تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: <blockquote data-quote="أمير" data-source="post: 1073363" data-attributes="member: 2343">الجــــــــــزء الـــــساااااابع .. --------------------------- الوقت المغرب : بعد ما فرشت سجادتها والبست مصلاها وهي تدعي من قلبها بالمغفره وان الله ينجيها من المصيبه اللي طاحت فيها ويفك قيدها عاجل ليس اجلا .. يارب .. ليلى بعد ما انتهت من صلاتها الا تجد سماح البنت التي تكبرها بسنتين .. تنتظرها بمكانها المتعاد .. ليلى تبتسم ببتسامه باهته : ليه رجعتي ..! سماح  تتنهد : اااااه وين اروح انا وانتي بزنزانه وحده .. ليلى : اظن في 10 غيرك اوغيري ..! سماح : مدري ما ارتحت الا لك .. ليلى وهي تجلس بسيريرها .. طيب انا قلت لك ما ابغى اتكلم مع احد اظن اتكلم عربي ؟. سماح وهي تسند نفسها على سرير ليلى : لا تصيرين كذا اخرتها بتتعودين صدقيني انا لي سنه وعادي تاقلمت .. ليلى بصراخ : اذا انتي تاقلمتي انا ما ابي اتاقلم زيك انا بريئه وربي بريئه .. سماح من غير ما تعطيها وجه : وانا بريئه يعني بس انتِ البريئه هنا شوفي حوليك بتشوفينهم براءه ونصهم مخدوعين وناصبين عليهم .. ليلى من الصجمه تسكت : كيف انتِ بريئه .. سماح : يييوووو انتي راح تفتحين علي السالفه اللي سكرتها من شهر من جيت هنا ياختي ذي سالفه طويله ويمكن احسن اني هنا تعلمت اشياء كثيره منها الصبر وان الحق مظلوم بين البشر وتعلمت اشياء دينيه وربي البركه في بعض البشر اللي هنا ليه انتِ بس مو راضيه تتاقلمين صدقيني اللي هنا ارحم من الخارج .. ليلى : انا سالتك ردي علي وليه انتِ هنا ؟ وكيف بريئه .. وكل وحده ماعطت الثانيه ملامح وجها سماح مسنده راسها وجسمها على السرير وليلى جالسه ومعطيه ظهرها لسماح .. سماح : هههههههههههه طيب يعني اذا قلت لك بتخرجيني من هنا ؟.. ليلى : هههههه لا بس يمكن تشجعيني شوي وتخليني اتحمل العذاب النفسي .. سماح : يااا السالفه طويله .. ليلى وهي تلف جسمها لسماح : وانا احب اسمع ..؟ سماح وهي تحس انها غيرت شي وهي تعدل جلستها وتحكي لها حكاياتها .. سماح .. مات ابوي وانا عمري 13 سنه وابوي غني كثيييييييير وعنده شركات .. وطبعا ترك لي ورث  وانا طفله ما عرف .. وانتي تعرفين الورث ما اخذه الا يوم اكمل عمري الشرعي .. ليلى : ايوه كملي .. سماح : وصار عمري 20 زي عمرك الحين ..وطبعا عشت كل هذي المده بين اخواني كل سنه ببيت اتربا واتعذب الله يكفيك شر الاخوان وربي يعني وحده تتكلم باخو وبالاخير يبيعها بسهوله عشان وش فلوووووس ..!!!! سماح تسكت وعيونها بدات تتغرق .. ليلى : ايوه كملي لا تقاطعين .. سماح وهي تمسح وتحاول تضحك : للاسف اخوي الكبير قال بيزوجني . . وفعلا ملكت على شخص وانا بفترة الملكه ما بعد دخلت على عريس الغفله الا اخوي الكبير يجيني ويقول شوفي ياسماح الرجال ماخذك يبي فلوسك عطيني توكيل عام عن فلوسك .. وانا من غبائي عطيته .. ودخلت على عريس الغفله اللي ندمت اني في يوم فكرت بالعرس اللي بيسترني وبيحميني من الذل اللي اعيشه .. اثري المعرس هم طماااع واخوي بالوكاله اخذ كل فلوسي وخلاني بالحديده.. ويوم عرف الزوج المصونن انه ما عندي ولا فلس راماني لاخوي ..وانا ماكملت شهرين عنده ويوم بعد يوم كنت انذل عند اخوي .. ويقول انه فلوسك اشتغلت فيهم واخسرووا وصار يكتب بشركته ضمانات وشيكات ببياض باسمي ورصيدي مافيه ولا قرش... نادوني الشرطه من كثر الشكاوي  والشيكات البياض وانا ماعندي اي خلفيه عن الموضوع بالاساااس .. وهذا انا بين القضبان اتكلم ومحدن لي سامع لا اخو ولا اخت تجي تزورني حتى ! كنت طفله مدلله واليحن مراهقه مسجونه .. ههههههههههههههههههههههههههههههههه وش رايك بالقدر اللي جمعنا .. ليلى : ياقلبي لا عاد مو لدرجه ذي .؟؟ سماح وهي تتنهد : لا واكثر بعد .. ليلى : انا واخواتي حيل مع بعض .. سماح : طيب لك اسبوعين ما سمعت احد جاء وزارك .. ليلى وهي منزله راسها : والله مو عارفه وش السبب لكن انا عارفه انهم مصدقيني ويمكن من وفاة امي الكل تخربط بحياته .. سماح : الله يرحمها .. الا وقوليلي وش قصدك ..؟ ليلى : هههههههههه انا نفسك بريئه .. ومالي شغل بسوالف وبنت بالجامعه انطوائيه دراستها اهم من حياتها .. كل سنه بالجامعه امتياز وغير هذا مافي ,, ومره من المرات كنت جالسه بمحاظرتي .. لقيت بلاغ جاني يقول انك مدمنه وموزعه يعني تاجرة مخدرات بالكليه .. هنا خفت جد خفت قلت يمكن غلطانين بالاسم او الشكل او اي شي مستحيل اكون انا .. وجتني المراقبه تفتش .. وانا اصارخ عليها واقول لها وربي انتوا غلطانين والمصيبه يوم افتحوا الكيس لقوا مخدرات انواع الحبوب ... انا انصدمت وربي انصدمت .. قكت اصارخ وابكي لهم الا وحده من المراقبات تقول اخر وحده اتوقعها انها تتاجر بالمخدرات لا يا ليلى مستحيل تكونين انتي ؟؟ وياخذوني للمركز الشرطه وتحقيقات وتحاليل ومصايب سوده .. وبالاخير يطلع نتيجة التحليل سلبيه يعني في مخدرات بدمي انا بغيت اموت من الصدمه كيف يعني كيف انا مدمنه ..؟ وربي انصدمت من حالي مافي كلمات توصف صدمتي ياسمااح جد مذهوله اقول بيني وبين نفسي لا كامره خفيه اكيد انا مستحيل اكون تاجره ومدمنه بنفس الوقت .. وحكموا علي بالسجن من غير محاكمه 13 سنه .. وهي تتنهد يااااااااااااااهي كثيره هالسنين .. وش يصبرني ..!!!!!!! سماح تحط يدها على راس ليلى : كلنا مظلوم ياليلى كلنا .. لكن ماعندك عداوات مثلا ..؟ ليلى : اقولك انا انطوائيه ومااحب شي اسمه صديقات الانه حالتي الماديه صعبه واخاف احتك باحد واتحطم منحالته الماديه كان فقري هو الدافع بمتيازي ودراستي .. سماح : طيب ما تتذكرين اشيااء حصلت لك بهذا اليوم مثلا ..؟ ليلى : والله كل شي ببالي راح احس كاني من الصدمه فاقده الذكره نست حياتها كلها.. سماح : شي غريب ..!! ليلى : الا شي محير وغريب .. سماح : ههههههههههه يمكن انا عارفه من طعني لكن انتي بصراحه سالفتك تقهر لانتي اجتماعيه ولا بينك لا اعداء ولا حبايب من يسوي فيك كذا يمكن الكيس غلطت وحده وحطته بكيسك .. ليلى بينها وبين نفسها ..وهي تتذكر شي نسته نسته من الصدمه وكانها تحلم .. تتذكر جوزه يوم اخذت كيسها بذاك اليوم وهي تبي تتذكر اكثر واكثر تغمض عيونها وكانها تشوف المشهد جدامها وهي تاخذ الكيس بصدفه وهي تضحك وقبلها كانت عزمتني على عصير .. اي عصير اللي اقصبتني اني اشربه كامل ولا بتزعل هي والبنات .. سمااح : وش فييييك ليلى انا اكلمك ..! ليلى وهي تبووس سماح بقوه : مشكوووره مشكوره ياسمااح ..... وتوقف ليلى تلبس ملفعها تبي تطلع .. سماح : وين بتروحين وليه تقولين مشكوره .. ليلى : انتي قلي شي كنت ناسيته ومهم بقضيتي ولازم اقوله قبل لا انسى مره ثانيه .. سماح وهي تلحقها : طيب وين بتروحين ..؟ ليلى : للضابط للي يسمونه ثامر .. سماح : هههههههههههههههههه انتي شكلك ما عرفتي الزاام هنا يعني اوقات الضباط ,,؟ ليلى : ليه طيب .. سماح : اذا بقولك كم تعطيني ؟ ليلى : بلا بلاهه .. خليني اروح .. سماح : بقولك من الحين ماراح تلقينه تعالي بكره الصبح بتشوفينه .. ليلى : وليه الصبح ؟ سماح : الانه هذا وقته يالخبله .. ليلى : الله يصبرني اجل للصبح وهي تاخذ ورقه طايحه بسرير سماح .. وهي تلتفت لسماح .. ليلى : عندك قلم .. سماح وهي تضحك : ليه بتكتبين مذكراتك هههههههههههههه ليلى : مو وقت سخفك ..