مــوبــايـــلك........يستحـــق النقـــاش

[احساس قلبي]

السلام عليكم ورحمة الله وبركاته
شحالكم اخواني واخواتي
اليوم يايبتلكم موضوع الموبايل




مـــوبـــايــلك ... هو جــزء مهــم فــي حيـــاتنــا ويحتـــوي على اســـرارك من

نغمـــات ... مسجـــات ... أرقــــام الهــواتف ... وغيرها الكثيـــر......

بس المـــوضوع اللـــي حبيت اسمـــع وجهـــات النظــــر

هــذا المـــوبـــايــل .... {{ هـــل تــرضـــى أحـــد يفتشـــه ويتصفـــح ما بــه }}.....؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ليــش يـــوجد أشخـــاص دائمـــا يــرددوا عبـــارة ....((( لحـــد يتبعـــث بـمــوبـــايــلي))).....

وهـــذه الفئــــه في الأغلب تكــون من ســـن 15 إلى سن 30 سنه

( لحـــد يتعــبث في مــوبايلي) !!

هالجمله البسيطه تحوي معاني كثيره ( ممكــن تفسرونهـــا ) ؟؟؟؟


ليش مانرضى أحد يفتـــش أو :يتعبـــث: في الموبايـــل

هــــل هو الحرص عليه !!
ولا من زوود المحبـــــه !!
ولا فيه شي خطيــــر مانبي أحد يشوفـــه !!


هل لهذي الدرجه مبايـــلك خطــير ماتخلـــي حد يقرأ مسجــاتــك
ويشوف قائمة الأسمـــاء اللي بمبايــــلك
ولا يسمع النغمـــات اللي منزلها ولا يشوف كم فيـــديو إستعـــراض


الأسئلــه كثيــره والتســـاؤلات أكثر حـــول هالموضـــوع ...

حبيــت أعـــرف آراءكــــم هـــل انتـــم ممن لا يحبـــون أحــد يفتـــش في موبـــايلكم....

راح أتشـــرف بكـــل عضـــو يسطـــــر كلمـــاتــه في هـــذه الصفحـــات المتـــواضعــه....

 

[ღ أ”أ£أ¦أژ ღ]

أول شيء مشكورة أختي أحساس غالي ع الطرح الحلو

أنا موبايلي اللي يريد يفتشه حياه الله عادي ما عندي أي مشكلة ^^

 

[أبو سلطااان]

تسلمي على طرح مثل هذا الموضوع و أنا عن نفسي ماعندي مشكله
حد يتعبث بموبايلي و لكن الموبايل هذا شيء شخصي و به أرقام ناس
يمكن ما تحب حد يعرف أرقامها و أو يقراء مسجاتها حتي لو كانت عاديه و هذا من حقهم و بما إنك المؤتمن عليها فلابد الواحد يحافض على الأمانه و بعدين الي بيفتش بالموبايل ليش و هذا السوال ؟
ليش تفتش وشتدور ... فالواحد قبل لا يأخذ يفتش يتذكر ما يسير نبحث بأسرار الناس...
هذا رأيي أنا (و لكل شخص رأيه)

 

[احساس قلبي]

مشكوريييييييييييييييييين ع المــــــــــــــــرور
atch_lov:

 

[لمسة إحتراف]

السلام عليكم والرحمه

.. تسلم يدج على طرح هالموضوع الحلو للنقاش

بصراحة في بناات يحبون الخصوصية وحتى لو ماكان في شي خاص وانا منهم

في بعض الاشخاص يكونون فضوليين وخاصة في سالفة الصور والمسجات .. حتى لو محطوطين في ملف بروحهم لازم يروحون كل مكان .. الي عنده شي خاص طبعا مستحيل بيخلي احد يلمس تلفونه بس الشخص الي يلعب بالتلفون لازم يرااعي خصوصية راعي التلفون نفسه
وانا عاادي عنددي احد يلعب بتلفوني بس بحدود

تسسلمين عالموضوع ولا تحرمينا من مواضيعج المميزة

تحياتي

 

[احساس قلبي]

تسلمين خيتو ع مـــــــــــــــــرورج

 

[غازي]

ابصراحه موضوع ممتاز
عن نفسى عادى فتش الى فيه
اصلن مامخزن شى فيه
من يوم ماخذيته ماخزنت شي فيه
غير لاشياء المضحكه والمقالب
ودايمن امسحن
وماحب احط نغمات
وبس

 

[احساس قلبي]

تسلم ع مــــــــــــــــــرورك اخوي غازي

 

[شيخة المزايين]

