سجل حضورك بألغاز شعبية

[(الكعبي)]

السلام عليكم ورحمة الله
كيف الحال ؟
والصحة؟
والعيال ؟

عندي موضوع وحبيتكم تشاركوني فية
وهو أن نكتب أكبر عدد من الالغاز الشعبية ...
بحثوا عنها من عند الشواب والعجائز حتي تعم الاستفادة
وحتي لاننسي الماضي ...atch_punnch:


أنا ببدء....
الغز:: أربع مكبات منكبات فيهن حل ولايقطرن ؟؟؟atch_pleur1:

أنتظر الجواب .................................................

 

[سعود الظاهري]

ريــّـال نــحــيــل، شــايــل حــريــم مــتــان
دايــمــاً يـــــتـــــراقـــــعـــــون
ولا يـــطـــلـــع مـــنـــهـــم دم..؟



شنهو اللي منذكر بالكتب مانشاف
وشنهو اللي دمعته للان مانشاف
وشنهو اللي قاطع الشقين ماانشاف
وشنو اللي مادرى بضيم الدنيا ؟؟

 

[(الكعبي)]

وعة يالظاهري فديتك
صدق أنك تحتك بالشواب ...
يعطيك العافية ع المرور

 

[قطوة البريمي]

انزين يعني بس بتحطون الغاز بلى اجوبة
ولا شو السالفة

 

[ناصر الخميساني]

اسف لغز الكعبي والظاهري ما اعرفهم..


بس بحط لغز..



انشد العراف عن رجلا قديم
ما ذهب مع جيل راحوا واخسروه
بين فعله لو ان جسمه سقيم
سيرته من قابضينه ما فعل لو اتركوه





تقبلو مروري

 

[قطوة البريمي]

الغز:: أربع مكبات منكبات فيهن حل ولايقطرن ؟؟؟
ضرع البقرة الجواب صح يالكعبي

شنهو اللي منذكر بالكتب ما انشاف لفظ الجلاله ( الله)
وشنهو اللي دمعته للآن ماانشاف (آدم عليه السلام)
وشنهو اللي قاطع الشقين ما انشاف (عصى موسى شافوها الاولين )
وشنهو اللي مادرى بضيم الدنيا (الجنين في بطن امه )

وهذا جواب لغز الظاهري الثاني لاني الاول ماعرفته واذا عرفته بقولكم

انشد العراف عن رجلا قديم
ما ذهب مع جيل راحوا واخسروه
بين فعله لو ان جسمه سقيم
سيرته من قابضينه ما فعل لو اتركوه

القلم الجواب صح يالمهندس

ها شو رايكم فيني شطوره ولاااااااااااا

 

[قطوة البريمي]

انشدك عن شي طويل

نحيف وعرضه مقلات

يركب ورع ورياجيل

ويمسح على انهود البنات

 

[(الكعبي)]

صح جوابج
يالقطووووة بالفعل أنج قطوووة شميتي الجووواب ....
وجووووواب الغز
انشدك عن شي طويل

نحيف وعرضه مقلات

يركب ورع ورياجيل

ويمسح على انهود البنات

هو أحزام الامان
شوا رايج يالقطووووة

 

[(الكعبي)]

أريد جواب حق هذا اللغز حركووووووووو

انشدك عن بنت كثير ة الجمالي

تمر عريانه ولاهمها الناس

اليا اضحكت تبهر العقول الرجالي

والي بكت تزيل عن النفس الاتعاس

 

[قطوة البريمي]

اكيد صح جوابك ..

بس قولي منو غششك.؟؟ قوقل ولا منوووو

خخخخخخ

يالله حط لغز دورك

 

[قطوة البريمي]

انشدك عن بنت كثير ة الجمالي

تمر عريانه ولاهمها الناس

اليا اضحكت تبهر العقول الرجالي

والي بكت تزيل عن النفس الاتعاس

الجواب هو السحابة

والله ما تعبت عمري وايد غششني قوقل الله يخليه لنا ذخر دوم

 

[قطوة البريمي]

يالله جاوبو ع هاللغز الغاوي

أنشدك عن رجّال نحيفٍ بشوفـه
يفزع لك الرجال ويقضي بلاويك
لولا ضلوعه كان شفت الكسوفه
تستعمله بيديك وايضاً برجليـك

 

[(الكعبي)]

أوكي هذا جوجل بروووح أغتاااالة
خخخخخخخخخخخخخخخخخخخخ
خلي لغز ننتظر

 

[(الكعبي)]

جاري البحث

 

[الكعبية]

انشدك عن رجل نحيف بشوفه
يفزع لك الرجال ويقضي بلاويك
لولا ضلوعه كان شفت الكسوفه
تستعمله بيديك وايضا برجليك
هذا السلم
ها جوابي صح ولا لا

 

[الكعبية]

أنشدك عن حُرّين والعبد ثالثهم
تحاكموا في محاكم حبس
ودايم ترى العبد غالبهم
بحجته واللون حتى الجنس !!

يلا منو بيجاوب على هذا

 

[(الكعبي)]

أنشدك عن حُرّين والعبد ثالثهم
تحاكموا في محاكم حبس
ودايم ترى العبد غالبهم
بحجته واللون حتى الجنس !!

يمكن الحرين الماء والسكر والعبد الشاي
كيف يالكعبية صح ولا

 

[(الكعبي)]

أنشد العارف عن شيء عجيب .. وينكم يا أهل العقول العارفات

عن فتاة طعمها العشب الرطيب .. وزادها بعد أكلها من الطيبات!!

وينكم جابوووووووووووووو

 

[الكعبية]

أكيد صح يالكعبي

 

[الكعبية]

أنشد العارف عن شيء عجيب .. وينكم يا أهل العقول العارفات

عن فتاة طعمها العشب الرطيب .. وزادها بعد أكلها من الطيبات!!

هذي النحله تاكل من رحيق الزهر وتعطينا العسل
صح ولا لا