عطيني قلم وورقه زياده .. سماح وهي تشيل بطانيتها وتاخذ كشكولها وفلم .. تفضلي .. ليلى : شكرا وهي تفتح الدفتر وتاخذ منه ورقه .. وتكتب شي عشان ما تنسى وتاخذ ورقه ثانيه وتكتب فيها رساله .. وبعد ما خلصت منها طوتها وهي تنادي بشرطيه ام جاسم الحبيبه بين الشرطيات سماح هي وليلى واقفين عند باب الظزنزانه وكل من السيجينات معهم يشوفونهم بعجب .. سماح : وش تبغين منها .. ليلى : اصبري علي وبتشوفين .. شوي الا ام جاسم جايه : هلا وش تبين يا ليلى .. ليلى : تكفين يام جاسم ابي منك خدمه وابيك تساعديني فيها .. ام جاسم : وش هي يا ليلى اذا قدرت ابشري واذا لا اسمحيلي .. ليلى : حاجه بسيطه وهي تعطيها الرساله وتقول : ابيك هالرساله توصلينها لضابط ثامر تكفين اول ما يحظر الصبح .. ام جاسم : وليه بالذات الضابط ثامر ..؟ ليلى وهي تغير السالفه : بتوصلينها او لا .؟ ام جاسم بحطها الحين بمكتبه واذا جاء الصبح انتي وحظك شافها شافها واذا لا لا تلوميني .. ليلى ببتسامح : طيب المهم انك تحطينها بمكتبه .. وتروح ام جاسم وبيدها الرساله ... سماح : انتي مجنونه اكيد .. ليلى وهي تشوفها : هههههههههههه مجنونه قليل علي لكن انا مسجونه مسجونه ومثل ما يقول المثل علي وعلى اعدائي .. وبتشوفين ياجوزه .. سماح : وش بتسوين .. ليلى : اصبري بس انتي اصبري وبتشوفين وبتضحكين نفسي بالاخير .. وهي تجلس بسريرها وتكمل تسوالف مع سماح اللي اصبحت من اليوم صديقتها الوحيده بالزنزانه .. ----------------------------------------- توقف عند الرسبشن وتسال عن مريض اسمه متعب عبد الطيف  .. موظفة الاستقبال .. : ثواني بس ...وهي تظرب بالكمبيوتر .. ثواني الا وهي تقول : بالوحده المشدده لرجال .. مضاوي برعب : الله يخليك اي جهه .؟ الموظفه : سيده على يدك اليسار اول غرفه مكتوب عليها من فوق .. مضاوي بعجله :مشكوره وهي تركض للغرفه اللي تقول عنها ..وقبل لا تدخل الغرفه تشوف نوفا جالسه على كرسي الانتضار بالخارج .. وهي تركض لها وهي تقول : وش فيه يانوفا ..؟ نوفا : يقول الدكتور صدمه اثرة بالمخ .. مضاوي من غير وعي جلست وهي منصدمه هلى كرسي كان قريب منها .. نوفا بخوف : مضاوي .. مضاوي تتنهد بصعوبه : وش باقي بعد وش باقي يانوفا غيري انا وانتي ..المصايب تتحذف علينا من كل صوب وتبيني ما افكر واتضايق .. اخوك بصدمه وابوك عاجز واختك مدري وين ارضيها ,, والثانيه ليلى لها اسبوعين ما شفتها وانا مشتاقه لها. .وغير هذا صدمة موت امك .. وش اسوي يانوفا انا بشر بتعب لابد بعلن استسلامي.. نوفا : سلامتك يالغاليه سلامتك .. مضاوي : متعب وش قال الدكتوور .. نوفا : طمني الدكتور وهو يقول الفتره اللي بيجلس فيها داخل ساعيتن بس وباقي بحولونه للجناح .. مضاوي : والصدمه قويه ..؟ نوفا : ما ادري بصراحه بص يقول انه حالته احسن .. مضاوي : اقدر اشوفه .؟ نوفا : تقدرين تشوفينه من الدريشه الانه وت الزياره انتهى ..ومننوع عنه الزياره .. مضاوي : طيب انتي روحي البيت وعرصي على نفسك بالطريق .. وانا بجلس عند متعب للساعه 10 وبلحقك للبيت .. نوفا : طيب والدروس الخصوصيه .؟ مضاوي : اموت ولا اكمل هالدروس احس كل ما ابغى اكمل شي لمصلح لقيته ينعكس علي هالمصلحه لا تكفين خليني اهتم فيك انتي ومتعب اللي بقوا لي من اهلي ما ابي اخسركم .. نوفا وهي تضمها وتبكي : مضاوي تكفين ما ابي اخسر احد ثاني انا تعبت كل يوم احس انكم تبتعدون اكثر من اليوم الثاني امس ليلى فقدها وفقد نور ابجورتها ودراستها وكتبها وازعاجها بالدراااسه وفقد لولوه اللي تحارشني بالمدرسه وبسريري وحتى بجاماتي واغراضي هههه وهي تشهق حتى بالحمام الله يكرمك كانت مزعجتني فقد الكل يامضاوي وما ابي افقدك ترا اكره الوحده انا .. مضاوي ما قدرت تصبر وتتحمل الا وطاحت دمعتها وهي تجبرها وتمسحها ما تبي تحسس جدام اختها انها الضعيفه المهزومه على حيلها والمهزومه امام القدر الشامخ .. مضاوي وهي تمسح دموع اختها: يالله قومي لا تضعفين جدام القدر خليك قويه .. نوفا : قويه ههههههههههه هو فيني قوه بعد كل اللي حصل لنا ..!؟ مضاوي تسكت وش ترد عليها كل كلمه قالتها صح .... وماردت الا عليها بكلمه وحده .. مضاوي وهي تفتح شنطتها : خذي هذي  قروش للتاكسي  بيوديك لبيت .. نوفا : وتاخذ حق التوصليه .. مضاوي : اتصالي على علي البقال خليه يجيب خبز وجبن على الاقل عشا لابوي لا تنسين لازم يتعشى عشان ياكل دواءه ..؟ على الاقل اشتري خبز وجبن ترا البيت حده فاضي والثلاجه تشتغل وهي فاضيه تقرقع .. نوفا : طيب في شي ثاني بعد .. مضاوي : ايوه لا تفتحين لاي احد تسمعين لي واذا صار شي ولا شي اتصالي علي بسررعه ولا روحي لام وليد جارتنا .. نوفا : طيب .. مضاوي : خلاص روحي والله يحفظك .. نوفا : حست بحناان الام بالكلمه ذي .. وهي تبتسم لاختها وتطلع خارج المستشفى وتخلي اختها جالسه عند اخوها المريض وهي رايحه تجلس عند ابوها .. _______________ لولوه وهي تعرفه والكل سمع صرختها وهي تصيح .. لولوه : بس تكفون بس ابي ارجع بيتنا تكفون مابي اعيش عند احد برجع لبيتنا خلاص انا ندمت وربي ندمت بس ردوني للبيتنا .. منصور : توك تندمين لالا بعدك ما شفتي شي وشفتي اللي يقولون (وهو ياشر عليهم ) ترا بيرمونك مثل مارموا ابوك وما اظن بتعشين اكثر عندهم .. وهي تصيح اكثر : بس دخيلكم بس .. منصور ..ربوا بناتكم  ياعبدالله .. ترا في غيرها ثلاث على ذمتكم ومسوؤلين عنهم ...مافيكم خير لاخوكم الي هو من دمكم وشلون بيصير فيكم خير لعياله .. انتوا متى اخر مره شفتوا عبد اللطيف .. بناته يسرحن ويمرحن وهو عاجز مشلول ما يدري عن اللي رايح وعن اللي جاي ..؟ حاسبوا نفسكم ..! من مات ابوكم حتى ما سالتوا عنه وش اخباره وين ساكن ..وش حاله ..؟ ووضعه ..!! عبدالله (ابو متعب ) الحين جاي تعلمنا ولا جاي تعايرنا ..! ولعلمك  يامنصو  هذي وصية متعب ال*** ما نقرب منه ولا نجيه ولا نسال عنه .. وتعرف وصية الميت ..! منصور : يعني ما وصى يوم يجيكم تسكرون الباب بوجهه ..؟ ابو مشعل "محمد " .. وش تقصد يامنصور ..؟ منصور : لمو اعياله وخليه اعياله يجبونه .. تراه محتاج لكم اكثر من اول واكثر .. واولهم اعياله مو لاقين احد مسؤول عنهم وانتوا خيركم الله من فضله وكلن من بنات اخوك تعرض نفسها سلعه مثل اللي تشوفه جدامك .... وهو يشفون لولوه اللي فقدت كل اساليب القوى .. يكمل منصور.. هذي بنت اخوك لا تولي ابوك تبرا منه يعني تبرا من اعياله ولاتقول انه الاسم انشال مع التبري .. لا هذا عاركم وكفووه بدينكم ..وانا ما على الرسول الا البلاغ .. اللهمه بلغة فاللهمه فشهد .. ويطلع من غير اي كلمه ثانيه .. ويخليهم محتااارين بكلامه .. لولوه ما تقدر تتكلم خلاص كل شي وضح جدامها ... انه اللي قبالها عمانها وبيسون مثل ما سوو لابوها وراح يطردونها لكن قبلها اكيد بيعذبونها .. لولوه بداخلها : لازم اتكلم واقول شي لازم اهرب قبل لا يقضون علي .. عبدالله ابو متعب  وهو يشوفها : قومي لولوه  وهي توقف وهي رافعه راسها :: انا مارح اجلس هنا وهي تمسح دموعها وتاخذ ملفعها .. وتبي تمشي .. الا ابو حمد عبد الوهاب .. وين رايحه ؟؟ لولوه : ما ابغى اجلس هنا .. عبدالله بصوت يخوف : ومالك الا هنا ..؟ لولوه : مو بكيفكم تجبروني اجلس عندكم انا ما ابقى اعيش مع ناس اول مره اشوفهم واول مره اسمع عنهم .. انتوا منو انتوووا منوووووووووو بالاسم بس اخوان ابوي بالاسم بس .. عبدالله : يمكن عندك بالاسم ...! بس عند غيرك باشياء .. لولوه : هذا انتوا تهتمون بالغير ما تهتمون بالشخص وظروفه .. هذا انتوا انانييين ما يهمكم الا نفسكم .. وكلام الناس وش ينقال رميتوا اخوكم وما سالتوا عنه .. 23 سنه وينكم بس اعرف انه لابوي اخوان .. المسكين يسوالف لنا بانه عنده اخو اسمه عبدالهادي وعبدالله ومحمد ..شفتوا اعرف حتى انا اساميهم لكن للاسف ماعمري شفتهم .. ابوي كان يسوالف عنكم كثييير .. ويوم كنا اصغار عنكم . وكنا نساله ليه مانروح لهم .. ليه ما نشوفهم تدرون انه دمعتة على خده تجاوب وهو ساكت ..!! كان ينجرح كان يبكي من غير ما ندري .. كنا نقول لابوي لا تخلي امنا تجيب ولد عشان لا يرمون اخوي متعب الوحيد كنا اطفال على بالنا اذا جانا ولد ثاني نحذف الاول .. وابوي كان ينجرح اكثر واكثر .. كبرنا وعرفنا بالسالفه كلها .. ابوي غير اللي قلتوا عنه وظلمتواا وغير هذا ابوكم ابوكم اللي هو جدي حطه بالسجن .. اي ابو يحط اعياله بالسجن وويخليه يتعذب .. القطوه هي القطوه لمت اعيالها ما خلتهم .. وهي تصيح وتبكي .. عبدالله : قومي ادخلي داخل عند عماتك .. لولوه  بقوه كذابه  : ما ابغى.. برد لبيتنا .. عبدالله بعصبيه :قلت لك ماراح تردين لبيتكم خلاص  لولوه : انت تظن اني بنت تبيع نفسها سلعه  رخيصه .. والكل يظن هذا .. لكن انتوا ما تدرون عن اللي يصير لنا .. والله ما تدرون .. انا انخدعت ونصب علي بنت عمرها 18 سنه نصبوا علي .. مثل ما انصبوا على ليلى اختي .. ليلى اختي اللي انظلمت وحطها  منصور اللي يسمونه خال بالسجن ..انا متاكده انه كله منه .. وانا والله ماكنت كذا .. وهي تبكي والله ما كنت كذا والله والله .. انا بنت صدقوني بنت وربي ما لمسني احد .. لكن يجبروني اجلس بالشقه الانها باسمي وقعة على اوراق ماكنت اعرف اني مخدووعه على امري .. كذبوا علي بانها اوراق عادي وقعي وما دريت اني حفرت موتي بيدي .. وكل مره ما ابي اروح لكن يهددوني اذا ما رحتي بلغنا عن الشقه  بانها مشبووهه ولا تنسين انها باسمك والله يهددوني . وانا ما ابغى اكون الضحيه الثانيه نفس ليلى كنت اروح واجبر نفسي بالقوى وهي تطيح من طوله وتبكي وتبكي بصوت عالي : انتووووووا السبب انتواا السبب في كل هذااا حياتنا كلها تتدمر وانتوا تعشونها بحلوها ومرها وحنا نتعذب .. ندور للقمه وين .. ندور الشغل وين انتوا بس شاطرين بااسم العايله ولا همكم  ببنات اخواكم ..؟؟وبمتعب اخوي اللي انحرم من اشياء كثيره .. ولا باختي مضاوي اللي تدق كل باب تدور شغل وتضمنا وتوكلنا .. الحين جاين تقولون همنا الاسم .. وتترد بقوى اكبر : حنا غنييييييييييييين عنكم الله معنا ما بينسانا وخلكم انتوا مع الاسم والشرف .. والظروفنا من اجبرتنا نعمل كذا .. وهي تحاول تقوم لكن تحس انه رجلينها من الصدمه مو قادره خلاص فرغا كل الكلام اللي بتقوله .. واستغربت بانه حتى اصحاب اللحى والشوارب ساكته .. تنزل راسها تمسح دموعها تلف ملفعها عدل وتغطي وجهها وتقوم تبي توقف وتطلع من هنا باي شكل من الاشكال .. الا بصوت يهزها .. عبدالله : قلتي اللي عندك وخلصتي بس بعدك ما سمعتي اللي عندنا .. لولوه بخوف : ما ابغى اسمع  الانه اللي قلته كفاايا واحسبوا بانه عرق او دم من اخوكم نطق وقالها يكفي اللي شفته واللي سمعته من لسانكم .. محمد : لكن هنا ما قلنا شي ؟؟ عبدالوهاب .. ومن قال انك بتروحين ..!!! عبدالله : قبل لا تجين كنا نتشاور عنكم وانتي ما تدرون ..كنا رايحين لبيتكم نشوف ابوك ونجيبكم هنا تعشون وتكملون حياتكم معنا بعد ما سمعت عن اختك اللي بالسجن .. لولوه : مضاوي ماراح ترضى تعيش  وتعيش اخوانها بالذل اللي شافه ابوها .. محمد : منهي مضاوي امك .. لولوه : هههههههه ضحكتني امي ماتت وقلبها محروق على بنتها .. لكن مضاوي اختي الكبيره متعلقه حيل بابوي وتحبه وهي تجلس معه كثير كان يسميها "امي " وكنا نغير ليه تسمي مضاوي امي ..؟ ضحك وقال لانها امي ... وبالاخير عرفت بانه مضاوي اختي مسمينها على امه وهي اكثر وحده تعرف عن ابوي .. وتضحي به .. وانا ماراح اسمح لنفسي اني اجلس هنا اكثر من اللي جلسته .. عبدالله وهو يشوف ولده فهد يتقدم لهم .. وينااديه .. عبدالله : فهد تعال .. فهد وهو مستغرب من البنت اللي كل عمانه يجلشون معها: هلا يبه .. عبدالله : اخذ البنت وقول لامك هالكلمتين ..: هذي وصية ابوي خليها عندك .لين يرجع . لولوه : قلت لك مراح اجلس هنا .. عبدالله : بتجلسين ورجلك فوق راسك تسمعين .. خلاص انا سمعتك بما فيه الكفااايه .. وان سمعت انك هربتي وربي لظر ابوك وخواتك واخووك لسوي فيهم شي انتي ما تحبين تسمعينه .. وهو يخليها ويامر فهد انه ياخذها للبيت داخل .. فهد : يبا وين رايح ؟ عبدالله : مشوار قصير انا وعمانك بس ها عينك عليها يافهد وخل امك تحط عينها عليها بعد .. فهد : منو هذي ؟ عبدالله : بعدين بتعرف وهو يعطيه ظهره.. وهو يقول لمحمد وعبد الوهاب : يالله مشينا للمكان اللي قلتوا عنه .. وركب عبدالله سيارته ومحمد وعبدالوهاااب بسياره ثانيه .. فهد : قومي ادخلي داخل ..؟ لولوه : ماني داخله .. فهد : وليه طيب ؟ لولوه : مو بكيفكم تدخلوني بيت انا كارهته وكاره اسمه بلساني .. فهد وهو يسحبها مع يدها : امشي لولوه : ماني ماشيه وش عندك ؟ فهد : شكلك من النوع اليابس لولوه :قلتها وصعب الين مع احد ..! فهد : بس مو معي انا هاليابس ...؟ وهو يسحبها وهي تصيح وتقول : اتركني اتركني لين دخلها بوسط البيت وهو ينادي امه اللي كانت ام مشعل موجوده .. ام متعب : منو هذي يافهد .. لولوه :: اتركني حورت زندي .. فهد : ابوي قالي ودها لامك وقل لها انها امانة عند ابوي ولا تخلينها تنحاش .. ام متعب : ليه تنحاااش ؟ لولوه : انا بالعربي اذا ما تفهمووووون انا ماابي اجلس هنا انتوا وش نوعكم من البشر .. فهد : هذي شكلها ما تربت يا يمه .. ام مشعل : وابوك من وين جابها .؟؟ فهد : مدري لقيت ابوي وعماني جالسين بالحوش ومعهم هالبنت معصبه ويوم سالته قالي بعدين اعلمك بس اخذها لامك .. لولوه تبي تنرفزه :: الانك منت رجااااااااااااااااااااااال ماهو وااثق فيك قال خلها مع امك ...كلكم منتوا رجاجيل ..بس تتقوون جدام الحرمه .. هي قالت هالجمله الا تشوووف الدنيا تدور حولينها :: الا ذاك الكف الللي معطيها فهد من قوته حست الدنيا بعدها تدور وتدور ..واستوعبت اخيرا للكف .. لولوه : انت منو عشان تظربني ..؟؟ ابوي هو ابوي ما عمره مد يده علي ولا ذقت الكف منه .. يقاطعها فهد : المفروض تشكريني الاني خليتك تذوقين طعم الكف الاصلي .. لولوه من القهر : تف عليكم .. ام متعب : انتي بنت قليلة ادب ..احترمي الرجال اللي قبالك .. لولوه : ماهوب رجااااال .. فهد بعصبيه اكثر : شكل الكف الاول ما شبعك ..؟ لولوه وهي تمد خدها : اظرب يارجال اضرب اصلا ما تتقون الا على الحريم .. ام مشعل : استغفر ربك يافهد ولا تحط عقلك عقل بزر .. لولوه : بزر ههههههههه عدينا هالمرحله اظن يبيلك اكبر نظارت عشان تشوفين حولك يالعجوز .. فهد : لا هذي زودتها وشكل مافي احد رباااك ياقليلة التربيه .. لولوه : ههههههههههه حلو كلمة  قليلة التربيه شكلك توك ماخذها بالمطرسه هههههههه,,, فهد وما تشوفين الا البركان الهايج بوجهه : وهو يمد يده ويعطيه كف اقوى من الي طاف .. ام متعب : خلهاااااااااااا يافهد خلها لين يجي ابوك ونفهم وش سالفتها هالبنت .. لولوه وهي تمسك خدها : قلت لك رجال على حرمه بس وانت ما تسمعني ..بتظل رجال على حرمه .. فهد : ذي بذبحها وربي بذبحها ام متعب : خلاص يافهد رح وانا بتصرف معها .. لولوه تبي تقيضها باي شغل : وش تتصرفين ..؟ لو اقولك انا بنت زوجك بتصدقيني ؟؟ ام متعب بصدمه : كيف بنت عبدالله ؟ لولوه : ههههههههههه تربيتي هي تربيته هههههههههههههههه .. ام مشعل .. : ام متعب لا تقهرك الصغيره ذي ترا لو بيتزوج ابو متعب يقولك .. لولوه : اي اكذب عليك ماني بنته .. فهد : وشهو  انتي تلعبين ؟ لولوه : طيب العب وش عندي غير العب .. فهد وهو يشوف امه ولا قادر يجلس دقيقه من البنت اللي جننته وارفعت ضغطه .. قال كلمه : انا طالع اذا جاء ابوي خبريني .. ام متعب ,,,: طيب وهي تشوف لولوه وهي خايفه لا تسوي فيها شي وتجننها اكثر .. ولولوه وهي جالسه وتشوف القصر والابجورات والثريااات والعالم الغريب لها وتقول هههههههههه هم عايشين وحنا نحفر قبورنا عشان نعيش ...!! _____________ وتجلس مضاوي بروحها وتفكر وش راح يصير بكره بعد .. وتفكر بمصير اختها لولوه اللي ما تدري وين اخذها اللي ما يتسمى .. هو ظرها او ظربها او مدري وش سوا بها وهي تفكر وتسند راسها على جدار المستشفى وهي جالسه : وش اخرتها يعني بنفترق ..! يعني ذي دعوة جدتي .؟ او دعوة من اللي طاحت علينا ..! امي تابت والله هداها ,.. وابوي اخذ جزااه .. طيب ليه حنا وش سوينا بهذي الدنيا وهي تقوم وتشوف اخوها النايم وشكله من الصدمات متغير .. وهي تفدااه وتغليه .. وهي تشوفه من وراء الزاجاج وتقول له وهي بقلبها .. متعب تكفى اصحى يكفي اللي صار لك وربي يكفي ادري اللي حصل لك مو شويه لكل ما الومك .. اصحى ترا ماعندنا رجال غيرك .. ابوي حالته تتدهور يوم بعد يوم ولا هو داري عنا ولا عن وش نسوي ولا عن المصااااااايب اللي صايره لنا .. اختك لولوه ولا انت ولاليلى .. قلي من افكر فيه ..؟ انا تعبانه يامتعب جد اختك تعبانه متحاجه رجولتك اللي الكل يحسدك عليها .. ياربي يشفيك ياربي يالله ويصبر ليلى على اللي بلاها .. ويحمي اختك لولوه وين ما كانت .. الا تسمع شخص وراها يقول ..: ها وش اخبار اخوك الحين ..؟ مضاوي وهي تلف للصوت وتشوفه رجال .. ناصر انصدم وعرف ماهي البنت اللي شافها الصبح ..: اسفه اختي .. مضاوي : ما تكلمت ولا عطته حرف واحد بس اكتفت بنظره الانه باين عليها لو بتتكلم يمكن تحظنه وتبكي تبي اي صدر تعبر عنه تمنت هيفاء صديقتها موجوده وتساعدها بهذي الاوقات الصعبه لها .. ناصر كان بيروح بس شاف متعب هو نفسه اللي الصبح وشكل هذي وحده من خواته .. يعني خالي عبداللطيف عنده بنتين ؟.؟ ناصر وهو يراقبها من بعيد .. مضاوي ترجع وتجلس على الكرسي تنتظر الساعه تجي عشر الانه الدكتور يوم مر بشرها انه بيطلع للجناح الساعه عشر .. وهي تنتظر .. الا وذاك الشخص اللي سالها مع عصيرين وكيس شوي كبير .. ويجلس جنبها ... مضاوي هي تبتعد عنه شوي .. ناصر : انتي بنت عبداللطيف صح ..! مضاوي والصدمه بوجها : انت منوو..ّ؟ ناصر وهو يحط العصير وياخذ عصير له ويفتح الكيس ويطلع كرسوان جبن ثنتين ,,, واخذ ققطعه وحطها فوق العصير وهو ما يطلعها ..ويتكلم : خذي ذي لك .. وهو يفتح عصيره ويشرب منه .. مضاوي : انت منوووو ؟ ناصر وهو يشوفها : منتي جوعانه .؟ مضاوي : ومنو انت عشان اخذ منك ..؟ ناصر : اختك الصبح انا من جبتها هنا .؟ مضاوي والصدمه رعب : لا يكون شربت عصير .. ناصر حب يرفع ضغطها ويداعبها : اختك احسن منك شربت العصير واكلت الكرسوان .. ولا اسالتني حتى انت منوو .. مضاوي بعصبيه : وانت من..؟؟ عشان تسمح نفسك تعرض خدماتك لنا ترا محنا مقطوعين من شجره .. ناصر : واااااااااو توقعتك هديه مو من النوع العصبي .. مضاوي : لو سمحت فارق عن وجهي الاني ماني طايقتك جنبي واخذ اغراضك اللي جايبهم .. وهي تتوعد لنوفا اذا جد كانت شاربه منه عصير .. ناصر :: اضحك معك يابنت اجلسي لا تفشلينا .. مضاوي :انت منوووا .؟ ناصر : اجلس وبقولك .. مضاوي : كاه جلست .. ناصر : اشربي عصيرك وتاكدي اني ورب البيت ما حطيت شي .. وانا ماني خبل اضر اهلي .. مضاوي : اهلك ..؟ ناصر : انا ويسكت .. بلاش اقول مرد الايام بتجمعنا ياااا الا وش اسمك واسم اختك .؟ مضاوي : تكذب وتبغاني اصدقكك .. اقول انقلك ترا وربي مو طايقه نفسي عشان اطيقك ..