ما ايلس اتقهوى .. بس طلب صغيرون

[يموع كزونا]

السلام عليكم ورحمة الله وبركااااااااااته

كيف الحال ؟؟ والصحه والعلوم و الهندسة والتجاره والتمريض ...
مره تمام .. من صوبك ؟؟ ...تفضل معنا.. لالا احسنت مستعيل ... بس بغيت منكم حايه
تفضل تفضل ما يردك الا لسانك!! الززززززززبده


الحين هم ما قالوا انا الصيفي بلاش وقت المظاهرات..
ليش الحين قالوا غير لازم يدفعوا؟؟

اللي عنده معلومات يسدحهن هنا و يعطينا فكره بسيطه ع هالسالفه

ولكم جزيل الشكر
لالا والله ما ايلس اتقهوى خلوها مره2


همسه :اي عضو..داخل ليرد برد تخميسي..اتمنى ما يرد..
تريدون تخمسوا سيروا السيح...~~

 

[القلب الأبيض]

بسمـ الله الرحمنـ الرحيمـ
ـالسلامـ عليكمـ ورحمـة الله وبركاتهـ

،،

شكــراُ لكـ ع الطــرح .
لحد إلحينـ لا املكـ ادنى فكــرة عنـ الموضوع ..!!

لكنـ إذا بغيتـ تآخذ القرآر الأكيــد طبعاً بإمكآنكـ تروح لهمـ السبتـ ويفيدوكـ بكـل حآجـــة ، وطبعاً بإمكآنكـ تنآقشهمـ ذيكـ السآعـــة ..!!

ألفـ سلامـــــة .​

 

[نقـــــــــــــــ في بحر ـــــــــــــــطة]

:icon_smile_eyebrowsخيو يموع كزونا



ان الدراسة أكيد لازم يدفعوا لها

هذا و الله أعلم


اختك في الله: نقطة في بحر

 

[يموع كزونا]

سألتهم قالوا لازم ندفع شو يحسبو يالسين ع بنك
وانا ما اتكلم عن السكن بس اتكلم عن الدراسه

 

[إرهــابــي مــزيــون]

بصراحة انا مادرس فالجامعة بس بشوف حد من الجامعة وبقولك المعلومات عن الصيفي​

 

[يموع كزونا]

فيك الخير والله روح اسأل

 

[الأنين]

ترا كل يوم بكلام,,,,,,,,أنتظر بكره يمكن ف بصيص أمل بتسمع كلام ثاني:08295cc7a1617fc8932

الله المستعان

والله أرحمكم.....الله يعينكم,,,
و الله ما طايح غير ف راس الأهالي,,,,,:angry:

 

[يموع كزونا]

الله يعينهم الاهالي والله لين ما يخلصو عيالهم م الدراسه بتحصلوهم ع الحديده

 

[الأنين]

لا وبعد بيروحن فلوسهم ف الفاونديشن

لان الجامعه شكلها مطوله:cute:

ع العموم مشكور ع المواضيع الحلوه

يسلموووووووو

 

[يموع كزونا]

الله يخليج اختي انين الليل بس اتمنى انهم يردو علينا والله هذي مب حاله يقولو شي ويسو شي ثاني

 

[صمت الجروح]

ببلاش !!
ما أعتقد أن في جامعه او كلية خاصة ممكن تطرح مواد ببلاش !!

تأكد من الخبر من قبل الاداره

 

[الأنين]

آآآآآآمين يارب

كنت أتمنى تطلع مكرمه ح الطلاب اللي ع حسابهم الخاص على الأقل جزئيه يخفضوا فيه الرسوم الدراسية:cute:

لان نشوف بعض الطلاب حالتهم عويصه

إن شاء الله يجيكم رد واضح منهم
وتعرفوا موقعكم من الإعراب:2253446f49dd40fbf5e

 

[ANGELOO]

اللي اعرفـــــة من اللي عشتـــه في السنوات الماضيه
عمري ما سمعت انه في مواد تطرح ببلاش
وهالشي معروف عند كل الكليات والجامعات الخاصه سواء كان صيفي او في فترات الدراسة غير الصيفي

بامكانك اخوووي تتواصل مع القبول والتسجيل وتسالهم هالسؤال

تحياتي للكـــــــل
والله يعطيك العافيه يمووع

 

[صمت الجروح]

أنا عندي خصم .. بحكم أنه انا واخوي ندرس بنفس الكلية
لكن هذا الخصم بالذات في الصيفي ما يحتسب
يعني فالصيفي أظطر أدفع قيمة المادة كامل !!

.
.

يعني عذراً
ولكن أعتقد هـ الكلام مجرد أشاعات طلعت من الطلبة
لأنه مستحيل مؤسسة خاصة تعمل شي ببلاش .. لانها هذا مصدر رزقها !
​

 

[يموع كزونا]

شو مواد ما مواد نحن تر الا فاونديشن
يعني 2000 ريال الي دافعينهم لسنة الفاونديشن ما تكفيهم يريدون ندفع فالصيف 500 ريال بعد

وهذي ما اشاعه هم قبل قالوا ببلاش وبعدين غيرو شكلهم

 

[ANGELOO]

يمووع كزونـــــــا

من قبل ما تدخلوون تدرسوون والاعلان واضح انه ..
سنة الفاونديشن بـ 2000 ريال عماني وفحالة احتجت لصيفي يكون بـ 500 ريال عماني
هالشي الكل كان يعرفه من البداية
في الكتيب الموجود في القبول والتسجيل عن الاسعار وروح وتأكد
ولكن اتمنى انهم يعفوكم عن الرسوم هااي اذا في امكانيـــة

الله يعطيك العافية يمووع

 

[فرنكي مونكي]

الله يوفقكم ويعينكم وانشالله يخلو الصيفي ببلاش لو انه فالحلام..
الله يعطيكم العافيه..

 

[الضرغام]

بسم الله الله الرحمن الرحيم..
أولا جزالك الله خير يموع على طرح الموضوع.. دائما مواضيع مميزة:409:..,

من وجهة نظري المتواضعة بصراحة الغلط من الأساس كان من الخطة إلي ضيعت فصل كامل علينا وإحنا ندرس ليفل واحد بس الفصل الثاني لما أعادوا النظر في الخطة خلصنا 3 ليفلات ف فصل!!!!!!

يعني وباختصار لو كانت الخطة مرتبة من البدية ما كنا بنحتاج ندرس صيفي وبخلص بس فصلين
الشي الي تحكم في أنا ندرس صيفي أو لا هو ""خطة الجامعة"""!!!!
الطلاب ما كان لهم دخل لان ما حد منا رسب يعني شو ذنبنا ؟؟!!!
وفي النهاية ضياع وقت وفلوس""ما تخبرونا وين نودي ويهنا من أهلنا إلحين:imuae41:"""...,

وطحنا ف مشكلة لا ناقة لنا فيها ولا جمل..,​

 

[هدووووء الليل]

أنا وحدة ما رسبت ف أي أختبار قوق الغم إلي في أني بجلس في الصيف في السكن بعدكم تريدوني أدفع
والله أبوي ما جالس ع بنك..,

أأأأأأأأأأأأأأأأأأأأأخ يااااااااااااااااا القهر ...,

 

[يموع كزونا]

والله هذي مب حاله صدقه اخوي الضرغام السبب م خطة الجامعه مب منا نحن