم رحيل البروفيسور جوهان جانثر

نعم نطالب ببقائه نطالب بوجوده لانه هو الكفؤ للتواجد بالجامعه وليس غيره

وليكن للمسؤولين علم بان الطلبه كلهم مع تواجد البروفيسور وليس مع رحيله

اذا كان نجاح الجامعه يهم المسؤولين فليبقوا البروفيسور ولا يتخلوا عنه

شي لايصدق!!! كيف يتم التفريط بشخص مثل هذا ؟؟

اعتقد ان وراء هذا الموضوع اموور كثيره نحن لانعلمها

ولاكن نتمنى ان اصواتنا تصل للمسؤولين

نتمنى بالفعل ان نجد من هو يبحث عن راحتنا كطلبه

نتمنى ان نجد من هو يفكر في مصلحتنا وفي مصلحة جامعتنا

البروفيسور من اهم عوامل النجاح للجامعه فاذا رحل سيؤثر على سمعة الجامعه

لا نقول سوى حسبنا الله ونعم الوكيل في من كان لديه صله برحيل البروفيسور

...(( الله على الظالم ))...

 

[هياا]

وشنو ممكن نسوي عسبة يردون البروفيسوور ؟
خبرونا طريقة وبنرده بنرده صراحة نباه :cry:

 

[Emotions]

ع فكره اليوم الاربعاااء ويمكن خلاااص سااافر ؟؟؟!!!!!! :cry:

والله لو هد الجااامعه بتتدمر دماااار شاااااامل :cry: :cry: :cry: :cry:

 

[أبيض وأسود$]

أحم أحم
فلسفه تايم
.
.
.
بسم الله الرحمن الرحيم
والصلاة والسلام على أشرف الأنبياء والمرسلين
أما بعد...
.
.
طبعا هالخبر نعرفه من بداية السنه هو قالنا انه محطوط عندنا سنه مؤقته فقط لا غير وبالأساس هو عنده تقاعد من بلاده لكن يابوه لنا لانه عنده خبره في العمل .. ونفس الحاله مع بعض المعلمين عندهم تقاعد ..

.
.
.
آي ثنك بيكون البروفسور اليديد عربي ..وأكثر احتمال انه يكون عماني ..
وستكتشفونه بأنفسكم .. مي بي أكون أنا البروفسوره لاني بشتري الجامعه وبشبكها مع مؤسسة خالي .. هذا والله أعلم ..
أوووو دوكتور نايدو.. على حسب معلوماتي انه مساهم فالمؤسسه عسب جي بيخلوه VIP فالجامعه


ولكن لا نستطيع الاستغنااااء عن البروفسور جوهان جانثر ..

 

[أبيض وأسود$]

عااااش ضيف البريمي

يلا يا شباب الاتحاد قوه

 

[توتة بغداد]

والله العظيم حراااام حراااام هالظلم اصلا ماشفنا ولا حشوف نفس هالبروفسور صدكوني اليوم يوم سرت جامعه سرت اودعه الدمعه فعيونه لانه بيروح وع فكره هو الي قدم استقالته لاسباب ..... الله المعين بس
بس والله البروفسور نحن خسرنا والجامعه بكبرها خسرت نفس الرجل الطيب المحترم ال (البابه 24 ساعه مفتوح لطلبه ):cry::cry::cry::cry::cry::cry::cry::cry::cry::cry::cry::cry:

 

[دموع الشوق]

اقتباس:
المشاركة الأصلية كتبت بواسطة توتة بغداد
والله العظيم حراااام حراااام هالظلم اصلا ماشفنا ولا حشوف نفس هالبروفسور صدكوني اليوم يوم سرت جامعه سرت اودعه الدمعه فعيونه لانه بيروح وع فكره هو الي قدم استقالته لاسباب ..... الله المعين بس
بس والله البروفسور نحن خسرنا والجامعه بكبرها خسرت نفس الرجل الطيب المحترم ال (البابه 24 ساعه مفتوح لطلبه ):cry::cry::cry::cry::cry::cry::cry::cry::cry::cry::cry::cry:

يعني الخبر صحيح :cry:

ليش ليش ؟؟؟​

 

[توتة بغداد]

هي صحيح الخبر وبكرا البروفسور بيروح الله يعنا بس والله الله المستعان