تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: <blockquote data-quote="أمير" data-source="post: 1073357" data-attributes="member: 2343"> الجـــــــــــــــــزء الســـــــــــادس ---------------------------------- ثامر : مو هم شخصيا لكن يخص شخص من اهله ؟ ابو مشعل بعصبيه شوي : قلت لك لا تلف وتدور ادخل بالموضوع ياثامر .. ثامر وهو مايعرف وش يقول : قبل خمس ايام جتنا جريمه في احد مراكز الشرطه وسجلها واحد من ربعي وقالي عن سالفة بنت تقرب لي حولوها للسجن من غير محاكما وطبقووا عليها القانون سجن 13 سنه والبنت متهمه بتجارة المخدرات وادمااان ..وتعرف كنت باجازه قطعتها عشان اشوفها ..اللي يقولون عنها يمكن الاني عرفت بالاخير لحظه انها بنت عمي عبد اللطيف حبيت اشوفها .. وفعلا شفتها وكانت جد تصرخ بانها مظلومه .. وعرفت انه عمي عبد اللطيف مشلول واليوم عرفت خبر ثاني عنها انه زوجته ماتت .. ابو مشعل منزل  محتار وش يقول لولده يتنهد بصوت مسموح هو مشتاق لاخو لكن ابوه الله يهديه ويسامحه وصيته محد يسال عن عبد اللطيف ولايحضر مايقدر يخالف وصية ابوه لكن بعد ما سمع انه عبدالطيف مشولول وبنته بالسجن وزوجته ماتت اكيد بنات اخو محتاجين له كم بنت له او ولد .. هو تغير او بعده ماتغير .. الله يسامحك يايبه طرده من البيت وتبريت منه بسبب طيشه ونحرافه .. ثامر يقاطع سرحان ابوه : يبه وش فيك ساكت ..انا اكلمك ابو مشعل : وش ارد عليك ياثامر .. ثامر : بصراحه.... وهي يجلس جنب ابوه ويكمل حديثه : انا محتار وقلت اقولك وانت اعرف بهذي الامور ..     ابو مشعل يلف وجهه لثامر : لازم اقول لعمانك وخصوصا عمك ابو نواف الكبير هو اعرف بهالاموور اكثر مني .. وانا بسال شيخ عن الوصيه .. وانت ابيك تسال البنت وتطمني عن حالهم وشلون عايشين واذا عندهم اخو كبير يجي اكلمه ,, ثامر : الي عرفته عندهم اخو عمره 12 سنه واسمه متعب .. ابو مشعل يجلس منصدم مسمي اولده على اسم ابوي متعب دليل انه عبد اللطيف متحسف وندمان ..وهو اشتاق يشوف هالمتعب حيل ثامر يقاطع ابوه : والحل يايبه ..؟ ابو مشعل .. الحل الوحيد اني اروح لعمك ابو متعب واقوله السالفه .. ثامر : وهو تتوقع بيحلها .. ابو مشعل : مدري احس كلامك في شي .. ثامر : بصراحه اي .. انتوا المفروض حلينها من زمااان حالتهم صعبه ..من بعد ماعرفت انه مشلول من 10 سنين تقريبا .. وهو يقرب من ابوه .. : يعني يبا ماحاولت تسال عنه ؟ ابو مشعل : جدك الله يهديه موصينا مانقرب منه وننساااه انه اخونا.. ثامر : االله غفور رحيم ليه جدي كذا شديد على اعياله .. ابو مشعل : بلاك ماتعرف عمك ذا نزل راسنا تحت مايتوب من المشااكل .. ثامر : طيب ما تجازون بالنكران على الاقل اسالوا عنه من وراء  جدي طيب ما سالتوا عنه بعد مامات جدي ..؟ ابو مشعل : لا ماسالنا الانه كانت وصيته واضحه ..مانسال وننسى انه اخونا .. ثامر : طيب وعمي عبدالله (ابو متعب ) وش بيسوي تتوقع ؟ ابو مشعل : اللي بيقدر عليه .. ثامر : يعني بيحل مصيبة بنت اخوه اللي بسجن ووصية ابوه لاخوا ؟ ابو مشعل : مدري والله ياثامر اني محتار وافكر وماني يمك بس بسال شيخ وعسا يفيدنا بشي .. ثامر : ومتى ناوي تروح لعمي عبدالله .. ابو مشعل : بمشي الحين وبتصل على ابو حمد (عبدالهادي ) ونجتمع عند عمك عبدالله (ابو متعب ) ثامر : اجل انا بريح شوي .. وبتصل عليك المغرب اعرف وش صار .. ابو مشعل : صار بس اتصال على مشعل اخوك يجيني ببيت عمك عبدالله (ابو متعب ) ثامر : ابشر يبا ..تامرني بشي ؟ ابو مشعل : سلامتك بس خل الموضوع بينا الانه اذا طلع للحريم بيخربونها .. ثامر وهو يوقف : افا عليك يعني تظن اني بخبر احد ؟ ابو مشعل : لا والله ياثامر .. بس قلت اذكرك .. ثامر : ابد ثامر اولدك مايحتاج وصيه ولا تذكير .. امش وانت واثق .. ابو مشعل يضحك :  امش نام وانا بتصل على عمك ابو حمد يروح لبيت عبدالله هناك ثامر : بهذا الوقت يبا ..؟ ابو مشعل : هذا موضوع كبير لازم نشوف له حل مو اي مشكله عاديه .. ثامر :طيب اتصل وانا بروح اناااااااام مع الف سلامه وهو يطلع مع الباب متجه لغرفته يبي يرتاااح وهو يدخل غرفته في خياله ليلى ماراحت عن باله لما بكت عنده تحالف انها ماله علاقه باللي حصل .. وهو يغط بساابع نومه من التعب .. --------------------- ساودع الحزن الان لا اريد ان يبقا لو القليل منه .. فلقد اكتفينا من الدموع والسهر ومن انفسنا ساودع اخر دمعه الان وسابدا من جديد .. لا اريد غيمة الحزن او الاكتئاب تقع فوق راسي او تسكن لتظللني سابدا من جديدفاليوم هو لي وغدا ستشهد انجازاتي .. لن اكرر الياس لن اكرر الفشل ساصعد الى غايتي وساخرج الجميع من هذا الياس والفقر .. نعم ساستطيع باذن الله لا اريد الا الاراده وسوف اتحلى بها .. لا مكان لتحطيم هنا سااقااوم ساقااوم ساقااوم رغم الصعاب .. ليس لدي حيله فقد التشجيع نفسي .. فانا الامل الوحيد هنا .. فارجوا من الله ان يعينني على ما استطعت .. تحدث نفسها وتشجع كل عرق فيها باصمووود وعدم الانحنااء .. تمسك جولها القريب الذي ازعجها بصوته رنينه .. وهي ترا الرقم غريب وبنفسها لا اريد ازعاج الان .. وتريد ضغط زر الرفض الا احسااسها يضغط زر فتح المكالمه  وتابدا بالتكلم : الوو ام ماجد : السلام عليكم .. مضاوي : وعليكم السلام والرحمه من معي ؟ ام ماجد: انتي مدرسة العلوم ؟ مضاوي : اي معك مدرسة علوم مساند رياضيات ؟ ام ماجد بصدمه : انتي سعوديه ؟ مضاوي : اي نعم ليه هالسؤال ؟ ام ماجد : اسفه على بالي من الجنسيات الثانيه .. مضاوي بضحكه : امريني ياخاله ... ام ماجد  : ما يامر عليك عدو بس بغيت مدرسة علوم لبنتي .. مضاوي : بنتك اي مرحله .. ام ماجد : السادس  س بغيت اعرف كيف سعوديه وتدرس خصوصي مضاوي : والله الدنيا من اجبرتني ياخاله وهي تبي تنهي الحديث .. حبيت اوضح لك انا ادرس الكورس 4500 وبشرط يكون الكورس كله ما امشي على نظام الحصص .. ام ماجد عرفت تغيرها الموضوع : حلو بس كم مره تجين بالاسبوع .. مضاوي : ثلاث حصص بالاسبوع وطبعا ما اجلس بساعه او الساعتين متى ما حسيت انه البنت افهمت تاكدي اني بطلع من غير ما اشوف الساعه يعني حتى لو اخذت معها 4 ساعات المهم انه البنت تفهم وتاكدي ياخاله اني ماراح اجلس قليل .. ام ماجد : حلو يعني حتى بالامتحانات .. مضاوي تقاطعها : حتى لو يوميا اجيها وافهمها درس بكره قبل لا تشرحه المعلمه لهم .. ام ماجد : طيب حلو بنبدا من اليوم وش رايك .؟ مضاوي : طيب بس عندي شغله احب اوضحها لك .. ام ماجد : وش هي .؟ مضاوي : الدفع يكون كل شهر ربع القيمه .. ام ماجد : لا خليها نص الكورس اعطيك 2250اريال .. ونص الكورس الثاني نفسه مضاوي : لا انا ابغى بالشهر الاني جد محتاجه لولا الحاجه ياخاله ما اشتغلت .. ام ماجد .: طيب كم بالشهر يعني ؟ مضاوي : 800 اريال .. ام ماجد : طيب حلو متى فاضيه ياليوم .. مضاوي : اقدر اجيك الحين بس عطيني العنوان .. ام ماجد تعطيها العنوان الكامل وبتحديد حتى مواصفات البيت ولونه .. وهي تسجل بورقه صفراا وهي تسكر المكالمه منهها ووتتجه عند مكتبتها الصغيره وتخرج اوراق بيضا ودفتر فاضي وقلم احمر .. ومن شنطة نوفا القديمه تطلع لها مقلمه الاقلام .. وهي تفتح كبتها تشوف وش تلبس .وهي طاايره من الفرحه واخيرا لقيت شغل هذا اول الخير ان شاءالله ..يالله يامضاوي لا تياسين اعرفي انه باب الخير بيفتح مع اول مكالمه وهي تفتح كبتها تطلع لها بنطرون جنز رمادي مع بلوزه ورديه على موف .. وتتذكر صاحبة هالملابس هي هيفااء  تركين جسمها النحيل على الجدار وتتغارق عيونها بدموع : الله يسامحك ياهيفاء اخر شخص توقعته يخليني بهذي الدنيا .. وش اقول خلاص الناس من حولي كلهم شوي وشوي يوضحون معالمهم .. وهي تاخذ الملابس وتاخذ معها العبايه الكتف وترميهم على السرير وتحط بشنطتها الصغيره اغراضها الي جهزتهم للتدريس .. وطلع من غرفتها تبي تبلغ نوفا عن الوظيفه اللي جتها .. وهي تدخل المطبخ ما تشوف نوفا .. وتروح لمجلس ما تشوف نوفا ..؟ مضاوي واقفه بوسط الصاله وتصارخ .. : نوفاااااااااا نووووفااااا استغربت محد يرد يعني طلعت من البيت وماخبرتني هي الثانيه .. وهي تفكر وش تسوي اذا جد اطلعت من غير ما تخبرها هي الثانيه .. وهي تخاف وهي تشوف ابوها نايمه تغطيه عدل وتطلع من غرفته وهي تشوف غرفة متعب من الصبح ما شافته بتروح تشوفه قبل لا تطلع .. تدخل الغرفه تشوف اختها نوفا جالسه توكل اخوها متعب التعبان تقرب منهم  : نوفا وينك لي مده اناديك ليه ماتردين .. نوفا : اسمعك لكن كنت مشغوله ما قدرت اقولك اني هنا ويصحى متعب .. مضاوي وهي تقرب من السرير وتجلس على طرفه وهي تشوف اخوها متعب بغاية التعب ..: لازم ناخذه لدكتور . نوفا : ماقصرنا ودينااه مرتين لدكتور وكله يقول حاله نفسيه ما تزول الا تغلب على حاله .. مضاوي : اكل شي .؟ نوفا : شرب الشوربه شوي وعطيته ادويته ونام .. مضاوي : وليه هالكمادات ..؟ نوفا : شكله به حراره الاني امسك جبهته حاره شوي . مضاوي  وهي تقرب منه وتبوسه على خده وتمسح جبينه : اسم الله عليك يامتعب شفت الدنيا وانت صغير وماتحملتها .. الله يلوم اللي يلومك ... توقف مضاوي وهي تشوف نوفا : انا بطلع اتصلت علي وحده تبغا مدرسه لبنتها ماراح اطول خلي بالك على البيت واذا جت لولوه امانه لا تخلينها تطلع مهما كان .. نوفا : ان شالله بس مضاوي .. وتسكت مضاوي وهي تلف جسمها لها : وش فيك سكتي ؟ نوفا : في اغراض محتاجينها وغير هذا دواء ابوي خلص . مضاوي وهي بحيره :: الله بسهلها عليها لا تزيدين علي .. نوفا : اسفه والله لا يخيب تعبك .. مضاوي وهي ترسم على وجها ابتساامه كرد على اختها وتطلع لغرفتها تغير ملاسها وتلبس عباايتها وتطللب لها تاكسي وتروح للنعنوان البيت اللي بالورقه .. -------------------------- شافها تطلع من باب اهلها بكامل زينتها وفخامتها وهي تمشي بوثووق وكانه لم يحصل شي بالاياام اللي طافت .. تمشي بوثوق وعيونها مكثره المكياج وغرتها اللي طالعه نصف شعرها .. وصبغتها اللي واضحه ..تمشي لسياره الجمس اللي مظلله بالسواد كله .. وهي تركبها من غير ما تـنــتبه انه في احد خلفها يتاابعهها ويشوفها هي وين رايحه مع كل هالزينه بباله الظن الشين فيها وهو فعلا ما خاب ظنه .. تااابعهها لمشوار يقل عن نصف ساعه بالسياره .. صار يتبعها ويتبعها من غير ما يحسس به احد .. واخيرا وقفت السياره قبال  عماره كبيره وشكلها فخمه نزلت منها لولوه .. مع بنت شكلها مشكوك في امرها وبعدها شاف واحد ينتظرهم عند باب العماره وهو يضحك معهم طقت براسه الف شيطان وشيطان يترقصون بمخه .. من غير شعوور نزل من سيارته وهي تشتغل وهو يمشي بسرعه لين ما حس الا وشعرها بين يدينه ويسحبها بيبنهم وهو يقول كنت شاكك بالاول لكن الحين ايقنت انه البذر مايطلع الا على اصله .. لولوه :: ااااااااااااااااااه اتركني اتركني .... منصور : لا ماراح اتركك بالقوايل حلو الخرابه .. الرجل اول ماشاف انه منصور ضرب لولوه انحش مع البنت البويه (صيته ) ماتشوفون الا غبرتها .. منصور : امشي معي وهو يجرها لسيارته ويرميها ويغفل الباب وهي تصيح .. لولوه : اتركني انت منت مسؤول عني .. منصور : الا مسؤول من اليوم ورايح اجل بتصيرين مسؤوله على نفسك وبكل يوم بشقه ثانيه .. مع الخراب يعني ماصبرتي على عزه امك يومين بس ومن رابع يوم وانتي ماخذا مسؤوليتك لا ياحبيتبي ودعي الحريه والدنيا موتك بيصير على يدي .. لولوه : انت مالك شغل بالموضوع انت ذبحت امي وطردها .. منصور : وانا الللي راح احرمك من اشيااء كثيره  واعلمك .. اولها الطلعات والدنيا ذي  راح تحلمين تشوفينها .. وهو يوصل لبيت اخته وهو يمسك لولوه ويفتح باب بيتهم وهو يدخل .. وتفاجاء بنوفا ومتعب اللي كان نايم على الكنبه وهو شكله لسه مريض .. منصور دخل بكل جبروت وبقوة وزهو يصارخ ..