الفخر مآ هو بكثر المآل والجآه

[همس المحبه]

السلآم عليكم آخوآني و خوآتي بالمنتدى ~

حابه اقدم لكم هالقصيده وعساها تنال قبولكم و استحسآنكم ^^

وباب النقد مفتوح بكل رحآبه صدر ^_*




اتركم مع النص ~





الفخر مآ هو بكثر المآل والجآه
الفخر بافْعال يكسيها التوآضع

والغنى بالنفس يا حظ الذي جآه
والتكبر يالبشر ماله منآفع

من عطى للخير ربي جل بعْلآه
ياخذه ويْقول كن فيْكون ضايع

شف رجآل اشْبآه لِرْجآل/ن وأشبآه
طبعهم مثل الغلايم بالتمآيع

ذا يحط كْريم بشره يْقول محلاه
صار لوني فاتح/ن ~ وش هالطبايع

نآس مآهم نآس لآ واستغفر الله
بعضهم لي من تشوفه بالمجآمع

قال فرح/ن دآدي وْ توتو ومآمآه
سآفروا والبيت فاضي لكل صآيع

جل تفكيره يبي يعصي لمولآه
حسبي الله ناس شآري مثل بآيع

لآ وذآ اللي مد مال ابْكف يمناه
قبل لا ترجع يقول اعطيت ذآيع

مآ عطى لْيوم الحسآب وْ كل مبغآه
الفخر وانه عطى و العاطي سآمع

من عطى للطير رزقه صبح و مْسآه
قاسم الارزاق محفوظه ودايع

ودي اقول اشياء كثيره وْ آهتي آه
آه يآ دنيآ كبير البطن جآيع

ما ملا عينه ترآب وْ دآه بدوآه
دآه قرش/ن هو دوآه وْ فيه لآيع

ياحسافة من غفل عن قولي فحواه
مات حرثه واستوى خالي البضايع

واحسب اللي خافوا حْسآب/ن ومطرآه
عدّهم ~ تلقى عددهم بالاصابع

حسبي الله واذكر الله كيف ابنسآه
اذكروه وْ سبحوا في كل جآمع

 

[Queen Love]

شكرا ع الكلمات الحلوة

ونترقب الزوود منج:approved:

 

[طبع الليالي ماتروف]

:approved: يسلموا ع الكلمات

 

[[ود]]

روعــه من الخـآطر

نتريا يديدج بشغف

 

[فـيـ الـكـعـبـي ـصـل]

صج الله لسانج أختي ع القصيده الطيبه ..

تقبلي مروووري.. وننتظر الزووود .