ساعدووووووووووووووووووووووووووني

[الصقر الأبيض]

السلام عليكم ..

اشحالكم ؟؟شخباركم أعضائنا ؟؟؟

إن شاء الله تكونوا بخير وعافيه..

الصراحه بغيتكم اتساعدوني وتعرضون أفكاركم واقتراحاتكم علي بخصوص ألعاب ومسابقات ممكن إني أسويها حق أخواني وأهلي ف الصيف ...

مثال /
لعبة الكراسي

تفجير البالونات المربوطة ف أرجل المتسابقين..

وهكذا ...

وانتوا كريمين بأفكاركم ونحن نستاهل ..هههه

أخوكم/

الصقر الأبيض

 

[دلوعه ابوها]

هلا

هلا افكار حلوه بس اجول الصيف خلص والحين يتزهبو حج المدرسه

 

[الصقر الأبيض]

لا عادي بعده عندنا صيف ..

اذذا عندج أفكار قولي عادي...

 

[سجين القلم]

أخي العزيز أعتذر منك ليس

لدي اي معلومة أفيدك بها

وهناك قسم مناسب للموضوع

الذي تطلب العون به وهو قسم

المشاكل وحلولها ينقل الموضوع

تحياتي لك وبتوفيق ​

 

[جسووم]

هلا فيك
في عندي اقتراحات حلوه بس عاد السموحه منك
في حاجة اول شيء اكثر واحد يحفظ كتاب الله تكافئة بهدايا
بعد في العاب ثانية
لعبة اسم حيوان نبات بلاد جماد
وفيها فائده عشان يتعرفوا على الكلمات
وعندك لعبة البالونات مثل ما قلت
وبعد جرب اسئله عامة
وعذرني

 

[كبـــــــريـاء]

اممممممممممممممممم : ممكن تشترى لهم جواتي تزلج وتعلمهم كيف يستخدموهن !!!!!!!!!!!!

بعد ممكن تلعب وياهم لعبة الكنز : تقسمهم فريقيين وكل فريق عنده خريطه فيها رموز وكل رمز يكون محطوط في مكان معين بالبيت واللى يوصل قبل الثاني للكنز ( وايدددددددد كنا نلعبها في البيت)

ممكن بعد : تلعب وياهم لعبة الخطوه ما اعرف اذا تعرفها المهم كلهم يصطفون في سيد واحد وكل واحد يريد تقدم تقوله : فلان تقدم خطوتين وهو لازم يرد عليك ويقول : ممكن

اذا ما قال ممكن يرجع من وين كان واقف لحد ما يوصلون لخط النهاية هذي ممكن تلعبها ف مكان واسع ،،



اتمنى اكون افدتك ،،


تحياتي : كبــــــــــرياء

 

[ذات أثر]

هلا افكار حلوه بس اجول الصيف خلص والحين يتزهبو حج المدرسه

بسم الله ،، بعده باقي شهر ..

هع .. تقدر تسوي اسأله والغاز وأمثال شعبية ..

وتقدر تسوي لعبه المراضع اللي يرضع اكثر

واكل الروب وهو مغمضين عيونهم

ولعبه فر الكرة فالسلة

ولي باك

!

سوري

 

[الفلاحي صاحي]

يوم كنا صغار نلعب شرطي وحرامي وفي لعبه ثانيه اسمها بابا وماما مع الجيران لين ماكبرنا واحسنت بس اخاف تكون جيرانا ياريال خخخخ

 

[الصقر الأبيض]

مشكورين على افكاركم الحلوة وما قصرتوا .....

 

[الصقر الأبيض]

يلا اريد حماس اكثر



ما عندكم العاب زيادة ؟


انا انتظر افكاركم .....

 

[غٌَ ـلآ بُنٍيً گـ عُ ــبُ]

انا مخي فاضي بس ان شاء الله يفيدونك الاعضاء

 

[السَعيدي]

هلا اخوي

الصراحه ما وايد فالح فهالسوالف بس اذكر لعيه بسيطه دامني دشيت هالموضوع بجولها

وهي:

الملعقه والليمونه

يعني الواحد يمسك الملعقه بفمه ويحط فيها ليمونه ولا زم يمشي مسافة 50 متر او انت تحددها المسافه بكيفك ولازم الليمونه ما تسقط من الملعقه وطبعا يكون سباق يعني الي يوصل اول بدون ما تسقط الليمونه هو الفائز

والسموحه منك اخوي

 

[السَعيدي]

بعد لعبة الاكياس او الجواني
هههه

تجيب مجموعه من اكياس العيش او اي اكياس قويه
وتخليهم يدخلو رجولهم الثنتين في الكيس وتعمل لهم سباق لمسافه معينه

وعاد بتشوف الضحوك لما يتجلبو لانه صعب الواحد يركض ورجله في كيس
ههههههههه

 

[الذيب]

لا تنسى لعبة الاتاري ​