رسبت

[one of my kind]

السلام عليكم جميعا
شحالكم؟
بغيت افضفض شوي معكم عشان ترتاح نفسيتي.
انا دشيت كلية الطب عن رغبة ودخلت ع طول تخصص دون فاونديشن، واجتهدت فدراستي لكن واجهت صعوبة كبيرة فمادة وحدة، ولما طلعن النتايج ظهرت نتيجة الرسوب ف تلك المادة ، لكني نجحت ف المواد الأخرى, والحين عندي دور ثاني، ومب طايقة أذاكر لأني كثير منحبطة واعرف عمري اني برسب فيها مرة ثانية! والله حتى م انام الليل وافكر كثير بمستقبلي!
شو رايكم؟
تحياتي

 

[سوسو العبيدانى]

غاااليتي
دااام انك دخلتي عن ررغبه
وهذاا طمووحك

فليش تتستسلمين من ااول عثرره
درووب المجد والنجااح داايم صعبه

ولا تقوولين ماا ااقدر
اانتى بتنجحين وماافي مستحيل

وباامكاانك طلب المسااعده
لازم تكوون عندك عزيمه عشاان تنجين
ووتتووكلين على الله
ووعسى اان يكون اللى صاار خير
وداافع لك للمزيد
موو ااحبااط لك ااختي

 

[awad baloosh]

وعليكم السلام ورحمة الله وبركاته اختي ​

واللف مبروك ع نجاحك ف لمواد الثانيه ولا تنحبطي اختي لمستقبل اهم شي واجتهدي اكثر واجمعي لمعلومات اكثر​

والله العضيم اختي انا حاس بالاحساس الي انتي فيه​

انا بقولك ع قصه صارت لي انا ادرس حاليا هندسة كمبيوتر ​

انجح ف كل المواد بس يكون العائق ف مادة الرياضيات وانتي عارفه انه مهم كثير​

تخيلي رسبت فيه مرتين وعدته المره الثالثه ونجحت فيه بنتيجه حلوه وطيبه اسعدتني وحسستني على اني اجتهدت ​

تعرفي ليش لاني جلست وخزنة لمعلومات ونجحت فيه ولحمدلله ​

لي اطلبه منك اختي (( حاولي تجتهدي اكثر وحسسي نفسك انه الفشل ما يعني نهاية العالم بلعكس كثر لفشل يوصلك لنجاح وهذا لي انا مطبقنه ف لحياه ​

كم مره رسبت ف رياضيات واعترف بهشي .. بس ما حسيت اني افشل لاني اتعلم شي جديد ولمره الثالثه
كانت ثابته وجبت الدرجه وبيضت وجهي وافرحت )) كذيه اريدك تسوي اختي ​

لاتنحبطي ولا شي الله ما ينسى لعبد لي يجتهد وكل شي بيتسهل عليك وصدقيني ​

وتفائلي بلخير تجديه​

اتمنالك التووفيق وربي يسعدك بحياتك​

 

[reemo_909]

انا اشجعج كملي دراستج
ولاتنحبطين من هالشي التافه
,واتريا نتيتج بفارغ الصبر
وانا واثقة من عزيمتج

 

[سوسو العبيدانى]

بعد كلام الاخ عووض

حقيقه ووااقع انتى مره ووحده
ووهو مراات عده ولكنه حااول وبتووفيق من الله سبحاانه

نجح وعزيمته قوويه

والله يووفقه للمزيد وويسر ااموره
فكرري بالجاانب المضي ااختى
فالحيااه مره لك ومره عليك
وماافي عالم ما فشل بحيااته

ولكن الفشل ااننا ما نحااول مره ثاانيه.........

 

[الــمــنــبــر]

ومن لا يحب صعود الجبال يعش أبد الدهر بين الحفر


شدي الهمه واتركي الأفكار السلبيه









تحياتي
​

 

[•¦{ آلبُريْمِے دَآرِيْ }¦•]

بالجد والمثابرة والسعي والأمل يصل الإنسان إلى مبتغاه ومطلبه..

إحذري أختي الفاضلة من الإحباط وعليكِ بالجدِ والنشاط ودعاء الله سبحانه

وتعالى بأن يوفقكِ ..

الدراسة في كلية الطب حلم يتمناه الكثير وهو الآن حقيقة بين يديكِ

فلاتفرطي بالمستقبل الباهر الذي ينتظركِ..

أتمنى لكِ التوفيق والنجاح..

إحترامي..

