مسري القوافل

[الهاجس]

مسري القوافل




خبروني (ش) الطريج اللي تودّي
ياهل الذكرى على الذكرى بعود
وانظر ايام(ن) واقول الله..ردّي
وآتسلى بالرسايل و الردود
واستعيد امّا مضى و ابكي واهدّي
والدموع بكود كود و كود كود
شاهدلّي ع البكا ثوبي وخدّي
ع الحسين الفايج الغر الودود
بويديل(ن) فوق متنه لي يهدّي
والشعر ليل(ن) وخيّم ع الوجود
والعيون ارماح بالخفّاق توْدِي
بوعيو(ن) سود والاهداب سود
والخدود ورود يالمفنود حدّي
والشفايا لونهن حمر الورود
والنحر والجيد لو ليلي اسْوَدّي
ضاويَلّي كـالقمر بـالزود زود
بينه وبين الغصن نظرة تحدّي
بوعويد(ن) مايس(ن) غض(ن) لدود
والوسط ما بين جزر وبين مدّي
يذبح العشاق لو صابه ركود
لو تمايل ما تمايل بالتمدّي
له خصر مجلود وان ثنّا يجود
فاتنني حسنه الطاغي يشدّي
لي مكانه راقي(ن) بو قد عود
واقفلّه فوق عرقوبي و ندّي
وارقب اطلال القوافل لي تعود
واحسب ايام السفر دايم واعدّي
واوصل بشوقي الى مالا حدود
وان ذبحني شوقي وقد صار ضدّي
تشتعل في داخل افوادي وقود
شوف حالي كيف عقبك يامْودّي
لامنام و لا رضى بالي ينود
يانجوم الليل جانج لي توِدّي
خبريني عن مسارات العنود
وجان فيج اضعون يادنياي شدّي
واتبعي مسرى القوافل والقعود
خبروني (ش) الطريج اللي توَدّي
ياهل الذكرى على الذكرى بعود ​