الشعر الطويل للرجل هل هو انتقاص لرجولته))!!!!!

[دانة غزر]

موضوع مهم ومحتاجه ان الكل يشارك فيه
ظهرت في الفترة الاخيره ظاهرة قيام الشباب بتطويل شعورهم
لدرجه انه قد يصل الى نص ظهورهم!!!!!!!!!!!


والقصد منه اما الموضه او تقليد لبعض الفنانين او لجذب الانتبااه...
_ شباب المنتدى ماراءيكم في ظاهرة تطويل الشعر للرجل؟؟؟
_ بنات المنتدى هل يجذبك الرجل ذو الشعر الطويل ؟؟ ومارايك فيه؟؟
_الشعر الطويل للرجل هل هو انتقاص لرجولته؟؟؟
تفكرون ان هذي اشياءفارغه؟
هوه انت جذي لما تربي شعرك بتبقا حاس انك ريال فعلا؟
انا فى انتظار ردود البنات والشباب وكل بنت تقولى اذا كان اخوها او حبيبها مربى شعره ولا لا؟
والسباب بعد فى الردمالهم حابه اعرف انت مربى شعرك ولا لا؟؟؟؟؟


انا فى انتظار مناقشتكم وياي فالموضوع واتمنى انه يكون مب متكرر

 

[alshamsi109]

الصراحه مب انتقاض للرجولة ولا شي


انا مربي شعري بس جذيه بعدين مب طويل طويل يعني 5 سم بس

وانا اقولج الشعر الطويل مب انتقاص للرجولة
وانا مربنه بكيفي مب تشبه باي انسان

 

[جسووم]

السلام عليج أختي بسمة امل والله دومج في المقدمة في حسن تقدميج للطرح للمواضيع
أنا كنت واحد من الجماعه وترا الجذب خيبه بس كنت انا ميت في لعاب كرة قدم وكنت اقلده في كل شي
لين مايتني أصابه ..وخليت الكوره في نفس لجت حق دراستي ونسيت لعاب خير شر منذتيج اليوم خليت الشعر حق رعاته
بس ع حسب علمي انه في من الشباب ع حسب طلب الحبيبه اذا يربي شعر ولا مو يربي وهذه الطريقه ماتي مباشره
ع سبيل المثال حموود ويي ربيعته وحمووود مو لباس فوق راسه شي طشت ربيعة حموود يسلااام حمووودي والله شعرك روووعه
وفيه من الشباب ع النياته مو طلب ولاتلقيد ....يعني هوايه
وفيه من الشباب مخلي اروحه بويه عشان منزل شعره ليت ظهره......
السموحه ع الاطاله....
مشكوووره ع الطرح الي في غاية الرووووعه على قلبي والله

 

[جسووم]

السلام عليج أختي (بسمةأمـــ&&ــــل)والله دومج في المقدمة في حسن تقدميج للطرح للمواضيع





أنا كنت واحد من الجماعه وترا الجذب خيبه بس كنت انا ميت في لعاب كرة قدم وكنت اقلده في كل شي
لين مايتني أصابه ..وخليت الكوره و لجت حق الكليه ونسيت لعاب خير شر من ذتيج اليوم خليت الشعر حق رعاته.......
_ليش الشباب جي؟؟؟؟
1-ع حسب علمي انه في من الشباب ع حسب طلب الحبيبه اذا يربي شعر ولا مو يربي وهذه الطريقه ماتي مباشره
ع سبيل المثال: حموود ويي ربيعته وحمووود مو لباس فوق راسه شي طشت ربيعة حموود يسلااام حمووودي والله شعرك روووعه ومن قالت جي حموودي يموت ولايقص شعره.......هاي وحده....
وفيه من الشباب ع النياته مو طلب ولاتلقيد ....يعني هواية...هاي (2)




وفيه من الشباب مخلي اروحه بويه عشان منزل شعره ليت ظهره......هاي (3)



وفيه من الشباب يقلد حد معين.....هاي (4)





السموحه ع الاطاله....



مشكوووره ع الطرح الي في غاية الرووووعه على قلبي والله​

 

[لمسة إحتراف]

موضوعك من جد مميز وحلو والاسئله احلى فتشكرين ع طرحه ..

انا يعجبني الشعر الطويل على الرجل . ولكن بحدود وليس لدرجه ان يتوصل لنصف الظهر
يعني ان لا يتعدى الرقبه .

واشوفه مااينقص الرجولة ابد

 

[الماسه بس حساسه]

الرجوله مب فالشعر القصير او الصلعه
الرجوله تنبع من داخل الريل
انا عن نفسي اموت فالشعر الطويل

 

[سمو الأميرة نواري]

هههههههه موضوع مهم جدا

مافيه انتقاص للرجوله اعتقد الصحابه كانو يطولون شعورهم مثل مانشوف في المسلسلات التاريخيه

الرجوله تنبع من ذات الشخص


بس في ناس شعرهم شين ويطولونه هنيه عاد شو الفايده حلقوه احسن


يسلمو ع الطرح خيتوو لاعدمناج

 

[amoor]

اققتراحات حاده ..

