ابغــــــــي فكــــــره لمشــــــــروع نـــــــاجح...

[الياسيه20]

السلام عليكم ..


لو سمحتوا ابغي فكره لمشروع ناجح ...

ابغي افتح محل ...

كنت مفكره بمحل عبي .. لكن شفت ان محلات العبي تارسه البقعه ..

ونفس الحال للصوالين ...

ما تفرق معاااي سوا المحل يكون رجالي او نسااائي

بس المهم يكون ناجح بأذن الله ...

محطيه ميزانيه قرابة200 الف درهم بأذن الله ... اللي جدامي واللي وراي .. ^^

 

[قطري وكلي فخر]

السلام عليكم ورحمة الله وبركاته
اذا تبين نصيحتي
سوي مغسلة سيارات
شوفيلج محلين حذا بعض كبار اشويه
وضبطينهم وسوي استراحه داخل
وما بيكلفج وايد اذا بيكلفج تقرياً 30 الف درهم اماراتي
يكفن اعتقد وسوي احسابتاج
وان شا الله لحد ما تتحسن اوضاعج بتقدرين بعدين تفتحين مغسله كبيره
لا تقولين مغاسل سيارات وايد في لبلاد وبخسر
لا انتي حسبي في اليوم اقل شي بتييج 15 سياره وكل سياره 20درهم او 15 درهم اقل شي في اليوم الواحد هو طبعاً اكثر عن 15 سياره وشوفي حساباتج
وان شا الله فكرتي تعيبج
نفس نظامنا الي اهنيه في دوحه
انا ابويه مسوي جيه مستانس
والحمدالله مرتاح
وانتي سوي جيه وان شا الله بتستانسين
وبتشكريني ان شا الله ؟؟

 

[قطري وكلي فخر]

؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[الياسيه20]

فكره حلوووه .... بدرس الموضوع ... وبسوي استبيان وبنشره ع مغاسل السيارات اللي فالبريمي وبشوف شو بيطلع.. اذا شفت ان المشروع ناجح راح اتوكل ع الله باذن الله

وطبعا الموافقه الاخيره راح اتكون عند الراس العود وممول المشروع.. ريلي الله يحفظه

ومشكور اخوي والله يحفظلكم الوالد

 

[دمي شعر]

اممممممممممممممممممم

سوي حلاق ...
الحلاق يمشي..

 

[الياسيه20]

فكره الحلاليق

والصوالين والخياييط

شالتنهن من راسي ...

لان الصوالين والحلاليق والخياييط تارسات البقعه

 

[UM-GHALOL]

فتحي حضانة اطفال واتمنى توظفيني عندج:26:

 

[مريومة]

استثمر أفكارك ولا داعي للتردد "​

نقدم لكم نحن مكتب التوجيه للاستشارات الإدارية ما يلي :-

1- نظم واستشارات إدارية ..
2- دراسات جدوى .
3- أفكار ومشاريع جديدة .
4- تطوير المشاريع القائمة .
5- إعادة هيكلة المشاريع المتعثرة .

للتواصل هاتف رقم :- 96893643071
رقم :- 971507703804
وعن طريق الإيميل Tawgih4managment@hotmail.com


​

 

[malak.bulooshi]

أنا من رأي تغامرين وتفتحين محل تخيطين الشنط الجلديه والأحذيه ويمكن أنج أطورين الفكره وتخلينه للعبايات بعد
أقصد أنج أطقمين شكل الشنطه ولونه عالعباه والجوتي
أو النعاال
أذا حبيتي الفكره وحااابه تعرفين أكثر
أنا موووجوده وبحاااول أساااعدج
والله يوفقج ان شااااء الله
^_^

 

[مريومة]

 

[السنقباسي]

المشاربع اللي ذكروها الاخوه كلها فاشلة لا تحطين نفسج في مكان تفكيرهم
وعن شركات الاستشاره ابتعدي عنها

خلج على العقارات وحطي ريل على ريل

اشتري لج 6 اراضي ب 200 الف وشوفي ارباحج بعد سنتين فقط

العقارات تمرض ولكن لا تموت ابدا

 

[مريومة]

ماشي فاشل اخوي واللة ما يضيع تعب الشخص ابدا والارزاق بيد اللة تعالى
وحط في بالك ان سعي الانسان وتعبة لا يضيع ابدا واتمنى الاخت تحصل مشروع ناجح باذن اللة وانا اشجعها وبتوفيج

 

[talal-badi83]

والله يا ختي فكرة مشروع ناجح يبالج تدرسيها زين انا قريتالى اقترحوه الجماعه بس على عجاله انا من راي تاخذي براي الاخت الي قالتلج تفتحي حضانه انا اشوفه انجح مشروح فحالة انتي شغلتمخج عدل يعني بيكون حضانة اطفال ودورات وتحفيظ قران وشغلات حق اليهال وحتى طلاب المدارس بعد الا هم الاول والثاني والصغاريه يعني وصدقيني بتردي من وراها

درسي الفكره زين والله يوفقج

 

[شيخ الشباب]

سوي لج محل للكرك في شااارع المطاعم صدقيني بينجح
او مغسله للسيارات الله يوفجج يارب وحبتين لعيون اهل المنتدى:2253446f49dd40fbf5e

 

[طموحي عالي]

سوي مطعم خاص للنساء فقط
اوصالة رياضية كبيرة وكشخةللنساء
ويكون فيها كوفي ومطعم..
بالتوفيق انشاءالله

 

[مريومة]

:imuae27::imuae27::imuae27: