الرئيسية
المنتديات
المشاركات الجديدة
بحث بالمنتديات
ما الجديد
المشاركات الجديدة
جديد مشاركات الحائط
آخر نشاط
الأعضاء
الزوار الحاليين
مشاركات الحائط الجديدة
البحث عن مشاركات الملف الشخصي
تسجيل الدخول
تسجيل
ما الجديد
البحث
البحث
بحث بالعناوين فقط
بواسطة:
المشاركات الجديدة
بحث بالمنتديات
قائمة
تسجيل الدخول
تسجيل
Install the app
تثبيت
الرئيسية
المنتديات
,, البُريمِي الأَدَبِيـَة ,,
,, البُريمِي لِلقِصَص والرِوَايات ,,
ما تسوى حياتي دونــــــج..
تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.
أنت تستخدم أحد المتصفحات القديمة. قد لا يتم عرض هذا الموقع أو المواقع الأخرى بشكل صحيح.
يجب عليك ترقية متصفحك أو استخدام
أحد المتصفحات البديلة
.
الرد على الموضوع
الرسالة
<blockquote data-quote="ريموه البطرانه" data-source="post: 1020457" data-attributes="member: 7654"><p>الجزء الثالث..</p><p></p><p></p><p></p><p>ارتاحت ساره يوم رجع بو هزاع الدوام..ع الاقل ما قامت اتجوف هزاع..الا نادرا ..</p><p></p><p></p><p>كانت اتحس انه ايي الشركه من فتره لفتره ..عشان يراقب تحركاتها مع بو هـزاع..</p><p></p><p>الحين عرفت ساره ان هزاع خايف من انها تزوج ابوه..طبعا عشان الشركه و المال الي يملكه بو هزاع..بس هي دوم تعتبر بو هزاع شرات ابوهـا..حتى هو يعتبرها شرات بناته..حصه و خلود..</p><p></p><p>في الايام الاخيره زادت زيارات هزاع لشركه ..عرفت انه عنده شهادة ادارة اعمال خذهـا من الولايات الامريكيه..وعشان جي كل فتره يمر الشركه يكسب خبرة بو هزاع..</p><p></p><p>لاحظت ساره ان هـزاع قام يطنشها من بعد ما داوم بو هزاع ..حتى ما قام يرمسها الا اذا يبا شي ضروري..</p><p></p><p>و ها الشي مخلي ساره مرتاحـه</p><p></p><p>و في يوم دشت ساره لـ بو هزاع..</p><p></p><p>ساره: الشيخ وصلتك رساله مهمه تترياهـا من زمان.</p><p>بو هزاع: (يضحك) من متى صرت شيخ.</p><p></p><p>ساره: احم من عرفت الشيخه ساره..</p><p></p><p>ضحك بو هزاع بصوت عالي..بو هزاع يطالع الباب الي انفتح..</p><p></p><p>بو هزاع:_ تعال هزاع اسمع ساره شو اتقول.</p><p></p><p>نزلت ساره عيونها بالارض يوم جافت هزاع يطالعها غييير..</p><p>ما عرفت شو هاي النظرات عتاب ولا لوم ولا شـوو</p><p></p><p>هزاع: (يبوس راس ابوه) :-شحالك الوالد.</p><p></p><p>بوهزاع: الله يسلمك يا ولدي.</p><p></p><p>ارتبكت ساره يوم هزاع جابلهـاا فقالت.</p><p></p><p>ساره:- بو هزاع هاي الرساله..اسمحلي عندي شغل.</p><p></p><p>بو هزاع: (يضحك) مشكوره يا الشيخه..(وخذ الرساله)</p><p></p><p>حست ساره بعد ما قال بو هزاع هاي الجمله..ان هزاع بجتلهـا بنظراته..كلها عداء و حقد..فحاولت تهرب من هاي النظرات ..فطلعت ابسرعه برع المكتب..</p><p></p><p>يلست ع مكتبهـا تتنهد .."اوف هالعله من وين طلع بكمل ثلاث سنوات بالشركه و ما قد جفته ألا الحين من وين طلع.مب رايمه اخذ راحتي في الشغل...""</p><p></p><p>يلست تشغل عمرهـا بالاوراق الي عندها و مرات بالكمبيوتر و احيانا اترد ع الاتصالات..</p><p></p><p>كانت تتمنى انها ما تدخل مكتب بو هزاع دام هزاع موجود داخله..</p><p></p><p>رفعت راسها يوم سمعت صوت هزاع يقولهـا.</p><p></p><p>هزاع(يتطنز) هـا الشيخه ان شا الله مرتاحه بالشغل.</p><p></p><p>مسكت ساره اعصابها ..وحاولت اطنشه..اضايجت يوم اجدم و يلس مجابلنهـا.</p><p></p><p>ساره رفعت راسها اطلعه ..</p><p></p><p>هزاع: انتي وايد ذكيه.</p><p></p><p>ساره: (تقهره) اكيد ولا ما وصلت من موظفه عاديه لسكرتيرة المدير.</p><p></p><p>هزاع: (ابرود اعصاب) عشان جي صرتي شيخه بنظر الوالد.</p><p></p><p>استفزت كلماته ساره ..كانت تبا اتصارخ عليه و اتروغه من المكتب بس خافت كل ها بنجلب ضدهـا.</p><p></p><p>ساره: لو سمحت عندي شغل.ممــــكن.</p><p></p><p>هزاع: (يبتسم) غريبه تشتغلين بضمير...لازم عشان تكبرين بنظر عيون الوالد ترا الجمال و اللسان ما يكفي صح.</p><p></p><p>ساره: (من بين اسنانه) انت قليل ادب.</p><p></p><p>هزاع(واقف) :_أنا اقدر اروغج من الشركه ع هالكلمتين بس صدقيني مب الحين فالوقت المناسب ..</p><p></p><p>بعدني ابا اتابـع لعبتج الحلوه..عشان اعرف انهيهـا بطريقه حلوه..</p><p></p><p>طالعته ساره يوم طلع من المكتب..حست بخوف كبير في داخلهـا..فكرت اتخبر بو هزاع عن كل شي ..بس يمكن ما يصدقهـا..</p><p></p><p>و في طريج البيت ..كانت اتفكر كيف اتحط حد بينها و بين هزاع..باجر اذا هزاع مسك الشركه اكيــــــــد ببهدلهـا </p><p></p><p>قررت انها اتقدم ع وظايف ..وبمجرد ما تطلع لها وظيفه زينه و رااتب ممتاز ..اتقدم استقالتها..</p><p></p><p>وصلت البيت ..حاولت تشغل بالها..وما كانت تبـا اتفكر برمست هزاع الي ترفع لها الضغط..</p><p></p><p>يلست تلعب مع حمودي و عبادي و فتون..</p><p></p><p>عبادي: ودينا البحر خالوه.</p><p></p><p>ساره: اووه مالي نفس اطلع مكان ..باجر حبيبي.</p><p></p><p>عبادي: لا اليوووووم.</p><p></p><p>حمودي: ودينا الالعاب.</p><p></p><p>فتون:ماما انا ابا اروح الالعاب.</p><p></p><p>ساره: انتوا شفيكم اليـوم..اقولكم ما بطلـــــــع ..ماشي طلعه.</p><p></p><p>عبادي: عيل انا ما احبج حتى فتون و حمودي.</p><p></p><p>يلست ساره تضحك ع رمست عبادي ..كم تسوا اليلسه مع ها اليهـال ..و الله لولا الحاجه..جان ما اشتغلت ..ولا سمعت كلام ايب لها عوار الراس.</p><p></p><p>ساره: انـــــزين باجر باخذكم الالعـاب..</p><p></p><p>مسكت ايد عبادي و حطتها ع يبهتها .</p><p></p><p>ساره: جوف انا مسخنه ما اقدر اطلع مكان اليوم.</p><p></p><p>حمودي: عيل باجر ودينا..</p><p></p><p>فتون: نلعب وايــــــــــد.</p><p></p><p>ساره: "تضحك" بنلعب وايـــــــــــد.</p><p></p><p>نوفا: ماما انت ما في يجيب رساله مال انا.</p><p></p><p>ساره: بلاج انتي العله الثانيه ..انزين بييبها باجر.</p><p></p><p>نوفا:حرام ماما انا من زمان ما يقرا رساله حق اهل مال انا.</p><p></p><p>ساره: خلاص بسير اجوف بالبريد مالي..</p><p></p><p>ساره(اترمس اليهال) شو رايكم اخذكم معاي انجوف اذا نوفا عندها رساله ولا.</p><p></p><p>تموا اليهال مستانسين و يصارخون لانهم بطلعون مكان..</p><p></p><p>ساره: هــــــا بس محد يقول خالوه ابا ها و مري هني..تراني ما اروم.</p><p></p><p>عبادي: ما بنقول..والـــــــله.</p><p></p><p>تحركت ساره بالسياره..ومعاها اليهال ..عشان اتمر البريد..اتجوف اذا شي رسايل حق نوفا او لا..</p><p></p><p>فتحت شنطتها ادور المفتاح ما لقته..اتذكرت انها غيرت رقم بريدها و استلمت مفتاح يديد..بس ما تذكر وين حطته..</p><p></p><p>عبادي:خالوه من زمان انتي حطيتي مفتاح هني.</p><p>ساره: وين.....؟؟</p><p></p><p>حمودي:داخل هني بالسده يوم سرنا البحر صح عبادي..</p><p></p><p>ساره : (اتبوس حمودي و عبادي ):- شطار حبايبي.</p><p></p><p>فتحت السده و طلعت المفتاح..</p><p></p><p>نزلت من السياره..حاولت تفتح الصندوق بس ما رامت..جربت مره و مرتين بعد ما قدرت..</p><p></p><p>ساره: شو معطيني مفتاح بالغلط..؟؟معقوله !!</p><p></p><p>بعد محاولات ..ملت ساره..وفكرت ترجع البيت..وقررت اتدور حل بعدين..</p><p></p><p>اول مره ساره اتروح الدوام و هي مضايجه..ما تبا اجابل هـزاع..</p><p></p><p>مر هاليوم ع ساره ..ابراحه لان هزاع ما شرف اليوم..</p><p>بس كان بخاطرها اتعرف ليش ما يـــــــااه..</p><p></p><p>بس اليوم الثانـــــي ..كانت في عالم فتون اتلاعب اليهـال مثل ما وعدتهم البارحــــه..</p><p></p><p>سارت تشتري لهم ايس كريم..كانت واقفه تتريـا الايس الكريم الي طلبته لليهـال..</p><p></p><p>طالعت الناس اليالسين ع الطاولات ..اتمنت اتكون لها صديقه ..جي تطلع معها..وتشكي لها همهـا..</p><p></p><p>هي عندها صديقات في الدوام ..بس كانت تبا صداقه قويه..بس للاسف شغلها و تربية عيال اختها..خذ وقتها كله.</p><p></p><p>صدت للصوت الي كان يضحك بصوت عالي..جافت هزاع يالس مع ثلاث من ربعه..طالعها ,,فرفع حواجبه مستغرب من وجود ساره ..</p><p></p><p>ساره(جنها جافت يني) : يالله بسرعه وين الايس كريم.</p><p>سنه اووف.</p><p></p><p>راعي الايس الكريم: ماما زهمه ما يجوف.</p><p></p><p>ساره: زين خلص..</p><p></p><p>خذت الايس كريم ..ابسرعه قبل لا ايي هزاع و يسولف معهـا..و سارت ابسرعه صوب الالعاب..</p><p></p><p>زقرت نوفـا و اليهـال..يلسوا ع الطاولات عطتهم الايس كريم ..و يلسواا..ياكلــــــون الايس كريم..اما هي فكرت تشرب ماي بس.</p><p></p><p>ساره:- ابسرعه كلو اا عشان انسير البيت.</p><p></p><p>عبادي: ما لعبنا.</p><p>ساره: انت ما تشبع لعبان...يلا ثاني مره ما بييبكم.تراا</p><p></p><p>حمودي:شو ها خالوه ما لعبنا شي </p><p></p><p>حست ساره انها تحرم اليهال من اللعب بس عشان خوفها من هزاع لا ايي و يرمسها عشان يغثها ..</p><p></p><p>بس كانت اطمن نفسهاا"لا مستحيل بيجوفيني من بين كل هـا العالم""</p><p></p><p>بعد ساعه من اللعب ..كانت اتركب اليهال فـي السياره..</p><p>فتحت باب سيارتها و قبل لا تيلس التفتت لصوت الي كان يسالها..</p><p></p><p>هزاع:- عيال منو هذيلا.</p><p></p><p>ساره مب عارفه باي اسلوب اترمسه..</p><p></p><p>ساره(تطنز) الييـران.</p><p></p><p>هزاع:-ع بالي ارمله ولا مطلقه بس يوم جفت اوراقج طلعتي انسه و توج 24 سنه.</p><p></p><p>ساره: (محرجه) منو سمح لك ادور معلومات عني.</p><p></p><p>هزاع: (رافع حاجب واحد) بـاجر بتكونين السكرتيره ماليه..لازم اعرف عنج كل شي.</p><p></p><p>ساره (تبتسم) ساعتها اشتغل بمكان ثاني..انا مستحيل اشتغل عندك.</p><p></p><p>هزاع: تراج تشتغلين عندي ..ماشي فرق بيني و بين الوالد.</p><p></p><p>ساره: فرق السما و الارض.</p><p></p><p>هزاع (يطالع يمين و شمال ومتكي ذراعه ع باب سياره ساره المفتوح..وبعدين يساسر ساره)</p><p></p><p>هزاع (يبتسم) انزين شو رايج بوفر عليج وقت ترا الوالد شيبه و عنده عيال اكبر عنج..و بعمرج..</p><p></p><p>انا بعدنـي شباب و منـاسب لج ..بعطيج كل الي تبينه..بس تزوجيني شو رايـج..</p><p></p><p>استوعبت ساره كل كلمه قالها هزاع..و حست ان كلماته هزت كل جسمها و خلاها ترتجف من الغيض و العصبيه..</p><p></p><p>ساره: (تتنفس بصعوبه) تبا اتعرف رايي.</p><p></p><p>هزاع (يبتسم) يا ليــــــــت.</p><p></p><p>رفعت ساره شنطتها و كفخته بويهه..بكل قوتها..حط هزاع ايده ع خده مب متوقع الضربه..</p><p></p><p>ركبت سيارتها ابسرعه ..وقفلت الابواب ..كانوا اليهال يلعبون و يصارخون في السياره بس بعد ..الموقف الي صار تموا ساكتين مستغربين ..</p><p></p><p>حطت ساره راسها ع السكان..تاخذ نفسهـا ..وسمعت هزاع يدق ع دريشه السياره,..</p><p></p><p>هزاع::"امحطي ايده ع خده"نزلي الدريشه اقولج..؟؟</p><p></p><p>ردت ساره بسيارتها لورا..من غير ما اطالعه او تهتم بكلامه..مب مستعده تسمع كلالام غيره..</p><p></p><p>شو يتحرا عمره بنات الناس لعبه بايده..ما توقعت ان هالانسان الي يجوفه يقول ريال و النعم فيه..بس كلامه.. شرات سم الافعى..</p><p></p><p>كانت دموعها تنزل ع خدودها..بها الوقت تمنت اتكون ابروحها ..عشان تاخذ راحتها..ما حبت اتصيح حذال عيال اختها..</p><p></p><p>لانهم خافوا من الي صار و تموا ساكتين لي ما وصلـوا البيت.</p><p></p><p></p><p>***</p><p>يتبع >> </p><p>الجزء الرابع</p><p>في اليوم الثاني قررت ساره انها اتخبر بو هزاع كل شي..</p><p>ابتسمت يوم اتذكرت كيف ضربت هزاع..يستاهل..</p><p></p><p>و ضحكت..يوم اليهال اول ما دشوا البيت يتراكضون لامهـا عشان يقولنها ان خالتهم ضربت ريال..</p><p></p><p>طلعت مليون رمسه و عذر رد ع اسئلة امها..طالعت الساعه جافت الساعه..تسع وشي ..</p><p></p><p>قالت اترمس عمرهـا"غريبه بو هزاع تأخر..بعد ما اتصل عشان يقولها انه بتأخر.."</p><p></p><p>يلست ساره اتحاتي يوم طافت ساعتين و بو هزاع ما ياه الدوام..</p><p></p><p>اتصلت ع موبايله..جافته مغلق ..فكرت ادق البيت بس خافت لـ هزاع يرد ع التلفون..</p><p></p><p>اخيرا خطر ع بالهـا اترمس دريول بو هزاع ..اكيــــد هو يعرف .</p><p></p><p>ساره: الــــــوو.</p><p></p><p>الدريول: سلامو عليكم.</p><p></p><p>ساره: عليكم السلام..هلا سيد.</p><p></p><p>الدريول: منو كلام..</p><p></p><p>ساره: سيد وين بابا هزاع.</p><p></p><p>الدريول: بابا هزاع في مستشفى امس فليل يروح ..وايد تعبان..</p><p></p><p>ساره(خايفه) : ليش شو صار له..؟؟</p><p></p><p>الدريول:قلب مال هو عور.</p><p>ساره: يوم هزاع موجود عنده في البيت كيف بتحمل غلاسته اكيد بيصير فيه شي.</p><p></p><p>الدريول:شو كلام مدام.؟</p><p></p><p>ساره: ماشي باي مستشفى ..اوكى باي.</p><p></p><p>اتريت ساره لي ما خلص الدوام..و بقت لها كم شغله..بس طلبت من محمد مساعدها ان يكمل عنها..</p><p></p><p>و في السياره اتصلت لامها..</p><p></p><p>ساره: امايـه انا بتأخر شويه..؟</p><p></p><p>ام ساره: خير عسى ما شر.</p><p></p><p>ساره: بو هزاع تعبان شويه بسير اجوفه.و اتطمن عليه في المستشفى.</p><p></p><p>ام ساره: الله يحفظه لا تتأخرين يمه.</p><p></p><p>ساره: ان شا الله مع السلامه.</p><p></p><p>ام ساره: فمان الله..</p><p></p><p>بعد ربع ساعه وصلت ساره المستشفى..وصلت الدور الثالث...سارت ادور ع رقم غرفة بو هزاع..دقت الباب..</p><p>فتحت الباب .شويه شويه..</p><p></p><p>اتفاجأت يوم جافت الغرفه فاضيه..حست بقلبها ينقبض من الخوف..</p><p></p><p>طلعت ابسرعه من الحجره..وسارت صوب </p><p></p><p>الممرضه..تسالها عن بو هزاع..فعرفت انه في العنايـــه و انه تعب الصبح..وايد..</p><p></p><p>نزلت دموع من عيون ساره ..خافت انها خلاص ما بتجوف بو هزاع..بس الممرضه حضنتها ..و طمنتها انه بيكون بخير ..بس ما يبون حد يرمسه و يبونه يرتاح..</p><p></p><p></p><p>دلتها الممرضه قسم العنايه بالقلب..وسارت هناك..حاولت تدخل بس ما خلوهــا..تمت يالسه ع الكرسي ...الي مجابل الغرفه..</p><p></p><p>وقفت يوم انفتح باب الغرفه.. وجافت هزاع طالع ..منها..طالعته و يلس يطالعها..</p><p></p><p>حست ساره ان الحزن امبين في عيونه..يلست تتأمـل ويهه اتمنت انه اتخفف عنه لانها حاسه بشـو داخله لانها مرت بها المرحله ..ايام ما كان ابوهـا تعبان ..بالقلب..</p><p></p><p>طالعت كدمه زرقه معلمه ع خده مكان ما ضربته البارحه..قالت في خاطرهـا "ول هالدرجه كانت الضربه قويه دواك.."</p><p></p><p>اجدم منها هـزاع..كانت تتوقع ساره انه بتغير بس ذيل الجلب يتم طول عمره عوي.</p><p></p><p>هزاع: (يهمس) انتي شو تسوين هني؟؟</p><p></p><p>ساره: اتطمن ع بو هزاع.</p><p></p><p>هزاع: منو امرج اتين ترا الوالد مب محتاينج بشيء.</p><p></p><p>ساره: ادري بس انت ما اتعرف غلاوة بو هزاع عندي.</p><p></p><p>مد هزاع ايده عشان يمسك ساره من ذراعها ..بس ساره ردت لـورا.</p><p></p><p>ساره: لا اتحط ايدك علي.</p><p></p><p>هزاع(يتطنز) خايفه اوصخج..؟</p><p></p><p>ساره: مافي داعي لها الكلام ..انا ييت اتطمن على بو هزاع و برجع البيت ..فلـو سمحت خلني اجوفه.</p><p></p><p>نزلت ساره عيونها بلارض مستحيه..يوم يلس هزاع يطالع ويهـا فقالت في قلبها"هـا وقته"</p><p></p><p>هزاع: اســــــف.. علاقتج بالوالد بالشركه بس ما ابا تتعدى حدودهـا.</p><p></p><p>ساره: (تترجاه) بس بطالعه ما برمس صدقني.</p><p>هزاع: قلتلج اســــف ..و من باجر انا بيي اداوم بالشركه عن ابوي.</p><p></p><p>ساره: لا انا ما اباك اتكون هناك.</p><p></p><p>هزاع(يتطنز) لا و الله شو رايج انزين تتنقين منو بيكون المدير ..لي ما يرجع الوالد بالسلامه.</p><p></p><p>ساره: انا ما اقصــــــد جي.</p><p></p><p>هزاع: مب مهم رايج ولا قصدج..انا عارف انتي اكثر وحده اتعرف بالشركه..بكل صغيره و كبيره عشان جي ما اقدر افرط فيج..</p><p></p><p>ساره: انا بقدم استقالتـي.</p><p></p><p>هزاع: فالج طيب بس مب الحين..باجر بنتلاقى في الشركه..(حط ايده ع خده مكان الكدمه) وهـــاي لها حساب ثاني.</p><p></p><p>ساره: اتمنــــى انك اتوصل سلامي لابـو هـزاع.</p><p></p><p>تحركت ساره من غير ما تتريا رد هزاع..دشت سيارتها ..و يلست اتصيح ابصوت عالي..</p><p></p><p>حست ان الدنيا ضايجه فيهـا مب عارفه كيف تتصرف ..بعد ما بتصير تحت سيطرت هـزاع..اشكثر قاسي هالانسان ..منعها من جوفة بوهـزاع..</p><p></p><p>ليته ايعرف بو هـزاع شو سوا لهـا ..عشان تحترمه و اقل شي اتسويه هاي الزياره ..الي حرمها من جوفته..</p><p></p><p>دشت البيت ..ركضت لها فتون حضنتها ساره و شلتها..</p><p>فتون: ماما عبادي يقول انا ما حلوه.</p><p></p><p>ساره(تبتسم) انتي احلى وحده بالعالم.</p><p></p><p>فتون: احلى منج بعد صح.</p><p></p><p>ساره: (تضحك) انتي تشبهيني عشان جي حلوه.</p><p></p><p>فتون: لا انتي مب حلوه بس انا ..</p><p></p><p>ساره(تبوسها ع خدها) ولا تزعلين انتي بس حلوه.</p><p></p><p>دشت الصاله..جافت امها يالسه اطالع التلفزيون ..باستها فوق راسها.</p><p></p><p>ساره: غريبه مب راقده.</p><p>ام ساره: بغيتج اتطمنين ع مديرج.</p><p></p><p>ساره: الحمدلله ابخير.</p><p></p><p>ام ساره: الله يشفيـــــــه.احط لج الغدا.</p><p></p><p>ساره: تغديت فـ الدوام.</p><p></p><p>سارت حجرتها اتغسلت و يلست ع شبريتها اتفكر شو بيصير باجــــر.قالت في خاطرها"يا رب تشفي بو هزاع"</p><p></p><p>سارت تفتح درجها ادور اوراقهـا عشان اتقدمهـا في أي مكان يناسبهـا..بس لو قدمت ورقه السكرتاريه بتنفعها اكثر..بس لازم المدير يوقع عليهـا..</p><p></p><p>استبعدت ان هزاع يقدر يساعدهـا..بس يمكن يبا الفكـه منها عشـان عادي بيوقع..اترددت اخيرا قررت تطلب منه ان يوقع ع ورقه يثبت انها اشتغلت هني ثلاث سنوات ..و انها قادره ع انجازات ومهارات وايـد اتسويهـا..</p><p></p><p>يلست ساره اتفكر غريبه ان هزاع للحين ما تزوج..يمكن عشان دراسته في امريكـا ..بس وايد عرسوا و كملوا برع..</p><p></p><p>ابتسمت و قالت هـا اصلا منو بياخذه دمه ثجيل وويه لـوووح</p><p></p><p>**</p><p>وفي اليوم الثاني..ساره تتريق ..</p><p>ام ساره: ساره قبل لا اتروحين الدوام ..وصل عبادي و حمودي المدرسه سار عنهم الباص.</p><p></p><p>ساره: جي ناشين من الرقاد متأخرين.</p><p></p><p>ام ساره: ها حمودي تأخر مدري طالع ع منو كسلان.</p><p></p><p>ضحك ساره ع شكل عبادي و حمودي ..ساكتين مالهم نفس يرمسون من صباح الله خير..</p><p></p><p>ساره: يالله قوموا بتأخر عن الدوام بسببكم.منو يسوي لي المصايب غيركم.</p><p></p><p>ام ساره: (تضحك) يحليلهم حرام عليج سارووه.</p><p></p><p>طالعت ساره ساعتها .."اويه اول مره بحياتي اتأخر عشر دقايق."</p><p></p><p>نزلت من سيارتها.. و راحت مكتبهــــا..دشت ..فجافت هزاع واقف عند باب مكتبه..و محمد المساعد مالهـا واقف حذال مكتبهـا يطبع اوراق..</p><p></p><p>هزاع "يطالع ساعته":تو النـــــــاس..جان تميتي راقده.</p><p></p><p>حست ساره بالغيض بس ما قدرت اترد عليه لان محمد موجود...طالعت محمد </p><p></p><p>هزاع: تعالي المكتب ابـاج..؟ "ودش مكتبه"</p><p></p><p>اجدمت ساره من مكتبهـا و حطت اوراقها الي تبا اتقدمها ع وظايف ثانيه الي بايدها..</p><p>محمد: الله يعينج.</p><p></p><p>ساره: يالله سترك.</p><p></p><p>دشت مكتب بو هزاع..جافت هزاع يرمس بالتلفون..كانت معاه وحده ..عرفت ساره انه يرمس خلود..اخته و كانت اطمنه ع بوهزاع..</p><p></p><p>ارتاحت ساره يوم عرفت ان بو هزاع ابخير و انه احسن من البارحه..اتفاجات يوم سمعت هزاع يرمسهـا</p><p></p><p>هزاع: انتي دوم جي تتأخرين.</p><p></p><p>ساره:"منزله راسها بالارض" اول مره.</p><p></p><p>هزاع: متأكده.!!.ليش عشان بو هزاع مب موجود بالمكتب يعني.</p><p></p><p>مسكت ساره اعصابهـا..ما كانت تبا تتهور باي شي لي ما تضمن وظيفتها الثانيـــــه.</p><p></p><p>هزاع: (يستفزها) ثاني مره اذا تاخرتي بس دقيقه بتصرف تصرف مابيعيبج.مفهوم اخت ساره.</p><p></p><p>ساره: (تهمس) مفهوم.</p><p></p><p>هزاع: ما اسمع..؟؟</p><p></p><p>ساره: مفـــــــهوم.</p><p></p><p>هزاع: (يبتسم) الحين روحي ييبي البريد و ملفات البارحه الي ما اشتغلنا عليها.</p><p></p><p>طلعت ساره...من مكتبها ..يلست تتنفس براحـــــه..و قالت في نفسها "الله يستر من ها اليــــــوم"</p><p></p><p>ظنت ساره ان هزاع بيلس ينكد عليها طوال اليوم..بس بالعكس كان يشتغل بجد..</p><p></p><p>حتى ساره نست انه ع خلاف معاه ..و اهتموا بالشغـل اكثر من أي شي ..</p><p></p><p>كانت اتلاحظ ساره ان هزاع يحاول يمسك عليها أي غلطه ..بس ما لقى أي شيء </p><p>يعاتبها او يلومها عليه..</p><p></p><p>بالعكس حست انه اعجب بشغـلها و قدرتها ع التعامل مع الموظفين الي في الشركه و الي يشغلون في الشركات الثانيه الي يتعاقدون معاها..</p><p></p><p>قالت في خاطرهـا "يا رب اتم جي ع طول حياتك و انت رايق يا هزاع..""</p><p></p><p>فكرت ساره و هي يالسه ع مكتبها انه وقت امناسب عشان اتخلي هزاع يوقع ع ورقه تثبت مهارتها كسكرتيره..</p><p></p><p>دشت مكتبه..جافته واقف عند الدريشه يطالع برع..التفت صوبهـا </p><p></p><p>هزاع: ما خلصنا من الاوراق بعد.</p><p>ساره: خلصنا بس هاي ورقه خاصه فيني.</p><p></p><p>هزاع(يلس ع مكتبه) : مب فاهم.؟؟!!</p><p></p><p>ساره:اباك اتوقع ع هاي الورقه تثبت مهارتي كسكرتيره.</p><p>هزاع (مستغرب) ليش؟؟</p><p></p><p>ساره: (مرتبكه) عشان اقدم ع وظيفه بمكان ثاني.</p><p>تم هزاع يطالعهـا : عندج اوراقج كلها ..هني.؟</p><p></p><p>ساره: هـي..</p><p>هزاع: ابا اجوفها ممـــــــكن.</p><p>ساره: اكيد ثواني بروح ايبها لك.</p><p></p><p>بعد شويه .</p><p>يلس هـزاع يطالع اوراقهـا</p><p>هزاع :ما شا الله عندج وايد شهادات وبها العمر.</p><p>استانست ساره من داخلها لانها اول مره تسمعه يمدحها من عرفته.</p><p></p><p>هزاع: ما يفوتج شي تحصلين ع كل شي بسهوله </p><p>ساره(مستغربه) شو قصدك.......؟</p><p>هزاع : ما في مهــــــم..</p><p></p><p>فتح درج من الادراج..وحط اوراقها داخــــــــل الدرج و قفل عليه بالمفتاح.</p><p></p><p>ساره(مستغربه): انت شو اتســـــــوي؟؟!!</p><p></p><p>هزاع: (يدور بالكرسي) بخلي اوراقج معاي لي ما احس انج صج بتحتاجينهـا بعطيها لج.</p><p></p><p>ساره: مب ع كيفك عطني اوراقي.</p><p></p><p>هزاع: ما بعطيج..ما بخليج اتقديمن ع وظيفه ثانيه عشان تهملين شغلج هني لانج ضامنه مكان غير ها المكان.</p><p></p><p>ساره: (منفعله) ما فكرت بها الطريقه.</p><p></p><p>هزاع:ما يهمني بشو اتفكرين لانج داهيه..وذكيه..</p><p></p><p>طالع ساعته..اظني انتهى الدوام..وقف شل شنطه بايده..وسار صوب الباب..</p><p></p><p>هزاع(يبتسم) نتلاقى ع خير.</p><p></p><p>كانت ساره بترد عليه بس طلع و صكر الباب ..</p><p></p><p>ساره اترمس عمرها.."انا الداهيه ولا انت يا الساحـــــــر..غربل الله ابليسك.."</p><p></p><p>بطلت ساره عيونها يوم سمعت ضحكت هزاع من ورا الباب ..سارت تفتح الباب ..بس طلع قبل لا اجوفها ..خمنت انه كان يسمعها شو اتقول..</p><p></p><p></p><p>يتبع>> </p><p>الجزء الخامس..</p><p></p><p>دشت ساره مكتب بو هزاع بعد ما دقت الباب.</p><p></p><p>ساره: شي اجتماع الساعه وحده الظهر .</p><p>هزاع: امممم ما انروم انجله ..ابا اسير عند الوالد بها الوقت.</p><p></p><p>ساره: وايد تأجل ..و بو هزاع وايد مهتم باجتماع مع هاي الشركه.</p><p></p><p>هزاع: وين بيكون .</p><p></p><p>ساره: في قاعة هلتون..لازم اتكون موجود هناك الساعه وحده بعد الغـدا.</p><p></p><p>هزاع: يبالنا عشر دقايق لي ما نوصل..عطيني الملف التابع لها الاجتماع..و تزهبي الساعه وحده الا ربع.</p><p></p><p>سارة و هي طالعه من مكتب بو هزاع.."ان شا الله يباني اروح معاه الاجتماع..لا بوي مستحيل.."</p><p></p><p>ردت ساره مكتب بو هزاع..</p><p></p><p>ساره: (جافت هزاع مشغول بالقرايه) لو سمحــت؟</p><p></p><p>هزاع(يبتسم) امـــــري.</p><p></p><p>ساره: تقدر تأخذ محمد معاك الاجتماع انا ما اروم اروح.</p><p></p><p>هزاع: و ليش ان شا الله..؟؟</p><p></p><p>ساره: عندي شغل ..</p><p></p><p>هزاع(معاند) الشغل يتأجل مب توج قايله انه الوالد مهتم بها الاجتماع.ولا خلاص يوم بو هزاع مب موجود مب لازم تثبتين مهارتج لي..</p><p></p><p>ساره: (معصبه) انا مب مثل ما اظن.</p><p></p><p>هزاع(رجع يطالع الملف) روحي مكتبج و زهبي الاوراق الخاصه بالاجتماع..الساعه وحده الا ربع.</p><p></p><p>ساره: عطنــــي اوراقي.</p><p>هزاع: (مستغرب) أي اوراق..؟؟!!</p><p></p><p>ساره: اوراقي الي قفلت عليها بالدرج.</p><p></p><p>هزاع: ما بعطيج بتروحين مكتبج ..ولا اروغج بطريقتي..اظن اتعرفينها.</p><p></p><p>ساره..بطلت حلجها عشان اتسبه.بس غيرت رايها و طلعت من المكتب.</p><p></p><p>ويلست ع مكتبهـا مضايجه شو يعني بتيرني من شعري مثلا..حاولت اتركز بشغلها بس ما قدرت..ما تبا اتروح معاه الاجتماع..لو كان بو هزاع عادي مب تهتم..</p><p></p><p>اتنهدت "متى بترجع يا بو هزاع..الله يردك بالسلامه.."</p><p></p><p>رن التلفون الخاص بمكتب بو هزاع ..ساره "ها شو يبا الحين"</p><p></p><p>ساره: نعـم ..</p><p></p><p>هزاع (يذكرها) باجي عشر دقايق و بتيي الساعه وحده الا ربع.</p><p></p><p>عضت ساره ع شفايفها الي تحت..عرفت انه يحاول يستزفها كانت تكرهه موت يوم يصير دمه ثجيل..</p><p></p><p>هزاع: تسمعينـي .</p><p></p><p>ساره: هي سمعتك..في شي ثاني..؟</p><p></p><p>هزاع: بناخذ معنا خمس موظفين تعالي خذي اسامهيهم من عندي و خليهم يتزهبون بعد.</p><p></p><p>ساره(مرتاحه) ان شا الله..الحين بييك.</p><p></p><p>سارت ساره مكتب بو هزاع و بعد ما خذت الورقه الي فيها اسامي الموظفين..سمعت هزاع يقول..</p><p></p><p>هزاع: (متسند ع الكرسي):خليهم يسرون بسياره الخاصه بالشركه..بس انتي تعالي معاي بسيارتي.</p><p></p><p>ساره(معترضه): نعم ..شو قلت؟؟</p><p></p><p>هزاع: ليش معترضه..مب دوم تركبين مع بو هزاع..و بسيارتج بعد..هالمره بتكون في سيارتي..</p><p></p><p>ساره: انت غير و بو هزاع غير..</p><p></p><p>هزاع(يصرخ عليها) الشغل الشغــــــل مب ع كيفج تقررين مع منو و كيف اتروحين.</p><p></p><p>غمضت ساره عيونها متفاجاه من ردت فعل هزاع..تحركت بتطلع من المكتب ..بس وقفت يوم سمعت هزاع يقولها..</p><p></p><p>هزاع: بعدني ما خلصت كلامي..</p><p></p><p>تمت ساره واقفه بمكانها بس مجابله باب المكتب..مب رايمه اطالع ويه هزاع..</p><p></p><p>هزاع: انا مب يالس ارمس الباب..</p><p></p><p>صدت ساره صوبه و منزله راسهـا بالارض..كانت تقاوم الدموع الي كانت بتنزل ع خدهـا..</p><p></p><p>هزاع: ثاني مره اذا قارنتي من بيني و من بين بو هزاع مب برغوج من الشركه بخليج تشتغلين من غير راتب.</p><p></p><p>ساره ساكته لانها ما تبا اتسمعه صوتها..عشان ما يعرف انها تبا اتصيح..</p><p></p><p>هزاع: سامعـه ؟؟؟؟</p><p>ساره اتهز راسهـا</p><p></p><p>هزاع:روحي اتصلي بالموظفين ..ماشي وقت .عن نتأخر بس..</p><p></p><p>طلعت ساره من مكتبها وزقرت محمد وطلبت منه يتصل بالموظفين..سارت الحمام و يلست اتصيح..مب من حقه يتأمر عليها جي..ولا من حقه يصرخ عليها شو يتحرا عمره..</p><p></p><p>طالعت ساعتها ..جافت باجي خمس دقايق ع الساعه وحده الا ربع..</p><p></p><p>غسلت ويهها..و مسحت الروج و الكحل ..من عيونها حست شكلها غير..بس ما اهتمت..</p><p></p><p>طلعت من الحمام..اتفاجات يوم جافت هزاع ..واقف حذال مكتبها..</p><p></p><p>طنشته و سارت صوب مكتبها و شلت الاوراق بايدها و حطتها بالفايل..كانت اتعرف أن هزاع يراقب حركاتها..</p><p></p><p>و في السياره تمت ساكته..حتى هزاع ما رمس موليه..</p><p></p><p>رن موباليه..من كلامه عرفت ساره..ان وحده من خواته اترمسه و تبا يروح المستشفى للوالـد بعد الاجتماع..</p><p></p><p>دشوا قاعة الاجتماعات..استغربت ..ساره من اسلوب هزاع في الرمسه مع اصحاب الشركه الثانيه..</p><p></p><p>عمرها ما توقعت يكون عنده اسلوب وكلام محترم..حتى طريقته في الاقناع كانت وايد ممتازه..</p><p></p><p>قالت ساره في خاطرها"عيل بلاك تعاملني جي..جنك واحد ما اتعرف السنع ولا الادب.."</p><p></p><p>بعد ساعتين انتهى الاجتماع ..و عند السياره..</p><p>ساره: انا بسير ويا باجي الموظفين.</p><p></p><p>هزاع :-ليش ..؟؟</p><p></p><p>ساره: انت بتروح المستشفى الحينه..يعني طريجك غير ..عن طريج الشركه.</p><p></p><p>هزاع: (يفتح باب السياره) اركبي اركبي الوالد يبا يجوفـج..؟</p><p></p><p>ركبت ساره السياره..الحين عرفت ليش هزاع تم ساكت لانه تضايج يوم عرف ان بو هزاع يبا يجوفهـا..</p><p></p><p>وصلـوا المستشفى بعد عشر دقايق..</p><p></p><p>استانست ساره يوم عرفت ان بو هزاع مب في العنايـه.</p><p>فتح هزاع باب الحجرة وقفت ساره بمكانها..</p><p></p><p>هزاع: ليش وقفتي تعالي دشي.</p><p></p><p>ساره مستغربه من تغير معاملة هزاع لها..من ركبت معاه السياره ما يرمس معاها ..واذا اتكلم..كلمه او كلمتين و كان يرمسهـا بهدوء..</p><p></p><p>دخلت ساره الغرفه و جافت بو هزاع يتها الصيحه بس يودت عمرها..اجدم هزاع و باس راس ابوه..</p><p></p><p>هزاع: ها اشحالك الحين احسـن..؟</p><p></p><p>بو هزاع: الحمدلله ابخير ..تعالي ساره ليش واقفه بعيد..</p><p></p><p>ساره: اشحالك بو هزاع ..ان شا الله احسن.؟</p><p></p><p>بوهزاع: بخير يا بنيتي شحال الشغل وياج..عسى هزاع مب متعبنج.</p><p></p><p>ساره(اطالع هزاع) لا الحمدلله الشغل ماشي اوكي بس ناقصنك.</p><p></p><p>بوهزاع: (يبتسم) خـلاص يبا الحين وقت راحتي هزاع بمسك الشغل عني..بس لا تخافين وصيته عليج.</p><p></p><p>ساره( مستغربه) يعنـي ما بجوفك فـ الشركه.</p><p></p><p>بو هزاع: البركه فـ هزاع بزوركم من وقت لوقت.</p><p></p><p>ساره: بــــس انــــا....</p><p></p><p>وقف بها اللحظه هزاع ..</p><p></p><p>هزاع: يالله يبا بوصل ساره ..وبرجع لك.(يطالع ساره) ترا الدكتور قال ممنوع الكلام.</p><p></p><p>بو هزاع: كنت ابا اعرف شو سويت في الاجتماع.</p><p></p><p>هزاع: كل الي بغيته من هاي الشركه سويته لك..و ان شا الله يوم بترجع البيت ..برويك كل الملفات..الحين ارتاح ولا اتفكر الا بصحتك.</p><p></p><p>ساره: ما اتجوف شر بو هزاع..فمان الله..</p><p></p><p>بو هزاع: الله يحفظج بنيتي.</p><p></p><p>و في السياره..استغربت ساره من الطريج الي ساير فيه هزاع غير طريج الشركه.</p><p></p><p>ساره: (خايفه) وين رايـــــــح.</p><p></p><p>هزاع: بمر ع مطعم بتغـدى ميت يوع.</p><p></p><p>ساره: انا ما ابـا اكـل شي .</p><p></p><p>هزاع: ابرايج تمي طالعيني انا يوعان ..</p><p></p><p>ساره: انزين وصلني الشركه و بعدين روح أي مطعم تباه.</p><p></p><p>هزاع(يطالع الشارع) مب تكسي عندج انــــــا..ادريبج ميته يوع بس خايفه مني.</p><p></p><p>ساره: ما اتخوفني.</p><p></p><p>هزاع(يبتسم) ترا اليوم الي صار فـ المكتب اكد لي انج موليه ما اتخافين مني.</p><p></p><p>ساره: انا بحياتي محد صارخ علي لا ابويه الله يرحمه ولا امايه..ولا بو هزاع.</p><p></p><p>هزاع: عادي اتوعدي ع صراخي..بعيبج.</p><p></p><p>صدت ساره صوب الدريشه اطالع برع ..كانت اتفكر هالانسان من شو مخلوق ..عفان الله ما يحس ما عنده ذرة احساس..</p><p></p><p>وصلـوا المطعم ..في البدايه ما رضت ساره تنزل من السياره بس هزاع هددهـا يسحبها غصب..فاشترطت عليه ان تتغدى ع حسابها..بعد ما وافق نزلت من السياره..</p><p></p><p>يلسوا ع الطاوله في الزاويه..طلعت موبايلهــا اترمس امها..وهزاع يلس يطلب الغـداا.</p><p></p><p>ساره: امايه..اشحالج الغاليه.</p><p></p><p>ام ساره: الحمدلله عيال اختج مخبلين فيني.</p><p></p><p>ساره(تضحك) قوليهم يليسون زين ترا ما باخذهم الالعاب...المهم امايه انا بتأخر دقايق بس.</p><p></p><p>ام ساره: ليش شو عندج.</p><p></p><p>ساره: اجتماع في الشركه.</p><p></p><p>ام ساره: ع خير شحاله بو هزاع.</p><p>ساره : الحمدلله ابخير توني مريت عليه .</p><p></p><p>ام ساره: انزين عيل الله يحفظج.</p><p>ساره: ويحفظج الغاليه.</p><p></p><p>هزاع يالس يسمع كل كلمه اتقولها ساره...وبمجرد ما صكرت ساره التلفون.</p><p></p><p>هزاع: امج اتعرف انج امخططه اتقردنين بوهزاع.</p><p>ساره: (من بين اسنانه) احترم نفسك ..ترا و الله الشارع متروس تكاسي.</p><p></p><p>هزاع: ليش معصبه استغربت انها سالت عن الوالد.</p><p>ساره: فيهـا الخير و بو هزاع يستاهل كل الناس اتحبه.مب..</p><p></p><p>هزاع(مقاطعنها) مليون مره قلتلج لا اتقارنيني في الوالد انتي ما تفهمين.؟</p><p></p><p>ساره: عيل ثمن كلامك </p><p>هزاع (مغير الموضوع) منو ها اليهال الي عندج...؟</p><p></p><p>ساره: عيال اختي.</p><p>هزاع: الظاهر وايد متعلقين فيج..كل مكان اجوفج فيه لازم يكونون معاج..وين امهم.</p><p></p><p>ساره : (منزله عيونها) متوفيه.</p><p>هزاع( متفاجأ ) الله يرحمها.</p><p></p><p>وصل الاكل و يلسوا ياكلون في البدايه كانت ساره مستحيه ..بس بعدين طنشت..ويلست تأكل..</p><p></p><p>هزاع: اتعرفين ان شكلج وايد حـلو من غير مكياج.</p><p>ساره: اونـه</p><p></p><p>هزاع: و الله احسج انسانه غير بدون مكياج لا اتحطين مكياج مره ثانيه.</p><p></p><p>ساره: نزل قرار و ما بحط .</p><p></p><p>هزاع: تطنزين...</p><p>ساره: لا اســـــولف.</p><p>هزاع(يضحك) ابا اسوي فيج شي بس مب الحين.</p><p></p><p>ساره(وقفت عن الاكل):- شو بتفنشني.</p><p></p><p>هزاع: لاو ين راح فكـــــرج..</p><p>ساره: عيل شـو؟؟</p><p>هزاع: مب الحين بعدين.</p><p></p><p>ساره في قلبها "يا حلاتك و انت رايــــق "</p><p>هزاع: "رافع حواجبه" ليش اطالعيني جي..؟؟</p><p></p><p>ساره (نزلت راسها ) لا ماشـــــي..؟؟</p><p></p><p>هزاع: كم عندها عيال اختج..؟؟</p><p>ساره(مستغربه من سؤاله) عبادي و حمود توم و فتون..</p><p></p><p>هزاع: وين ابوهم..؟؟</p><p></p><p>ساره: اتوفى بحادث بسيارته و اختي كانت معاه.</p><p></p><p>هزاع: هاا عشان جي هم الحين عندكم.</p><p></p><p>ساره: هي ترا ابوهم ما كان يشتغل ..و انا ابوي متوفي ..و راتب الشؤن مال امايه ما يكفينـا..عشان جي انا الحين اشتغل ..واخاف باي وقت اتروغني..جوف لو رغتني بتقطع رزقي ..ورزق ايتام..تحمل ..ترا.</p><p></p><p>هزاع: (باين عليه متأثر) اتعرفين ما توقعت ان بكون ها السبب الي يخليج متعلقه في الشغل.</p><p></p><p>ساره(تتنهد) انا الضحيـــــه لازم اعيل عايلتي امايه حرمه عوده ما اتروم ع الشغل.</p><p></p><p>سكت هزاع يفكر شويه..انتبهت ساره انها اتكلمت وايد ..و ما كان لازم تحكي كل شي لـ هزاع..</p><p></p><p>بس جافت انها ما غلطت عشان ما يفكر يروغها ..</p><p></p><p>هزاع: انتي صج ضحيه..</p><p></p><p>ساره (تبتسم) لا تشفق على حالي.</p><p></p><p>هزاع: لا طبعـا الوحيد الي يستاهل اني اشفق عليه..هو الوالد الضحيه الثانيـه.</p><p></p><p>وقفت ساره محرجه من كلام هزاع..شلت شنطتها و طلعت برع المطعم..</p><p></p><p>وقفت ع الشارع ادور تكسي..دقايق وسمعت صوت هزاع من وراها.</p><p></p><p>هزاع: (يأمرها) تعالي اركبي السياره..</p><p></p><p>ساره (اطالعه) ما بركب بسير بتكسي.</p><p></p><p>هزاع: ابروحج..؟؟</p><p>ساره: هي التكسي غريب عني و انت بعد غريب..</p><p></p><p>هزاع: "يطالع يمين و يسار" انزين اركبي و بعدين كملي رمستج.</p><p></p><p>ساره(اتروح بعيد عنه) قلتلك ما بركب و بخلي بوهزاع يجوف حل معاك ..</p><p></p><p>هزاع:-"ابرود اعصاب" ترا بشلج و الله.</p><p></p><p>ساره: تتحرا عمرك يالس بامريكـا.</p><p>هزاع: يبتسم "عـادي عندي لكن الرمسه بتييج انتي.؟</p><p></p><p>ساره(منفعله) يا برودة اعصابك.</p><p>هزاع: بعد للعشره اذا ما ركبتي السياره بشلج و الله.</p><p></p><p>بدا هزاع يعد..ساره اطالعه ها من صجه ولا يسولف..</p><p>سارت صوب السياره ..وركبت..</p><p></p><p>ركب هزاع السياره..فتح السده وطلع زقاير ..استغربت ساره اول مره اتجوف هزاع يشرب زقاير..</p><p></p><p>طول الطريج يلس يشرب زقاير ..من غير ما يتكلم..وساره كانت الافكار تاخذها و اتيبهـا..شو ها الانسان الغريب..</p><p></p><p>اول مره اتجوف واحد يشرب زقاير ويكون بارد في مواقف حرجه..</p><p></p><p>وقف هزاع سيارته جريب من سياره ساره.</p><p>هزاع: خلي الفايل فـ السياره..</p><p></p><p>كانت ساره بتنزل من السياره بس التفتت صوب هزاع يوم قال</p><p>اياني و اياج ترمسين حذال الوالد بشي يضايجه.</p><p></p><p>ساره: وبعد تبا شي..؟؟</p><p></p><p>هزاع(يطالع شنطتها) طلعي موبايلج.</p><p>ساره مستغربه ..</p><p></p><p>هزاع: طلعيه شويه بس.حتى مفتاح سيارتج ابا اجوف شكله..</p><p></p><p>طلعت ساره موبايلها و مفتاح سيارتها..اتروعت يوم هزاع يير شنطتها.</p><p></p><p>سارهlمستغربه) شو اتسوي..؟؟</p><p></p><p>هزاع: يالله روحي سيارتج.</p><p></p><p>ساره: وشنطتي.</p><p></p><p>هزاع: من ساعه في المطعم قلت لج ابا اسوي لج شي و سويته..</p><p></p><p>ساره: شو بلاك انت صاحي.</p><p></p><p>هزاع: لا تخبلت يوم يتني كفخه بهاي الشنطه ع خدي.</p><p></p><p>الحين ساره فهمت كل شي قصده ينتقم منها..</p><p>ساره: شنطتي فيها اشياء مهمه.</p><p></p><p>هزاع: وقت ما ابا بردها لج يالله انزلي من السياره ولا بتحرك باخذج معاي البيت.</p><p></p><p>ساره(نازله من السياره) انت ميــــــنون..</p><p></p><p>وصكرت باب السياره بقـوه..</p><p></p><p>** </p><p>الـجزء السادس..</p><p></p><p>يلست ساره في حجرتها اتفكر..بلي صار اليوم..مرات تضحك يوم تذكر كلامها لـ هزاع..و احينا تتنرفز ليش ما ردت عليه..</p><p></p><p>اتذكرت شنطتها..ما خطر ع بالها انه ناوي ينتقم منها..لانها نست السالفه ..ابتسمت يوم تذكرت ان المصفوع عمره ما ينسى..</p><p></p><p>انزين شو بيسوي في الشنطه...يمكن بيخليهـا معاه..اويه يمكن يحبها و يبا يتذكرها بالشنطه يلست تضحك مستانسه ع افكارهـا..</p><p></p><p>دشت عليها فتون الحجره.</p><p>فتون: ماما شو اتسوين.</p><p>ساره: افكر باشياء سخيفه.</p><p></p><p>فتون: شو اتقولين..؟</p><p></p><p>ساره(تضحك) تعالي اشتبين.انتو ما اتييون الا تبون طلعه من البيت.</p><p></p><p>فتون(شويه وبتصيح) ضربني حمودي.</p><p></p><p>ساره: وين ضربج.</p><p></p><p>فتون(ترويها ايدها) منـي يعورني.</p><p></p><p>ساره: روحي قوليله ما بطلعك معاي.</p><p></p><p>ركضت فتون برع الحجره..</p><p></p><p>يلست ساره ادندن و تغني..ما اتعرف ليش هي مستانسه..اليوم..</p><p></p><p>فكرت تطلع برع ..اطلع اليهال معاها..يلسوا يتمشون في الشارع..ومرت الدكان وشرت لهم..اكـل..</p><p></p><p>يلسوا يضحكون و يلعبون..</p><p></p><p>وردوا البيت في وقت متأخـر..</p><p></p><p>فكرت ادق لـ بو هزاع تطمن عليه..جافت الساعه بعدها 8 العشىى..</p><p></p><p>رن الموبايل...كانت مغمضه عيونها..فتحت عيونها يوم سمعت صوت هزاع ايرد ع الموبايل..</p><p></p><p>صكرت ساره التلفون ع طول ..من غير تفكير..</p><p></p><p>ابيه شو سويت انا..عـادي ما يعرف رقم موبايلي ..يمكن بوهزاع مخزننه عنده اكيـــــــد..بس هو ليش رد ع الموبايل..</p><p></p><p>استغربت ساره انه ما رجع يدق مره ثانيه..بس حست بالراحـه عشان ما يسوي لها سالفه..</p><p></p><p>حاولت ترقد بس ما قدرت كانت اتفكر بـ هزاع..و شو بيصير لها باجر معاه.</p><p></p><p></p><p>وفي اليوم الثانـي..مشت الامور كالعاده..لان هزاع اليوم مب موجود..</p><p></p><p>ما كانت اتعرف ساره اذا مرتاحه ع انه موجود او مفتقده ضرابتها معاه..</p><p></p><p>اتفاجات يوم جافت الساعه 11 وهزاع داش المكتب وقفت بس طنشها اتوقعت انه يفكر بشي و يمكن ما انتبه لوجودهـا</p><p></p><p>دشت وراه المكتب..</p><p></p><p>هزاع: حق شو داقه البارحه.؟</p><p></p><p>ساره(مب متوقعه سؤاله) اتطمن ع بوهزاع.</p><p>هزاع: ليش شو تبين فيه..مب البارحه زيارتينه بالمستشفى.</p><p></p><p>ساره: حبيت اعرف اخباره.</p><p></p><p>هزاع(منفعل) الحين انا مديرج و بوهزاع خلاص يعني ما في داعي للاتصالات كان يجمعكم الشغل و الحين هو ما يشتغل ..فهمتي قصدي.</p><p></p><p>ساره: (بصوت متردد) الي بيني و بين بوهزاع اكثر من شغل.</p><p></p><p>رجعت ورا ساره خايفه يوم جافت هزاع محرج ووقف بمكانه.</p><p></p><p>هزاع:وضحي لي كيف يعني اكثر من شغل.</p><p>ساره: انا اعتبر بو هزاع شرات الوالد الله يرحمه.</p><p></p><p>هزاع(يصرخ عليهـا) ابوج مات و بو هزاع له ثلاث عيال بس.</p><p></p><p>نزلت ساره راسها بالارض كانت بتطلع من المكتب بس وقفها هزاع.</p><p></p><p>هزاع"رافع مفتاح"من وين لج هـا.</p><p>ساره"تهمس"شـــــو هـا.</p><p></p><p>هزاع:تستهبلين من وين لج مفتاح بريدي.كيف وصل شنطتج.</p><p></p><p>ساره(مستغربه) ما ادري.</p><p></p><p>هزاع:- لا و اللــــــــه عيل منو يدري ."يتطنز"شرايج نسال المفتاح يمكن يرد علينا.</p><p></p><p>عضت ساره ع شفايفهـا محرجه ما اتعرف تطلع من المكتب وتقدم استقالتها ..ولا شو اتسوي.</p><p></p><p>هزاع: ع بالج شي اوراق مهمه تقدرين توصلين لها في صندوق بريدي ولا شي بيزات.</p><p></p><p>ساره"تذكر انها حاولت تفتح صندوق بريدها بس ما قدرت هاك اليوم يعني ها مفتاح هزاع بس كيف وصل عندهـا"</p><p></p><p>هزاع: وايد اتحبين البيزات.</p><p></p><p>ساره(تصيح) انا ما اعرف كيف وصل مفتاحك عندي.</p><p>هزاع:- امسحي دموعج وعن ها حركات الممثلين ترا ابد ما تعيبني.</p><p></p><p>ساره: يالله كيف اخليك اتصدقني.</p><p></p><p>هزاع:- ع بالج انا بو هزاع يصدقج ..لا الشيخه انا هزاع..</p><p></p><p>ساره: (تاخذ نفس) انا عندي شغل تبا شي..</p><p></p><p>هزاع يطالعها نزلت ساره راسها حست انه يدور شي في بملامح ويها يبا يقرا او يصدقهـا ..بس هزاع موليه ماخذ عنها فكره سيئه..</p><p></p><p>هزاع(بصوت خفيف) لو مب خايف ع صحة الوالد ومب موصيني عليج..كنت من زمان رغتج من الشركه.</p><p></p><p>ساره"بنفس نبرة صوت هزاع"لو مب الحاجه كنت من زمان قدمت استقالتي..</p><p></p><p>هزاع"يبتسم" عشان جي تحولتي استغلاليه وسراقه..صح؟؟</p><p></p><p>طلعت من مكتبه من غير ما اترد عليه..حاولت تكتم مشاعرها و احساسها بالضيج و الهم ..بس ما قدرت حست الدنيا ضايجه بها.</p><p></p><p>ما اتعرف كيف تتصرف بو هزاع الوحيد بيساعدها ..بس هزاع امسكر كل الطرق بويهها..</p><p></p><p>اتنهدت ..كانت كل وقت اتجوف الساعه عشان تفتك ..من ها المكان ..كانت تتريا متى يخلص الدوام..</p><p></p><p>اخيرا وقفت اتشل اغراضهـا عشان تطلع من المكتب ..طلع هزاع..وقفت اتشل شنطتها عشان تطلع وراه..</p><p></p><p>هزاع:- خذي هالملف..انسخيه.</p><p></p><p>ساره: "اطالع الساعه" ماشي وقت..بس ما عليه الطباعه ما تاخذ وقت.</p><p></p><p>هزاع"يفر الفايل ع المكتب" قلت انسخيه بخط ايدج مرتين ..لا تظهرين من المكتب لا بعد ما اتخلصين شغلج.</p><p></p><p>طلع من المكتب من غير ما يتريـا ردها..يلست ع كرسيهـا متنهده..حست انه كان يرمسهـا من طرف خشمه..كانه مشمئز منها..</p><p></p><p>اتصلت بامهـا اتخبرها انها بتتأخر حاولي ساعه..</p><p></p><p>فتحت الملف وجافت حوالي خمسين ورقه..قالت اترمس عمرها."ابيــــــــه اشكثر كم بكتب متى بخلص ما اقــــــدر وايد.."</p><p></p><p>عرفت ساره ان هزاع اتعمد يخليها تنسخ الملف ..عشان يعاقبها ع سالفه المفتاح..</p><p></p><p>يلست تكتب من غير ما اتحس بعمرهـا ..رن موبايلهاا..</p><p>ساره: الـــــــووو</p><p></p><p>ام ساره: وينج يمه طافت 3 ساعات..</p><p></p><p>ساره: و الله ما حسيت بالوقت...امايه باجي لي شويه وبخلص ما يهمج..</p><p></p><p>ام ساره: يالله نترياج...</p><p></p><p>حست ساره بتعب من اليلسه ..يلست اتصيح بصوت عالي ..حست انها وحيده بها العالم ..كانت تكتب شويه و تمسح دموعها شويه..</p><p></p><p>بها اللحظه بس عرفت ان الدنيا اشكثر قاسيه عليها..محملتنها فوق طاقتها..و الظروف طرشت لها هزاع..يزيد احزانها ..و همها..</p><p></p><p>كانت اتفكر بطريقه تتخلص من هاي الشركه ..بس كانت تعرف الطريق مسدود..واوراقها عند هزاع..</p><p></p><p>خلصت الساعه 6 من شغلهـا ....وصلت البيت وحست بتعب بحياتها ما عانت مثله..</p><p></p><p>حطت لها نوفا الغـدا..ابتسمت تتطنز ها وقت عشا ولا غـدا..</p><p></p><p>بعد ما كلت..رن موبايلهاا جافت المتصل رقم فقالت ها اكيد هزاع..صكرت الموبايل بويهه وغلقته..</p><p></p><p>ورقدت..</p><p>**</p><p>ما توقعت ساره اتواصل رقاد لليوم الثاني..قالت في خاطرها ..ويه يوم الاربعاء باجر راحه من ويه هـزاع و من الشغل..</p><p></p><p>اول مره ساره تحسب حساب لاجازه..لانها مع بو هزاع كانت تنسى التعب ..بالعكس بوهزاع حببها بالشغـل عكس هـزاع..</p><p></p><p>دشت مكتبها حست بنشاط..لانها راقده وايد بعد تعب البارحـه </p><p></p><p>كانت اطالع الملف الي يالسه طول النهار تنسخه..جافته مرتب ..وخط واضح يمكن ها الي اخرهـا لانها كانت تكتب شويه شويه..</p><p></p><p>رفعت راسها يوم سمعت صوت هزاع.</p><p>هزاع: اطلبي لي قهوه.</p><p></p><p>ساره: ان شا الله..</p><p></p><p>اشويه ودشت مكتب هزاع شاله معها البريد و الملف الي نسخته...</p><p></p><p>حطتهم ع طاوله.</p><p>هزاع: شو هـا؟؟</p><p></p><p>ساره: البريد و ها الملف الي نسخته قلت انك تبا اليوم ضروري..</p><p></p><p>فتح هزاع الملف ويلس يتصفحه ..كانت ساره تتريـا كلمة شكر لانها صج البارحه هالانسان تعباها و اقل شي تستاهل كلمة شكر..</p><p></p><p>هزاع:"يفر الفايل ع الطاوله" بذمتج هالخط ينفهم .؟؟</p><p></p><p>ساره"اطالع الفايل و بعدين اطالع هزاع."</p><p></p><p>هزاع"محرج" انا مب قايلنج اباه اليـوم..</p><p>ساره"بصوت خفيف" ترا جاهز..</p><p></p><p>هزاع: شو جاهـز منو يقدر يقرا هالجلام المكتوب جنه نقش حنه.</p><p></p><p>ساره: بالعكس انا حاولت اكتبه بخط مرتب..</p><p></p><p>هزاع"يتطنز"بذمتج ها خط مرتب..</p><p></p><p>ساره منزله راسها بالارض..</p><p>رجع هزاع وشل الفايل ويلس يفر الصفحات ..تعالي اقري لي شو هالكلمه..</p><p></p><p>اجدمت ساره تقرا الكلمة سكتت اطالع وبعدين قالت </p><p>ساره:- الموافق..</p><p></p><p>هزاع:- جي تنكتب كلمة موافق.</p><p></p><p>ساره"محتجه" انا قلتلك بالطباعه احسن و اسرع.</p><p></p><p>هزاع"يصرخ عليها":- انا الي اقرر مب انتــــي .</p><p>تمت ساره ساكته مضايجه بنفس الوقت مب قادره اترد عليه لان الكلمات ضاعت منها..</p><p></p><p>هزاع: روحي جوفي شغلج.</p><p></p><p>طلعت ساره ويلست ع كرسيها تتأمل مكتبهـا وتذكر كلام هزاع لها..نزلت دموع من عيونها..ويلست اتصيح بصوت خفيف..</p><p></p><p>شويه وطلع هزاع من مكتبه..جاف ساره اتصيح..يلس بالكرسي المجابل لمكتبها..</p><p></p><p>هزاع"يسالها" متى خلصتي البارحه.</p><p>ساره"تمسح دموعها":- الساعه ست..</p><p></p><p>هزاع "امبطل عيونه" ليش كم ورقه بالفايل.