شكرا ع الموضوع النااايس


بصرااااحة عادي عندي اي حد يفتش موبااايلي

لانه مااا عندي اي خصوصية فيه واللي يبي يفتش حياااااه الله
وااا عندي اي مشكلة

 

[أم أحمـد]

السلام عليكم ورحه الله وبركاته

انااا عن نفسي عن تجربه شخصيه

مب من النوع الي احب حد يفتش وراي ابد

واذاا حد فكر بجي

لا يي يسالني

مثل القصيده الي اكتبهاا

اسمعهاا الكل لكن ما احب حد يسالني انكتبت في منوو

يعني مثال مخزنه اسم وحده من ربيعاتي

الدبه << لا تضحكون مب زين هي ضعيفه هع هع
ومثلا اخويه كان يتعبث وسال منوو هاي

عاده ساعتها يحمد ربه لو ما قضيت عليه

ههههههه

يعني اناا اعتقد انه هالشي من خصوصيات كل شخص

وما يحق حد يطلع عليه

بس بعد من وجه اخرى

عندنا اليهال << تراا انتي منهم هههههه

لازم مراقبه شوي بس من دون لا يحسوو

لأنه مو معقوله طفل عمرة 15 سنه مسلمتنه مبايل

ومحرم حد يزخه اكيد في غلط في الموضوع

مدري

واختلاف وجهات النظر لا يفسد للود قضيه

احترامي

وتقديري

سويرة

 

[السولعيه]

هلا حبوبه

اولا مشكوره ع الموضوع والطرح

عن نفسي ماعندي مشكله حد يتعبث في موبايلي بس مب اي حد
انسان ثقه او بالاحرى اللي في بيتنا بس
لان باجي الناس مالهم الحق يفتشون موبايلي
هذا شي
شي اخر فيه بعض الناس<<<امثالها

يكتبون كل شي يدور فخاطرهم ف الموبايل بدال الورقه والقلم
واحيان يكتبون اشياء صعب غيرك يفهمهن
ععشان جي افضل ان التعبث يكون بالرسايل والاسماء والاستوديو بعيدا عن الملاحظات
.............
ولكن احب اوضح نقطه
بعش الناس يستغلونك وياخذون الموبايل واحتمال يطرشون منه اشياء محضوره

على سبيل المثال بنت حبنت تنتقم من ربيعتها
خذت موبايلها ع اساس انها تبا تشوف شو فيه
دزت مسج حق ابو البنت (صاحبة الموبايل) ونص المسج كان(حمود انا احبك بس ماقدر اتواصل وياك اخاف من اهلي)
طبعا المسج وصل حق ابو البنت
تخيلوا كيف بتكون الحاله

...............
في رائي الحيطه والحذر واجبه اكثر من الثقه في الناس

ودمتم

 

[احساس قلبي]

يسلمو ع المرور خواتي
شيخة المزاييييين
خويتي سورينام
خويتي السولعية مشكورة ع رايج الاكثر من متألقatch_balon:

 

[جسووم]

عن نفسي انا عادي اغيب تلفوني جم يوم
وادري في النهايه انه عندي عدوي
وين المشكله
الصراحه الموووضوع اكثر من روووعه

 

[احساس قلبي]

تسلم اخوي جسووووووووووم ع مــــــــــــــرورك

 

[الخريشة]

انا بصراحه عن نفسي عادي اللي حاب يشوف تلفوني
لاني واثقه من نفسي اني مب مسويه شي غلط
تسلمي خويتي احساس غالي
لطرحك للموضوع الرائع
تقبلي مروريatch_balon:

 

[دلوعه ابوها]

شكراااااااااااا

مشكوره احساس ع الموضوع
بنسبه لي انا احب الخصوصيه واعتبر الموبايل شي شخصي بس ما عندي مانع اذا احد يبغي يفتش دامني واثقه من نفسي ..................
ولا تحرمينا من موضيعج الغاويه

 

[رمش العين]

تسلمين اختيه ع الموضوع
انا عن نفسي عندي عادي احد يفتحة

 

[بروكر البريمي]

انا عن نفسي فتشي في تلفوني من اليوم لين باجر عادي ما فيه شيء خاص

تقبلوا مروري

 

[احساس قلبي]

مرورج الاروع خويتي العين الذبوحة

 

[احساس قلبي]

مشكوره احساس ع الموضوع
بنسبه لي انا احب الخصوصيه واعتبر الموبايل شي شخصي بس ما عندي مانع اذا احد يبغي يفتش دامني واثقه من نفسي ..................
ولا تحرمينا من موضيعج الغاويه

مشكورة اختيه ع المرور