والشرطه والهيئه بس صرخه مني تلم الكل عليك وتفضحك .. ناصر خاف جد تسويها :: لا خلاص بروح بس تذكري وجهي الا وش اسمك تكفين ؟؟ مضاوي : مو لازم تعرفه فاارقني شكلك تبي جد افضحك .. ناصر : لا ابد سلامتك ما نبي نزعجك بس خويك ناصر تذكري هالاسم الانه الايام بتجمعنا ياام شامه .. وهي تنصدم كيف لكش شامتها اللي بعينها اليسار صغيره لكن مو لدرجه ذي واضحهه .. وهو يروح وقبل لا يمشي  قال ترا والله العظيم انه العصير والكرسوان شاريهم من صندوق اعانة المرضه اذا منتي مصدقه بدليهم ويمشي وهو يضحك .. كانت مضاوي جد جوعاااااانه من الصبح ما كلت شي ويوم شافت طيفه راح اخذت الكرسوان والعصير البرتقال واشربته حست انه الروح ردتت لها وحتى النشااط .. ومرت الساعتين وحولووو متعب للجنااح الرجال والانه رجال ممنوع نوم النسائ فيه .. وتطمنت على متعب انه بخير لكن من التعب كان نايم وطمنها الدكتور يقدر يطلع بكره الانه بس يواضب على الادويه وراح يتحسن باذن الله .. وهي تاخذ التاكسي وترجع للبيت وهي بغاية التعب .. توصل مضاوي البيت وهي تعباااااااااااااااااااااااااااانه اول ما وصلت خلعت عبايتها وجزمتها وانتي وكرامه السود اللي شوي وتنخلع بالكامل .. الا تشوف اقبالها نوفا اختها .. مضاوي : السلام عليكم ؟ نوفا : وعليكم السلام ..ليه تاخرتي ؟ مضاوي : ليه صاير شي ؟ نوفا : لا ماصار شي بس انا افكر بلولوه وين راحت ؟ مضاوي : تكفين لا تزيدين علي الهموم .... نوفا : يعني مارح تبلغين الشرطه .. مضاوي : لا بتصل عليه .. نوفا : على منوو ؟ مضاوي : على منصور .. نوفا : ويكف تعرفين رقمه ..؟ مضاوي : بغرفة متعب نسيتي انه كاتب رقمه بالجدار غرفته .. نوفا : ما اتذكر ..؟ مضاوي : طيب ابوي اكل شي ؟ نوفا : اي وكلته بس دوا ومن الادويه خلص .. مضاوي : اي واحد ؟ نوفا : ابو كرتون برتقالي بزرق ... مضاوي : لاااااااا ذا غالي مره وموموجود بالمستشفيات ولا اقدر اخذه مجانا .. نوفا : والحل ؟ مضاوي وهي تجلس ويدها براسها تسمكه تبي تخلع كل شي .. نوفا : مضاوي فيك شي .؟ مضاوي : وش الي مافيني يانوفا ؟؟ نوفا : ..................... مضاوي وهي تلف لاختها : تعشيتي ؟ نوفا : لا مافي شي .؟ مضاوي : طيب بسالك .. نوفا : وشهو .. مضاوي : منو الشخص اللي وصلك الصبح ؟ نوفا : ماعرفه بس وقف وساعدني جزه الف خير .. مضاوي : انتي قلتيله عن اسم ابوي ؟ نوفا : لا بس انا ماعرف اجراءات المستشفى وصار يساعدي وقالي عطيني بطاقة اخوك قلت لا انا اقولها للسستر وقلتها ومعني .. مضاوي : اهااااا .. نوفا بخوف : ليه سالتي وكيف عرفتي بانه شخص موصلني ؟ مضاوي : الانه جاء مره ثانيه ومعه عصير وكرسوان .يحسبني انتي .. ويوم شافني انصدم .. نوفا : وربي العظيم اني ما سوالفت معه ولا عطيت معه .. مضاوي : نووووفا .. نوفا : وربي ما تكلمت معه الا قليل بس عن المستشفى وسبب طيحة متعب .. الانه انصدم بولد بعمره صدمه اثرة بالمخ .. مضاوي : كنت عارفه انك بتتكلمين ..موم اي شخص تطقين السوالف معه وتشكين حالتس له .. كم مره بعلمك هالسوالف .. نوفا : اخر مره وربي اخر مره وهي تجلس جنب اختها وتظمها بقوى ...خلاص بس انتي لا تظايقين نفسك الاني ما ابي اخسر احد بعد .. مضاوي وهي تضمها وتمسح على شعرها : لا تخافين انتي اختي مهما سويتي بسامحك .. الا تسمع صوت البااااب يدق .. مضاوي : من يدق بهذا الوقت ..؟ نوفا : ما ادري انتي قايله لاحد يجي بهذا الوقت .. مضاوي : لا .. نوفا : وش بتسوين بتفتحين الباااااب ؟ مضاوي : اكيد لا .. ودق البااااب صوتا يعلى كل مره .. نوفا : مضاوي انا خااايفه .. مضاوي :لا تخافين .. انا معك .. نوفا : طيب شوفي منووو .. مضاوي وهي توقف خلف البااااب :: منووووووووووووووو </blockquote>

الإسم

التحقق