</p><p></p><p>ساره" بصوت متقطع":- خمسين.</p><p></p><p>هزاع"بصوت حنون"اتصدقيـن ما ادري هالكثر كنت خليت محمد يساعدج.</p><p></p><p>تمت ساره ساكته..ماسكه القلم بايدها وتخربط ع الورقه الي حذالها..</p><p>هزاع:"بصوت ناعم" انا اســــــف ساره.</p><p>حست ساره بشي يتحرك بداخلهـا يوم سمعت هزاع ينطق باسمها بهاي الطريقه..ابتسمت مستحيه ..</p><p></p><p>هزاع: "بنفس نبرة الصوت"اقبلــــي اعتذاري.</p><p>ساره مرتبكه ما توقعت ان هزاع ألي دوم يحاوول يغثها الحين يالس يعتذر منها.</p><p></p><p>هزاع"ايير القلم منها" ياللـــــــــه عــــاد حقج علي.</p><p>ساره: اتحس بعمرها ميت مستحه" انزين خلاص طاح الحطب.</p><p></p><p>هزاع:- شو ما سمعت علي صوت.</p><p></p><p>ساره"تضحك":- تدلـــــــع.</p><p></p><p>هزاع:"يسالها" مب من حقي.</p><p>ساره"اتفكر" امممم لا </p><p>هزاع: "وقف"ما عليه استاهل ...بس صج اول مره احس اني قسيت عليج..مشكوره ع الملف..</p><p></p><p>ساره:"بصوت واطي" العفــــــــــو.</p><p></p><p>يتبع >>> </p><p>الجزء السابع.</p><p></p><p>في السياره يلست ساره اتفكر بالموقف الي مر عليها مع هزاع..</p><p></p><p>اول مره فـ حياتي تحتك مع شخص ..وتسمح لانسان يجرب منها هالكثر..يمكن لانها تبا تكسبه و تثبت له ان ما بينها و بين بو هزاع أي شي..</p><p></p><p>بس اليوم لاحظت ع هزاع شخصيه يديده ما توقعت انه هالانسان يمكن عنده شعور بالحنيه..</p><p></p><p>ع العموم جافت نفسها تستاهل لتعب الي تعبته البارحه بكتابة الفايل....</p><p></p><p>يوم الخميس..طلعت مع اليهال و امها وساروا المركز يشرون..</p><p></p><p>كانوا يالسين فـ الاستراحه ع الكراسي ..</p><p>فتون "اتير ايد ساره" مامـا ابا اروح الحمام..</p><p></p><p>ساره: اوووووه الحمام في الطابق الثاني ما اروم اروح فوق تعبت..</p><p></p><p>ام ساره: خليها انا باخذهـا..</p><p></p><p>ساره: لا خلاص انا باخذهـا اتعب شويه ولا اتم مع هالخبال عبودي و حمودي.</p><p></p><p>عبودي: اصلا انا ما احبج.</p><p>ساره:انت شو اتعرف غير هالكلمتين يلي ما فيك خير شرات ابوك..</p><p></p><p>ام ساره "نبرة عتاب"اللــــــــه يرحمه.</p><p>ساره: الله يرحمه و يغفر له..يالله فتون حبيبي تعالي..</p><p></p><p>سارت ساره ومعها فتون ..و عند الدري المتحرك</p><p>فتون:"رافعه ايدها" شليني.</p><p></p><p>ساره"تتأففف" انتي عـذاب.</p><p></p><p>شلتها و فتون تضحك بصوت عالي ..كانت ساره تضحك لضحكت فتون..</p><p></p><p>ساره:"تضحك" شو عندج..</p><p></p><p>فتون: مرجحـانه..</p><p></p><p>بعد ما طلعت من الحمام..سارت صوب الدري المتحرك عشان تنزل..فتون اطالع تحت و تزقر عبادي و حمودي بصوت عالي..</p><p></p><p>حست ساره بالاحراج لان الناس الموجوده قامت اطالعهن بسبت صوت فتون.</p><p></p><p>ساره"تساسرها" اذا ما سكتي ما بشتري لج حلاوه.</p><p></p><p>فتون: بعد ما بتشترين حق حمودي و عبادي.</p><p></p><p>ساره: امبلى بشتري لهم انتي لا..</p><p>فتون "بتصيييح" انا ابـــــــاا</p><p></p><p>ساره: عيل اسكتــــــي اول فضحتينـا خلق الله ما خلق يطالعنــا..</p><p></p><p>صدت ساره لورا يوم سمعت صوت هزاع من وراها يقول..</p><p></p><p>شحالج ساره..؟؟</p><p></p><p>ساره"مبتسمه"ابخير..</p><p></p><p>هزاع: اول مره اجوفج برع الشركه و انتي مبتسمه لي.</p><p>ساره: ما توقعت اجوفك..</p><p></p><p>هزاع"يلاعب فتون" شحالهـم الاموريييين..</p><p></p><p>ردت فتون ورا ساره خايفه.</p><p>هزاع: مب طالعه ع خالتج قويه يا الخوافه.</p><p></p><p>فتون: ماما ما بتشتري لك حلاوه بس انا و عبادي وحمودي.</p><p></p><p>هزاع : "شل فتون" و انــــــا منو بشتري لي حلاوه..</p><p></p><p>فتون "مستحيه" انت كبير روح اشتري بروحك..</p><p></p><p>ضحكت ساره..و هزاع ابتسم ونزل فتون بالارض بعد ما باسها..اتخيلت ساره انها اتكون حرمت هزاع و فتون بنتهم..</p><p></p><p>قالت في خاطرها "ابيه عيب شو هالافكار"..</p><p></p><p>هزاع: زين جفتج هني.</p><p></p><p>ساره اطالعه مستغربه..</p><p></p><p>هزاع:- من ساعه يالس الف ادور ابا اشتري شي بس مب عارف يمكن انتي اتعرفين..</p><p></p><p>ساره: انزين يمكن اقدر اساعدك..</p><p></p><p>هزاع دش المحل الي مجابلنهم ودشت وراه ساره و فتون..</p><p></p><p>طالعته ساره محل مجوهرات..يلس هزاع يرويها العقود الي عيبته..اتمنت ساره اتعـرف لمنو ها العقد..بس هزاع ما قال شي..</p><p></p><p>أختارت ساره له عقد غير الي هو مختارنهم..و شكله عيبه وايـــــد ..كانت تبا تساله حق منو ..بس جافت مب حلوه..</p><p></p><p>شل فتون ..وطلعوا من المحل..</p><p>هزاع: اذا عندج عادي ادشين معاي ها المحل ابا اشتري ساعه اتناسب هالعقد.</p><p></p><p>ساره: خلاص ما يهمك دام موجوده ..</p><p></p><p>دشوا محل الساعات ..بعد عشر دقايق ..اختارت ساعه اتناسب العقد الي شراه هزاع..</p><p></p><p>هزاع: وابوي منكم يا الحريم..سنه.</p><p></p><p>ساره: "تبتسم" مب انت قايل من ساعه يالس اتلف و ادور..ع الاقل انا عشر دقايق..</p><p></p><p>هزاع: "يطالعها" تسلمين ساره.</p><p></p><p>حبت ساره اسمها يوم هزاع ينطقه اتحس ان اسمها وايد صار حـلو ..</p><p></p><p>ساره: العفـو ..تبا شي ثاني قبل لا اروح ترا الوالده تتريا تحت..</p><p></p><p>هزاع: لا خلاص اليوم اجازه مب كل الايام بشغلج فيها..</p><p></p><p>ساره: خلاص عيل فمان الله.."بالغلط" سلم ع بو هزاع.</p><p></p><p>هزاع"اتغيرت ملامح ويهه" الله يسلمج.</p><p></p><p>شلت ساره فتون ..ونزلت الدري المتحرك عرفت انها غلطت يوم قالت لـ هزاع سلم ع بو هزاع..بس هالمره عدت ع خير..</p><p></p><p>ام ساره: وينج تأخرتي..</p><p></p><p>ساره: جفت مديري هناك..مب عارف يشتري ..فساعدته.</p><p>فتون: ماما شفنا ريال كبير..</p><p></p><p>ام ساره:- بو هزاع مب تعبان شو يايبنه المركز..</p><p></p><p>ساره"تضحك" قصدها طويل مب كبير ها ولده هزاع..</p><p></p><p>ام ساره: ياالله انروح عيال اختج رقدوا..</p><p></p><p>كانت ساره تبا توصل البيت ابسرعه..عشان اتفكر ع راحتهـا ..وتسترجع كل الي صار اليوم مع هزاع في المركز..</p><p></p><p>كانت تتمنى اتعرف هالعقد و الساعه لمنو..يمكن لوحده يعرفها او لاخواته..بس هي الي تعرف مب معرس..</p><p></p><p>فكرت هزاع مب من النوع الي يركض ورا البنات ..لانه اصلا ما يعرف يغازل اعنده اسلوب ولسان دفش..</p><p></p><p>هاليوم كان واحد ثاني..اصلا اليوم اول مره يعاملها جي..</p><p>اتنهدت ساره و كانت تجلب فوق شبريتها..تتخيل انها وهزاع معرسين وفتون بنتهم ..</p><p></p><p>يلست تضحك جي بيكون منظرهـا هي تشتري حق البيت ولا هزاع يراكض ورا العيال من مكان لمكـان..</p><p></p><p>كانت تدري ان افكاره شبه مستحيله تتحقق..لان هزاع ماخذ عنها فكره انها تبا بو هزاع...و ثاني شي..هي وين وهزاع وين..</p><p></p><p>حاولت ترقد وتنسى هالافكـار لانها اتعرف.. اذا حطت هزاع فـ بالها وايد بتتعب لي ما تنساه..</p><p></p><p>كانت اتفكر اسلم طريقه .انها تبتعد عن كل ها انها اتقدم ع وظيفه ..بس وين واورقها ..كلها عند هزاع..</p><p></p><p>حتى شنطتها..ما اتعرف شو سوا فيهـا ...</p><p></p><p>اذا بغا يردها بتقوله ما اباهـا خلهـا لك..صارت موضتها جديمه..</p><p></p><p></p><p>بوقت ما كانت ساره اتفكر بهـزاع رقدت من غير ما اتحس..</p><p></p><p></p><p>و في اليوم الثاني...طلعت ساره من حجرتها ...جافت اليهـال محد ..يلست ادور عليهم..</p><p></p><p>ساره: نوفـا..</p><p></p><p>نوفا: نعم مدام.</p><p>ساره: وين امايه و اليهـال......؟؟</p><p></p><p>نوفـا: يطلع برع من تنين ساعه..</p><p></p><p>ساره: انزين ييبي لي كوب حليب..</p><p></p><p>سارت ساره حجرتها اطالع عمرها فـ المنظره..اتذكرت كلام هزاع يوم قالها..انها حلوه من غير مكياج..</p><p></p><p>اتنهدت ..ياليت ..ما عرفت هزاع ولا التقت فيه..كانت اتخاف انها اتخونها مشاعرهـا و يخونها قلبهـا..بس الظاهر ها الي صار..</p><p></p><p>كل احاسيسها اتميل لـ شي اسمه هـزاع..رغم كل المعامله الجافه الي جافته منه ..بس ها ما منعها انه صار جزء من حياتها..</p><p></p><p>بعد ما شربت حليبهـا ..طلعت برع الحجرعه ع صوت عيال اختها..وامها..</p><p></p><p>سارت يلست معاهم..و كانوا اليهال يسولفون لها عن طلعتهم لبيت عمهم..بس هي ما كانت معاهم موليه..</p><p></p><p></p><p>حست ساره ان يوم الجمعه كان يوم وايد طويل وممل ..عشان جي في اليوم الثاني الصبح..قامت من وقت ..اتغسلت .</p><p></p><p>كانت تتمكيج..بس قالت في خاطرها"هزاع يعيبه شكلي من غير مكياج.."</p><p></p><p>مسحت المكياج من ع ويهـا و طلعت ..وصلت الشركه..هالمره كان هزاع موجود ..استغربت ساره ..ان هزاع بعد هالمره ياي من وقت..</p><p></p><p>لاحظت ساره ان هزاع قام يعاملهـا غيـر عن قبل..كان يكلمها بهدوء ..ويضحك معاها و يسولف بس احيانا ينجلب عليهـا اذا طرت بو هزاع..</p><p></p><p>عرفت ان مهما تغير اسلوب هزاع معاها بس افكاره وحده ما بتتغير ..</p><p></p><p>مر ع ساره اسبوع كامل ما حست فيه لانها كانت مستانسه بالشغل..مع هـزاع..و حست ان هزاع نفس الشي..</p><p></p><p>و فـي يوم كانت ساره مشغوله ع الطباعه..فسمعت صوت بنوته..</p><p></p><p>البنيه:- هزاع موجود.</p><p></p><p>رفعت ساره راسهـا جافت جدامه وحده حلوه مب حلوه الا قمر ..مب عايبتنها خلقت ربها بعد تارسه ويها مكياج بس معطنها حلا و جمال..زياده.</p><p></p><p>البنيه:- اقولج هزاع موجود.</p><p></p><p>ساره: "واقفه" هـي موجوده بس عطيني اسمج عشان اخبره.</p><p></p><p>البنيه:-"اتحرك ايدها" مب لازم انا بروحي بدش له ابا افاجـاه..كانت ساره بترد عليها بس تحركت صوب باب هزاع ..وقبل لا تفتح الباب </p><p></p><p>التفت صوب ساره و قالت..:- تراني خطيبته."ودشت الحجره"</p><p></p><p>يلست ساره ابسرعه ع كرسيها قبل لا اطيح ..من الكلمات الي صدمتها..قالت في خاطرها "هزاع خاطب" ليش ما قال..</p><p></p><p>كانت شويه و بتصيح..عرفت ان هزاع كان يقص عليهـا ..كان يبين انه معجب ابـ ساره..اكيد عشان ينسيها بو هزاع..</p><p></p><p>بس هي ما اتحب بو هزاع..</p><p></p><p>كانت تتوقع انها بتتعب اذا حبت هزاع..عشان وايد اشياء بس عمرها ما اتخيلت انه بيطلــــــع خـــــاطب..كانت اتلاحظ الفرق بينها و بين هزاع وايد.</p><p></p><p>.لكن الحين وايد فرق بينها و بين خطيبته ..ابتسمت "تطنز ع عمرها" الحين هزاع بفكر فيني و بودر ها الحلوه.</p><p></p><p>سوت ساره نفسها مشغوله بالكتابه يوم انفتح باب مكتب هزاع..</p><p></p><p>رفعت راسها مغصوبه يوم سمعت هزاع يرمس.</p><p></p><p>هزاع:- انا طالع ..خبريني اذا حد سال عني...</p><p>ساره: "تهمس" انه شا الله..</p><p></p><p>هزاع: يالله إيمـــــان..</p><p></p><p>ايمان: "بدلع"مع السلامه..</p><p></p><p>بعد ما طلعوا ..ساره..درب اتسد ما اترد..و يلست ع كرسيها..</p><p></p><p>يعني اسمها ايمان..وين رايحين..و ليش طلع معها..هزاع عمره ما هد شغله الا اذا كان الوالد تعبان..</p><p></p><p>نزلت دموع من عيونهـا ..مصدومه من الي صار لها اليوم..يعني العقد و الساعه حق خطيبته ..ايمـانووووو</p><p></p><p>هاي شكلها وحده دلوعه ما تستاهل هزاع..بس بالاخير عرفت ساره انها مب من حقها ابد اتقرر عن هـزاع..</p><p></p><p>و خاصه ان هزاع ابد ما قال انه يحبهـا حق شو اتلومه كل اللـوم عليها الي عطت نفسها فرصه انها تجرب من هـزاع..</p><p></p><p>حاولت اتركز بشغلها بس ما قدرت تبا اتعرف هزاع وين سار مع ايمـان..</p><p></p><p>اضايجت ايوم اتصل بها هزاع و قال انه ما بيرجع الشركه..</p><p></p><p>واضايجت اكثر يوم ظنت ان هزاع هايم بايمـان و مستحيل يتركها دام انه صـارت </p><p>خطيبته..</p><p></p><p>يتبع >> </p><p>الجزء الثامن..</p><p></p><p></p><p></p><p>و في البيت فكرت ساره ..اتغايض هزاع ..قالت في خاطرها" الحين انا يالسه من الصبح مضايجه عشانه و هو يالس مع ايمان.."</p><p></p><p>فكرت انها ادق لـ بوهزاع..و اكيد هزاع الي بيرد ع الموبايل ..و جي بضايج منها..</p><p></p><p>**</p><p>خلود"اتسكت عادل" حـصووووه تعالي خذي ولدج ذبحني صيـــــاح..</p><p></p><p>حصه"من داخل الحجره" اصبري يالسه ارمس بو عادل.</p><p></p><p>خلود: اوووووه ابسرعه وها ريلج خل يرجع من السفر عشان افتك منج و من ولدج الي 24 ساعه دموعه تنزل.</p><p></p><p>حصه"اتشل ولدها" الله اكبر عليج ..صلي ع النبي انزين..</p><p></p><p>دشـوا بو هزاع وهزاع.. بها اللحظه.</p><p>بو هزاع"يرمس خلود" اظن الفريــــج كلهم سمعوا صوتج.</p><p></p><p>خلود: معقوله و ما سمعوا صوت ها الحشره.</p><p></p><p>حصه: ابـــــــااه بتأكل ولدي هاي.</p><p>بو هزاع "يضحك" عيل باجر يوم هزاع بيأخذ بنت عمه و بيصير عنده جم ياهل شو بتسوين..؟؟</p><p></p><p>خلود: ويييين لي ما يعرس هزاع انا بروحي معرسه و عندي درزن عيال..</p><p></p><p>هزاع: منو قال اني بعرس..؟؟</p><p></p><p>حصه: لا بتعمر بيت ابـــــــووي.</p><p>هزاع: هي بعمر بيت ابوي .</p><p></p><p>بوهزاع: و ليش ما اتعرس اموقف نصيب البنيه.</p><p></p><p>هزاع"مضايج" انا ما خطبتها عشان اوقف نصيبها انا اصلا ما اباهـا ..</p><p></p><p>بو هزاع: البنيه تباك..و حليلها كل فتره اتنظف حجرتك و اترتبها ..شو تبا اكثر من جي دلع..حتى لو ما خطبتها الكل يدري ان ايمان لك و انت لـ ايمان.</p><p></p><p>خلود: انا بروحي ما ادانيها زين اتسوي و ما تاخذهـا</p><p>بو هزاع"يفتن ع خلود" بس انتي ام لســــــان.</p><p></p><p>هزاع: خلود الي فاهمتني.</p><p>حصه: عشان جي يبت لها طقم وساعه.</p><p></p><p>هزاع: تراني وعدتها اذا تخرجت من الدراسه بييب لها هديه.</p><p></p><p>خلود: فديتك اخويه..توني ادري ان ذوقك حلو..</p><p></p><p>رن موبايل بو هزاع..</p><p>بوهزاع: الــــــوو</p><p></p><p>ساره: شحالك بو هزاع.</p><p></p><p>بو هزاع: هلا و الله بنتي.شحالج يبه..</p><p>ساره: الحمدلله ربي يعافيك ترا الشركه ولهانه عليك وايـــــد..</p><p></p><p>بو هزاع"يضحك" و اصحاب الشركه ما ولهوا عليه..</p><p></p><p>عرف هزاع ان الوالد يرمس ساره..طلع من الصاله ..وسار حجرته محرج ..فتح علبة الزقاير و يلس يدووخ..</p><p></p><p>هزاع..الحين حق شو داقه له..عمرها ما دقت لي حتى يوم اتصل لها ما اترد..ما ادري شو اسوي بها ..</p><p></p><p>خاطري اجتلها..اتنهد يا ليت ارووووووم و الله هي الي جتلتني من يوم فتحت لي باب سيارتها..عند محل الفديو..ابتسم يوم تذكر الموقف ..</p><p></p><p>وبعدين شرات الساحره تطلع لي بكل مكان..لي ما انصدم انها السكرتيره ..الي ناوي يروغها من الشركه من كثر الوالد ما يرمس عنها..</p><p></p><p>طلعت هي سارونـــــــه ..وقف عند المنظره ياطالع ويهه..الناس اتقول اشبه ابوي نسخه منه..زين انا شباب و ابويه شيبه ليش اتحب ابوي..</p><p></p><p>بدال ما اتحبي كفختني بشنطتها زين ما شوهتني..</p><p>باجر بادبها بالشركه ..لانها اتصلت حق ابويي..</p><p></p><p>طلع مفتاح سيارته..وسار برع عند الكراج..وفتح السياره وطلع شنطت ساره بعد ما فتح السده..ما بغى يضمها في حجرتها لان ايمان دوم..تتعبث بحجرته اونها اتنظفها و اترتبهـا..</p><p></p><p>يلس يطالع الشنطه يحضنها و يبوسها..ضحك و قال جني مراهق مب جنه بعد جم سنه بصير في الثلاثين..</p><p></p><p>اخ لو اعرف هاي البنيه كيف تفكيرهـا ..كنت من زمان خليتها اتحبني ..و خذتها عن الشيبه..</p><p></p><p>**</p><p>و في اليوم الثاني.. يلست ساره ع مكتبها تعبانه لانها ما قدرت ترقد البارحه ..كان رقدهـا متقطع..عشان جي اضطرت اتحط مكياج..اتغطي التعب عن ويهـا</p><p></p><p>دش هزاع المكتب ..و من غير ما يطالعها..</p><p>هزاع: تعـالي.</p><p></p><p>وقفت ساره..يتها ضحكه اتعرف شو يبهـا ...اكيد عشان اتصالها البارحه لـ بو هزاع..</p><p></p><p>هزاع: "يطالعها" انا مب قايلنـج تقطعين علاقتج بـ الوالـد..</p><p></p><p>ساره:"اترد بـ ابرود" ما بينا علاقه عشان اقطعها..</p><p></p><p>هزاع: تستهبلــــــين...حق شو البارحه داقه للــــوالد شو تبين منه.</p><p></p><p>ساره: "ترفع كتفها" اتطمن ع صحته.</p><p>هزاع: وبـــــعد..</p><p></p><p>ساره: بس ولا شي..</p><p></p><p>هزاع"يجدم منها" الي في راسج ما بيصير.</p><p>ساره: قصدك الي في راسك انا ما افكر او اخطط لشي..</p><p></p><p>ساره اتعرف انها ترمس باسلوب يستفز هـزاع..قالت فـ خاطرها عشا تتأدب و ما تطلع مع الي اسمها ايمانووووو</p><p></p><p>هزاع: جم تبين و انا بعطيج المبلغ كـاش..و الحين.</p><p>ساره: كل الي اباه سلامت بو هزاع</p><p></p><p>شهقت يوم هزاع يرها من ذراعها في لحظت غضب..</p><p>ساره:"محرجه" انت شو اظن عمرك هدني..</p><p></p><p>وسحبت ذراعها من ايدها..ورجعت لوراا..</p><p></p><p>ساره"تكمل كلامها":- لا بو هزاع ولا بيزاته ولا انت اتهموني..كل الي اباه اشتغل و اعيش شرات باجي الناس ..وأعيل عايلتي..</p><p></p><p>وطلعت من مكتبه..منفعله و يلست ع الكرسي اتهدي عمرهـا..ويلست اتلوم نفسها هي سبب كل هـا لو طنشته من الاول ..هي اتعرف ان هزاع مستحيل يكون من نصيبهـا</p><p></p><p>دقايق وطلع هزاع من مكتبه ووقف جريب من مكتبهـا</p><p></p><p>هزاع: أبا منج خدمه.</p><p></p><p>ساره"من غير ما اطالعه" امــــر</p><p>هزاع: قولي و الله بو هزاع ما يهمج..؟</p><p></p><p>ساره"اطالعه محرجه" ترا دمك وايد ثجيـــــــل.</p><p></p><p>هزاع: ادري بس احلفي ان بو هزاع ما يهمج..</p><p></p><p>ساره: "متنرفزه" و الله العظيم لا بو هزاع ولا بيزاته اتهمني زيــن ارتحت.</p><p></p><p>هزاع"يبتسم" و انـــــــا..</p><p></p><p>ساره" اطالعه مستغربه" انت شو؟؟</p><p></p><p>هزاع: و انا شـو..؟</p><p></p><p>ساره: انت مديري اليديد الي مغلس علي في الشركه و برع الشركه..</p><p></p><p>هزاع"رد ورا":- ييبــــــي البريد..</p><p>ودش حجرته..</p><p></p><p>حطت ساره راسها ع المكتب ..تتنفس بصعوبه..بعد ما ركزت ع الموقف الي صار يلست تضحك بصوت عالي..</p><p></p><p>حاولت اتسكت عمرها و تنسى الموضوع..</p><p></p><p>دشت بالاوراق لـ هزاع.. و قبل لا تظهر..</p><p>هزاع: ابا منج شي.؟؟</p><p></p><p>ساره: شـو..</p><p></p><p>هزاع: اختي جريب اتعرس و ابا اشتري لها هديه شو ابرايج اخذ لها.</p><p></p><p>ساره: شرات الهديه الي قبلها.</p><p></p><p>هزاع: لا ما تناسب ..شورايج انا بعطيج بيزات ..و اباج تشترين لها كل شي..</p><p></p><p>ساره: كل شي ..مثل شو..</p><p></p><p>هزاع: يعني مثل ما تقولين ازهبهـا </p><p>ساره"مستغربه" اشمعنى انـــــــا,,,.؟</p><p></p><p>هزاع"يبتسم"تـرا المره الي طـافت وايد عيبهم العقد و الساعه..شو قلتي.</p><p></p><p>ساره"مستانس " خـلاص عيل ..بس انا ما اعرف المقاسات ..ولااعرف متى لازم اخلص.</p><p></p><p>هزاع:جوفي هي تقريبا مثلج جي نفس القياس ..و بالنسبه لموعد العرس بعد شهرين ..اظن عندج وقت كافي..</p><p></p><p>ساره: خلاص مب مشكله.</p><p></p><p>هزاع: هـا مب أي شي يصير من بينا اتهونين عن الشغله.</p><p>ساره"تبتسم":- صدقنـي ما اسويـها.</p><p></p><p>هزاع: خلاص عيل فـ نهايه الدوام بكتب لج شيك بعشرة الاف ..واذا ما كفت قولي لي...</p><p></p><p>ساره: ان شالله.</p><p></p><p>هزاع: يالله روحي جوفي شغلج..</p><p></p><p>**</p><p></p><p></p><p></p><p>هزاع بها الايام مشغول..يبا ايعرف شو شعور بو هزاع ناحية ساره بالضبط..بس كان محتار كيف الطريقه الي يسويها عشان يتأكد..</p><p></p><p>دش بو هزاع غرفة هزاع ..</p><p></p><p>بو هزاع :- يالله يبى ما تبى غدا ؟</p><p></p><p>هزاع :- لا يبى ما اشتهي .. بعدين بتغدى .</p><p></p><p>بو هزاع ( يلس حذال هزاع) الشركة ماشية أوكية .</p><p></p><p>هزاع ( مستغرب) هيه .. ليش؟؟</p><p></p><p>بو هزاع:-أجوف هالايام فكرك مشغول جن عندك مصيبة ..</p><p></p><p>هزاع :- بصراحة يبى ابا اقولك سالفة بس أخاف تتضايج .. وانا ما فيني على زعلك ..</p><p></p><p>بوهزاع:- أفا عليك يبى قول كل شي بخاطرك وما يردك الا السانك ..</p><p>هزاع :- ابصراحة (سارة ) داشة خاطري وابا اخطبها ..</p><p>سكت بوهزاع يفكر بكلام هزاع ..وهزاع يراقب ردة فعل ابوه ..</p><p>بو هزاع :- وبنت عمك ؟؟</p><p>هزاع (منفعل) أنا قلت ما اباها حتى لو ماخذت سارة ما بتزوج إيمان ..</p><p></p><p>بو هزاع :- الصراحة ما شي مقارنة بين سارة وإيمان واللي تباه سوه واتحمل زعل عمك ..</p><p></p><p>هزاع(مستانس) يعني انت ما تباها ..</p><p>بو هزاع يطالع هزاع مستغرب :- ابا منو؟؟!!</p><p></p><p>هزاع:- ليش انت مب ناوي تتزوج سارة ؟؟</p><p></p><p>بو هزاع يرفع ايده ناوي يضرب هزاع : سود الله ويهك هاي كبر اختك تبى اتزوجها لي ..</p><p></p><p>هزاع (يضحك) ويبوس راس ابوه ..فديتك يالغالي .</p><p></p><p>بو هزاع (واقف):- يالله قم اتغدى لأطير سارونة منك ..</p><p></p><p>هزاع (واقف) اتامر يالشيخ..بس طلب واحد.</p><p>بوهزاع: شو بعــــد لا يكون بتزوجني امها..</p><p></p><p>هزاع "يضحك":-..لا لا ..ما اريد حد يعرف السالفه..الحين.حتى ساره... نتريا شويه ..</p><p></p><p>بوهزاع: خلاص ع خير ..</p><p></p><p>**</p><p></p><p>بها الوقت كانت ساره ..مشغوله شو تشتري حق زهبت اخت هزاع..</p><p></p><p>كانت معظم اوقاتها اموزعه ما بين شغلها و بين الاسواق..</p><p></p><p>حتى عيال اختها ما قمت اطلعهم شرات قبل..</p><p></p><p>كانت ساره اتحس انها شغله متعبه و يديده عليها بس ابنفس الوقت كانت اتحس ابراحه لانها اتنسيهـا هزاع..</p><p></p><p></p><p>الا في فليل قبل لا ترقد..كانت تجلب بالفراش ..ساعات لي ما ترقد..تذكر لقاءاتها مع هزاع وضرابتهم ..</p><p></p><p>احيانا اتحس بشوق له ..واحيانا اتقول يا ليتني ما عرفته..</p><p></p><p>وخاصه بها الفتره صار انسان ثاني يعامله بكـل حب..بس ناقص يقولهـا احبج..</p><p></p><p>كانت ساره اتشك انه يلعب ع الحبلين..لانه خاطب..او احيانا اتقول انها تتوهم..لانها اتحبه..وتتوهم انه يحبهــا</p><p></p><p></p><p>بس كانت اتعرف ان المستقبل الجريب بيحدد كل شي او ينهي كل شي..</p><p></p><p>**</p></blockquote><p></p>
[QUOTE="ريموه البطرانه, post: 1020457, member: 7654"] الجزء الثالث.. ارتاحت ساره يوم رجع بو هزاع الدوام..ع الاقل ما قامت اتجوف هزاع..الا نادرا .. كانت اتحس انه ايي الشركه من فتره لفتره ..عشان يراقب تحركاتها مع بو هـزاع.. الحين عرفت ساره ان هزاع خايف من انها تزوج ابوه..طبعا عشان الشركه و المال الي يملكه بو هزاع..بس هي دوم تعتبر بو هزاع شرات ابوهـا..حتى هو يعتبرها شرات بناته..حصه و خلود.. في الايام الاخيره زادت زيارات هزاع لشركه ..عرفت انه عنده شهادة ادارة اعمال خذهـا من الولايات الامريكيه..وعشان جي كل فتره يمر الشركه يكسب خبرة بو هزاع.. لاحظت ساره ان هـزاع قام يطنشها من بعد ما داوم بو هزاع ..حتى ما قام يرمسها الا اذا يبا شي ضروري.. و ها الشي مخلي ساره مرتاحـه و في يوم دشت ساره لـ بو هزاع.. ساره: الشيخ وصلتك رساله مهمه تترياهـا من زمان. بو هزاع: (يضحك) من متى صرت شيخ. ساره: احم من عرفت الشيخه ساره.. ضحك بو هزاع بصوت عالي..بو هزاع يطالع الباب الي انفتح.. بو هزاع:_ تعال هزاع اسمع ساره شو اتقول. نزلت ساره عيونها بالارض يوم جافت هزاع يطالعها غييير.. ما عرفت شو هاي النظرات عتاب ولا لوم ولا شـوو هزاع: (يبوس راس ابوه) :-شحالك الوالد. بوهزاع: الله يسلمك يا ولدي. ارتبكت ساره يوم هزاع جابلهـاا فقالت. ساره:- بو هزاع هاي الرساله..اسمحلي عندي شغل. بو هزاع: (يضحك) مشكوره يا الشيخه..(وخذ الرساله) حست ساره بعد ما قال بو هزاع هاي الجمله..ان هزاع بجتلهـا بنظراته..كلها عداء و حقد..فحاولت تهرب من هاي النظرات ..فطلعت ابسرعه برع المكتب.. يلست ع مكتبهـا تتنهد .."اوف هالعله من وين طلع بكمل ثلاث سنوات بالشركه و ما قد جفته ألا الحين من وين طلع.مب رايمه اخذ راحتي في الشغل..."" يلست تشغل عمرهـا بالاوراق الي عندها و مرات بالكمبيوتر و احيانا اترد ع الاتصالات.. كانت تتمنى انها ما تدخل مكتب بو هزاع دام هزاع موجود داخله.. رفعت راسها يوم سمعت صوت هزاع يقولهـا. هزاع(يتطنز) هـا الشيخه ان شا الله مرتاحه بالشغل. مسكت ساره اعصابها ..وحاولت اطنشه..اضايجت يوم اجدم و يلس مجابلنهـا. ساره رفعت راسها اطلعه .. هزاع: انتي وايد ذكيه. ساره: (تقهره) اكيد ولا ما وصلت من موظفه عاديه لسكرتيرة المدير. هزاع: (ابرود اعصاب) عشان جي صرتي شيخه بنظر الوالد. استفزت كلماته ساره ..كانت تبا اتصارخ عليه و اتروغه من المكتب بس خافت كل ها بنجلب ضدهـا. ساره: لو سمحت عندي شغل.ممــــكن. هزاع: (يبتسم) غريبه تشتغلين بضمير...لازم عشان تكبرين بنظر عيون الوالد ترا الجمال و اللسان ما يكفي صح. ساره: (من بين اسنانه) انت قليل ادب. هزاع(واقف) :_أنا اقدر اروغج من الشركه ع هالكلمتين بس صدقيني مب الحين فالوقت المناسب .. بعدني ابا اتابـع لعبتج الحلوه..عشان اعرف انهيهـا بطريقه حلوه.. طالعته ساره يوم طلع من المكتب..حست بخوف كبير في داخلهـا..فكرت اتخبر بو هزاع عن كل شي ..بس يمكن ما يصدقهـا.. و في طريج البيت ..كانت اتفكر كيف اتحط حد بينها و بين هزاع..باجر اذا هزاع مسك الشركه اكيــــــــد ببهدلهـا قررت انها اتقدم ع وظايف ..وبمجرد ما تطلع لها وظيفه زينه و رااتب ممتاز ..اتقدم استقالتها.. وصلت البيت ..حاولت تشغل بالها..وما كانت تبـا اتفكر برمست هزاع الي ترفع لها الضغط.. يلست تلعب مع حمودي و عبادي و فتون.. عبادي: ودينا البحر خالوه. ساره: اووه مالي نفس اطلع مكان ..باجر حبيبي. عبادي: لا اليوووووم. حمودي: ودينا الالعاب. فتون:ماما انا ابا اروح الالعاب. ساره: انتوا شفيكم اليـوم..اقولكم ما بطلـــــــع ..ماشي طلعه. عبادي: عيل انا ما احبج حتى فتون و حمودي. يلست ساره تضحك ع رمست عبادي ..كم تسوا اليلسه مع ها اليهـال ..و الله لولا الحاجه..جان ما اشتغلت ..ولا سمعت كلام ايب لها عوار الراس. ساره: انـــــزين باجر باخذكم الالعـاب.. مسكت ايد عبادي و حطتها ع يبهتها . ساره: جوف انا مسخنه ما اقدر اطلع مكان اليوم. حمودي: عيل باجر ودينا.. فتون: نلعب وايــــــــــد. ساره: "تضحك" بنلعب وايـــــــــــد. نوفا: ماما انت ما في يجيب رساله مال انا. ساره: بلاج انتي العله الثانيه ..انزين بييبها باجر. نوفا:حرام ماما انا من زمان ما يقرا رساله حق اهل مال انا. ساره: خلاص بسير اجوف بالبريد مالي.. ساره(اترمس اليهال) شو رايكم اخذكم معاي انجوف اذا نوفا عندها رساله ولا. تموا اليهال مستانسين و يصارخون لانهم بطلعون مكان.. ساره: هــــــا بس محد يقول خالوه ابا ها و مري هني..تراني ما اروم. عبادي: ما بنقول..والـــــــله. تحركت ساره بالسياره..ومعاها اليهال ..عشان اتمر البريد..اتجوف اذا شي رسايل حق نوفا او لا.. فتحت شنطتها ادور المفتاح ما لقته..اتذكرت انها غيرت رقم بريدها و استلمت مفتاح يديد..بس ما تذكر وين حطته.. عبادي:خالوه من زمان انتي حطيتي مفتاح هني. ساره: وين.....؟؟ حمودي:داخل هني بالسده يوم سرنا البحر صح عبادي.. ساره : (اتبوس حمودي و عبادي ):- شطار حبايبي. فتحت السده و طلعت المفتاح.. نزلت من السياره..حاولت تفتح الصندوق بس ما رامت..جربت مره و مرتين بعد ما قدرت.. ساره: شو معطيني مفتاح بالغلط..؟؟معقوله !! بعد محاولات ..ملت ساره..وفكرت ترجع البيت..وقررت اتدور حل بعدين.. اول مره ساره اتروح الدوام و هي مضايجه..ما تبا اجابل هـزاع.. مر هاليوم ع ساره ..ابراحه لان هزاع ما شرف اليوم.. بس كان بخاطرها اتعرف ليش ما يـــــــااه.. بس اليوم الثانـــــي ..كانت في عالم فتون اتلاعب اليهـال مثل ما وعدتهم البارحــــه.. سارت تشتري لهم ايس كريم..كانت واقفه تتريـا الايس الكريم الي طلبته لليهـال.. طالعت الناس اليالسين ع الطاولات ..اتمنت اتكون لها صديقه ..جي تطلع معها..وتشكي لها همهـا.. هي عندها صديقات في الدوام ..بس كانت تبا صداقه قويه..بس للاسف شغلها و تربية عيال اختها..خذ وقتها كله. صدت للصوت الي كان يضحك بصوت عالي..جافت هزاع يالس مع ثلاث من ربعه..طالعها ,,فرفع حواجبه مستغرب من وجود ساره .. ساره(جنها جافت يني) : يالله بسرعه وين الايس كريم. سنه اووف. راعي الايس الكريم: ماما زهمه ما يجوف. ساره: زين خلص.. خذت الايس كريم ..ابسرعه قبل لا ايي هزاع و يسولف معهـا..و سارت ابسرعه صوب الالعاب.. زقرت نوفـا و اليهـال..يلسوا ع الطاولات عطتهم الايس كريم ..و يلسواا..ياكلــــــون الايس كريم..اما هي فكرت تشرب ماي بس. ساره:- ابسرعه كلو اا عشان انسير البيت. عبادي: ما لعبنا. ساره: انت ما تشبع لعبان...يلا ثاني مره ما بييبكم.تراا حمودي:شو ها خالوه ما لعبنا شي حست ساره انها تحرم اليهال من اللعب بس عشان خوفها من هزاع لا ايي و يرمسها عشان يغثها .. بس كانت اطمن نفسهاا"لا مستحيل بيجوفيني من بين كل هـا العالم"" بعد ساعه من اللعب ..كانت اتركب اليهال فـي السياره.. فتحت باب سيارتها و قبل لا تيلس التفتت لصوت الي كان يسالها.. هزاع:- عيال منو هذيلا. ساره مب عارفه باي اسلوب اترمسه.. ساره(تطنز) الييـران. هزاع:-ع بالي ارمله ولا مطلقه بس يوم جفت اوراقج طلعتي انسه و توج 24 سنه. ساره: (محرجه) منو سمح لك ادور معلومات عني. هزاع: (رافع حاجب واحد) بـاجر بتكونين السكرتيره ماليه..لازم اعرف عنج كل شي. ساره (تبتسم) ساعتها اشتغل بمكان ثاني..انا مستحيل اشتغل عندك. هزاع: تراج تشتغلين عندي ..ماشي فرق بيني و بين الوالد. ساره: فرق السما و الارض. هزاع (يطالع يمين و شمال ومتكي ذراعه ع باب سياره ساره المفتوح..وبعدين يساسر ساره) هزاع (يبتسم) انزين شو رايج بوفر عليج وقت ترا الوالد شيبه و عنده عيال اكبر عنج..و بعمرج.. انا بعدنـي شباب و منـاسب لج ..بعطيج كل الي تبينه..بس تزوجيني شو رايـج.. استوعبت ساره كل كلمه قالها هزاع..و حست ان كلماته هزت كل جسمها و خلاها ترتجف من الغيض و العصبيه.. ساره: (تتنفس بصعوبه) تبا اتعرف رايي. هزاع (يبتسم) يا ليــــــــت. رفعت ساره شنطتها و كفخته بويهه..بكل قوتها..حط هزاع ايده ع خده مب متوقع الضربه.. ركبت سيارتها ابسرعه ..وقفلت الابواب ..كانوا اليهال يلعبون و يصارخون في السياره بس بعد ..الموقف الي صار تموا ساكتين مستغربين .. حطت ساره راسها ع السكان..تاخذ نفسهـا ..وسمعت هزاع يدق ع دريشه السياره,.. هزاع::"امحطي ايده ع خده"نزلي الدريشه اقولج..؟؟ ردت ساره بسيارتها لورا..من غير ما اطالعه او تهتم بكلامه..مب مستعده تسمع كلالام غيره.. شو يتحرا عمره بنات الناس لعبه بايده..ما توقعت ان هالانسان الي يجوفه يقول ريال و النعم فيه..بس كلامه.. شرات سم الافعى.. كانت دموعها تنزل ع خدودها..بها الوقت تمنت اتكون ابروحها ..عشان تاخذ راحتها..ما حبت اتصيح حذال عيال اختها.. لانهم خافوا من الي صار و تموا ساكتين لي ما وصلـوا البيت. *** يتبع >> الجزء الرابع في اليوم الثاني قررت ساره انها اتخبر بو هزاع كل شي.. ابتسمت يوم اتذكرت كيف ضربت هزاع..يستاهل.. و ضحكت..يوم اليهال اول ما دشوا البيت يتراكضون لامهـا عشان يقولنها ان خالتهم ضربت ريال.. طلعت مليون رمسه و عذر رد ع اسئلة امها..طالعت الساعه جافت الساعه..تسع وشي .. قالت اترمس عمرهـا"غريبه بو هزاع تأخر..بعد ما اتصل عشان يقولها انه بتأخر.." يلست ساره اتحاتي يوم طافت ساعتين و بو هزاع ما ياه الدوام.. اتصلت ع موبايله..