وين اختك الكبيره اللي تفهم وينها .. نوفا بخوف : طالعه .. نوفا تكره منصور والكل يكرهه الانه يعتقدون هو من قتل امهم ويخافون منه .. منصور : وين طالعه وهو ماسك لولوه من شعرها وهي جالسه على ركبها وملفعها طايح وماعليها الا عبايتها المزركشه .. وباين على لولوه الصيااح .. نوفا : طالعه وبس .. منصور .. وين رايحه ليكون بوحده من العمارات هي الثانيه نفس اختها وهو يعطي لولوه نظره قتاله .. نوفا بقوى : انا ماارضى عليك تقول لاختي كذا اختي اشرف وحده .. منصور وهو يرفس لولوه : واااضح والداليل اختك ذي .. ونوفا تقرب من توامها تبي تظمها .. الا منصور يوقف بوحها : وين رايحه لا تقولين انك بتظمينا ذي تستاهل الموت والصلاة حرام عليها .. نوفا بصراخ : انت وش تبي قلي وش تبي منا .. منصور : يعني اخليكم من غير احد مسؤول عنكم لا تقولين ابوك مسؤال وتضحكيني .. وهو يشوف متعب كيف يشوفه منصدم .. منصور وهو يتابع كلامه : ولا ذا الولد اللي تقولون عنه رجال شوفيه طايح حتى ما سلم على خاله ولا اهتم بامر اخته .. متعب : وهو يوقف انت : انت مو خالي .. منصور وهو يشوف عصا خزرانه طايحه وهو يمسكها .. ويقول لنوفا ومتعب  : شوفوا ذي خلوها عبره لكم يقصد عن لولوه ..ويكمل كلامه ..وقولوا لاختكم الكبيره العفيفه على قولتكم ذي عبرتكم واللي تخالف امري راح تشوف اللي شافته ..وشكل الدور جاي لاختك .. نوفا بخوف وهي تشوف متعب التعباان وتقرب منه وتحظنه ما تبيه ينصدم او يصير فيه شي وهي تشوف خالها يمسك العصا بيظرب فيها اختها لولوه .. وفعلا بدا منصور بالظرب الشديد بالخزرانه لين تكسرت قطع صغيره بظهر لولوه وهي تنهد تبكي تصيح ندمت على كل خطوه او فكره سوتها لولوه :: اااااااااااااااااااااااااااااااااااي ااااااااااااه .. منصور : بعدك ماشفتي شي .. احمدي ربك انه الخزرانه انكسرت باول الظربان لكن دواك عندي ماراح اكتفي بكذا راح اذوقك المر بحياتك يابنت عبدالطيف .. نوفا بصياااح وهي تقرب منه وتترجااه بقوى : خلها تكفى خلها خلاص كفيت فيها .. منصور بصراخ: ذي ما تستاهل الرحمه يانوفا ما تستااهل توها امك مابرد اتراابها رايحه تبيع نفسها .. ذي بنت ذي الموت شوي عليها .. وهي تشوف حال اختها المرميه الطايحه بالصاله من غير حركه ماغير كلمات تهمس فيها وهي تبكي من شدة الالم .. نوفا : تكفى والله ماعاد تكررها اخذها مني بس خلها .. منصور وهو يشد بشعر لولوه : قومي اقولك قوووومي ..انتي حرام عليك الرحمه ودعي اهلك الانه ذي اخر مره بتشوفينهم والله لرميك بمكان محدن يعرفه ولا اهلك ولا الجني الازرق .. لعدلك صح واربيك على يدي .. لولوه بالام :: اااه خلاص والله ما اعيدها والله والله بس خلني عند خواتي .. متعب وهو يشوف اخته وظربها ما قدر يستحمل وهو يشوف ترجيا لمنصور خاله ولا هو سامع من ترجيها شي .. ماقدر خلاص بيبكي يمكن يريح نفسه ما احس الا وصدر اخته نوفا تظمه وهي تبكي .. ومنصور يسحب لولوه بالقوه وهي تترجاه انها تبقى وماراح تعيدها وهو يسحبها ويتوعد فيها : اذا ما قمتي وربي لذبحك جدام اهلك ..قومي معي بالطيب ولاذبحتك .. لولوه وهي تقوم وهي تبكي  من كثر الندم والالم وتقول لنوفا : تكفين خلي مضاوي وابوي يسامحوني نوفا وربي مو بيدي انا مقصووبه وربي مقصووبه .. صدقنيني .. منصور بنفعال : اقولك امشي جدامي .. وهي يالله تمشي بخطوات مكسوره من الالم ومن الدنيا ..وهي تركب السياره وماتعرف وين مصيرها بياخذها لوين هل لدنيا جحيم اكثر من الجحيم اللي عايشته او بالنعيم اللي تحلم تشوفه ..!! نوفا وهي تشوف ظل لولوه كل لحظه يبتعد هل راح اشوفها مره ثانيه وهي  تشوف لولوه طلعت من البيت اللي عاشت فيه سنين عمرها حلو ايامها ومرها .. شقاها وحلاها وشرها .. ومغمارات الصبا .. ثواني قليل الا ذاك الشي اللي طاح بقوة وصوتهقريب  الا تشوف متعب طايح وعيونه مرتفعه وهي يون .. ما حست الا والدنيا تدور فيها وش تسوي  وهي تقرب منه ماتعرف وش تسوي خطوه بخطوه وهي خايفه هم تخسره .. ما حست بروحها الا وهي طالع لشاارع توقف تاكسي من غير عبايه او ملفع او من غير ملابس تستر نفسها فيها تصارخ وتصارخ وهي تلوم نفسها انها قالت له تعال للصاله اجلس فيها .. تدمت وما شافت الا ذاك الشخص اللي واقف يقول لها : استري نفسك يابنت .. نوفا : تكفى وقف ابيك توديه للمستشفى تكفى .. ..