 

[سجين القلم]

اضف ردي وبشي يرضي نفسي

انا شخص من الاشخاص المذكورين


انا عندي رغبه في اطالة الشعر لكن اطالته لحد


معقول دون المبالغه فيه بشكل كبير (( اسكت ما كانك مرة عقيته لين الكتف ههه))


طبعن كما ذكرة انا منهم وسبق ان اطلته لشكل مبالغ لكن ليس لدرجة انه


اوصله ظهري او نصف ظهري اكثر حد وصلته في الاطاله انه

يوصل للكتف شي بسيط ومن عقب شليته


والحين اطولة لكن لدرجه معقوله يعني ما اخليه يوصل للكتف


ومن وجهت نظري انها ما تعيب رجولته لو هو التزم في حدود

الادب يعني يفرق الشعر بنص ولا عقص ولا غيره

هني يكون حافظ على رجولته وانا اتحدث عن نفسي


نادراً أني اطلع وما البس شي على راسي يعني

شعري لزم اغطيه اطوله اوك لكن هب شرط اراوي الناس


هذا راي واتمنا ان يحترم


تحياتي وتقديري ​

 

[جروحــ دفينه ــي]

بصراحه موضوع مميز وحلو الواحد يعطي رايه فيه
:
:
انا عن نفسي يعيبني الريال الى يطول شعره لكن بحدود وما اعتقد انه ينقص من رجولته بهذا الشي​

 

[omani hack]

يختلف الموال من زمن الى زمن

وانا من رائيي انه ينقص من رجولته

خلونا واقعيين يعني هههه

مثلا انت في محل رسمي وقابلوك شخصين

الاول مربي شعر والثاني لا

بذمتك منو الي تعتبره ناضج وواعي اكثر ؟؟

الرجوله تطلق على الشخص الكامل بهيئته

مب واحد مسولي قصيصه هههه وين تبا

شكرا ع الموضوع

تقبل مروري

 

[السَعيدي]

تطويل الشعر لاينقص من الرجوله شي

ولكن....

معضم الاشخاص اللي يطولو شعرهم يكون ناقصنهم شي ويحاولو يعوضوه بشي آخر

اطالة الشعر ليس من صفات الرجل

صحيح ان الصحابه اطالو الشعر ولكن اطالوه مع اللحيه وما كنو يقصوه من طرف ومخلينه من طرف ثاني

امريكي وما ادري شو

وبعدين مثل ما ذكر نايف يقول انه مطول شعره لكن لما يطلع من البيت يغطيه

يا اخي اذا كنت واثق بأن الشعر في الرجل عادي انت وغيرك ليش تغطيه ليش ما تكون مطلع شعرك

انا اللي اعرفه انه البنت محرم عليها تخرج شعرها مب الريال

والشي الثاني انه اطاله الشعر انتشرت في السنوات الاخيره صح من زمان كان شي بس بحدود وهذا يعني انه هاي العاده دخيله على المجتمع وليست من طبايعه وعاداته

استغرب من البنات اللي يقولن افضل الرجال اللي مطول شعره
بنات اخر زمنatch_no:
خخخخ
atch_rir:
عاد انا اتخيل هالولد لما يكبير هل بيخلي شعره ام بيقصه يعني ريال شايب وعنده عيال مطوللي شعره
والله مهزله

ومثل ما ذكر الاخ اللي قبلي

لما تلتقي بشخصين واحد مطول شعره والثاني لا

بالله عليكم وبأمانه وين تشوف الرجل الصحيح بينهم

من منهم اللي بتاخذ عنه فكره طيبه ومن منهم اللي بتاخذ عنه فكر شينه


اذا كان الريال يطول شعره عسب يكون حليو فمثل ما ذكرت ها شخص ناقص.


الريال مب لازم يطول شعره لانه ريال

ما اقول هالكلام لاني متعقد او متخلف او شي في نفسي لاااااااا

ولكن هذا الواقع

انا عن نفسي مجال عملي مايسمحلي اطول شعري

ولكن لو كان يسمح ماراح اطوله ولكن شعري بيكون شعر الرجال المعروف

اشكركم على الطرح والنقاش المميز

وكل كلمه قلتها تعبر عن وجهة نظري المتواضعه

وكل شخص له مطلق الحريه

اليوم كل واحد على هواه وما حد يجدر يمنع شخص عن شي​

 

[سجين القلم]

وبعدين مثل ما ذكر نايف يقول انه مطول شعره لكن لما يطلع من البيت يغطيه

يا اخي اذا كنت واثق بأن الشعر في الرجل عادي انت وغيرك ليش تغطيه ليش ما تكون مطلع شعرك