جافته مغلق ..فكرت ادق البيت بس خافت لـ هزاع يرد ع التلفون.. اخيرا خطر ع بالهـا اترمس دريول بو هزاع ..اكيــــد هو يعرف . ساره: الــــــوو. الدريول: سلامو عليكم. ساره: عليكم السلام..هلا سيد. الدريول: منو كلام.. ساره: سيد وين بابا هزاع. الدريول: بابا هزاع في مستشفى امس فليل يروح ..وايد تعبان.. ساره(خايفه) : ليش شو صار له..؟؟ الدريول:قلب مال هو عور. ساره: يوم هزاع موجود عنده في البيت كيف بتحمل غلاسته اكيد بيصير فيه شي. الدريول:شو كلام مدام.؟ ساره: ماشي باي مستشفى ..اوكى باي. اتريت ساره لي ما خلص الدوام..و بقت لها كم شغله..بس طلبت من محمد مساعدها ان يكمل عنها.. و في السياره اتصلت لامها.. ساره: امايـه انا بتأخر شويه..؟ ام ساره: خير عسى ما شر. ساره: بو هزاع تعبان شويه بسير اجوفه.و اتطمن عليه في المستشفى. ام ساره: الله يحفظه لا تتأخرين يمه. ساره: ان شا الله مع السلامه. ام ساره: فمان الله.. بعد ربع ساعه وصلت ساره المستشفى..وصلت الدور الثالث...سارت ادور ع رقم غرفة بو هزاع..دقت الباب.. فتحت الباب .شويه شويه.. اتفاجأت يوم جافت الغرفه فاضيه..حست بقلبها ينقبض من الخوف.. طلعت ابسرعه من الحجره..وسارت صوب الممرضه..تسالها عن بو هزاع..فعرفت انه في العنايـــه و انه تعب الصبح..وايد.. نزلت دموع من عيون ساره ..خافت انها خلاص ما بتجوف بو هزاع..بس الممرضه حضنتها ..و طمنتها انه بيكون بخير ..بس ما يبون حد يرمسه و يبونه يرتاح.. دلتها الممرضه قسم العنايه بالقلب..وسارت هناك..حاولت تدخل بس ما خلوهــا..تمت يالسه ع الكرسي ...الي مجابل الغرفه.. وقفت يوم انفتح باب الغرفه.. وجافت هزاع طالع ..منها..طالعته و يلس يطالعها.. حست ساره ان الحزن امبين في عيونه..يلست تتأمـل ويهه اتمنت انه اتخفف عنه لانها حاسه بشـو داخله لانها مرت بها المرحله ..ايام ما كان ابوهـا تعبان ..بالقلب.. طالعت كدمه زرقه معلمه ع خده مكان ما ضربته البارحه..قالت في خاطرهـا "ول هالدرجه كانت الضربه قويه دواك.." اجدم منها هـزاع..كانت تتوقع ساره انه بتغير بس ذيل الجلب يتم طول عمره عوي. هزاع: (يهمس) انتي شو تسوين هني؟؟ ساره: اتطمن ع بو هزاع. هزاع: منو امرج اتين ترا الوالد مب محتاينج بشيء. ساره: ادري بس انت ما اتعرف غلاوة بو هزاع عندي. مد هزاع ايده عشان يمسك ساره من ذراعها ..بس ساره ردت لـورا. ساره: لا اتحط ايدك علي. هزاع(يتطنز) خايفه اوصخج..؟ ساره: مافي داعي لها الكلام ..انا ييت اتطمن على بو هزاع و برجع البيت ..فلـو سمحت خلني اجوفه. نزلت ساره عيونها بلارض مستحيه..يوم يلس هزاع يطالع ويهـا فقالت في قلبها"هـا وقته" هزاع: اســــــف.. علاقتج بالوالد بالشركه بس ما ابا تتعدى حدودهـا. ساره: (تترجاه) بس بطالعه ما برمس صدقني. هزاع: قلتلج اســــف ..و من باجر انا بيي اداوم بالشركه عن ابوي. ساره: لا انا ما اباك اتكون هناك. هزاع(يتطنز) لا و الله شو رايج انزين تتنقين منو بيكون المدير ..لي ما يرجع الوالد بالسلامه. ساره: انا ما اقصــــــد جي. هزاع: مب مهم رايج ولا قصدج..انا عارف انتي اكثر وحده اتعرف بالشركه..بكل صغيره و كبيره عشان جي ما اقدر افرط فيج.. ساره: انا بقدم استقالتـي. هزاع: فالج طيب بس مب الحين..باجر بنتلاقى في الشركه..(حط ايده ع خده مكان الكدمه) وهـــاي لها حساب ثاني. ساره: اتمنــــى انك اتوصل سلامي لابـو هـزاع. تحركت ساره من غير ما تتريا رد هزاع..دشت سيارتها ..و يلست اتصيح ابصوت عالي.. حست ان الدنيا ضايجه فيهـا مب عارفه كيف تتصرف ..بعد ما بتصير تحت سيطرت هـزاع..اشكثر قاسي هالانسان ..منعها من جوفة بوهـزاع.. ليته ايعرف بو هـزاع شو سوا لهـا ..عشان تحترمه و اقل شي اتسويه هاي الزياره ..الي حرمها من جوفته.. دشت البيت ..ركضت لها فتون حضنتها ساره و شلتها.. فتون: ماما عبادي يقول انا ما حلوه. ساره(تبتسم) انتي احلى وحده بالعالم. فتون: احلى منج بعد صح. ساره: (تضحك) انتي تشبهيني عشان جي حلوه. فتون: لا انتي مب حلوه بس انا .. ساره(تبوسها ع خدها) ولا تزعلين انتي بس حلوه. دشت الصاله..جافت امها يالسه اطالع التلفزيون ..باستها فوق راسها. ساره: غريبه مب راقده. ام ساره: بغيتج اتطمنين ع مديرج. ساره: الحمدلله ابخير. ام ساره: الله يشفيـــــــه.احط لج الغدا. ساره: تغديت فـ الدوام. سارت حجرتها اتغسلت و يلست ع شبريتها اتفكر شو بيصير باجــــر.قالت في خاطرها"يا رب تشفي بو هزاع" سارت تفتح درجها ادور اوراقهـا عشان اتقدمهـا في أي مكان يناسبهـا..بس لو قدمت ورقه السكرتاريه بتنفعها اكثر..بس لازم المدير يوقع عليهـا.. استبعدت ان هزاع يقدر يساعدهـا..بس يمكن يبا الفكـه منها عشـان عادي بيوقع..اترددت اخيرا قررت تطلب منه ان يوقع ع ورقه يثبت انها اشتغلت هني ثلاث سنوات ..و انها قادره ع انجازات ومهارات وايـد اتسويهـا.. يلست ساره اتفكر غريبه ان هزاع للحين ما تزوج..يمكن عشان دراسته في امريكـا ..بس وايد عرسوا و كملوا برع.. ابتسمت و قالت هـا اصلا منو بياخذه دمه ثجيل وويه لـوووح ** وفي اليوم الثاني..ساره تتريق .. ام ساره: ساره قبل لا اتروحين الدوام ..وصل عبادي و حمودي المدرسه سار عنهم الباص. ساره: جي ناشين من الرقاد متأخرين. ام ساره: ها حمودي تأخر مدري طالع ع منو كسلان. ضحك ساره ع شكل عبادي و حمودي ..ساكتين مالهم نفس يرمسون من صباح الله خير.. ساره: يالله قوموا بتأخر عن الدوام بسببكم.منو يسوي لي المصايب غيركم. ام ساره: (تضحك) يحليلهم حرام عليج سارووه. طالعت ساره ساعتها .."اويه اول مره بحياتي اتأخر عشر دقايق." نزلت من سيارتها.. و راحت مكتبهــــا..دشت ..فجافت هزاع واقف عند باب مكتبه..و محمد المساعد مالهـا واقف حذال مكتبهـا يطبع اوراق.. هزاع "يطالع ساعته":تو النـــــــاس..جان تميتي راقده. حست ساره بالغيض بس ما قدرت اترد عليه لان محمد موجود...طالعت محمد هزاع: تعالي المكتب ابـاج..؟ "ودش مكتبه" اجدمت ساره من مكتبهـا و حطت اوراقها الي تبا اتقدمها ع وظايف ثانيه الي بايدها.. محمد: الله يعينج. ساره: يالله سترك. دشت مكتب بو هزاع..جافت هزاع يرمس بالتلفون..كانت معاه وحده ..عرفت ساره انه يرمس خلود..اخته و كانت اطمنه ع بوهزاع.. ارتاحت ساره يوم عرفت ان بو هزاع ابخير و انه احسن من البارحه..اتفاجات يوم سمعت هزاع يرمسهـا هزاع: انتي دوم جي تتأخرين. ساره:"منزله راسها بالارض" اول مره. هزاع: متأكده.!!.ليش عشان بو هزاع مب موجود بالمكتب يعني. مسكت ساره اعصابهـا..ما كانت تبا تتهور باي شي لي ما تضمن وظيفتها الثانيـــــه. هزاع: (يستفزها) ثاني مره اذا تاخرتي بس دقيقه بتصرف تصرف مابيعيبج.مفهوم اخت ساره. ساره: (تهمس) مفهوم. هزاع: ما اسمع..؟؟ ساره: مفـــــــهوم. هزاع: (يبتسم) الحين روحي ييبي البريد و ملفات البارحه الي ما اشتغلنا عليها. طلعت ساره...من مكتبها ..يلست تتنفس براحـــــه..و قالت في نفسها "الله يستر من ها اليــــــوم" ظنت ساره ان هزاع بيلس ينكد عليها طوال اليوم..بس بالعكس كان يشتغل بجد.. حتى ساره نست انه ع خلاف معاه ..و اهتموا بالشغـل اكثر من أي شي .. كانت اتلاحظ ساره ان هزاع يحاول يمسك عليها أي غلطه ..بس ما لقى أي شيء يعاتبها او يلومها عليه.. بالعكس حست انه اعجب بشغـلها و قدرتها ع التعامل مع الموظفين الي في الشركه و الي يشغلون في الشركات الثانيه الي يتعاقدون معاها.. قالت في خاطرهـا "يا رب اتم جي ع طول حياتك و انت رايق يا هزاع.."" فكرت ساره و هي يالسه ع مكتبها انه وقت امناسب عشان اتخلي هزاع يوقع ع ورقه تثبت مهارتها كسكرتيره.. دشت مكتبه..جافته واقف عند الدريشه يطالع برع..التفت صوبهـا هزاع: ما خلصنا من الاوراق بعد. ساره: خلصنا بس هاي ورقه خاصه فيني. هزاع(يلس ع مكتبه) : مب فاهم.؟؟!! ساره:اباك اتوقع ع هاي الورقه تثبت مهارتي كسكرتيره. هزاع (مستغرب) ليش؟؟ ساره: (مرتبكه) عشان اقدم ع وظيفه بمكان ثاني. تم هزاع يطالعهـا : عندج اوراقج كلها ..هني.؟ ساره: هـي.. هزاع: ابا اجوفها ممـــــــكن. ساره: اكيد ثواني بروح ايبها لك. بعد شويه . يلس هـزاع يطالع اوراقهـا هزاع :ما شا الله عندج وايد شهادات وبها العمر. استانست ساره من داخلها لانها اول مره تسمعه يمدحها من عرفته. هزاع: ما يفوتج شي تحصلين ع كل شي بسهوله ساره(مستغربه) شو قصدك.......؟ هزاع : ما في مهــــــم.. فتح درج من الادراج..وحط اوراقها داخــــــــل الدرج و قفل عليه بالمفتاح. ساره(مستغربه): انت شو اتســـــــوي؟؟!! هزاع: (يدور بالكرسي) بخلي اوراقج معاي لي ما احس انج صج بتحتاجينهـا بعطيها لج. ساره: مب ع كيفك عطني اوراقي. هزاع: ما بعطيج..ما بخليج اتقديمن ع وظيفه ثانيه عشان تهملين شغلج هني لانج ضامنه مكان غير ها المكان. ساره: (منفعله) ما فكرت بها الطريقه. هزاع:ما يهمني بشو اتفكرين لانج داهيه..وذكيه.. طالع ساعته..اظني انتهى الدوام..وقف شل شنطه بايده..وسار صوب الباب.. هزاع(يبتسم) نتلاقى ع خير. كانت ساره بترد عليه بس طلع و صكر الباب .. ساره اترمس عمرها.."انا الداهيه ولا انت يا الساحـــــــر..غربل الله ابليسك.." بطلت ساره عيونها يوم سمعت ضحكت هزاع من ورا الباب ..سارت تفتح الباب ..بس طلع قبل لا اجوفها ..خمنت انه كان يسمعها شو اتقول.. يتبع>> الجزء الخامس.. دشت ساره مكتب بو هزاع بعد ما دقت الباب. ساره: شي اجتماع الساعه وحده الظهر . هزاع: امممم ما انروم انجله ..ابا اسير عند الوالد بها الوقت. ساره: وايد تأجل ..و بو هزاع وايد مهتم باجتماع مع هاي الشركه. هزاع: وين بيكون . ساره: في قاعة هلتون..لازم اتكون موجود هناك الساعه وحده بعد الغـدا. هزاع: يبالنا عشر دقايق لي ما نوصل..عطيني الملف التابع لها الاجتماع..و تزهبي الساعه وحده الا ربع. سارة و هي طالعه من مكتب بو هزاع.."ان شا الله يباني اروح معاه الاجتماع..لا بوي مستحيل.." ردت ساره مكتب بو هزاع.. ساره: (جافت هزاع مشغول بالقرايه) لو سمحــت؟ هزاع(يبتسم) امـــــري. ساره: تقدر تأخذ محمد معاك الاجتماع انا ما اروم اروح. هزاع: و ليش ان شا الله..؟؟ ساره: عندي شغل .. هزاع(معاند) الشغل يتأجل مب توج قايله انه الوالد مهتم بها الاجتماع.ولا خلاص يوم بو هزاع مب موجود مب لازم تثبتين مهارتج لي.. ساره: (معصبه) انا مب مثل ما اظن. هزاع(رجع يطالع الملف) روحي مكتبج و زهبي الاوراق الخاصه بالاجتماع..الساعه وحده الا ربع. ساره: عطنــــي اوراقي. هزاع: (مستغرب) أي اوراق..؟؟!! ساره: اوراقي الي قفلت عليها بالدرج. هزاع: ما بعطيج بتروحين مكتبج ..ولا اروغج بطريقتي..اظن اتعرفينها. ساره..بطلت حلجها عشان اتسبه.بس غيرت رايها و طلعت من المكتب. ويلست ع مكتبهـا مضايجه شو يعني بتيرني من شعري مثلا..حاولت اتركز بشغلها بس ما قدرت..ما تبا اتروح معاه الاجتماع..لو كان بو هزاع عادي مب تهتم.. اتنهدت "متى بترجع يا بو هزاع..الله يردك بالسلامه.." رن التلفون الخاص بمكتب بو هزاع ..ساره "ها شو يبا الحين" ساره: نعـم .. هزاع (يذكرها) باجي عشر دقايق و بتيي الساعه وحده الا ربع. عضت ساره ع شفايفها الي تحت..عرفت انه يحاول يستزفها كانت تكرهه موت يوم يصير دمه ثجيل.. هزاع: تسمعينـي . ساره: هي سمعتك..في شي ثاني..؟ هزاع: بناخذ معنا خمس موظفين تعالي خذي اسامهيهم من عندي و خليهم يتزهبون بعد. ساره(مرتاحه) ان شا الله..الحين بييك. سارت ساره مكتب بو هزاع و بعد ما خذت الورقه الي فيها اسامي الموظفين..سمعت هزاع يقول.. هزاع: (متسند ع الكرسي):خليهم يسرون بسياره الخاصه بالشركه..بس انتي تعالي معاي بسيارتي. ساره(معترضه): نعم ..شو قلت؟؟ هزاع: ليش معترضه..مب دوم تركبين مع بو هزاع..و بسيارتج بعد..هالمره بتكون في سيارتي.. ساره: انت غير و بو هزاع غير.. هزاع(يصرخ عليها) الشغل الشغــــــل مب ع كيفج تقررين مع منو و كيف اتروحين. غمضت ساره عيونها متفاجاه من ردت فعل هزاع..تحركت بتطلع من المكتب ..بس وقفت يوم سمعت هزاع يقولها.. هزاع: بعدني ما خلصت كلامي.. تمت ساره واقفه بمكانها بس مجابله باب المكتب..مب رايمه اطالع ويه هزاع.. هزاع: انا مب يالس ارمس الباب.. صدت ساره صوبه و منزله راسهـا بالارض..كانت تقاوم الدموع الي كانت بتنزل ع خدهـا.. هزاع: ثاني مره اذا قارنتي من بيني و من بين بو هزاع مب برغوج من الشركه بخليج تشتغلين من غير راتب. ساره ساكته لانها ما تبا اتسمعه صوتها..عشان ما يعرف انها تبا اتصيح.. هزاع: سامعـه ؟؟؟؟ ساره اتهز راسهـا هزاع:روحي اتصلي بالموظفين ..ماشي وقت .عن نتأخر بس.. طلعت ساره من مكتبها وزقرت محمد وطلبت منه يتصل بالموظفين..سارت الحمام و يلست اتصيح..مب من حقه يتأمر عليها جي..ولا من حقه يصرخ عليها شو يتحرا عمره.. طالعت ساعتها ..جافت باجي خمس دقايق ع الساعه وحده الا ربع.. غسلت ويهها..و مسحت الروج و الكحل ..من عيونها حست شكلها غير..بس ما اهتمت.. طلعت من الحمام..اتفاجات يوم جافت هزاع ..واقف حذال مكتبها.. طنشته و سارت صوب مكتبها و شلت الاوراق بايدها و حطتها بالفايل..كانت اتعرف أن هزاع يراقب حركاتها.. و في السياره تمت ساكته..حتى هزاع ما رمس موليه.. رن موباليه..من كلامه عرفت ساره..ان وحده من خواته اترمسه و تبا يروح المستشفى للوالـد بعد الاجتماع.. دشوا قاعة الاجتماعات..استغربت ..ساره من اسلوب هزاع في الرمسه مع اصحاب الشركه الثانيه.. عمرها ما توقعت يكون عنده اسلوب وكلام محترم..حتى طريقته في الاقناع كانت وايد ممتازه.. قالت ساره في خاطرها"عيل بلاك تعاملني جي..جنك واحد ما اتعرف السنع ولا الادب.." بعد ساعتين انتهى الاجتماع ..و عند السياره.. ساره: انا بسير ويا باجي الموظفين. هزاع :-ليش ..؟؟ ساره: انت بتروح المستشفى الحينه..يعني طريجك غير ..عن طريج الشركه. هزاع: (يفتح باب السياره) اركبي اركبي الوالد يبا يجوفـج..؟ ركبت ساره السياره..الحين عرفت ليش هزاع تم ساكت لانه تضايج يوم عرف ان بو هزاع يبا يجوفهـا.. وصلـوا المستشفى بعد عشر دقايق.. استانست ساره يوم عرفت ان بو هزاع مب في العنايـه. فتح هزاع باب الحجرة وقفت ساره بمكانها.. هزاع: ليش وقفتي تعالي دشي. ساره مستغربه من تغير معاملة هزاع لها..من ركبت معاه السياره ما يرمس معاها ..واذا اتكلم..كلمه او كلمتين و كان يرمسهـا بهدوء.. دخلت ساره الغرفه و جافت بو هزاع يتها الصيحه بس يودت عمرها..اجدم هزاع و باس راس ابوه.. هزاع: ها اشحالك الحين احسـن..؟ بو هزاع: الحمدلله ابخير ..تعالي ساره ليش واقفه بعيد.. ساره: اشحالك بو هزاع ..ان شا الله احسن.؟ بوهزاع: بخير يا بنيتي شحال الشغل وياج..عسى هزاع مب متعبنج. ساره(اطالع هزاع) لا الحمدلله الشغل ماشي اوكي بس ناقصنك. بوهزاع: (يبتسم) خـلاص يبا الحين وقت راحتي هزاع بمسك الشغل عني..بس لا تخافين وصيته عليج. ساره( مستغربه) يعنـي ما بجوفك فـ الشركه. بو هزاع: البركه فـ هزاع بزوركم من وقت لوقت. ساره: بــــس انــــا.... وقف بها اللحظه هزاع .. هزاع: يالله يبا بوصل ساره ..وبرجع لك.(يطالع ساره) ترا الدكتور قال ممنوع الكلام. بو هزاع: كنت ابا اعرف شو سويت في الاجتماع. هزاع: كل الي بغيته من هاي الشركه سويته لك..و ان شا الله يوم بترجع البيت ..برويك كل الملفات..الحين ارتاح ولا اتفكر الا بصحتك. ساره: ما اتجوف شر بو هزاع..فمان الله.. بو هزاع: الله يحفظج بنيتي. و في السياره..استغربت ساره من الطريج الي ساير فيه هزاع غير طريج الشركه. ساره: (خايفه) وين رايـــــــح. هزاع: بمر ع مطعم بتغـدى ميت يوع. ساره: انا ما ابـا اكـل شي . هزاع: ابرايج تمي طالعيني انا يوعان .. ساره: انزين وصلني الشركه و بعدين روح أي مطعم تباه. هزاع(يطالع الشارع) مب تكسي عندج انــــــا..ادريبج ميته يوع بس خايفه مني. ساره: ما اتخوفني. هزاع(يبتسم) ترا اليوم الي صار فـ المكتب اكد لي انج موليه ما اتخافين مني. ساره: انا بحياتي محد صارخ علي لا ابويه الله يرحمه ولا امايه..ولا بو هزاع. هزاع: عادي اتوعدي ع صراخي..بعيبج. صدت ساره صوب الدريشه اطالع برع ..كانت اتفكر هالانسان من شو مخلوق ..عفان الله ما يحس ما عنده ذرة احساس.. وصلـوا المطعم ..في البدايه ما رضت ساره تنزل من السياره بس هزاع هددهـا يسحبها غصب..فاشترطت عليه ان تتغدى ع حسابها..بعد ما وافق نزلت من السياره.. يلسوا ع الطاوله في الزاويه..طلعت موبايلهــا اترمس امها..وهزاع يلس يطلب الغـداا. ساره: امايه..اشحالج الغاليه. ام ساره: الحمدلله عيال اختج مخبلين فيني. ساره(تضحك) قوليهم يليسون زين ترا ما باخذهم الالعاب...المهم امايه انا بتأخر دقايق بس. ام ساره: ليش شو عندج. ساره: اجتماع في الشركه. ام ساره: ع خير شحاله بو هزاع. ساره : الحمدلله ابخير توني مريت عليه . ام ساره: انزين عيل الله يحفظج. ساره: ويحفظج الغاليه. هزاع يالس يسمع كل كلمه اتقولها ساره...وبمجرد ما صكرت ساره التلفون. هزاع: امج اتعرف انج امخططه اتقردنين بوهزاع. ساره: (من بين اسنانه) احترم نفسك ..ترا و الله الشارع متروس تكاسي. هزاع: ليش معصبه استغربت انها سالت عن الوالد. ساره: فيهـا الخير و بو هزاع يستاهل كل الناس اتحبه.مب.. هزاع(مقاطعنها) مليون مره قلتلج لا اتقارنيني في الوالد انتي ما تفهمين.؟ ساره: عيل ثمن كلامك هزاع (مغير الموضوع) منو ها اليهال الي عندج...؟ ساره: عيال اختي. هزاع: الظاهر وايد متعلقين فيج..كل مكان اجوفج فيه لازم يكونون معاج..وين امهم. ساره : (منزله عيونها) متوفيه. هزاع( متفاجأ ) الله يرحمها. وصل الاكل و يلسوا ياكلون في البدايه كانت ساره مستحيه ..بس بعدين طنشت..ويلست تأكل.. هزاع: اتعرفين ان شكلج وايد حـلو من غير مكياج. ساره: اونـه هزاع: و الله احسج انسانه غير بدون مكياج لا اتحطين مكياج مره ثانيه. ساره: نزل قرار و ما بحط . هزاع: تطنزين... ساره: لا اســـــولف. هزاع(يضحك) ابا اسوي فيج شي بس مب الحين. ساره(وقفت عن الاكل):- شو بتفنشني. هزاع: لاو ين راح فكـــــرج.. ساره: عيل شـو؟؟ هزاع: مب الحين بعدين. ساره في قلبها "يا حلاتك و انت رايــــق " هزاع: "رافع حواجبه" ليش اطالعيني جي..؟؟ ساره (نزلت راسها ) لا ماشـــــي..؟؟ هزاع: كم عندها عيال اختج..؟؟ ساره(مستغربه من سؤاله) عبادي و حمود توم و فتون.. هزاع: وين ابوهم..؟؟ ساره: اتوفى بحادث بسيارته و اختي كانت معاه. هزاع: هاا عشان جي هم الحين عندكم. ساره: هي ترا ابوهم ما كان يشتغل ..و انا ابوي متوفي ..و راتب الشؤن مال امايه ما يكفينـا..عشان جي انا الحين اشتغل ..واخاف باي وقت اتروغني..جوف لو رغتني بتقطع رزقي ..ورزق ايتام..تحمل ..ترا. هزاع: (باين عليه متأثر) اتعرفين ما توقعت ان بكون ها السبب الي يخليج متعلقه في الشغل. ساره(تتنهد) انا الضحيـــــه لازم اعيل عايلتي امايه حرمه عوده ما اتروم ع الشغل. سكت هزاع يفكر شويه..انتبهت ساره انها اتكلمت وايد ..و ما كان لازم تحكي كل شي لـ هزاع.. بس جافت انها ما غلطت عشان ما يفكر يروغها .. هزاع: انتي صج ضحيه.. ساره (تبتسم) لا تشفق على حالي. هزاع: لا طبعـا الوحيد الي يستاهل اني اشفق عليه..هو الوالد الضحيه الثانيـه. وقفت ساره محرجه من كلام هزاع..شلت شنطتها و طلعت برع المطعم.. وقفت ع الشارع ادور تكسي..دقايق وسمعت صوت هزاع من وراها. هزاع: (يأمرها) تعالي اركبي السياره.. ساره (اطالعه) ما بركب بسير بتكسي. هزاع: ابروحج..؟؟ ساره: هي التكسي غريب عني و انت بعد غريب.. هزاع: "يطالع يمين و يسار" انزين اركبي و بعدين كملي رمستج. ساره(اتروح بعيد عنه) قلتلك ما بركب و بخلي بوهزاع يجوف حل معاك .. هزاع:-"ابرود اعصاب" ترا بشلج و الله. ساره: تتحرا عمرك يالس بامريكـا. هزاع: يبتسم "عـادي عندي لكن الرمسه بتييج انتي.؟ ساره(منفعله) يا برودة اعصابك. هزاع: بعد للعشره اذا ما ركبتي السياره بشلج و الله. بدا هزاع يعد..ساره اطالعه ها من صجه ولا يسولف.. سارت صوب السياره ..وركبت.. ركب هزاع السياره..فتح السده وطلع زقاير ..استغربت ساره اول مره اتجوف هزاع يشرب زقاير.. طول الطريج يلس يشرب زقاير ..من غير ما يتكلم..وساره كانت الافكار تاخذها و اتيبهـا..شو ها الانسان الغريب.. اول مره اتجوف واحد يشرب زقاير ويكون بارد في مواقف حرجه.. وقف هزاع سيارته جريب من سياره ساره. هزاع: خلي الفايل فـ السياره.. كانت ساره بتنزل من السياره بس التفتت صوب هزاع يوم قال اياني و اياج ترمسين حذال الوالد بشي يضايجه. ساره: وبعد تبا شي..؟؟ هزاع(يطالع شنطتها) طلعي موبايلج. ساره مستغربه .. هزاع: طلعيه شويه بس.حتى مفتاح سيارتج ابا اجوف شكله.. طلعت ساره موبايلها و مفتاح سيارتها..اتروعت يوم هزاع يير شنطتها. سارهlمستغربه) شو اتسوي..؟؟ هزاع: يالله روحي سيارتج. ساره: وشنطتي. هزاع: من ساعه في المطعم قلت لج ابا اسوي لج شي و سويته.. ساره: شو بلاك انت صاحي. هزاع: لا تخبلت يوم يتني كفخه بهاي الشنطه ع خدي. الحين ساره فهمت كل شي قصده ينتقم منها.. ساره: شنطتي فيها اشياء مهمه. هزاع: وقت ما ابا بردها لج يالله انزلي من السياره ولا بتحرك باخذج معاي البيت. ساره(نازله من السياره) انت ميــــــنون.. وصكرت باب السياره بقـوه.. ** الـجزء السادس.. يلست ساره في حجرتها اتفكر..بلي صار اليوم..مرات تضحك يوم تذكر كلامها لـ هزاع..و احينا تتنرفز ليش ما ردت عليه.. اتذكرت شنطتها..ما خطر ع بالها انه ناوي ينتقم منها..لانها نست السالفه ..ابتسمت يوم تذكرت ان المصفوع عمره ما ينسى.. انزين شو بيسوي في الشنطه...يمكن بيخليهـا معاه..اويه يمكن يحبها و يبا يتذكرها بالشنطه يلست تضحك مستانسه ع افكارهـا.. دشت عليها فتون الحجره. فتون: ماما شو اتسوين. ساره: افكر باشياء سخيفه. فتون: شو اتقولين..؟ ساره(تضحك) تعالي اشتبين.انتو ما اتييون الا تبون طلعه من البيت. فتون(شويه وبتصيح) ضربني حمودي. ساره: وين ضربج. فتون(ترويها ايدها) منـي يعورني. ساره: روحي قوليله ما بطلعك معاي. ركضت فتون برع الحجره.. يلست ساره ادندن و تغني..ما اتعرف ليش هي مستانسه..اليوم.. فكرت تطلع برع ..اطلع اليهال معاها..يلسوا يتمشون في الشارع..ومرت الدكان وشرت لهم..اكـل.. يلسوا يضحكون و يلعبون.. وردوا البيت في وقت متأخـر.. فكرت ادق لـ بو هزاع تطمن عليه..جافت الساعه بعدها 8 العشىى.. رن الموبايل...كانت مغمضه عيونها..فتحت عيونها يوم سمعت صوت هزاع ايرد ع الموبايل.. صكرت ساره التلفون ع طول ..من غير تفكير.. ابيه شو سويت انا..عـادي ما يعرف رقم موبايلي ..يمكن بوهزاع مخزننه عنده اكيـــــــد..بس هو ليش رد ع الموبايل.. استغربت ساره انه ما رجع يدق مره ثانيه..بس حست بالراحـه عشان ما يسوي لها سالفه.. حاولت ترقد بس ما قدرت كانت اتفكر بـ هزاع..و شو بيصير لها باجر معاه. وفي اليوم الثانـي..مشت الامور كالعاده..لان هزاع اليوم مب موجود.. ما كانت اتعرف ساره اذا مرتاحه ع انه موجود او مفتقده ضرابتها معاه.. اتفاجات يوم جافت الساعه 11 وهزاع داش المكتب وقفت بس طنشها اتوقعت انه يفكر بشي و يمكن ما انتبه لوجودهـا دشت وراه المكتب.. هزاع: حق شو داقه البارحه.؟ ساره(مب متوقعه سؤاله) اتطمن ع بوهزاع. هزاع: ليش شو تبين فيه..مب البارحه زيارتينه بالمستشفى. ساره: حبيت اعرف اخباره. هزاع(منفعل) الحين انا مديرج و بوهزاع خلاص يعني ما في داعي للاتصالات كان يجمعكم الشغل و الحين هو ما يشتغل ..فهمتي قصدي. ساره: (بصوت متردد) الي بيني و بين بوهزاع اكثر من شغل. رجعت ورا ساره خايفه يوم جافت هزاع محرج ووقف بمكانه. هزاع:وضحي لي كيف يعني اكثر من شغل. ساره: انا اعتبر بو هزاع شرات الوالد الله يرحمه. هزاع(يصرخ عليهـا) ابوج مات و بو هزاع له ثلاث عيال بس. نزلت ساره راسها بالارض كانت بتطلع من المكتب بس وقفها هزاع. هزاع"رافع مفتاح"من وين لج هـا. ساره"تهمس"شـــــو هـا. هزاع:تستهبلين من وين لج مفتاح بريدي.كيف وصل شنطتج. ساره(مستغربه) ما ادري. هزاع:- لا و اللــــــــه عيل منو يدري ."يتطنز"شرايج نسال المفتاح يمكن يرد علينا. عضت ساره ع شفايفهـا محرجه ما اتعرف تطلع من المكتب وتقدم استقالتها ..ولا شو اتسوي. هزاع: ع بالج شي اوراق مهمه تقدرين توصلين لها في صندوق بريدي ولا شي بيزات. ساره"تذكر انها حاولت تفتح صندوق بريدها بس ما قدرت هاك اليوم يعني ها مفتاح هزاع بس كيف وصل عندهـا" هزاع: وايد اتحبين البيزات. ساره(تصيح) انا ما اعرف كيف وصل مفتاحك عندي. هزاع:- امسحي دموعج وعن ها حركات الممثلين ترا ابد ما تعيبني. ساره: يالله كيف اخليك اتصدقني. هزاع:- ع بالج انا بو هزاع يصدقج ..لا الشيخه انا هزاع.. ساره: (تاخذ نفس) انا عندي شغل تبا شي.. هزاع يطالعها نزلت ساره راسها حست انه يدور شي في بملامح ويها يبا يقرا او يصدقهـا ..بس هزاع موليه ماخذ عنها فكره سيئه.. هزاع(بصوت خفيف) لو مب خايف ع صحة الوالد ومب موصيني عليج..كنت من زمان رغتج من الشركه. ساره"بنفس نبرة صوت هزاع"لو مب الحاجه كنت من زمان قدمت استقالتي.. هزاع"يبتسم" عشان جي تحولتي استغلاليه وسراقه..صح؟؟ طلعت من مكتبه من غير ما اترد عليه..حاولت تكتم مشاعرها و احساسها بالضيج و الهم ..بس ما قدرت حست الدنيا ضايجه بها. ما اتعرف كيف تتصرف بو هزاع الوحيد بيساعدها ..بس هزاع امسكر كل الطرق بويهها.. اتنهدت ..كانت كل وقت اتجوف الساعه عشان تفتك ..من ها المكان ..كانت تتريا متى يخلص الدوام.. اخيرا وقفت اتشل اغراضهـا عشان تطلع من المكتب ..طلع هزاع..وقفت اتشل شنطتها عشان تطلع وراه.. هزاع:- خذي هالملف..انسخيه. ساره: "اطالع الساعه" ماشي وقت..بس ما عليه الطباعه ما تاخذ وقت. هزاع"يفر الفايل ع المكتب" قلت انسخيه بخط ايدج مرتين ..لا تظهرين من المكتب لا بعد ما اتخلصين شغلج. طلع من المكتب من غير ما يتريـا ردها..يلست ع كرسيهـا متنهده..حست انه كان يرمسهـا من طرف خشمه..كانه مشمئز منها.. اتصلت بامهـا اتخبرها انها بتتأخر حاولي ساعه.. فتحت الملف وجافت حوالي خمسين ورقه..قالت اترمس عمرها."ابيــــــــه اشكثر كم بكتب متى بخلص ما اقــــــدر وايد.." عرفت ساره ان هزاع اتعمد يخليها تنسخ الملف ..عشان يعاقبها ع سالفه المفتاح.. يلست تكتب من غير ما اتحس بعمرهـا ..رن موبايلهاا.. ساره: الـــــــووو ام ساره: وينج يمه طافت 3 ساعات.. ساره: و الله ما حسيت بالوقت...امايه باجي لي شويه وبخلص ما يهمج.. ام ساره: يالله نترياج... حست ساره بتعب من اليلسه ..يلست اتصيح بصوت عالي ..حست انها وحيده بها العالم ..كانت تكتب شويه و تمسح دموعها شويه.. بها اللحظه بس عرفت ان الدنيا اشكثر قاسيه عليها..محملتنها فوق طاقتها..و الظروف طرشت لها هزاع..يزيد احزانها ..و همها.. كانت اتفكر بطريقه تتخلص من هاي الشركه ..بس كانت تعرف الطريق مسدود..واوراقها عند هزاع.. خلصت الساعه 6 من شغلهـا ....وصلت البيت وحست بتعب بحياتها ما عانت مثله.. حطت لها نوفا الغـدا..ابتسمت تتطنز ها وقت عشا ولا غـدا.. بعد ما كلت..رن موبايلهاا جافت المتصل رقم فقالت ها اكيد هزاع..صكرت الموبايل بويهه وغلقته.. ورقدت.. ** ما توقعت ساره اتواصل رقاد لليوم الثاني..قالت في خاطرها ..ويه يوم الاربعاء باجر راحه من ويه هـزاع و من الشغل.. اول مره ساره تحسب حساب لاجازه..لانها مع بو هزاع كانت تنسى التعب ..بالعكس بوهزاع حببها بالشغـل عكس هـزاع.. دشت مكتبها حست بنشاط..لانها راقده وايد بعد تعب البارحـه كانت اطالع الملف الي يالسه طول النهار تنسخه..جافته مرتب ..وخط واضح يمكن ها الي اخرهـا لانها كانت تكتب شويه شويه.. رفعت راسها يوم سمعت صوت هزاع. هزاع: اطلبي لي قهوه. ساره: ان شا الله.. اشويه ودشت مكتب هزاع شاله معها البريد و الملف الي نسخته... حطتهم ع طاوله. هزاع: شو هـا؟؟ ساره: البريد و ها الملف الي نسخته قلت انك تبا اليوم ضروري.. فتح هزاع الملف ويلس يتصفحه ..كانت ساره تتريـا كلمة شكر لانها صج البارحه هالانسان تعباها و اقل شي تستاهل كلمة شكر.. هزاع:"يفر الفايل ع الطاوله" بذمتج هالخط ينفهم .؟؟ ساره"اطالع الفايل و بعدين اطالع هزاع." هزاع"محرج" انا مب قايلنج اباه اليـوم.. ساره"بصوت خفيف" ترا جاهز.. هزاع: شو جاهـز منو يقدر يقرا هالجلام المكتوب جنه نقش حنه. ساره: بالعكس انا حاولت اكتبه بخط مرتب.. هزاع"يتطنز"بذمتج ها خط مرتب.. ساره منزله راسها بالارض.. رجع هزاع وشل الفايل ويلس يفر الصفحات ..تعالي اقري لي شو هالكلمه.. اجدمت ساره تقرا الكلمة سكتت اطالع وبعدين قالت ساره:- الموافق.. هزاع:- جي تنكتب كلمة موافق. ساره"محتجه" انا قلتلك بالطباعه احسن و اسرع. هزاع"يصرخ عليها":- انا الي اقرر مب انتــــي . تمت ساره ساكته مضايجه بنفس الوقت مب قادره اترد عليه لان الكلمات ضاعت منها.. هزاع: روحي جوفي شغلج. طلعت ساره ويلست ع كرسيها تتأمل مكتبهـا وتذكر كلام هزاع لها..نزلت دموع من عيونها..ويلست اتصيح بصوت خفيف.. شويه وطلع هزاع من مكتبه..جاف ساره اتصيح..يلس بالكرسي المجابل لمكتبها.. هزاع"يسالها" متى خلصتي البارحه. ساره"تمسح دموعها":- الساعه ست.. هزاع "امبطل عيونه" ليش كم ورقه بالفايل. ساره" بصوت متقطع":- خمسين. هزاع"بصوت حنون"اتصدقيـن ما ادري هالكثر كنت خليت محمد يساعدج. تمت ساره ساكته..ماسكه القلم بايدها وتخربط ع الورقه الي حذالها.. هزاع:"بصوت ناعم" انا اســــــف ساره. حست ساره بشي يتحرك بداخلهـا يوم سمعت هزاع ينطق باسمها بهاي الطريقه..ابتسمت مستحيه .. هزاع: "بنفس نبرة الصوت"اقبلــــي اعتذاري. ساره مرتبكه ما توقعت ان هزاع ألي دوم يحاوول يغثها الحين يالس يعتذر منها. هزاع"ايير القلم منها" ياللـــــــــه عــــاد حقج علي. ساره: اتحس بعمرها ميت مستحه" انزين خلاص طاح الحطب. هزاع:- شو ما سمعت علي صوت. ساره"تضحك":- تدلـــــــع. هزاع:"يسالها" مب من حقي. ساره"اتفكر" امممم لا هزاع: "وقف"ما عليه استاهل ...بس صج اول مره احس اني قسيت عليج..مشكوره ع الملف.. ساره:"بصوت واطي" العفــــــــــو. يتبع >>> الجزء السابع. في السياره يلست ساره اتفكر بالموقف الي مر عليها مع هزاع.. اول مره فـ حياتي تحتك مع شخص ..وتسمح لانسان يجرب منها هالكثر..يمكن لانها تبا تكسبه و تثبت له ان ما بينها و بين بو هزاع أي شي.. بس اليوم لاحظت ع هزاع شخصيه يديده ما توقعت انه هالانسان يمكن عنده شعور بالحنيه.. ع العموم جافت نفسها تستاهل لتعب الي تعبته البارحه بكتابة الفايل.... يوم الخميس..طلعت مع اليهال و امها وساروا المركز يشرون.. كانوا يالسين فـ الاستراحه ع الكراسي .. فتون "اتير ايد ساره" مامـا ابا اروح الحمام.. ساره: اوووووه الحمام في الطابق الثاني ما اروم اروح فوق تعبت.. ام ساره: خليها انا باخذهـا.. ساره: لا خلاص انا باخذهـا اتعب شويه ولا اتم مع هالخبال عبودي و حمودي. عبودي: اصلا انا ما احبج. ساره:انت شو اتعرف غير هالكلمتين يلي ما فيك خير شرات ابوك.. ام ساره "نبرة عتاب"اللــــــــه يرحمه. ساره: الله يرحمه و يغفر له..يالله فتون حبيبي تعالي.. سارت ساره ومعها فتون ..و عند الدري المتحرك فتون:"رافعه ايدها" شليني. ساره"تتأففف" انتي عـذاب. شلتها و فتون تضحك بصوت عالي ..كانت ساره تضحك لضحكت فتون.. ساره:"تضحك" شو عندج.. فتون: مرجحـانه.. بعد ما طلعت من الحمام..سارت صوب الدري المتحرك عشان تنزل..فتون اطالع تحت و تزقر عبادي و حمودي بصوت عالي.. حست ساره بالاحراج لان الناس الموجوده قامت اطالعهن بسبت صوت فتون. ساره"تساسرها" اذا ما سكتي ما بشتري لج حلاوه. فتون: بعد ما بتشترين حق حمودي و عبادي. ساره: امبلى بشتري لهم انتي لا.. فتون "بتصيييح" انا ابـــــــاا ساره: عيل اسكتــــــي اول فضحتينـا خلق الله ما خلق يطالعنــا.. صدت ساره لورا يوم سمعت صوت هزاع من وراها يقول.. شحالج ساره..؟؟ ساره"مبتسمه"ابخير.. هزاع: اول مره اجوفج برع الشركه و انتي مبتسمه لي. ساره: ما توقعت اجوفك.. هزاع"يلاعب فتون" شحالهـم الاموريييين.. ردت فتون ورا ساره خايفه. هزاع: مب طالعه ع خالتج قويه يا الخوافه. فتون: ماما ما بتشتري لك حلاوه بس انا و عبادي وحمودي. هزاع : "شل فتون" و انــــــا منو بشتري لي حلاوه.. فتون "مستحيه" انت كبير روح اشتري بروحك.. ضحكت ساره..و هزاع ابتسم ونزل فتون بالارض بعد ما باسها..اتخيلت ساره انها اتكون حرمت هزاع و فتون بنتهم.. قالت في خاطرها "ابيه عيب شو هالافكار".. هزاع: زين جفتج هني. ساره اطالعه مستغربه.. هزاع:- من ساعه يالس الف ادور ابا اشتري شي بس مب عارف يمكن انتي اتعرفين.. ساره: انزين يمكن اقدر اساعدك.. هزاع دش المحل الي مجابلنهم ودشت وراه ساره و فتون.. طالعته ساره محل مجوهرات..يلس هزاع يرويها العقود الي عيبته..اتمنت ساره اتعـرف لمنو ها العقد..بس هزاع ما قال شي.. أختارت ساره له عقد غير الي هو مختارنهم..و شكله عيبه وايـــــد ..كانت تبا تساله حق منو ..بس جافت مب حلوه.. شل فتون ..وطلعوا من المحل.. هزاع: اذا عندج عادي ادشين معاي ها المحل ابا اشتري ساعه اتناسب هالعقد. ساره: خلاص ما يهمك دام موجوده .. دشوا محل الساعات ..بعد عشر دقايق ..اختارت ساعه اتناسب العقد الي شراه هزاع.. هزاع: وابوي منكم يا الحريم..سنه. ساره: "تبتسم" مب انت قايل من ساعه يالس اتلف و ادور..ع الاقل انا عشر دقايق.. هزاع: "يطالعها" تسلمين ساره. حبت ساره اسمها يوم هزاع ينطقه اتحس ان اسمها وايد صار حـلو .. ساره: العفـو ..تبا شي ثاني قبل لا اروح ترا الوالده تتريا تحت.. هزاع: لا خلاص اليوم اجازه مب كل الايام بشغلج فيها.. ساره: خلاص عيل فمان الله.."بالغلط" سلم ع بو هزاع. هزاع"اتغيرت ملامح ويهه" الله يسلمج. شلت ساره فتون ..ونزلت الدري المتحرك عرفت انها غلطت يوم قالت لـ هزاع سلم ع بو هزاع..بس هالمره عدت ع خير.. ام ساره: وينج تأخرتي.. ساره: جفت مديري هناك..مب عارف يشتري ..فساعدته. فتون: ماما شفنا ريال كبير.. ام ساره:- بو هزاع مب تعبان شو يايبنه المركز.. ساره"تضحك" قصدها طويل مب كبير ها ولده هزاع.. ام ساره: ياالله انروح عيال اختج رقدوا.. كانت ساره تبا توصل البيت ابسرعه..عشان اتفكر ع راحتهـا ..وتسترجع كل الي صار اليوم مع هزاع في المركز.. كانت تتمنى اتعرف هالعقد و الساعه لمنو..يمكن لوحده يعرفها او لاخواته..بس هي الي تعرف مب معرس.. فكرت هزاع مب من النوع الي يركض ورا البنات ..لانه اصلا ما يعرف يغازل اعنده اسلوب ولسان دفش.. هاليوم كان واحد ثاني..اصلا اليوم اول مره يعاملها جي.. اتنهدت ساره و كانت تجلب فوق شبريتها..تتخيل انها وهزاع معرسين وفتون بنتهم .. يلست تضحك جي بيكون منظرهـا هي تشتري حق البيت ولا هزاع يراكض ورا العيال من مكان لمكـان.. كانت تدري ان افكاره شبه مستحيله تتحقق..لان هزاع ماخذ عنها فكره انها تبا بو هزاع...و ثاني شي..هي وين وهزاع وين.. حاولت ترقد وتنسى هالافكـار لانها اتعرف.. اذا حطت هزاع فـ بالها وايد بتتعب لي ما تنساه.. كانت اتفكر اسلم طريقه .انها تبتعد عن كل ها انها اتقدم ع وظيفه ..بس وين واورقها ..كلها عند هزاع.. حتى شنطتها..ما اتعرف شو سوا فيهـا ... اذا بغا يردها بتقوله ما اباهـا خلهـا لك..صارت موضتها جديمه.. بوقت ما كانت ساره اتفكر بهـزاع رقدت من غير ما اتحس.. و في اليوم الثاني...طلعت ساره من حجرتها ...جافت اليهـال محد ..يلست ادور عليهم.. ساره: نوفـا.. نوفا: نعم مدام. ساره: وين امايه و اليهـال......؟؟ نوفـا: يطلع برع من تنين ساعه.. ساره: انزين ييبي لي كوب حليب.. سارت ساره حجرتها اطالع عمرها فـ المنظره..اتذكرت كلام هزاع يوم قالها..انها حلوه من غير مكياج.. اتنهدت ..ياليت ..ما عرفت هزاع ولا التقت فيه..كانت اتخاف انها اتخونها مشاعرهـا و يخونها قلبهـا..بس الظاهر ها الي صار.. كل احاسيسها اتميل لـ شي اسمه هـزاع..رغم كل المعامله الجافه الي جافته منه ..بس ها ما منعها انه صار جزء من حياتها.. بعد ما شربت حليبهـا ..طلعت برع الحجرعه ع صوت عيال اختها..وامها.. سارت يلست معاهم..و كانوا اليهال يسولفون لها عن طلعتهم لبيت عمهم..بس هي ما كانت معاهم موليه.. حست ساره ان يوم الجمعه كان يوم وايد طويل وممل ..عشان جي في اليوم الثاني الصبح..قامت من وقت ..اتغسلت . كانت تتمكيج..بس قالت في خاطرها"هزاع يعيبه شكلي من غير مكياج.." مسحت المكياج من ع ويهـا و طلعت ..وصلت الشركه..هالمره كان هزاع موجود ..استغربت ساره ..ان هزاع بعد هالمره ياي من وقت.. لاحظت ساره ان هزاع قام يعاملهـا غيـر عن قبل..كان يكلمها بهدوء ..ويضحك معاها و يسولف بس احيانا ينجلب عليهـا اذا طرت بو هزاع.. عرفت ان مهما تغير اسلوب هزاع معاها بس افكاره وحده ما بتتغير .. مر ع ساره اسبوع كامل ما حست فيه لانها كانت مستانسه بالشغل..مع هـزاع..و حست ان هزاع نفس الشي.. و فـي يوم كانت ساره مشغوله ع الطباعه..فسمعت صوت بنوته.. البنيه:- هزاع موجود. رفعت ساره راسهـا جافت جدامه وحده حلوه مب حلوه الا قمر ..مب عايبتنها خلقت ربها بعد تارسه ويها مكياج بس معطنها حلا و جمال..زياده. البنيه:- اقولج هزاع موجود. ساره: "واقفه" هـي موجوده بس عطيني اسمج عشان اخبره. البنيه:-"اتحرك ايدها" مب لازم انا بروحي بدش له ابا افاجـاه..كانت ساره بترد عليها بس تحركت صوب باب هزاع ..وقبل لا تفتح الباب التفت صوب ساره و قالت..:- تراني خطيبته."ودشت الحجره" يلست ساره ابسرعه ع كرسيها قبل لا اطيح ..من الكلمات الي صدمتها..قالت في خاطرها "هزاع خاطب" ليش ما قال.. كانت شويه و بتصيح..عرفت ان هزاع كان يقص عليهـا ..كان يبين انه معجب ابـ ساره..اكيد عشان ينسيها بو هزاع.. بس هي ما اتحب بو هزاع.. كانت تتوقع انها بتتعب اذا حبت هزاع..عشان وايد اشياء بس عمرها ما اتخيلت انه بيطلــــــع خـــــاطب..كانت اتلاحظ الفرق بينها و بين هزاع وايد. .لكن الحين وايد فرق بينها و بين خطيبته ..ابتسمت "تطنز ع عمرها" الحين هزاع بفكر فيني و بودر ها الحلوه. سوت ساره نفسها مشغوله بالكتابه يوم انفتح باب مكتب هزاع.. رفعت راسها مغصوبه يوم سمعت هزاع يرمس. هزاع:- انا طالع ..خبريني اذا حد سال عني... ساره: "تهمس" انه شا الله.. هزاع: يالله إيمـــــان.. ايمان: "بدلع"مع السلامه.. بعد ما طلعوا ..ساره..درب اتسد ما اترد..و يلست ع كرسيها.. يعني اسمها ايمان..وين رايحين..و ليش طلع معها..هزاع عمره ما هد شغله الا اذا كان الوالد تعبان.. نزلت دموع من عيونهـا ..مصدومه من الي صار لها اليوم..يعني العقد و الساعه حق خطيبته ..ايمـانووووو هاي شكلها وحده دلوعه ما تستاهل هزاع..بس بالاخير عرفت ساره انها مب من حقها ابد اتقرر عن هـزاع.. و خاصه ان هزاع ابد ما قال انه يحبهـا حق شو اتلومه كل اللـوم عليها الي عطت نفسها فرصه انها تجرب من هـزاع.. حاولت اتركز بشغلها بس ما قدرت تبا اتعرف هزاع وين سار مع ايمـان.. اضايجت ايوم اتصل بها هزاع و قال انه ما بيرجع الشركه.. واضايجت اكثر يوم ظنت ان هزاع هايم بايمـان و مستحيل يتركها دام انه صـارت خطيبته.. يتبع >> الجزء الثامن.. و في البيت فكرت ساره ..اتغايض هزاع ..قالت في خاطرها" الحين انا يالسه من الصبح مضايجه عشانه و هو يالس مع ايمان.." فكرت انها ادق لـ بوهزاع..و اكيد هزاع الي بيرد ع الموبايل ..و جي بضايج منها.. ** خلود"اتسكت عادل" حـصووووه تعالي خذي ولدج ذبحني صيـــــاح.. حصه"من داخل الحجره" اصبري يالسه ارمس بو عادل. خلود: اوووووه ابسرعه وها ريلج خل يرجع من السفر عشان افتك منج و من ولدج الي 24 ساعه دموعه تنزل. حصه"اتشل ولدها" الله اكبر عليج ..صلي ع النبي انزين.. دشـوا بو هزاع وهزاع.. بها اللحظه. بو هزاع"يرمس خلود" اظن الفريــــج كلهم سمعوا صوتج. خلود: معقوله و ما سمعوا صوت ها الحشره. حصه: ابـــــــااه بتأكل ولدي هاي. بو هزاع "يضحك" عيل باجر يوم هزاع بيأخذ بنت عمه و بيصير عنده جم ياهل شو بتسوين..؟؟ خلود: ويييين لي ما يعرس هزاع انا بروحي معرسه و عندي درزن عيال.. هزاع: منو قال اني بعرس..؟؟ حصه: لا بتعمر بيت ابـــــــووي. هزاع: هي بعمر بيت ابوي . بوهزاع: و ليش ما اتعرس اموقف نصيب البنيه. هزاع"مضايج" انا ما خطبتها عشان اوقف نصيبها انا اصلا ما اباهـا .. بو هزاع: البنيه تباك..و حليلها كل فتره اتنظف حجرتك و اترتبها ..شو تبا اكثر من جي دلع..حتى لو ما خطبتها الكل يدري ان ايمان لك و انت لـ ايمان. خلود: انا بروحي ما ادانيها زين اتسوي و ما تاخذهـا بو هزاع"يفتن ع خلود" بس انتي ام لســــــان. هزاع: خلود الي فاهمتني. حصه: عشان جي يبت لها طقم وساعه. هزاع: تراني وعدتها اذا تخرجت من الدراسه بييب لها هديه. خلود: فديتك اخويه..توني ادري ان ذوقك حلو.. رن موبايل بو هزاع.. بوهزاع: الــــــوو ساره: شحالك بو هزاع. بو هزاع: هلا و الله بنتي.شحالج يبه.. ساره: الحمدلله ربي يعافيك ترا الشركه ولهانه عليك وايـــــد.. بو هزاع"يضحك" و اصحاب الشركه ما ولهوا عليه.. عرف هزاع ان الوالد يرمس ساره..طلع من الصاله ..وسار حجرته محرج ..فتح علبة الزقاير و يلس يدووخ.. هزاع..الحين حق شو داقه له..عمرها ما دقت لي حتى يوم اتصل لها ما اترد..ما ادري شو اسوي بها .. خاطري اجتلها..اتنهد يا ليت ارووووووم و الله هي الي جتلتني من يوم فتحت لي باب سيارتها..عند محل الفديو..ابتسم يوم تذكر الموقف .. وبعدين شرات الساحره تطلع لي بكل مكان..لي ما انصدم انها السكرتيره ..الي ناوي يروغها من الشركه من كثر الوالد ما يرمس عنها.. طلعت هي سارونـــــــه ..وقف عند المنظره ياطالع ويهه..الناس اتقول اشبه ابوي نسخه منه..زين انا شباب و ابويه شيبه ليش اتحب ابوي.. بدال ما اتحبي كفختني بشنطتها زين ما شوهتني.. باجر بادبها بالشركه ..لانها اتصلت حق ابويي.. طلع مفتاح سيارته..وسار برع عند الكراج..وفتح السياره وطلع شنطت ساره بعد ما فتح السده..ما بغى يضمها في حجرتها لان ايمان دوم..تتعبث بحجرته اونها اتنظفها و اترتبهـا.. يلس يطالع الشنطه يحضنها و يبوسها..ضحك و قال جني مراهق مب جنه بعد جم سنه بصير في الثلاثين.. اخ لو اعرف هاي البنيه كيف تفكيرهـا ..كنت من زمان خليتها اتحبني ..و خذتها عن الشيبه.. ** و في اليوم الثاني.. يلست ساره ع مكتبها تعبانه لانها ما قدرت ترقد البارحه ..كان رقدهـا متقطع..عشان جي اضطرت اتحط مكياج..اتغطي التعب عن ويهـا دش هزاع المكتب ..و من غير ما يطالعها.. هزاع: تعـالي. وقفت ساره..يتها ضحكه اتعرف شو يبهـا ...اكيد عشان اتصالها البارحه لـ بو هزاع.. هزاع: "يطالعها" انا مب قايلنـج تقطعين علاقتج بـ الوالـد.. ساره:"اترد بـ ابرود" ما بينا علاقه عشان اقطعها.. هزاع: تستهبلــــــين...حق شو البارحه داقه للــــوالد شو تبين منه. ساره: "ترفع كتفها" اتطمن ع صحته. هزاع: وبـــــعد.. ساره: بس ولا شي.. هزاع"يجدم منها" الي في راسج ما بيصير. ساره: قصدك الي في راسك انا ما افكر او اخطط لشي.. ساره اتعرف انها ترمس باسلوب يستفز هـزاع..قالت فـ خاطرها عشا تتأدب و ما تطلع مع الي اسمها ايمانووووو هزاع: جم تبين و انا بعطيج المبلغ كـاش..و الحين. ساره: كل الي اباه سلامت بو هزاع شهقت يوم هزاع يرها من ذراعها في لحظت غضب.. ساره:"محرجه" انت شو اظن عمرك هدني.. وسحبت ذراعها من ايدها..ورجعت لوراا.. ساره"تكمل كلامها":- لا بو هزاع ولا بيزاته ولا انت اتهموني..كل الي اباه اشتغل و اعيش شرات باجي الناس ..وأعيل عايلتي.. وطلعت من مكتبه..منفعله و يلست ع الكرسي اتهدي عمرهـا..ويلست اتلوم نفسها هي سبب كل هـا لو طنشته من الاول ..هي اتعرف ان هزاع مستحيل يكون من نصيبهـا دقايق وطلع هزاع من مكتبه ووقف جريب من مكتبهـا هزاع: أبا منج خدمه. ساره"من غير ما اطالعه" امــــر هزاع: قولي و الله بو هزاع ما يهمج..؟ ساره"اطالعه محرجه" ترا دمك وايد ثجيـــــــل. هزاع: ادري بس احلفي ان بو هزاع ما يهمج.. ساره: "متنرفزه" و الله العظيم لا بو هزاع ولا بيزاته اتهمني زيــن ارتحت. هزاع"يبتسم" و انـــــــا.. ساره" اطالعه مستغربه" انت شو؟؟ هزاع: و انا شـو..؟ ساره: انت مديري اليديد الي مغلس علي في الشركه و برع الشركه.. هزاع"رد ورا":- ييبــــــي البريد.. ودش حجرته.. حطت ساره راسها ع المكتب ..تتنفس بصعوبه..بعد ما ركزت ع الموقف الي صار يلست تضحك بصوت عالي.. حاولت اتسكت عمرها و تنسى الموضوع.. دشت بالاوراق لـ هزاع.. و قبل لا تظهر.. هزاع: ابا منج شي.؟؟ ساره: شـو.. هزاع: اختي جريب اتعرس و ابا اشتري لها هديه شو ابرايج اخذ لها. ساره: شرات الهديه الي قبلها. هزاع: لا ما تناسب ..شورايج انا بعطيج بيزات ..و اباج تشترين لها كل شي.. ساره: كل شي ..مثل شو.. هزاع: يعني مثل ما تقولين ازهبهـا ساره"مستغربه" اشمعنى انـــــــا,,,.؟ هزاع"يبتسم"تـرا المره الي طـافت وايد عيبهم العقد و الساعه..شو قلتي. ساره"مستانس " خـلاص عيل ..بس انا ما اعرف المقاسات ..ولااعرف متى لازم اخلص. هزاع:جوفي هي تقريبا مثلج جي نفس القياس ..و بالنسبه لموعد العرس بعد شهرين ..اظن عندج وقت كافي.. ساره: خلاص مب مشكله. هزاع: هـا مب أي شي يصير من بينا اتهونين عن الشغله. ساره"تبتسم":- صدقنـي ما اسويـها. هزاع: خلاص عيل فـ نهايه الدوام بكتب لج شيك بعشرة الاف ..واذا ما كفت قولي لي... ساره: ان شالله. هزاع: يالله روحي جوفي شغلج.. ** هزاع بها الايام مشغول..يبا ايعرف شو شعور بو هزاع ناحية ساره بالضبط..بس كان محتار كيف الطريقه الي يسويها عشان يتأكد.. دش بو هزاع غرفة هزاع .. بو هزاع :- يالله يبى ما تبى غدا ؟ هزاع :- لا يبى ما اشتهي .. بعدين بتغدى . بو هزاع ( يلس حذال هزاع) الشركة ماشية أوكية . هزاع ( مستغرب) هيه .. ليش؟؟ بو هزاع:-أجوف هالايام فكرك مشغول جن عندك مصيبة .. هزاع :- بصراحة يبى ابا اقولك سالفة بس أخاف تتضايج .. وانا ما فيني على زعلك .. بوهزاع:- أفا عليك يبى قول كل شي بخاطرك وما يردك الا السانك .. هزاع :- ابصراحة (سارة ) داشة خاطري وابا اخطبها .. سكت بوهزاع يفكر بكلام هزاع ..وهزاع يراقب ردة فعل ابوه .. بو هزاع :- وبنت عمك ؟؟ هزاع (منفعل) أنا قلت ما اباها حتى لو ماخذت سارة ما بتزوج إيمان .. بو هزاع :- الصراحة ما شي مقارنة بين سارة وإيمان واللي تباه سوه واتحمل زعل عمك .. هزاع(مستانس) يعني انت ما تباها .. بو هزاع يطالع هزاع مستغرب :- ابا منو؟؟!! هزاع:- ليش انت مب ناوي تتزوج سارة ؟؟ بو هزاع يرفع ايده ناوي يضرب هزاع : سود الله ويهك هاي كبر اختك تبى اتزوجها لي .. هزاع (يضحك) ويبوس راس ابوه ..فديتك يالغالي . بو هزاع (واقف):- يالله قم اتغدى لأطير سارونة منك .. هزاع (واقف) اتامر يالشيخ..بس طلب واحد. بوهزاع: شو بعــــد لا يكون بتزوجني امها.. هزاع "يضحك":-..لا لا ..ما اريد حد يعرف السالفه..الحين.حتى ساره... نتريا شويه .. بوهزاع: خلاص ع خير .. ** بها الوقت كانت ساره ..مشغوله شو تشتري حق زهبت اخت هزاع.. كانت معظم اوقاتها اموزعه ما بين شغلها و بين الاسواق.. حتى عيال اختها ما قمت اطلعهم شرات قبل.. كانت ساره اتحس انها شغله متعبه و يديده عليها بس ابنفس الوقت كانت اتحس ابراحه لانها اتنسيهـا هزاع.. الا في فليل قبل لا ترقد..كانت تجلب بالفراش ..ساعات لي ما ترقد..تذكر لقاءاتها مع هزاع وضرابتهم .. احيانا اتحس بشوق له ..واحيانا اتقول يا ليتني ما عرفته.. وخاصه بها الفتره صار انسان ثاني يعامله بكـل حب..بس ناقص يقولهـا احبج.. كانت ساره اتشك انه يلعب ع الحبلين..لانه خاطب..او احيانا اتقول انها تتوهم..لانها اتحبه..وتتوهم انه يحبهــا بس كانت اتعرف ان المستقبل الجريب بيحدد كل شي او ينهي كل شي.. ** [/QUOTE]
الإسم
التحقق
رد
الرئيسية
المنتديات
,, البُريمِي الأَدَبِيـَة ,,
,, البُريمِي لِلقِصَص والرِوَايات ,,
ما تسوى حياتي دونــــــج..
أعلى
