يسخر منك ,يشتمك,..يجرحك.... وبعدين يقولك ((أمزح معاك))

[بنت البريمي]

السلام عليكم ورحمة الله وبركاتة

شحالكم اعضاء منتدى البريمي شفت هالموضوع فأحد المنتديات وعجبني موضوع النقاش لأنه واقع وبشكل كبير فأيامنا ..

لاشك أن جميعنا أو أغلبنا يحب الضحك والمرح ويحب ان يبتسم بروح الدعابة
مما يضيف جو البهجة والسرور في قلوب وعقول من يصادقه ..

لكن هل كل ضحك مباح وكل مرح في محله !!
اذا ياك شخص يضحك على فلان و فلان .. وما خلا شي عنه !!
واذا اغتاض الشخص ..
رد عليه وقال

افــاااا .. انا امزح انت زعلت ؟؟

هنا السؤال ؟

ماهي حدود المزح بين البعض ؟
يعني لازم بكل وقت نستخف بدمنا ؟
مانصيحتك لمن يمزح ليصل لجرح مشاعر غيره بإسلوبه الساخر ؟

ومارأيكم بهــؤلاء الأشخاص الذين يمزحون في كل وقت ، يجرحون ويشتمون ثم وبكل
وقاحة يوجهون لك هذه العبارة

( امزح معاك ) ..!!!

هل يدخل المزاح في الشتم والتجرح ؟
هذي مواقف كثيرة منتشره عندنا وحبيت اعرف رايكم ؟

وسلامتكم .. نتريا آرائكم ..

 

[سجين القلم]

بنت البريمي اختيار موفق موضوع من واقع

الحياه المريره هناك من يخالط بكلمات الشتيمه بكلمات

اني امزح ما هو المزاح اين حدوده هناك حدود للمزاح وهو

التزام الادب وعدم التجريح في كرامة الشخص الاخر وليس مبرر

ان اقول اني امزح بعد توجيه الشتائم فهذا لا يقبل ان اخالك مزحي

بكلمات قبيحه ذميمة أشكرك على ما طرحتي لنا ونترقب جديدكِ​

 

[غريب الدار]

تسمليــــــــن اختي بنت البريمي على الطرح الطيب....

وفعــلا مثل ماقال اخوي نايف...انه المزح بعيــد كل البعد عن الشتم والسب ...
وانا عن نفسي لا ارضى اني اقول كلمه في سب وشتم لاي شخص مهما كنت قريب منه بداعي المزح او غيره...بس في اشخاص بتقبلون المسأله وعادي عندهم وغيرهم لا..

تسلمين مره ثانيه اختي الكريمه..

 

[alshamsi109]

الصراحه انا موضوع جميل وانا عندي تعليق عالموضوع وهو هذه المقولة
جرٌحتكٌ.. لاّ تّزٌعلّ أعٌتبّرني طٌفلّ زلٌ وياّحلوٌ زٌلاتهّ يٌعطيكّ كٌفّ ويرٌجعّ يٌدورّ أحٌضانك

 

[بنت البريمي]

نايف السعيدي ، غريب الدار ، الشامسي ..

عطرتوا الموضوع بتواجدكم الطيب وابداء آرائكم المتميزة وهذا مب غريب عليكم هذا التفاعل المستمر ..

الصراحة بعض الأشخاص وااايد يزودونها ف المزح ويتعمدون يستهزؤن بالشخص الثاني وفالنهاية يقولون مزح .. أنا ما تعجبني هالنوعية من الناس لأنهم يستخفون نفسهم أكثر من اللازم .. المزح حلو والكل يحبه بس مثل ما قلتوا لكل شيء حده ولازم الواحد يراعي الشخص الثاني فكل كلمة يقولها ..

تسلمون مرة ثانية وما قصرتوا ....

