الهاجس
¬°•| حكاية تميز |•°¬
- إنضم
- 7 نوفمبر 2010
- المشاركات
- 11,079
بسم الله الرحمن الرحيم
السلام عليكم ورحمة الله وبركاته
يا وقت العيد والكل متحمس يخلص أغراضه من ملابس ونعل والسوالف الثانية
وكل له القيمة الفلانية الغالي والرخيص واللي يبا يشتري حق إخوانه واللي يزاه الله خير ناوي يفرح بعض الأسر المحتاجة ويشتري حق عيالهم من الملابس ويتبرع لهم ببعض الأموال اللي تساعدهم في قضاء عيدهم يعني عند البعض الوضع طيب يزاهم الله خير يسعون في طلب الخير لو يتعبون شوي في شراء الأغراض ولو يتعبون في الوصول الى مقر الزكاة للتبرع ولو يتعبون في البحث عن منازل الفقراء والمساكين والحمدلله كل له أجره على ما يفعل .
لكن لو كنت تبي الأجر زيادة بعد وإن يالس فبيتك وتسوي كل اللي سويته وإنت راد البين وفمكانك .
إقرأ ,,
وأنا يالس أتابع التلفزيون مرت علي أخبار الصومال والمجاعة المستوية عندهم والمأساة الكبيرة اللي حاصلة لهم ولأطفالهم حزت فخاطري تلك الدمعة إنها تنزل بسبب الأطفال وحالتهم والموت اللي يتريونه وعرفت منهم إنه هناك خدمة الرسائل للي يبي يتبرع كان اللي عنده شبكة الإمارات أو عمان يعني الموضوع بسيط وايد ما علينا غير إننا نعبي رصيد أو نرسل المبلغ اللي نبي نتبرع به لإخواننا الصوماليين عن طريق خدمة الرسائل النصية وعلينا نرسل ونتوكل على الله وعلى نياتكم ترزقون وعشان نطمن من إن الرسالة تروح صح عندنا وسائل الإعلام والإنترنت أو نتصل بالجهات المعنية عشان نعرف الرقم اللي ممكن نرسل عليه للتبرع للصومال يعني بكبسة زر ونحن يالسين فالبيت .
واللي ما واثق من شركات الإتصالات ما بيمنعه الوصول الى المراكز اللي تجمع التبرعات لإخواننا في الصومال .
فشو حلاته يوم نحصل الأجر المضاعف في هالأيام المباركة .
فلنكن جسدا واحدا لإيقاف مجاعتهم فالمسلم أخو المسلم وفي الصحيحين عن النعمان بن بشير رضي الله عنه عن النبي صلى الله عليه وسلم قال : { مثل المؤمنين في توادهم وتراحمهم وتعاطفهم مثلالجسدى الواحد إذا اشتكى منه عضو تداعى له سائر الجسد بالسهر والحمى } .
وفيهما عن أبي موسى رضي الله عنه عن النبي صلى الله عليه وسلم أنه قال : { المؤمن للمؤمن كالبنيان يشد بعضه بعضا ، وشبك بين أصابعه }
تذكروا أخي واختي ... كلام رب العالمين .. : " وما تقدموا من خير فلأنفسكم "
" والذين يسارعون في الخيرات"
" وَيُؤْثِرُونَ عَلَى أَنفُسِهِمْ وَلَوْ كَانَ بِهِمْ خَصَاصَةٌ "
(و لعلكم برسالة واحدة تنقذون حياة شخص )
واسأل الله العظيم رب العرش العظيم ان يساعدهم ويخفف عنهم ما أصابهم ...
الدال على الخير كفاعله
همسه
{ بالعامية لتصل إلى الأغلبية }
التعديل الأخير:
