فطائر القبعات ^^

[موت وميلاد]

السلام عليكم

اشحالكم ؟؟

منقوله لعيونكم :hehe2:



المقادير والطريقه ​

2 ونص كوب طحين
ملعقه كبيره خميره
2 ملعقه كبيره سكر
ملعقه صغيره ملح
2 ملعقه كبيره حليب مجفف
نص ملعقه صغيره بيكنج باودر
ربع كوب زيت ذره
كوب حليب دافيء<< لا تضيفين الحليب دفعه وحده ​

نعجن جميع مكونات العجينه معا ونتركها في مكان دافيء لترتاح فقط 10 دقائق <<حتى لاتختمر كثير ويخرب شكلها وقت التشكيل ​

نمسح سطح العمل بالخل الابيض المخفف بالماء لتعقيمه ونرق العجين برشه طحين ونحضر 2 قطاعه دائريه واحده صغيره والثانيه اكبر بقليل ثم نقطع نفس العدد من القطاعتين وندهن القطعه الصغيره والكبيره بجبن الكاسات او المايونيز مسحه خفيفه وبأمكانك رش اي نكهه تفضليها كالزعتر او الااوريجانو او حتى السماق .. ​

ونحشي الدائره الاكبر بالحشوه المختاره ( ميني سوسيج- نقاق)وانا دائماً احشيها ميني كباب بس للأسف وقتها ما كان عندي وقت لتحضير الكباب ..فحشوتها فيليه دجاج مقطع قطع متوسطه ومشوح بقليل من زيت الزيتون والبصل والثوم ورشة بهارات وقليل من عصير اليمون وملعقه صغيره من صلصة الشواء وملح اكيد
تقلب حتى تنضج وتحشى بها القبعات مع مكعبات بطاطس مقلي او جزر ان وجد ورشة موزريلا​

​

بعد حشو الدائره الكبيره كوريها مزبوط وشكليها على شكل رأس القبعه راح يكون اسهل عليك لو حشيتهيا نقانق او كباب
انا خفت تهبط بقطع الدجاج فشكلتها بعلبة الفانيليا خخخخخخخخ شسوي اللي عندي ما يحبو السوسيج ​

الدائره الاصغر هاتي سكين واعملي تقطيعات بسيطه على جوانبها وبأمكانك تعمليها زي ضفيرة السمبوسه اللي نقفل فيها بف السمبوسه اذا ماكان عندنا قالب << لاعاد تشرحين ​

ادهني الجوانب بصفار البيض ومرري الاطراف في السماق وادهني القليل ايضاً في المنتصف والزقي جزء القبعه العلوي وبالقشاره اعملي الشريطه بالخيار او الجزر او الطماطم او حتى شرايح الفلفل الرومي (حسب نوع الحشوه والنكهه اللي تناسبه
والزقيها بصفار البيض (معليش انا استخدم البلاستك في شغلي لان ما عندي شغاله ) ​

​

بالنسبه للورده التي تزين القبعه عملتها بنفس طريقة فطيرة الجوري _الكل عارفها اكيد_ ثبتي الورده بعود القرنفل وادهنيها بخليط التلميع (صفار بيض وحليب )​

الصوره توضح ​

​

الخطوات اعمليها بسرعه وفي مكان مكيف واحرصي على رشها بالدقيق عشان لا تخمر ويتغير شكلها والخبز على درجه 200 في فرن ساخن مسبقاٌ ماراح تاخذ غير ربع ساعه فخليك قريبه ..​

بعد الخبز يميي يمي ​

باقي العجين عملت منو فطائر شوايه وحشيتها لبنه وعسل _ وجبن كاسات ​

وهذي لأول وحده ترد يمي يمييييييي​

​

 

[الشامسية]

ما شاء الله طريقة رائعة وحلوة للتقديم
مشكورة اختي ما قصرتي كفيتي ووفتي في طرحج العجوبي
الله يعطيج الصحة والعافية
بالتوفيق لج

 

[«|شمُوخْ|»]

حلوووووووووووه الطريقه

بس اختي لو توضحين طريقة الورده؟؟ لو ما عليج امر​

 

[العيناويه3]

...تسلمين ما شالله دايما اتنزلون اكلات حلوه ...سويت ملف وخزنتهن فيه حق ارمضان ان شالله

 

[شووق قطر]

حلوه الصرآحه بس آحس انهآآ صعبه يبيلهآآ شغلآآنه

والله يعطيج العآآفيه

 

[عۈد بطرآنيـے]

مكونآتهآ وطريقتهآ سهله
بس شكلها صعبه :50399aa2a5b1e0dda15

تسلمين ع الأكله الغآويه
نتريآ الزود منج

​

 

[مـريم]

والله يفتح النفس بس ما يخلص تقعدين تشكلين وتزينين خاصه اذا عندج نفرات وايد بتسوين كمية كبيرة تعب شكيلهم كرواسون وخلاص :34:

 

[رحآيل]

شكلها حلووو ..
وطريقتها سهلة ..
يبالنا نيرب .. هع
تسلمين السديم عالطرح اللذيذ ..
^^

 

[العــــــــــــــواإآدي]

ناااااااااااااااااااااااااااااااايس

:2253446f49dd40fbf5e​

اللهم اجعل صباحنا صباح الصالحين، ومساءنا مساء الشاكرين وألسنتنا ألسنة الذاكرين وأبداننا أبدان المطيعين، وقلوبنا قلوب الخاشعين، وأرواحنا أرواح المحبين، وسرورنا سرور العارفين، وأبصارنا أبصار الناظرين، وخشوعنا خشوع المذنبين النادمين، وأعمالنا أعمال المقبولين وديننا دين النبي محمد صلى الله عليه وسلم سيد المرسلين وخاتم النبيين

 

[Queen Love]

وااو شكلها مغري

يسلموو خيتوو ع الطرح القيم

 

[عيـوز ستآآيل]

غــــآآوـﮯ :18:
بس وآآيد يباله~:7:
وانا عيآآزه احب اسوـﮯ السهل :eh_s(6):

تسلمييين لاعدمنآآج~

 

[أم شذى]

حلوه تسلمي

 

[فرح]

شكلها حلووو
شكرااااااااااااااااااا:eh_s(6):

 

[نسمة غلا]

الســلام عليكم والرحمه

اشكرج اخـتي ع النقل الرائع
الفطائر شكلها رهيب

تقبلي مروري