 

[● مسـگـيـטּ قلبـيـﮯ●]

بنت البريمي شكرا على الموضوووع...وانا من رايي انه المزح له وقته و حدوده
و ما لازم الواحد يتخطى حدوده ابد و يثمن كلامه قبل لا يقووله و يعرف مدى تأثيره
و ما ينخش ورا كلمة ( كنت امـــــــــــزح) وما نطـــــــوف له حركاته و يفضل نزعل عليه فتره
عشان يعرف حدوده و الاوقــــــات اللي يمزح فيها و يعرف اللي يزعلنا من اللي يونسنا
و مب كل الوقت ضحك
لأن إذا تعودنا على الضحك والمزح ما راح ناخذ الحياة على محمل الجد
وومزح عن مزح يفرررق وخااصه المـــــزح اللي فيه
تجرررريح وهذاا اسلوووب مايعيبني
وومشكووره مرررره ثانيه

 

[الماسه بس حساسه]

انا من النوع لي وايد احب امزح بس مب كل وقت وما توصل لدرجه الشتم
وفي البعض منهم بيمزح وبيتمسخر وبيضحك واذا حد مزح معها زعل عيل انته
ضحكت عالناس يعني حلال عليك وحرام ع غير وهذا لي اشوفه هالايام
و تقبلي مروري

 

[بنت البريمي]

شيخة البدويات ، ألماسة بس حساسة ..

وجهات نظركن نحترمها .. ومشكورات ع المرور ..

 

[الفلاحي صاحي]

السلام عليكم ورحمة الله وبركاتة

شحالكم اعضاء منتدى البريمي شفت هالموضوع فأحد المنتديات وعجبني موضوع النقاش لأنه واقع وبشكل كبير فأيامنا ..

لاشك أن جميعنا أو أغلبنا يحب الضحك والمرح ويحب ان يبتسم بروح الدعابة
مما يضيف جو البهجة والسرور في قلوب وعقول من يصادقه ..

لكن هل كل ضحك مباح وكل مرح في محله !!
اذا ياك شخص يضحك على فلان و فلان .. وما خلا شي عنه !!
واذا اغتاض الشخص ..
رد عليه وقال

افــاااا .. انا امزح انت زعلت ؟؟
الشبشكرا عال الموضوع الشبيبه الى يسكنون في عواصم البلدان الشتائم عادي الى درجه حتى يسب أهلهم بنات والاولاد صارت موضه علشانمتحضرومتمدن وعكس البلدان بعيده عن العاصمه يراوي الناس انه
متمسكين بأ خلاق حميده


هنا السؤال ؟

ماهي حدود المزح بين البعض ؟
يعني لازم بكل وقت نستخف بدمنا ؟
مانصيحتك لمن يمزح ليصل لجرح مشاعر غيره بإسلوبه الساخر ؟

ومارأيكم بهــؤلاء الأشخاص الذين يمزحون في كل وقت ، يجرحون ويشتمون ثم وبكل
وقاحة يوجهون لك هذه العبارة

( امزح معاك ) ..!!!

هل يدخل المزاح في الشتم والتجرح ؟
هذي مواقف كثيرة منتشره عندنا وحبيت اعرف رايكم ؟

وسلامتكم .. نتريا آرائكم ..

وهذه الظاهره موجوده لو تتابعين افلام الامريكيه ولاأغاني يرتاحو نفسيا وكل واحد حسب مقدرته في السب وفي ناس تتباها لان السب صار شيء عادي

 

[جسووم]

والله موضوع في غاية الاهميه وأنا شباب وأيد مثل ها النوع
واعرف شو علاجهم خطف عنهم ف صواب عن القيل والقال
ثاااانكس

 

[بنت البريمي]

الفلاحي ولدها : ما أتابع .. لازم بيرتاحون لأنهم أساسا ما عنهد وازع ديني يردعهن عن هالشيء فأكيد السب شيء عادي عندهم ..