الشخص....: عسى ماشر ياختي  ..؟ نوفا : اخوي مدري وش فيه تكفى وده المستشفى .. وهي تركض للبيت وتشوف متعب عيونه مرتفعه فوق . .تشيله وتطلع برا الا تشوف الشخص واقف عند الباب وهي تقول بسرعه تكفى اخوي بيموت ما ابي اخسره تكفى وهي تترجا وهي تصيح وتبكي .. الشخص : طيب طيب وهو يشيل متعب .. انتي روحي البسي عبايتك وتعالي وانا بسياره .. نوفا : طيب طيب .. وهي تركض بسرعه تجيب ملفعها وتلقااها بغرفة ابوها االي لا حول ولا قوه له .. وتركض لسيارة الشخص .. وتركب ورا وهي تحظن متعب .. وهي تصارخ .. متعب تكفى لا تموت ما بقى احد ما بقى احد تكفى انا مو مستعده اخسر واحد وراء الثاني اصحى يامتعب الشخص : اذكري الله ياختي اذكري الله وسمي عليه ان شاءالله انه بخير .. نوفا بصراخ ودموع : وين الخير انا ماشفت الخير ابد وينه وتضم اخوها بقوى وتصيح وتضربه مع خده وتقول لا متعب متعب  متعب تحس انه غفل عيونه وهي تصيح اكثر والرجال يهديها واخيرا يوصلون لاقرب مستشفى عندهم وهم ياخذونه لغرفة الفحص .. وهي تسند جسمها النحيل على الجدار وهي تصيح وتحط يدها على فمها وتردد مات مات امي مااتت ومتعب بيموت وليلى بالسجن ولولوه ماعاد اشوفها من بقى لي من اهلي من بقى لي .. وهي تغفل فمها ما تبغى تصيح بصوت عالي وهي تشوف الرجال الطيب يركض وراء الاطبااء .. وهي ماتحركت .. حست العالم كله يدور وهي واقفه ماتحركت خلاص دموعها بللت اكمامها وجسمها يرتجف من الخوف خايفه تسمع خبر ثاني يكسر قلبها ... هذا اخوها الغالي مابغى احد جنبها كلن تشتت .. كل من اهلها تشتت .. وهي تجلس بركبتها ماقدرت تكمل الصمود فيها حست انها مهزومه  ضعيفه .. وانه نهايتها قريبه .. منزله راسها خاضعه للزمن وقدره .. شافت واحد يقرب منها وهو يجلس بمستواها.. لا تخافين اخوك متعب حي .. نوفا ترفع راسها وعيونها ذبلانه من كثر الدموع وبسعاده : جد جد قول والله .. الرجال : واقسم لك انه عايش .. نوفا بلهفه وعدم التصديق : طيب بشوفه .. الا تسمع النيرس تناديه : استاذ ناصر نبي كامل البيانات للمريض .. ناصر وهو يشوف نوفا : ممكن تعطينه البيانات .. نوفا ويدها ترتجف : مثل ايش .. النيرس : اسمه الكامل وعمره .واذا عندك احد رجال نبغي نكلمه .. ننوفا بخوف : ليه فيه شي متعب .؟ ناصر : لا تخافين ذي امور عاديه لدخول المستشفى .. نوفا تشوف النيرس وتقول لها: اسمه متعب عبدالطيف متعب ال.***** ناصر بصدمه : عيدي مره ثانيه اسمه .. نوفا وهي تلف له :ها اسمه .. ناصر : اي اسمه وشهو ؟ نوفا : اسمه متعب عبد الطيف متعب ال **** ناصر : انتي متاكده من الاسم ؟ نوفا بعصبيه : في حد مايعرف اسمه ؟ ناصر بصدمه : لالا خلاص بس حبيت اتاكد الاني سمعته من قبل انا اسف . نوفا : بشوف اخوي . ناصر وهو يشوفهامانزل عينه لا ماني مصدق هذي بنت خالي عبدالطيف .. والله لو تدري امي لتحب راسي وتقولي بتشوف اعيال اخوي وش هالصدفه اللي جابتني لهم .. وكانه الله يبي يقربنا بعد هالمده .. نوفا : لو سمحت بشوف اخوي .. ناصر : طيب .. وهو ياخذها لغرفته .. نوفا من الصدمه مو مستوعبه كل هالوايرات باخوها وهي تصارخ على ناصر : قلي اماانه وش فيه متعب .. ناصر : يقول الدكتور جته صدمة قويه وهالصدمه اثرة بالمخ .. نوفا وهي تطيح بركبها :: لا تقول لا متعب وهي تقوم بسرعه لسريره وتقرب منه تبي تضمه .. ويمنعها ناصر .. نوفا : خلاني .. ناصر : مايصير تقربين منه محتاج لراااحه .. نوافا ..