"خصوصياتي "ولا اسمح لاي شخص يسال عنها...

[ديلاوير]

:imuae69:

:imuae27: هلا قلب البريمي شحالكم عسى دايما مستانسين...

حبيت اسمع أرائكم عن التالي:,,,

وايد من الناس وللاسف من تلقاهم بيقولك عن كل شئ صار عنده بيذكرلك قصة حياته كلها يمكن حتى يقولك عن اموره الخاصة وللاسف بعض الناس ما تفرق بين "الخصوصيات" اللي ما تنقال اصلا وبين الامور العادية اللي ممكن تنقال وبدورك انت ينتظر منك تقوله كل اللي عندك "كلا يرى الناس بعين طبعه"

برأيكم شو الامور الخاصة اللي المفروض انها ما تنذكر عند اي شخص وشو الفرق بين الاثنين ؟!

​

 

[ساحر الكون]

خير الكلام ما قل ودل

الكلام الكثير ما منه فايده وقد يؤدي الى الاحراج لنفس الشخص (المتحدث)

ويجب مراعات الخصوصيات فإنها حساسة جدا و قد تهلك الشخص إذا ما تكلم بها
ولا يجب الاكثار من الكلام :لانه قد يتسبب في ازعاج الاخرين

ولايجب للشخص ان يصبح ثرثارا
فسوف يتفاداه الجميع


وشكرا :confident:

 

[قطوة البريمي]

ممممممم مب حلو انه نقول كل شي لايس شخص

يعني لو قلناله كل اسرارنا يمكن ايي يوم ويفضحنا .. الزمن ما منه امان

ف لازم نخلي حدود ... ممم مثل انه الاموور اللي احس انه مابا اي حد يعرفها غيري او ممكن انها تاذيني لو حد عرفها غييري ماراح اقولها للاشخاص ..

و شوو بعد ممم مدري والله ..

 

[توته مطروبه]

كل انسان وله طبعه يعني فيه ناس صريحه واذا احد سالها اترد على طول بس المشكله ان في
ناس تستغل هالشي ويمكن اتصير لهم مشاكل بسبب صراحتهم وثقتهم السريعه بالناس
وبصراحه انا يمكن اكون اكثر انسانه عانيت بسبب هالموضوع لاني صريحه واقول اي شي وكل شي
في واايد ناس فهموني غلط وفي وايد استغلوا كلامي وصراحتي لهم
ونصيحه لاتمشون عالنيه لان الناس الحين صارت غير
وفي الاخير كلن يشوف الناس بعين طبعه ​

 

[في نظرتي هيبة شموخ]

الموضوع وايد حلو يسلمو :0962b59e9642d670ff5
هو مثل هالاشخاص وايد تلقى بحياتك
وانا لاحظت هالشي وبعدين اذا انت عندك كلام قوله لكن يوجد حدود
الخصوصيات مخبأها القلب والكلام العادي مثل ما قال اخوي ساحر الكون خير الكلام ما قل ودل
والكلام الكثير ما منه فايد وانا بصراحه اشوفها مو حلوه تروح تعق كلامك لكل من هب ودب
بالنهايه الاسرار يستخدموها بعض الاشخاص كسلاح ذو حدين...
وايد ناس عانو من هالمشكله..

(( وجهة نظر لا اكثر))
​

 

[همس الشجون]

السلام عليكم

فيه خصوصيات ما لازم تنقال ولا لازم احد يعرفها فاحسن للشخص يحتفظ بها ويكتمها بداخه لانه اذا قالها امكن تسبب مشاكل وبعدين فيه واجد ناس ثرثاره اي شي يقولوه امكن كل واحد على نياته وامكن لا يريد يستغل الشخص الثاني عشان يقول خصوصياته

هذي وجهة نظر فقط

 

[أسطورة روح]

سلاااااااااام

صحيح والله وبالاخص في جلسات الحريم ما شاء الله عليهن كل بو يصير في بيتهن ولأ بيت غيرهن يبعثرنه ما مقصرات الله يهديهن:imuae87:

الاسرار العائلية ومن اسمها مفروض ما تطلع برى البيت بعد اسرار الاصدقاء مفروض ما تفشى
والسر اللي يزيد عن 2 ما يعتبر سر

السموحه على الاطالة

دمتم بـــــــــود

 

[سكوتي يصعب تفسيره]

يسلمووو خيوو ع طرح الموضوع الرائع ..
كل انسان عنده خصوصيات والافضل يحتفظ بهالخصوصيات حق نفسه لان اذا تكلم فيهم ماراح تكون خصوصيات ..
يعطيك الف عافيه ..

 

[الأنين]

ف هذا الزمن:nocomennt:

 

[الِشُوُقْ عِطّرِيْ]

يعطيكـ آالف عاآفية ع الموؤضوؤع الطيب :blush-anim-cl:

آالصراآحه مشكله الي مايحتفظ بخصوصياته آناآ مرووؤ عليهـ ناآاس عادي يحكوؤن قصة حياتهمـ وبالتفصيل آالممل آالله يعينهمـ تحسهم يتكلموؤن بكل برائه واثقين انه الي يخبروؤنه بيكتمـ من وؤجهة نظري الي ينشر خصوؤصياآته ساذج مع شوية غباء ^^ ماتعتبر ثقه بالناس

وآالسلاآام ختاآم :imuae66:
تقبل مروري