انا اللي اعرفه انه البنت محرم عليها تخرج شعرها مب الريال

​

أخي العزيز عيبتني صراحتك ووجهت السوال المناسب

انا ما اظهر غير مغطية لنه من عاتي وتربيتي لشعر مجرد رغبة

لا أكثر وذكرة في ردي اني عادي ساعات اقصه فجئه وثانيا


انا ذكرة اطيله بشكر محدود هب عشواي او همجي مثل ما اشاهد

أحيانا انا اطيل شعري لكن ساعات امر على ناس تمادة في

أطالة الشعر او مسولك الشعر على الجوانب فارقنه بنص

فاي الحركة اعتبرها هب من الرجولة نوعاً ما انا

أحيانا اخرج وبدون ما اغطيه لكن طريقة شعري كيف تكون

أفرقة او اسولي تسريحه ؟؟؟؟؟؟ او اربطة مثل البنات ؟؟؟؟

طبعن لا ارجع شعري على ورى وطاحت السالفة

وتسلم اخوي على الرد واترقب ردك ونتمنى نعطى الموضوع حقة

في النقاش ونترقب البقيه واي تعليق انا حاظر واتابع المستجدات ​

 

[منوة الروح]

_ شباب المنتدى ماراءيكم في ظاهرة تطويل الشعر للرجل؟؟؟
مالي خص فـ سؤال هههه .. ماادري بس مصخوها بعض الشباب هاليومين

_ بنات المنتدى هل يجذبك الرجل ذو الشعر الطويل ؟؟ ومارايك فيه؟؟
على حسب يعني طوويل شووي مب واايد
طبعااا اللى شعره طوووووووووويل اتقزز منه وييع

_الشعر الطويل للرجل هل هو انتقاص لرجولته؟؟؟
البعض ايواا .. تحسينه يسوي حركات فيه مثل يربطه يعقصه وماادري شوو
تحسين انه شسمه !!


تفتكروا ان دى تقاليع فارغه؟
يمكن


هوه انت كده لما بتربى شعرك بتبقى حاسس انك راجل فعلا؟
ماادري سأليه


انا فى انتظار ردود البنات والشباب وكل بنت تقولى اذا كان اخوها او حبيبها مربى شعره ولا لا؟
ااخوويه مطول شعره بس مب و اايد ^_^



والسباب برضوا فى الرد بتاعهم عاوزة اعرف انت مربى شعرك ولا لا؟؟؟؟؟
اوكي


ويسلمو حبوبه ^_^

 

[عبير الورد]

بأختصـار هـو صايـر العكـس...البنـت تقصـر شعرهـا والشـاب يطـول شعـره...

وبصراحـه في شـباب امصخينهـا وااايـد مطوليـن شعرهـم زيـاده عن اللـزوم...

وفي شبـاب مطولينـه شـوي >> هالنـوع أوكـي ممـكن تقوليـن عنـهم ماشـي حالهـم...

أمـا اللي مطـول لـي شعـره ليـن الكـتف وأطـول من الكتـف >> غاسلـه إيـدي منهـم...

هاذيـل يقلـدون ويتشبهـون بالبنـات...وتـرى والله شكـل الريـال غلـط وهو مسولـي شعـر...

غيـر لمـا تشوفيـن ريـال متحسـن خخخخخخخخ حلاتـه والله ... هع هع هع

بس يبـوج التقليـد في هالزمـن لاعـب لعايبـه لكـن شو بتقوليـن...!

الشـباب يحسبـون أشكالهـم روووعـه لمـا يسـوون شعـر طويـل هههههه...

أنـا أحـس أشكالـهم غـلط × غلـط... >> وجهـة نظـر...

مشكـورة خويتـي ع الطـرح الحلـووو...​

 

[سعود الظاهري]

انا ما ادري وش المشكله في تطويل الشعر وبعدين الرجال مخابر مو مناضر ةنا مطول شعري ما اشوف ان فيها شي

 

[شيخة المزايين]

الشعر الطووووويل حلو وكشخة بس كل شي وله حدوده
يعني لحد الكتف يعني ما فيها شي بس احلى لما يكون لنهاية الرقبة

بس هالزمن كل شخص وحريتة يسوي اللي يبي يسويه

وهو مب يأثر ف رجولة الرجل اذا كانت نية هالريال ف تكبير شعرة زينة
مب تشبه او لغرض لا سمح الله

 

[أبو سلطااان]

جميل الطرح ... والشعر الطويل أو القصير لا يزيد و لا ينقص رجوله
الشخص و لكن الرجوله في الشخصية والتعامل بأحلاق الرجل
(ما يسميها الغرب أخلاق الفرسان )بالقرون الوسطي أي إن الرجل يحترم
وعوده لا يتخلا عن الأصدقاء يتصف بسمات الرجوله في حديثه و مشيته
و غيرها من الامور.........

 

[دلوعه ابوها]

مساء الخير
انا اشوف الريال الي يطول شعره نقصنه شي من رجولته

 

[المشاعر]

اصلا الريايل يغارو منا عشان شذا يقلدونا .. يوم الرجال يطول شعره شذي يتشبه بالحرمه

وهذا من رايي
يروح يحلقو احسن له