ما قد ذبح نمرود غير الذبابه

[ŢħᴀᴙƂ ɅḽӎҘᴀηi]

لو تجرحك صلف اليالي وتماديت .. وسطرت ظلم الناس رسم وكتابه
ونظرت للماضي وونيت يا ليت .. و الواقع المجهول محدن درى به
والمشكله محدن درى يوم ونيت .. وانا الوحيد الي يشيب ف شبابه
ماهمني لبس وترف همني الصيت .. وما يهمني الزعلان واقبل عتابه
مدام زلت بي الليالي المباخيت .. تذوق ويل الفلسفه و الذرابه
جربت معنى الحب بالصدق حبيت .. وللحين قلبي ما تبارت عطابه
ما توب من طرياه ما دامني اغليت .. لو يضربوني بالغدر كم عصابه
ما دامني ع درب حبه توطيت .. ماظن بخرج لو عيوني مصابه
لكن والله لو تماديت واخطيت .. الله خلق الفين من ينحكى به
بتشوفني ضللت حبك وان محيت .. الادمي الخاطي يراجع حسابه
ابنشدك يالكوس وش فيك هبيت .. رجعت ذكرى للأهل والقرابه
ايام حلوه تزورني كل ما جيت .. افقد اثرها من ظنون التشابه
ظنن يجيك يقول لك كيف صديت .. وظنن يحول حالتك في صلابه
وظنن يبكي مقلتك يوم حنيت .. وظنن يبيت خافتن في ضبابه
عايش وحيد وكل صدري تناهيت .. والمظهر الخارج يخفي عذابه
ياحارم الخلان يومك بلا صيت .. لا تحرمه ما دام خيرن سعى به
والخاتمه ما دام في حبك اخطيت .. ما قد ذبح نمرود غير الذبابه "<


ما قد ذبح نمرود غير الذبابه <<

 

[فـيـ الـكـعـبـي ـصـل]

صح لسانك يالشاعر...

أبدعت في القصيده ...

كلمات وأبيات مؤثره في نفسية القارئ..

*-------------------------------------------*

ربي يعطيك العافيه على هذا التألق..

واصل ابداعك.. وتستاهل التقييييم

 

[ŢħᴀᴙƂ ɅḽӎҘᴀηi]

تسلم يا فيصل .. نورت الموضوع الله لا هانك على الرد الغاوي ..

اممم ادري ان القصيده مبهمه شوي .. ع العموم لا هنت

 

[JuSt A DreEmٍ]

روحـ ربـــــــــــــــــــــي يحفضكـ :=D:

:e025fb6133: هذا ْما أسميَه شعراً ,,,

 

[ŢħᴀᴙƂ ɅḽӎҘᴀηi]

الله يطول عمرك يخوي .. وتسلم على الاثناء ..

نورت يا خوي .. اسعدني تواجدك،ـ

 

[ˇعنودْھَہ ♡]

كلمااااااااات روووووعهـ

تسلم ع القصيدهـ :a036:

 

[ŢħᴀᴙƂ ɅḽӎҘᴀηi]

تسلمين على المرور يختي ..


عطرتينا .. الله لا يحرمنا من هالردود الغاويه ..

 

[قطري وكلي فخر]

كن واسط من بعد غيبتك مابها روح
الحوه الصوره وايد استانستلهاا شكلي بسرقهاا خع خع

 

[الوجووود]

صح اللسانك...
ابيات كلماتها ومعانيها حلوه وراقيه...
الله يوفجك .. ونتريا زووووووووود...​

 

[لمسة شموخي]

أسعدنيً المكوثُ بينَ اريجَ حروفُك '
رفقاً بأبجديُات تتهاوىَ في فضًائكَ

شآكُره لـُكَ تلـُك َالانتـقُائهََ ..
يسعدكً ربــيَ

تقبل مروري مع التقيم​

 

[ŢħᴀᴙƂ ɅḽӎҘᴀηi]

امم .. مشكورين على ردودكم الحلوه ..

اممم الله لا هانكم .. واتقبل النقد منكم يا خواني


تسلمين يا الوجود على الاثناء .. لا هنتي يختي .. ونترقب ابداعج

 

[ŢħᴀᴙƂ ɅḽӎҘᴀηi]

خخخخخ اتريا رد الشاعر يوسف الكعبي وتقيمه .. خخخ لكن بعده ما وصل

 

[عذب القوافي]

ما قد ذبح نمرود غير الذبابه <<

أحلى بيت عيبني
ما شاء الله عليك إبداع واختيار حلو للكلمات
ربي يعطيك العافيه
ونتريا يديدك
فالك التقييم شاعرنا اليديد​

 

[Jύsт sмιℓε]

صح لسانكـ أخوية

يسلمو،،

 

[ŢħᴀᴙƂ ɅḽӎҘᴀηi]

ما قد ذبح نمرود غير الذبابه <<​

أحلى بيت عيبني
ما شاء الله عليك إبداع واختيار حلو للكلمات
ربي يعطيك العافيه
ونتريا يديدك

فالك التقييم شاعرنا اليديد​

خخ .. تسلمين يختي سجايا .. عيونج الحلوه يختي والله لا هانج

امم اعيبتني مشاركتج .. اممم فالج الينه

 

[ŢħᴀᴙƂ ɅḽӎҘᴀηi]

صح لسانكـ أخوية

يسلمو،،

صح بدنج .. الله يسلمج .. تسلمين على المرور

 

[ŢħᴀᴙƂ ɅḽӎҘᴀηi]

>>>>>> {{{{{{{ اتريا رد وما وصل

 

[مجهول المصير]

ماشالله ابدعت اخوي ابياااات قوية وحلوة

الله لا هااانك تسلم​

 

[بو جسيمـ]

قصيده جميلهـ بمعانبهـآ .. قصيده انقسمت نصفين ..

أول عشر ابيات تكلمت فـ غرض اجتماعي ومشكلهـ فـ نفس الشاعر ..

القسمـ الاول تنوع فيهـ الشاعر مع بعض الاغراض ..

دمج الحكمهـ والفخر والعاطفهـ بشكل جزء ..

القسمـ الثاني واللي فيهـ انتقاليهـ فجائيهـ كان عاطفي ..

صح اللهـ لسانك يالشاعر ما فيك حيلهـ .. اممممممـ

الوزن والقوافي ما عليهـآ رمسهـ ,, رصانة اللغهـ حاضره ..

بس يالخوي اتمناك تتمهل يومـ تكتب احسك كتبت القصيده بسرعهـ فائقهـ ..

وانت شاعر ما عليك زود .. تستاهل التقييمـ

ربي حافظك ,, ونحن بإنتظار الزود من جدواك

فـ داعة الرحمـــن​

 

[Queen Love]

ابنشدك يالكوس وش فيك هبيت .. رجعت ذكرى للأهل والقرابه
ايام حلوه تزورني كل ما جيت .. افقد اثرها من ظنون التشابه

كلمات راقت لي

شكرا خيووو ع القصيدة الحلوة

صح لساانك

وفالك التقييم