وهي تسند ظهرها للجدار وهي تشوفه : يابعد قلبي ماشاف الراحه من يومه ككله منه الله لا يحلله الله لا يوفقه الله لا يرحمه الله لا يوريه اللي يتمنى طول عمره .. ذبح امي وكملها باخوي الله لا يرحمه ولا يوريه خير .. ناصر باهتمام : منو ذا .. نوفا  بدموع تبي تفضفض ماعندها احد تحكي له ودها لو تبكي بصدر يتعاطف معها: هذا شخص من عرفنااه وهو مدمر حياتنا .ذبح امي ودخل اختي السجن .. واليوم مسك اختي التوام واخذها يعذبها ومثل ما تشوف اخوي متعب ما قدر يتحمل الصدمه .. واختي الكبيره اشايله البيت وتشتغل وتهتم بابوي الشملول .. اخااف اخسر اختي بعد انا خااايفه انا جد خاايفه وهي تشوف اخوها وعيونها تغارقت بدموع وهي تبكي بقوى وتطلع من العرفه ما تدري وين تروح المهم تبي تخرج الاه من صدرها بقوه .,, وتطلع من الغرفه وتسند جسمها على جدار قريب منها وتبكي ونبكي وتبكي وتشهق بقوى .. ناصر يقرب منها ويقول لها : لا تبكين هذا ابتلاء من ربك وتحملي واحمديه .. نوفا : وش اتحمل ؟ محد جرب اللي جربناااه باحياتنا.. وهي تلف ظهرها وتقول .. ..انت ماقصرت ..وهي تمسح دموعها .وبعدها تلف عليه. نسيت اشكرك على التوصيل وعلى الوقوف جنبي . . واسفه الاني تكلمت مو من طبعي اتكلم لكن الظروف اجبرتني واسفه الاني ازعجتك معي .. تقدر تروح وانا بجلس عنده وبتصل على اختي تجي .. ناصر حس انه اندفع بكلامه وتحسف : طيب تامرين على شي قبل لا اروح .؟ نوفا : لا انت ماقصرت ياخوي .. وكثر الله خيرك ؟ ناصر وهو مو مصدق انه هذي بنت خاله عبدالطيف اللي جدامه .. وهو يخاطب نفسه ويقول شكلهم متعذبين بحياتهم .. وهو ويشوفها انتهت كلامها ما حب يطول سلم وطلع من المستشفى وهو يحمد ربه انه ساعدهم هو ولا احد ثاني يضحك عليها .. ويطلع بعد ماسلم وهو حافظ مكان البيت ..وشايل بجعبته اخبار ساره لامه بس ما يبغى يقول لها عن الا بعد مايحس اوضاعهم وهو يعرف انه خواله مستحيل يقول لهم الانه عارفالوصيه  ونوعها ونوع البشر ... نوفا وهي تشوف كل شوي يبتعد هالشخص وتقول في قلبها من هو وليه استغرب من الاسم وكانه يعرفه ؟ وهي تروح للهاتف العمومي بالمستشفى وتتصل على رقم اختها ... مضاوي بهذا الوقت كانت عند ام ماجد تتدرس بنتها اللي شيبت راس مضاوي .. مضاوي : عندنا خمس مجموعات او ممالك الخمس اذكريها .. شذى الطالبه : البدائيات  الطلعيات الفطيرات والنباتات والحيوانات .. مضاوي : طيب اذكري لي مثل على البدائيات مثل ما فهمتك ؟ شذى : مثل البكتريا ؟ مضاوي : احسنتي طيب اذكريلي من الفطريات ؟ شذى : العفن والفطر وووووووو مضاوي : طيب الاميبه من وين ؟ شذى : من الطلعيات .. مضاوي : كويس .. طيب اذكري الجنس والنوع ؟ شذى : الجنس انثى او ذكر ؟ مضاوي : حلو ..طيب كيف التاقلم بالبيئه ؟ شذى : استاذه جولك .. مضاوي وهي تنتبه للجوال حاطته صامت ..: كملي بعدين اشوف الجوال .. وهي تنتبه انه رقم غريب وهذي ومكتوب اربع مكالمات من هالرقم الهمه اجعله خير وهي تقول لشذى : ثواني واكمل عليج .. ماضوي وهي تنتظر الخط يمسك معها الا صوت تعرفه عدل .. نوفا : مضاوي انتي وينك لي مده اتصل وانتي ما تردين مضاوي وهي خايفه : وش فيك يانوفا ابوي حصل فيه شي متعب حصل فيه شي ؟ نوفا : انتي تعالي لمستشفى ..**** .. مضاوي بصراخ ورعب .. : تكلمي قولي وش فيهم احد فيه شي ؟ نوفا : انتي تعالي وانا اخبرك لما تجين .. مضاوي من الرعب ما قدرت توقف على رجلينها .. جلست من الصدمه الا تشوف ام ماجد تجي من صراخها .. مضاوي : من قوليلي يانوفا منو اللي مريض ؟ نوفا : متعب يامضاوي وهي تبكي .. متعب ولولوه وتصيح .. مضاوي : مو وقت اصيااح قولي لي وش فيهم .؟ نوفا : لولوه جا خالي وطربها لين تكسرة الخيزرانه على ظهرها واخذها وقال حرام احد يصلي عليها وهي مظروبه حيل ومتعب من الصدمه مدري وش فيه دخلته المستشفى والحين على الاجهزه .. مضاوي : كيف رحتي وانتي ماعندك فلوس ؟ نوفا : مدري مدري اللي اعرفه اخذني للمسشفى واحد لهناك .. مضاوي : طيب طيب انا جايه الحين اي غرفه هو .. نوفا :: حطينه بالوحده المشدده .. مضاوي تصراخ : وش فيه يانوفا وش قال الطبيب عنه .. نوفا : قال صدمه جته بالمخ ... مضاوي وهي تغفل الجول بوجه نوفا وتجلس تبكي تبكي مالحظة الا ويد ام ماجد قربها : عسا ماشر يامضاوي ؟ مضاوي : ترفع راسها وتلم اغراضها بسرعه وهي تقول لام ماجد : اعذريني انا ما اقدر اكمل لازم اروح المستشفى وافهم السالفه .. ام ماجد : وش حصل ؟\ مضاوي : من دخل خالي بحياتنا وحياتنا كلها مددهوره .والحين بيقتل اختي واخوي جته صدمه بالمخ ولازم اروح له .. وهي ما كملت كلمتها الاخيره الا وهي طالعه ..من البيت تدور تاكسي الا ام ماجد تقول اخذي الساايق .. وخذي ذا خليهم معك .. مضاوي ماتردد بالفلوس الانها محتااجتهم كثير .. وهي تقول لها : اوعدك اني اردهم لك .. ام ماجد : متى ما حسيتي انك مستعده للتدريس انا موجوده .. وهي تشكرها وتركب السياره متجه للمستشفى تبي تشوف متعب واختها نوفا المرعوبه .. ____________ ليلى وحيده بزنزلنتها ..تخاطب نفسها بصوت مسموع .. وبجوارها .. اشخاص ولكن الصمت والوحده تغلبا عليها .. والحزن غيم عليها ماتت امها ولم تراها السبب هي ..لم تستطيع التحمل بكت بما فيه الكفايه ,, تمنت لو ترجع اللحظات الجميله اليها .. وتصحح الاخطااء .. وتقبل راس امها قبل وفاتها وهي تقول سيذهب الجميع وانا ساكون هنا لا مكان غير هذا .. بوحدتي التي قتلتني .. وهي تقول .. وحيدا اسير على طريق مليئ بأشواك الحزن وأشجار الهموم بأوراقها السوداء تتدلى من كل الجوانب، ودموعي تغرقني في بحر من دماء قلبي التي أسألها جراء جراح بصمتها سكاكين الخيانة و الغدر. مضى النهار وأنا لازلت أأتنس بوحدتي وأرى الدنيا أمام عيني سوداء؛ اختفت تغاريد العصافير وراء ألحان انشدها قلبي الحزين، وتلونت الورود الزهرية بسواد عدم الثقة والكره. سالتني وحدتي: أين دفء الحب و الثقة بين الناس؟ فاجبتها: لقد قتله برد الكره والخيانة. قالت :لم أعد أرى بريقا كنت أراه في عيون الناس. فقلت لها:ذبح ذلك البريق بسيف الأنانية والبحث عن مصلحة تجر بخيطها الناس إلى هاوية المعاصي والأحقاد؛ فقد ولى الزمان غير الزمان وعاد الصديق كنار تتدفأ بها ولكن تخاف أن تحرقك، أما إخلاصه لك فهو مجرد صورة جميلة تخفي تحتها قبح حقد وكرها دفينا؛ معضلة تشبه ما أنا عليه الآن. دخلت إلى بيتي الذي اكتسى حلة الكآبة و بقيت مع وحدتي لوقت طويل الى أن سقط الليل؛ أويت إلى فراشي ظنا مني أن النوم سيزورني ولكنني أخطات الظن، فقد غاب عني منذ أن تعرفت على وحدتي. وضللت في ليلتي البيضاء، نزلت من سمائها كوابيس سوداء؛ صور عن قصتي مع الثقة والخداع، الإخلاص و الخيانة، الماضي الدي ظننته جميلا وحياة ظننتها سعيدة والحاضر الذي أعيشه وحيدا و لا أجد مهربا من ظلماته وأحزانه؛ مع ألحان آهات أغنيها بصوت قلبي. تمر اللحظات ...وفي كل لحظة شوكة تمزق جسدي وكياني...... .. ..تتألم روحي وآهاتي........وأنين نبضاتي يزيد أحزاني... ..تستغيث مشاعري من شدة الالم ......يد الصبر تمتد نحوي .. ..تمتد لتنزع عني أشواك أحزاني ,وتقول لي .. ..لا تيأس من الايام أو تخش الوحدة او الاوهام....... وتمتد يد الارادة لتدفعني الى الامام لاقهر وحدتي وابحث عن نفسي فأسمع صوت زماني يحدثني .. .مع الامل هنك لقاء ... ..فاسعد بيومك ولا تختر الشقاء ....بالامل سوف تقهر العتبات في هذه الايام ....... قلت ..يازماني من اليوم لن استسلم لوحدتي لن اكون اسيرا بعد اليوم لاوهامي .. ....