الحدائق في محافظتنا !!!

[بو مترف]

السلام عليكم ورحمة الله وبركاته..

اليوم بطرحلكم موضوع يعاني منه سكان المحافظة ..

الحدائق ..
يعني ف البريمي ماشي حديقه تنفع ..
في وحده اسمها حديقه صعراء وحتى لعبه وحده مافيها مسوينها غابه كلها شير وحتى ليت مافيها .. والحين صارت مقر حق المصخرة !!

وحديقة المسيال عاد اللي اونها ع مستوى .. وايد صغيرة !!

يعني ليش مايسوولنا حديقه كبيرة شرات العالم والناس ؟؟

وين البلدية المسئوولة؟؟

يعني الواحد يبا يطلع يروح مكان يلعب ويتفسح .. وعاد المنتزه اللي سووه صغيييييييييييييييييييير !!

ياريت ينظروا ف هالموضوع ويشوفوا حل ف الحدايق لأن مب حلوة انه محافظة ولا فيها حديقه ع مستوى راقي ..


تحياتي .. بو مترف

 

[همس الشوق]

مشكوور اخوويه على الطرح .. انا عن نفسي ما اسميها حدااايق.........و الله حالتهن حاله .. و الحديقة الي فحارة السلم و الله حرام اليدار طااايح و الشير الله لا راواااكم ؟؟؟
بنا حديقة حق العوااايل ووالله الشبااااب مب مخلين حق حد مكان
وحديقة المسيال محد يقدر يمشي فيها من الشباب الي محاوطين المكااان

انظروووا فالمووضوووع بدال ما صاكين سيييد فالحدود :333:

 

[بو مترف]

تسلمين اختي ع الرد الغاوي..
كلج ذوق

والله كلامج صدق نوقف ساعه ع الحدود بس عسب نسير مكان

 

[& ظبية أبوها &]

كلاامكم صحيح
بس شو نسوي مجبورين انا نظهر العين
ولا نتري الين مايفتحواا الحديقه اللي احين يسوونهاا

 

[كلي حلا]

كــــــــلامك كله صح

بس حتى الحين احسن حديقة هي المسيال

فيها ثلاث اربع لعبات..

الحمدالله الحديقة قمه في الرقي

ومافيها اي عيب

 

[مستشار]

ياجماعة الخير تراه الوضع مب بس ف البريمي ف كل السلطنه ... يمكن مسقط الوحيده اللي فيها حدايق وبعدها لا تقارن بحدايق الجيراااان...

لكن الحين شكلهم يسووون حديقه عامه ف البريمي واعتقد راح تكون على مستوى....

( انت في عمان)

 

[ناصر الخميساني]

لا تشل هم

إن شاء الله
قريب راح تفك العقدة
وراح تشوف البريمي جنة حدايق
مب حديقة وحده

تريث
تريينا سنين طويلة
وبعد ما صدرت القرارات
ونحن نشوف البريمي في تطور مستمر

،

كل الشكر لك عزيزي~

 

[rosereem]

وعليكم السلام والرحمه


اتفق معك بس الحمد لله البريمي في تطور ملحوظ

وما شرط حدائق عندك منتزهات مثل الواحة وغيره

والحين في انتهاء حديقة البريمي العامه والا شكلها بتكون على مستوى

لا تستعجلوا كل شي في وقته حلو

والبلديه ما مقصره كل مره تشتغل بمكان

والبريمي تغيرت عن اول بوايد وصايره آحلى​

 

[السولعية]

ترينا سنيــــــــــــــــــــــــــــــــن مب رايمين نصبر بعد كم سنه

هالفتره مب قصره الإمارات في تقدم مستمر في تنويع الحدائق وبين البريمي والعين

ماشي فرق غير دقيقتين بالمشي وساعتين بالسياره ونتريا الفرج من دولتنا الغاليه..​

 

[همس الشوق]

بس دوووم بطيئييين فشغلم ونحن نبا نفتك من الحدووود والمذله :bicycle:

 

[حميد راشد]

شو تبون الحدايق البلاااد حر هيعووو فبيووتكم اخير لكم

انا اشووف انه اذا الواحد يبا يسير يحوط يسو له زراعتين جدام بيتهم وييلس يحوط اهناك الا عدال بيتهم

 

[آلـَـچـٌہــۆٍرْيِ]

موضوع يستاهل النقاش والله..
الوضع صعب بنسبة للخروج من البريمي الى العين..
في اعتقادي لو تكون المنتزهات والحدائق في المحافضة متوفرة..
الكثير بكون في غنى من الوقوف بساعات في تخطي الحدود ..
نتمنى من الجهات المعنية تفهم الوضع الحالي والمبادرة..
ولكم جزيل الشكر جميـ‘ـــا..

 

[لمسة إحتراف]

البريمي كانت صحراء

والان صارت خضراء

الحمدلله انتو الشباب عندكم ألف مكان تيلسو فيه

واايد امكان حلوة وصارت مزروعه خضراء دوم اشوف الشباب يترمسوا في هالبقع الخضراء
واللحين الفترة الاخير صرت اشوف العوائل يجلسوا فيها >> طبعا الوافدين واللي مب من البريمي


بأذن الله البريمي بتكون اجمل عروس خضراء

قريبا ....

 

[مغروره بس معذوره]

صبر جميل و الله المستعان .........

 

[محمود الشبيبي]

الشكر والشكر لمن عرض هذا الموضوع
الواقع انة حدائق البريمي ابد ما تفيد والدليل ما فيها حتى لعبة الكترونية
لكن نخاطب العاملين والقائمين على هذا الموضوع بالنظر في تعديل وتزيين الحدائق وترتيبها
نظرا لكثرة الزوار في المحافظة

 

[media]

نتمنى الأفضل ....وهانحن ننتظر ولكن أخشى أن يطول الإنتظار ​

 

[بو مترف]

ألف شكر ع ردودكم وآراءكم ..

ومن زمان ونحن ننتظر .. شو ورانا ننتظر وبنشوف التغيير اللي يقولو عنه
ان شاء الله


تحياتي .. بو مترف

 

[طواش]

حدائق عليها علامه استفهاااااام ؟؟؟

 

[عسولة كيوت]

وفي حديقه بعد يسمونها البلديه وكل الالعاب مصبوغه بالازرق لين ما الطفل يحول قسم بالله مصخرةالله يهدي الوزارة بس لا حياة لمن تنادي

 

[همس الشوق]

علينااا بالصبرر خيووو ..