لو ضربتك إنثى ,,

[الهاجس]

سألت هالسؤال نفسي , لو ضربتني حرمة فمكان عام وقدام الناس بغض النظر شو اللي مسونه

شو بتكون ردة فعلي ,, لأني مرة من المرات وفي مكان حكومي وبوسط الناس كانت في نزاعة بسيطة بين ريال وحرمة

وإنتهت بالحرمة شالة الريال بكف عالويه :imuae87 بصراحة إنصدمت من الحركة )

وكانت ردة الفعل عنيفة من صوب الريال شل نعاله وكردخها تكرديخ وها كله قدام الناس :imuae87 وهالحركة صدمتني أكثر بعد )

وتدخلوا شباب ومسكوه عنها , وما اعرف وين وصلت السالفة بعدين

الحين أسأل الشباب لو حصل هالموقف بغض النظر شو السبب ,,, وياك كف على ويهك من حرمة وقدام الناس شو بتكون

ردة فعلكم ؟؟

أتمنى أحصل رد طيب منكم​

 

[شيخه البدو]

ههههه موقف عجيبووووا:364370309157ae42e12


ننتظر رد الشبااب:19:


شكرا اخوي ع الموضوع

 

[طموح بلا حدود]

اصبحت وامسيت بخير انشالله ، أنا أستبعد الموقف معاي ليش ؟؟؟ لأني أحترم البنغالي والهندي والياهل والجميع فما بالك بالحرمة يحليلها شو عليه تقدر وشو اللي بتطلبه مني يا ترى يعني بتطلب مني تخليص معاملة مثلا والا بيزات مثلا والا شو ؟؟؟ انا حاضر بخدمتها 24 ساعة المهم رضا الحريم والبنات يا جماعة الخير صدقوني هن طيبات لكن الله يهدي الشباب ويى أسلوبهم وبعديد لو صفعتني وحدة مثلا بقولها هذا ويهي وهاذي عصا واللي تامرين عليه انا حاضر ولا تعتقدون انها بهاي الطريقة بتهيني والا ان ما عندي كرامة اتكلم وانا واثق من نفسي .


شكرا على الموضوع الحلو والاكثر من رائع .

 

[سيدة أعمال]

أكيــــد مسوي شي كبير

عشـــان جي عطتــــه كف

بصراحة الوحدة ما تمــــد إيدهـــا

إلا إذا كانت تبا تبرد خاطرها من إللي جدامها

وحـــدة أو واحـــد

 

[«|شمُوخْ|»]

الامور ما تنحل بالكف وغيره

في شي اسمه تفاهم

 

[سوسو العبيدانى]

صراحه بحكم انها انثى ما اتخيل انها تضرب بمكان عاام:boff:
اصلا الوحده صوتها ما لازم يعلا باي وقت
وبعدين كل شي بالتفااهم
اما اذ مسوي شي مو طيب معااها:boxing: فيستاهل واكثر
وبعدين عيب على الريايل يمدون ايدهم ع الحريم

 

[فهوود قطرعز وفخر]

النسوان ضعيفين ولمن ينقهرون مايملكون شي غير ايدهم دفاع عن النفس والكرامه
ومومن الرجوله امد ايدي على اي حرمه مهما صار:a7m:

 

[عراقيه]

انتو الرجال ماتستقوون ع حرمه الا قبال الناس ومكان عام فلاز حد يوقفكم عند حدكم

 

[هيبة بدو]

اكيد انه مسوي شي معها

مب مني والدرب بتضربه

وادنيا فوضه يضربها بنعاله ياخي يرفقوا شوي بلحريم

ترى ان نسى انها مرأه يتذكر امه هل بيقدر يمد ايده عليها :frown:

ولازم الريال بهذي الحاله ما يضرب الحرمة بهاي الطريقة قدام الخلق

 

[غلا السعيدي]

:dumb:يستاهل عينه خاصة اذا مسوي شيء غلط دوااااااااااااااه

لو كان في رجولة ما بيمد يدة على حرمة


تقبلوا مروري غلا

 

[أم حور]

ههههههههههههههه أتخيل آلموقف ^^ وين عآيشين ^^

{ هآ يسمـى تخلف من قبل آلحرمة وآلريآل بعد ، إذآ هي جآهلة أنآ اكون أجهل منهآ ليش !!!؟؟

يآ شبآب جآوبوآ ^^ لآ تقولوآ بتسدحونهآ فـ آلشآرع وتترفسون فـ كرشتهآ خخخخخ ^^​

 

[الهاجس]

والله بصراحة تعليقاتك رائعة بالنسبة

لا هنتوا والله ولا هان غاليكم

ولا هان هالمنتدى اللي تنثرون

كلماتكم الرائعة فيه

:4::4:​

 

[فتى الدار]

بصراحه موقف محرج بس أعتقد مافي حرمه بتمد ايدها ع ريال لو ماكان مسوي فيها شي واذا بينهم كان حترام لانها الحرمه دايم بطبعها سموحه مابترضى ع نفسها تفضح ريال بين الناس بتشله الغرفه وبترشه بزوره لي يشبع بعيد ع الناس

 

[طواش]

عن نفسي لازم ارد كرامتي وبطريقتي الخاصه ما بضرب ولكن في اشياء خاصه ... بس والله تندم ع انها رفعت ايدها لانه بتكلفها حياتها كلها:excited:

 

[طبيب-صعراء]

حريم اخر زمن

 

[ميمو]

هههههههه حليله كردخها ولا ها ... والله شو نقول ماندري منو الغلطان والعتب على الأثنين المفروض مايمدون أيدهم على الطرف الثاني ...
:laugh:​

مره نفس الموقف شاب يقول حق أخته هي الشنطه حلوه في بنت حذالهم على بالها يرمسها جان تشل شنطتها وتكفخه جدام الناس ..
عاد الناس هني كلهم صدو عليه على بالهم أنه يغازلها
عاد هو هني ولع جان يخمها هاك الكف إلي سدحها مره وحده :laugh:...
منقهر الريال مظلوم هههه ..
تصير فيها رده فعل لآ أراديه يعني :laugh:..​

 

[طواش]

حلوه ميمو:08295cc7a1617fc8932

 

[سكرة الموت]

:2253446f49dd40fbf5eونعم الحرمه
بس حسافه كفخوها عقب:cute:

 

[الفراشة الحالمة]

:borg: صراحة موقف محرج بس ما ظنتي ان الحرمة توصل لهدرجة الا اذا كان هذاك الريال وصلها حدها خلاص شافت ما في مجال غير القتال خخخخخخ والريال الله هداه بعده غلطان لاني عمري ما احترم ولا بحترم الريال الي يمد ايده على الحرمة مهما كان لان الشهامة لو مسك عمره وتصرف وياها بعقل طبعا انا هذا رأي الشخصي

 

[لمسة حب awaw]

ويييييييييه ع الموقف المحرررج صراحه..
يلا نشوف ردوود الشباب