ابتعدوا عن الارتباك وخذوا راحتكم الامتحان ما يختلف عن الموجود في كتب الايلتس
اللهم عليكم بالوقت ..
بالاول امتحان الليسنينق :
يعتمد على فهمك وسرعتك واي حرف زيادة ولا ناقص راحت عليك
الريدينق:
حاول تاخذ فكرة عامه عن كل براقراف ولا تضيع وقتك بالتفاصيل لان الوقت ضيق ومايسمح لك تقرا تقريبا ساعه لـ 3 مواضيع بالتدريج من السهل الى الاصعب حاول تحدد لكل براغراف 20 دقيقه وخذ فكرة عن الاسئلة قبل ما تبدا قرايه بيساعدك تحصل المطلوب وحل كل شي لو ماتعرفه خاصه الاختياري ماتعرف حظك وين يضرب
الرايتنق :
موضوعين كالمعتاد الاول 150 حرف الثاني 250 لـ ساعه لا تضيع ع الاول وايد لانه بياخذ منك 20 دقيقه عبارة عن مقارنه غراف الثاني رأيك في موضوع ما موافق او لا تعطي الاسباب اهم شي ترتيب الموضوع المقدمه والموضوع والخاتمه وحاول تكتب جمل وطويلة عبي الورقه قد ماتقدر بشكل مفهوم ..
الاسبيكينق : 20 دقيقه يعطونك موضوع تتكلم عنه عاد انت وحظك سهل ولا صعب المهم ما تجاوب بنعم او لا اذا نعم ليش واذا لا ليش ولا تقولون اممممممممممممممممم وتبنشرون .............
ملاحظه : لا تستوي بومه تلف يمين ويسار ترا محد بيدز لك ويه الكل مشغول يحل :92:
والي ما ينجح من اول مرة يدور له معهد يسوي خصم هههه
بالتوفيق للجميع ودعواتكم للي امتحن :icon_smile_big:
