بنات لا طجني....

[بنت الهامور]

بــــــــــــــــــــــــــــنات لا طـــــــــــــــــــتجني

بس أريـــــــــــــــــــــــــــــــــــــــــد جواب ليش البنت تلبس عباية مفتوحة؟؟؟؟؟


ويـــــــــــــــــــــــــــــــــــــــــــــش الفايدة كانك ما لابس عباية

الاسلام امــــــــــــــــــــــــــــــــــــــــرنا بستر مو بالموضة ؟؟؟؟

هل كــــــــــــــــــــــــــــلام صدج أو لا؟؟؟؟؟؟؟؟؟؟؟؟؟؟؟؟؟؟؟؟؟

 

[أمواج هادئة]

أممم كلامك صحيح..
بس البنت في هذه الأيام تمشي وراء الموضة..
وحب الإلتفات للغير.. والتقليد الأعمى.. وعلشان الناس اتشوفها حلوه وهو العكس..
أممم وبصراحة ما فيه فايدة..
تسلمين يالغلا على الطرح النايس..​

 

[بنت الهامور]

وين عــــــــاداتنا وين التقاليد
الموضة ما بتنفعها فالاخرة
مشكورة أمواج هادىء ع المرور

 

[Heart-broken]

يا حبيبتي هذه الموضه كلما انفتحة عباتك كلما تطورتي ............

هههههههه

الحمدلله والشكر .........

هذا قلت عقل طال عمرش .......

وطبعا ما الكل فيه عبايات صح مفتوحه لكن البنت متحشمه وتحتها لبس ساتر...

وفيه بنات يلبسن مفتوحه وتحتها جنزات .......

الله يستر ع امة محمد...

 

[البريميهـ]

كــــــلـ شخصـ حر شو يلبسـ اهمـ شيـ انتيـ سويـ اليـ يعيبجـ
وماااااااااااا يهمجـ غيرجـ
وكلـ وحدهـ حرهـ فيـ نفسهاااااا

هذي وجهتـ نظريـ​

 

[أبو سليمان]

وين عــــــــاداتنا وين التقاليد
الموضة ما بتنفعها فالاخرة
مشكورة أمواج هادىء ع المرور

بس عاداتنا اول ماكذاك.. ماكانو يروحو يفصلو عبايا..

ولا انا غلطان؟؟

:003:

 

[طموح بلا حدود]

حبكت على العباية المفتوحه هههههه مب جنهن خسفن هالايام من اللي نجوفه فالاسواق ، اف منكن يالبنات نص تنورة والعباة مفتوحه ومليون فتحه فيها ، لا وازيدكم اللي تبى أطير مسوية ينحان ههه (فراشة ) ، بسنا من اللي نجوفه خلو عندكم احترام لللاخرين ولا بعد يقولون الشباب يغازلون ، البنت اللي حاشمه عمرها الناس بتحشمها ,.

 

[محمد خررررررررباش]

والله العاباه لو كانت خفاش وله فراشه البنت الحشيمه تظل حشيمه...........

بعدين انت اشعليك الوحده تاخذ راحتها ف الدنيه ’,,,,,حبيبي الدنيه يومين

انت بتاخذ شي من الدنيه وياك غر عملك الصالح

انا اقووووووووول كل وحده حره بنفسها ترا صدج تلوعت من سالفه العباه وانتو ما عندكم مواضيع غير العباه

كل يوم اسمع سالفه يا عباه مفتوحه وله كمها شفاف وله فيها توقيع وله فيها رسمه

وووووووووووووين تبون توصلون؟؟ الله اعلم عنبوووووووووه:h035:

جوفولكم سالفه غير البنات وخلونا نناقشها هههههههههههههههههه:f61e5c27a3216ead2f5

 

[احساس قلب]

الله يستر علينا وعلى جميع أمة المسلمين

 

[محمد خررررررررباش]

بنت هامور الاسلام صدج امرنا ب الستر الحينه يوم البنت تلبس عباه مفتوووحه ما تلبس تحتها شي

يعني بعده مستوره ترا تكون لابسه كندور ,,,, وله الى تكون لابسته الله يستر عليها

والله العباه المفتووووحه كل انسان وذوقه

وله تبغين الناس كلها ذووووق واحد

انا اقوووووووووول هاذا كله حريه شخصيه :nocomennt: على اللموضوع

لنه الانسان حر بلي يسويه ام سورررررررررررري هاذا الى اجوفه

(( الحقيقه يعني))
:h035:

 

[Jύsт sмιℓε]

ما أعرف
الاسلامـ أمرنا بالستر
بس ما فيها شي
لو البنت لابسة تحت العبا شي ساتر
وبعدين في الأفراح والمناسبات
لازم عبا مفتوحة
^^
:aroo:

 

[طموحي عالي]

محمد خررررررباش يعني بالله عليك يرضيك تشوف أحد من اهلك يلبس شي ملفت للنظر وتسكت نحنا ما نقول تبهذلن يابنات نبييهن يلبسن لبس انيق بس في نفس الوقت محتشم وخصوصا في الاسواق والمستشفيات اما في الاعراس والمناسبات او تكون رايحة زيارة عند رفيجتها هذا عادي ما فيها شي تلبس اللي تبي بس والله يا ناس الستر زين الله يستر علينا وعلى بنات المسلمين.

 

[سيدة أعمال]

إنزين شو معناة الكلمة ؟؟؟؟
:basketball:

 

[دمار الكروزر 311]

بس عاداتنا اول ماكذاك.. ماكانو يروحو يفصلو عبايا..

ولا انا غلطان؟؟

:003:

ههههههههه حلوه بعد هذه ماكذااااااااك فطستني من الضحك



اهو صح كلامك وانا ايييدك

 

[موزة النعيمي]

عن نفسي ما البس العبايه المفتوحه الا في المناسبات النسائية او احيانا الزيارات العائلية ..
لان اكون مختلطه مع محارمي ..
اما فيا لسوق وهذي الاماكن ما البسهن لان هالشي يلفت ومثل ماقلتي في موضوعج
العبايه للستر مو للموضه .

طيب بنقول لو عبايه مفتوحه وتحتها شي ساتر او كندوره محترمه
لا بعد تلقين اشياء فضيعه الوحده تمشي تقول خفاش ياي من بعيد ..


شكرا لج ع الطرح

 

[لمسة شموخي]

ابصراحه كوني كبنت
العبايا مفتوحه- مصكره- يعتمد هشي حسب البنت نفسها لي لابسه العبايا
مثال المشيه وكذا حركات انا بروحي اشوفها في البنات هي لي تبرز جسمها هنا يجي الجواب
العبايا واسعه ولا على الجسم
بغض النظر مفتوحه او مصكره؟؟؟؟؟؟؟؟؟؟؟
وسلامت راسكم​

 

[همس الشوق]

و الله صدق اعلباه احين صارت مثل الفستان و اذا البنت لبست شي ساتر تحت العباه المفتوحة بتكون ساتره نفسها لكن اذا كانت راصة على عمرها بالجنز والهواء شال العباه عشان الناس اطالع الجنز ماله فهاذي الله يستر عليها

 

[محمد خررررررررباش]

ههههههههههههههههههههههههه بنت هامور الحين انتي لما بنتفصلين عباه مفتوحه

بتخلينها تطير

المهمكانو قبل ما يلبسون بس الحينه يلبسونها لى الستر

وبنت هامور كلامج فيه اشياء صحيحه :32:

 

[حكاية حرف]

كلامج صح

كلامج صح وبصراحة كنت أبي انزل موضوع عن العبايا المطرزة واللي يحتاجن عباة تسترهن ...
العباة أصلاً وظيفتها تغطية الزينة بس للإسف العبايا صارت هي الزينة نفسها ...
والبنات ما أكتفن بالعباة المطرزة لا ومفتوحة بعد ومخصرة ...
شو الفايدة منها ؟؟؟ والله ما منها فايدة أبداً
ومخسرة فلوسها ف تفصيل العباة على الفاضي لا وتكسب سيئات بعد فوق خسارة الفلوس ...
ويسلمووو ع الطرح المميز ..
بس خفي ع البنات لإنج ما خليتي شي فيهن ما علقتي عليه ...
بس أنا أوافقج الراي البنات هالايام يبالهن عصا :17:​