السلام عليكم ورحمة الله وبركاته
هذي السويت عبارة عن بسكويت على شكل رول محشي بالنوتيلا والفول السوداني
حياكم خلونا نشوف المقادير :
2 كيس بسكويت أولكر - قشطة وحده ( ما صورتها ) - 2 جبن كيري - 1 دريم ويب - فنجان ماء بارد - 1 م ك حليب بودرة - نوتيلا - فول سوداني حب
الطريقة :
نعمل الكريمة المكونه من ( فنجان ماء بارد+ 1 م ك حليب بودرة + 1 دريم ويب + قشطة وحده + 2 جبن كيري ) نخلطهم بالخلاط لحد ما يتكاثف
نعمل الكريمة المكونه من ( فنجان ماء بارد+ 1 م ك حليب بودرة + 1 دريم ويب + قشطة وحده + 2 جبن كيري ) نخلطهم بالخلاط لحد ما يتكاثف
نكسر البسكويت غير ناعم لازم يكون وسط
ونحطه فوق الكريمة ونخلطه زين
ثم نحضر ألمنيوم ونحط عليه البسكويت ثم النوتلا ثم الفول السوداني بعد ما دقيناه وسط يعني غير ناعم
ونلفه ونرش عليه اي شي للزينه
ثم نلفه بالألمنيوم وندخله الفريزر لحد ما يجمد تقريبا ( 4 ساعات ) حسب ما تبون
بعد ما نطلعه من الثلاجة نشيل الالمنيوم عنه ونصب عليه صوص
ثم نقطعه ونقدمه
وبصحة وعافيه
ننتظر أرائكم