وسوف احقق بالايمان احلامي ......... فيا صوت زماني صدقني بعد اليوم لن أستسلم لأحزاني ....... ليلى : تمسح دموعها .. سماح :هدي بالك ترا السنين تمشي .. ليلى : تكفين خليني بروحي .. سماح : على كيفك .. وهي تطلع تخليها بحزانها وهي تبكي بوحدتها وتشكي لنفسها الظروف وحياتها المره ________ بالقصر كانوا مجتمعين كلهم .. ابو مشعل(محمد ) ابو متعب (عبدالله ) وابو حمد (عبد الوهاب ).. ومحد معهم .. يناقشون قضية اخوهم وبنته ليلى .. ابو متعب : محمد انت تقول انه ثامر شافها  وعرف حالتهم يعني لازم نجيب اهله .. ابو حمد : وغير ذا زوجته اهلها مخاصمينها من السالفه اللي قبل عرفينها انتوا .. ابو مشعل : مايحتاج تفتحها يا عبدالوهاب الكل عارفهها ؟ ابو متعب : وعبداللطيف مشلول والحل انه نجيب اهله ويعشون عندنا وبين اهلهم .. ابو حمد : والبنت اللي تقول عنها بالسجن  وش نسوي فيها لازم نطلعها قبل لا يعرف احد بالسالفه.. ابو مشعل : على كلام ثامر يقول انها مظلومه .. ابو حمد : اجل يعرف احد يخرجها . ابو مشعل : ما اظن الانه محكومه عليها 13 سنه من غير محاكمه مانقدر نخرجها .. ابو متعب : انا بشووف لي واسطه اعرفها يقدر يتحرك شوي .. ابو مشعل : طيب متى ناوي نروح لهم ؟ ابو متعب : الساعه الحين 5 بعد ساعه باذن الله .. ابو حمد : وعبداللطيف ؟ ابو متعب : وش فيه ؟ ابو حمد : وين بتخليه يعيش ؟ ابو متعب : انا ماراح اخليه بروحه بجيبه وبسكنه ببيت اولدي متعب ,, ابو مشعل : وولدك متعب وين بيسكن ؟ ابو متعب : مو الحل وين بيسكن بيتنا وسيع ويوم اقوله ماراح يرفض لي طلب اعرفه اولدي يتمنى اني اطلبه .. ابو حمد : ووصية ابوي . ابو متعب : ابوي مات الله يرحمه لكن هذا اخوي ومحتاج لنا اكثر واسرته اكثر .. ابو مشعل : كلامك عين العقل يابو متعب .. الا يسمع الصبي الهندي يدخل وهو مرعوووب ويقول بابا في رجال برا عصب يبي انتا مع حرمه .. ابو متعب : منهوووو تعرفه ؟ الصبي الهندي : لا بابا مايعرف .. ابو متعب وهو بقوم بيشوف واخوانه خلفه .ويوقف بحوش القصر الكبير المطل على المزرعه .. .. ابو متعب : خير يالاخو .. منصور : جيت اعطيكم عاركم الاسود .. وهو يرمي لولوه على عمانها .. ابو متعب : منهي ذي ؟ منصور : ماراح تعرفها .. ابو حمد : انتو  منو .. منصور  وهو يقرب من ابو متعب : انا اللي يقول المثل مثل ماتدين تدان .. وانا اللي قلت لك مرت الايام تجمعنا .. ابو متعب بصدمه : منصور ؟!!!!! منصور وهو يوقف جدام لولوه :: اي منصور ياعبدالله منصور اللي طرده يوم جيت اقولك اخوك لعب باختي تعالوا استروا عليها قلتوا بنتكم هي اللي جت برجلينها. وسكرتوا الباب وراكم والحين اقول لكم هذا عاركم هذي يا عبدالله بنت اخوك رح ترجا الناس مثل ما ترجيتك وطردك  .. ابو متعب بصدمه ما رد سوا انه قال : البذر يطلع على اصله يا منصور .. ومو غريب يطلع من بنت اختك كذا الانه امها قبلها .. منصور بعصبيه :: اسكت يعني بتقنعني بماضي امها ونسيت ماضي ابوها المشرف بالاجرام وبسجون.. ابو حمد : صلوا على النبي يا جمااعه .. ابو متعب .اللهمه صلي على محمد بس انت سمعت وش قال .. لولوه وهي تبكي وتشوف الرجاجيل وهي مو مصدقه انها تشوف عمانها اللي انكروا ابوها وطردوه من البيت وهي تتمنى تموت ولا تعيش عند احد منهم ولا تقرب منهم .. وهي تدعي على نفسها بالموت باللحظه الف مره .. وهي تسمع احدهم يقول : : اذا عارك ما حرصت عليه بتحرص عليها .. منصور : ومن قال باخذها اخذوها انا عطيتها اللي يكفيها من الظرب والباقي عليكم ترا ذبحها حلال وهو يشوفها وهي تنزل راسها وتكمل البكي بقهر وندم شديد .. ابو مشعل وهو يقرب منها : هذي بنتنا وغلطتها حنا نتحملها من انت عشان  تظربها .. منصور : بنتكم وانتوا كيفكم لكن حقي واخذته .. ابو متعب : متى صار عندك حق يامنصور ؟ منصور : حقي من امها لولوه وهي تعرفه والكل سمع صرختها وهي تصيح .. لولوه : بس تكفون بس ابي ارجع بيتنا تكفون مابي اعيش عند احد برجع لبيتنا خلاص انا ندمت وربي ندمت بس ردوني للبيتنا .. منصور : توك تندمين لالا بعدك ما شفتي شي وشفتي اللي يقولون (وهو ياشر عليهم ) ترا بيرمونك مثل مارموا ابوك وما اظن بتعشين اكثر عندهم .. وهي تصيح اكثر : بس دخيلكم بس ..</blockquote>

الإسم

التحقق