جسووم : أحسن شيء تسويه أنك تخطف عن هالأشكال لأنه بعضهم يزودونها ..

وتسلمون ع المرور ..

 

[فاضي]

الاحترام فوق كل شي

 

[دانة غزر]

وااااااااااااااااااايد نااااااااااااااااااااس جي

والشي الى يزيد عن حده ينقلب ضده

مشكوووووووره الغاليه على هالمشاركه

الله يعطيك الف عافيه

والى الاماااااااااااااااااااااام

 

[بنت البريمي]

فاضي .. بسمة حزن ..

تسلمون على المشاركة ووضع يصماتكم الرائعة ف الموضوع ..

دمتم بود ..

 

[omani hack]

هههه شي اكيد بقوله حل عن سمايه

او بعامله بالمثل علشان يحس بلي احسه

الف شكر خيتو

تقبلي مروري

 

[السَعيدي]

اولا اشكرج على الاختيار الموفق للموضوع



اما بالنسبه لمداخلتي:

المزاح يعتمد على علاقه الشخص اللي تمزح وياه

يعني على حسب علاقتك مع الشخص اللتي تريد تمزح معاه يتحدد وضع وكيفية المزاح.
في اشخاص المزاح زياخم مقيد جدا
اما اشخاص اخرين قد يوصل المزاح وياهم الى ابد الحدود بل وقد يتعدى مايسمى بالمزاح ولكن في النهايه يكون مزاح

اما القباحه بعينها ان تمزح مع شخص في وقت لايحتمل المزاح اما بسبب مشكله او مصيبه

وكذلك المزاح مع الشخص الغريب اللذي قد تكون التقيت به لاول او ثاني مره ولاتكاد تكون بينك وبينه اي معرفه. فمن اي منطق تمزح معه.

وكذلك المزاح الثقيل اللذي قد يسبب الالم كأن تقوم بظرب شخص بطريقه مؤلمه ومن ثم تقول ( امزح وياك )

وها وسلامتكم​

 

[:. حلوة وشقية .:]

الصراحه احس انسان فاضي بكل معنى الكلمه ... يعني اكون متضايقه او صاير لي شي وابي اخذ رايه ونصيحته وهو بس يتمصخر ويضحك ... شعوري بتضايق زود هذا اذا ماصكيته كف على مزحه الثقيل .... لان في اشياء ماتستحمل المزح والمشكله لا صار يضحك ويتغشمر وهو دمه ثقيل بالعربي " ماينبلع كلش " ... يعني يابن الناس افهم في اشياء ماتستحمل الضحك والمزح ومب كل شي الواح يستحمله مره مرتين بعدين خلاص كل يوم اشفيك انا امزح لاتزعل يعني ليمتى يمكن يمر يوم محد ياخذ شورك بشي لانهم اعتبروك انسان ماتبالي ماخذ الدنيا كلها ضحك ولعب ومزح ... غير اسلوبك ...

تقبلي مروري وتعليقي ^^

 

[سعود الظاهري]

مادري شاقول لج والله
بس يعني المفروض الواحد احط احدود حق المزاح ماله او انه يعني اتضايق اذا الشخص زاد عن حده بس ماحب اوضح او اقول اني زعلت اطوف السالفه او خلاص بس يعني وايد ناس غير يتضايقون او احتمال تكبر السوالف لانه كل واحد عنده مشاعر او احاسيس او قدرت تحمل تختلف عن غيره

 

[منوة الروح]

مشكوورة ع الموضوع


حلو الواحد يمزح ويضحك وية الغير بس بحدوود طبعاا

اللى يجرح فالكلام على اساس انه مزااح
هذا اصلا مايعرف يمزح من اساسه

والسموحه

 

[المشاعر]

حلو الموضوع


الواحد حلو ينكت ويتمصخر بس مب كل وقت وبعد لازم يكون هناك احترام وبعد مب كل وقت ينكت ويتمصخر على حسب نفسيت الشخص