التسوق عن طريق النت..

[الحاتمي99]

مساء الخير شباب صبايا .. كل عام وانتوا بالف خير وصحه وسلامه ..
عندي اشكالية حصلت لي عن طريق التسوق بالنت .. هل اخواني انتوا من المؤايدين التسوق عن الطريق النت .. حصل معي اني كنت اتصفح سبلة عمان .. سوق الهدايا .. فكان عروضات الحلويات للعيد .. شفت اكثر من موضوع .. وكانت الوالده طالبة مني اشتري حلويات للبيت عشان العيد .. اللي حصل اتصلت ع الرقم اللي حامل الاعلان واتفقت .. ع اساس اخذ 80 حبه ب 14 ريال .. والتغليف وب 6 ريال صار المجموع 20 ريال .. طيب السالفه اللي صارت ولد عمي استلم الطلبية من مسقط .. وجابها البيت وسلمها للوالده .. الوالده من النوع الذويق ما عجبتها الحلويات .. لما جيت خبرتني .. فتحنا الحلويات حصلنها 61 حبه فقط .. مغلفه بورق ابيض شفاف وملزقه بتيب ..لدرجه انه لشغاله نسقتها باسلوب احلي ووراقي اكثر ..
السؤال اللي يطرح نفسه وين المصداقيه والامانه من خلال التسوق عن طريق النت .. بغض النظر انه الموضوع تجاري .. ورزق .. لازم ينبغي من صاحب الحرف يتقن شغله عشان كسب الزبائن واستمراريه الرزق .. وعدم التفكير بغرض تجاري فقط .. ومنها قررت انه ما اتسوق عن طريق النت ..
انتو شو رايكم اخواني ..
انتظر ردودكم واتمني اخذ الموضوع بعين الاعتبار ..
دمتم بود​

 

[دمار الكروزر 311]

لا ياخوي ترا مب كلهم نفس الشي

انا بخبرك سالفه صارت هني فالمنتدى

طول الله ف عمرك عرضت مجموعه من موديلات ( نعول) ووصفت المكان لدرجه اني صورت صاحب المحل ( السوري ) وحطيت صورته ظمن النعول

وانا كنت صاحب المحل ونفس الوقت خسراان ما يعطيني راتب الشهري اللي انا وهو متفقين عليه ولما اسأله شو سبب يقولي محد راضي اييي المحل

المهم لما عرضت النعوول هني ف هالمنتدى ماشي فايده كلهن يتشرطن الي تقولي هذه النعول حق العيايز واللي تقولي بنات البريمي يلبسن كعب وشروطهن مايخلصن ...

انا اللي اعرفه السوريه تلبس كعب شوصار بالدنيا وصارن بنات البريمي يتشرطن :huh-:

سرت للريال ورمسته وخليته يغير موديل نعول ويسوي نعوول كعب ولي يومك ماشي فاايده ...


المهم المحل وراعي المحل للبيع اذا تبي تشتري


والناااس اللي ماتخاف الله تبيع سلعه مغشووشه :005:

 

[أبو سليمان]

بصراحه أنا ماجربت أشتري عن طريق النت.. بسوي بطاقة تسوق انترنت الأول وبعدين بتسوق..

لكن زميل لي يتسوق عن طريق النت ويخبرني انه يحصل صفقات حلوه.. خصوصا ف سالفة الموبايلات.. وبأسعار رخيصه..

ف بعض الأحيان يكون فيه تعليق من الأعضاء على تجربتهم مع الشخص اللي عارض بضاعته.. اقراهم بيفيدونك..

تحياتيي..

 

[عيـوز ستآآيل]

الحآتمي~مب إلا انت الملدووغ من فلان اللي يعرض ف سبله عمآآن!!

أنآآ اشتريت شنطه ب 350 درهم ~ واخوي يآآبلي إيآآهآ من مسقط~

المهم ان الشنطه طلعت مب هيه اللي مختآرتنهآآ ~
تقوول شنطه من العصر الحجري

ومحد مآآ شآآتمني ،،شوي وبنكفخ هع
كلهم يآآهم قــــــــهـــــر ،،:74:

 

[عالية]

الصـــراحة ما أيد التسوق عبر الانترنت لانه أحيانا يكون فيه غش مثل ما قالوا الاخـــوان ,, بس انه الكثير من الاحيان نطلب شي ونحصل شي
ثاني ومختلف تماما ,,:get-1-2009-oef8ifpj

 

[DYNAMIC]

فشل هذه التجربة لا يعني أن الشراء عن طريق النت كله على نفس الشاكل.

شخصيا أفضل الشراء من المواقع المعتمدة التي تستعمل تقنيات وتفرض شروطا تحفظ حق البائع والمشتري.

عوضكم الله أخي

:001:​

 

[الهاجس]

التسوق عن طريق النت يباله دراية بالمواقع المشهورة والمواقع المتعارف عليها دوليا​

أعرف كم واحد من الشباب إشتروا عن طريق النت​

واحد منهم يشتري قطع غيار لسيارته بسعر رخيص مقارنة بأسعارنا
وواحد يشتري موبايلات ويتاجر فيهن​

وأخوي إشترى له لابتوب من أميركا بنصف السعر المعروض عليه وبمواصفات عالية​

يعني بالمختصر لازم يكون الموقع معروف على مستوى عالمي عشان تشتري منه لأن هالمواقع تقريبا سلعتها مضمونة​

وإحترامي للجميع​