تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: <blockquote data-quote="الهاجس" data-source="post: 823171" data-attributes="member: 4960"> نبضات قلب وأنا سارح بفكري الصغير فيوم من أيامي المملة واللي تخليني دايم مشغول البال وأفكر في مشاكلي وآهاتي يلست أقول الحين هالقلب اللي فالواحد ليش كل مرة يستوي له شي ينبض بقو ليش نبضاته فكل مرة غير عن الثانية ليش لما يفرح على شي يخصه ينبض غير ليش لما يحزن على شي يخصه ينبض غير ليش لما تمر عليه شغلات من فرح وحزن وألم وتعب وفراق وحنين وشوق وذكرى تكون فكل مرة نبضاته غير ليش  لما يفرح تنتعش داخله وايد أشياء تتبعه بسمات وضحكات تحس إنه خفيف كأنه بدون جاذبية سمعت مرة إخواننا المصريين يقولوا ( الفرحة مش سايعاني , حاسس رجلي طايرة فالهوى ) وسمعت حد يقول ( طاير من الفرحة طاير ) وكل حد وسوالفه لكن يوم القلب يحزن تنقبض كل أعضاء جسمه تحس إنه الحين بيوقف عن النبض خاصة إذا الشي اللي مر عليه مو هين تشوف البني أدم وتعرفه حزين من تقاسيم ويهه ما تشوف البسمة فيه وتحس بعيونه هالشي وتقول فخاطرك لو بس يشوف البني آدم قدامه شخص عزيز عليه ومن كثر الدموع اللي حابستنهن هالعيون بينفجر بركان من الدموع بس عشان يعبر عن حزنه للشخص اللي جدامه من دون ما يكلمه شو هالقوة اللي يكون فيها هالقلب عشان يتحمل هالشغلات كلها ويولفها داخله ويحويها بين جدرانه قلت فخاطري كيف يقدر على كل هذا بروحه يعني كل واحد له قلب بيكون بنفس الأسلوب يلست أحسبها وأحسبها وأحسبها عرفت بعدين إنه مو كل القلوب وحدة هي وحدة من ناحية شكلها لكن مو وحدة من ناحية إحساسها ومشاعرها ورقتها  وتحجرها وقسوتها سبحان  الله والله على كل شي قدير المهم مو هاي السالفة أنا كنت يالس أفكر كيف القلب يقدر يتحمل بروحه هالشي كله ومحد وياه ومحد يساعده كيف يقدر ( طبعا الله خلق فأبدع في خلقه ) عرفت وأنا يالس أسولف مع روحي إنه مب بروحه القلب يجمع هالسوالف كلها ويقاوم القوي والشديد والضعيف و و و و و إلخ وياه العقل آه منك يالعقل طلع هو ( البودي جارد ) مال القلب هو اللي يكون وياه ويسانده ويساعده مو فوقت الشدة بس حتى فوقت الفرح هو المدبر لأمور هالقلب هو المسيس له لأن كل قلب وله طاقة لو زادت عن حدها تبهدل القلب وإستوى له الشي اللي ما نتمناه العقل يكون معاه دايم فكل وقته يخفف عليه ويسانده والله شي حلو هالعقل إنزييييييييييييييين بس يعني لو قلنا لإنسان إنت ما فيك عقل وشفنا هالكلمة بالمعنى بيكون قصدنا الإنسان مجنون يعني العقل راح عنه يعني نسبة المشاعر والأحاسيس والشغلات اللي يحملها القلب تكون ضعيفة لدرجة كبيرة ليش ؟؟ لأن المدبر راااااااااح وما عاد القلب يقدر يسوي شي من دونه طبعا هالشي بنسبة كبيرة . لكن لو قلنا لإنسان إنت ما فيك قلب وروحنا نستعرض المعنى لهالشي يعني الإنسان عقله موجود لكنه للأسف تجرد من المشاعر والأحاسيس اللي يشلها قلبه يعني متحجر القلب فنفس الوقت العقل يتعامل بشي من العدوانية ولو بالشي الصغير لأنه بيكون شغال بروحة بدون القلب . سبحان الله يعني هالإثنين يكملون بعض طبعا مع وايد أشياء تكملهم لكني حبيت أفكر فالعقل والقلب . بعد ما خلصت من هالشي كله يلست أشوف نفسي وأقول يا ترى أنا شو ما فيني عقل ولا ما فيني قلب .. والحمدلله حللت نفسي بنفسي أنا فيني عقل وقلب يمكن مو أحسن من غيري بنسبة العقل والمشاعر والأحاسيس لكن على الأقل هالإثنين موجودين وأقول ( الحمدلله رب العالمين ) تناطيش وسوالف مبعثرة وما مرتبه يلست أسولف فيها مع نفسي وحبيت أييبها وتقروها وأشارككم فيها بمثل ما يات على بالي والسموحة كان قصرت فشي وإخواني ما يقصروا يدلوني شو الغلط اللي مر بخاطرتي وعلى قلبي كل اللي يوصلني منكم تحياتي ........   </blockquote>

الإسم

التحقق