 

[عايش يومه]

امامك خيارين ...
انتي توك باول الطريق

يا تنسحبين من الحين وتريحين اهلك من تذمرك اذا كنتي بتتذمرين في كل مرة تواجهك مادة صعبة

او انك تتحدين نفسك وتواصلين

وانتي اختاري

الله يوفقك​

 

[دمار الكروزر 311]

شووفي اختي اذا انتي رسبتي مره وحده فأنا رسبت جم مره لكن قعدت ويا نفسي واقول ف خاطري انا اقدر اسوي اللي غيري مايقدر يسويه وكنت دايما احب اشجع نفسي والحمدلله توفيج من الله وقدرت اتخطى كل الصعوبات ونفس الوقت تشجيع الاهل يلعب دووور ف التغييير


صدقيني ترا الفشل مو مصيبه واذا تفشلين مره ومرتين وثلاث صدقيني ف النهايه راح توصلين للي تبينه

في وااايد اشيا كنت ابي اتعلمها عشان اوصل لكن ماقدرت وكانت صعبه علي لكن الحمدلله الاعتماد ع النفس والاصرار والتشجيع قدرت اتعلم اللي كنت اشوفه صعب والحمدلله صار الفشل مب ف قاموسي واذا افشل اذكّر نفسي بأني ياما فشلت وتخطيت .....الخ

الفشل هو انج تستسلمين وتقولين لا هذه الماده صعبه علي او انج تحبطين روحج وانتي تقدرين وانا اقولج انتي تقدرين تبدعين ف الماده لكن حاولي تشجعين نفسج وتشدين حيلج ...




اتمنى لج التوووفيج ^_^

 

[سوسو العبيدانى]

عسى اختي مو متضاايقه للحين

مااشااء الله الاخووه الاعضااء
النااجحين كاانواا مثلك:brb:

يعنى ماافي دااعي للاحباااط

 

[نسمآت روح]

وعليكم السلام ورحمة الله وبركاته ,,

الله يعطيج العافيه أختي اجتهدي وان شاء الله بتنجحين وما شاء الله عليج داخله طب يعني كل حد يتمناه وربي يوفقج ان شاء الله ولا تيأسين ,,

تأملي دوم ولا تيأسين

 

[المزن]

خيتي خلي ايمانك بالله قوي ....ذاكري مره ومرتين وثلاث واربع وخمس وحتى عشر لين ما تنجحي .....وانا واثقه انج رح تنجحي ....وتوكلي على الله وخذي بالاسباب .....وبشرينا بالنجاح بعد النتايج........وتذكري انج متفوقه لانو مب اي حد يدخل كلية الطب.......تقبلي مروري ​

 

[الحلى مبتلى]

أنااا رأيي ليس الخطأ ان تفشلي ولكن الخطأ ان تكف ع المحااولة

 

[أبو سليمان]

اقتباس:
المشاركة الأصلية كتبت بواسطة one of my kind
السلام عليكم جميعا
شحالكم؟
بغيت افضفض شوي معكم عشان ترتاح نفسيتي.
انا دشيت كلية الطب عن رغبة ودخلت ع طول تخصص دون فاونديشن، واجتهدت فدراستي لكن واجهت صعوبة كبيرة فمادة وحدة، ولما طلعن النتايج ظهرت نتيجة الرسوب ف تلك المادة ، لكني نجحت ف المواد الأخرى, والحين عندي دور ثاني، ومب طايقة أذاكر لأني كثير منحبطة واعرف عمري اني برسب فيها مرة ثانية! والله حتى م انام الليل وافكر كثير بمستقبلي!
شو رايكم؟
تحياتي




الله يعينك بصراحه.. كثييييير صعب لما تشوفي كلمة راسب.. وطبيعي يجيكي احباط وتحسي انه الدنيا مسكّره ف وجهك.. وزميل لي صارله نفس الموقف بالضبط.. وف نفس الكليه.. لدرجة انه كان بينتحر.. بس سبحان الله.. بعدين صار من المتفوقين..

البداية صعبه كثير.. بس شوي شوي بيكون أسهل بإذن الله..

بالتوفيق doc

 

[عيـوز ستآآيل]

محد مآآ عآنى ف حيآآته !!
ومآآشي سهل فهالايآآم ~

بس طشونه من
الطآآقه الايجآبيه~ التنظيم ~ الثقه + التوكل بالله ،،
رآآح توصليين لمبتغآآج وطموحج ~

وبالتوفيج لج ولي ولكل نفر :=D:

 

[عالية]

ماشاء الله عليج ,,داامج ف كلية الطب ف انتي مجتهدة وشطووورة وطمووـحة ,,, أتمنى انج تشدين حيلج لانه درب بديته ف لازم تكملينه ,, بتتعبين شوووي الحين بس خلاف بتذوووقين طعم الراحة بصددددق
تـــحياتي لج خيتووو وتقبلي مـــروري ,, :imuae31:

 

[one of my kind]

مشكوووووووووووووووووووووووووووووووووووووووووووورين اخواني ع ردودكم الحلوة......الصراحة ارتاحت نفسيتي بفضل من الله ثم بفضلكم......شكرا لأنكم زدتم الثقة في نفسي.....لكن تبقى المشكلة انه الاختبار يوم السبت وباقلي كمية كبيييييييييييييييييييييييييييييرة م مذاكرتنها,,,,,,,ناهيك عن الرسمات التوضيحية والمصطلحات وغيرها..............ادعولي ف قيامكم!:61:

 

[ميدان الريح]

مادام هذه رغبتك واصلي ولاتيئسي وشيء طبيعي واحد يرسب في ماده...

:C::C:مييييييييييييييييييييييدان الرررررررررررررررررررريح:C::C:​

 

[one of my kind]

مشكورين مرة اخرى

 

[سحابة]

و ع س

خلي ايمانك بالله قوي و ان شاء الله الله بيوفقك يا رب ..