650 ريال

[طموح بلا حدود]

السلام عليكم ورحمة الله وبركاته ،، شباب ممكن تساعدوني في ترتيب أموري ووضع خطة لي ،،

أنا موظف وراتبي 650 ريال وغير متزوج وبس شو تنصحوني أسوي بالترتيب وشكرا .

 

[بنت أبوها]

ما فهمت قصدك

بشو بالضبط؟؟؟

 

[طموح بلا حدود]

اريد اسوي خطة بس مب عارف اريدكم تعطوني خطة حج حياتي وثانكس.

 

[بنت أبوها]

وأبوية كتبت تعبير طويل بس انقطع علي النت

المهم باختصار

أول شي تجمع فلوس عسب تكمل نص دينك وتعرس

ولا تحاول تتسلف مول وإذا اضطريت أتسلف من أخوانك ولا خواتك ولا أهلك ولا ربعك

بعدين يوم الله بيوفقك ببنت الحلال الزينة وبتستقر حياتكم

حاول تسوي لك مشروع بسيط يدخل عليكم فلوس

وبعدين عاد جمع مرة ثانية عسب تستقل عن اهلك وتبنيلك بيت بروحك

طبعا إذا الله رزقك بعيال حاول تحط بحسابهم مبلغ شهريا ولو كان بسيط

وبس ...

عصرت مخي وهذا اللي طلع

والسموحة عاد ...

 

[ود البريمي]

وعليكم السلام ورحمة الله وبركاته
اذا عطيتك خطة عمرك شو بتعطيني ؟
:a44699d967a94d285b8

 

[بنت أبوها]

أف أسميك

خلك كريم عطة ببلاش ياخي

 

[Aminoo91]

ابعد عن التبذير وبترتاح

 

[عايش يومه]

اول نصيحة ابتعد عن البنك نهااااائياً
ثاني شي ابتعد عن الاقسااااااط
اذا نجحت في هالاثنين صدقني حياتك بتمشي مثل ما تتمناها واكثر

من بكرى تروح البنك وتقولهم يقصون 450 ريال من راتبك شهريا بحيث انك تكيف حياتك على 200 ريال شهريا دامك باول حياتك
بعد شهرين او ثلاثة دور لك على سيارة بمبلغ 1400 ريال تقريبا يعني مكيسما حلوه بهالسعر
بعد سنه دور لك بنت الحلال لانك تقريبا بيكون عندك مبلغ محترم عشان الخطوبة والملكة
بعد سنتين بيكون عندك تقريبا ثلاثة ارباع تكاليف الزواج وتقدر تتوكل على الله وتتزوج.
بعد ثلاث سنوات ان شاء الله تكون جهزت خرائط منزل العمر
عاد لاتنسى تعزمنا ....

نصيحتي لاتنساها اهم شيء تبرمج حياتك على المبلغ اللي قلت لك عليه وصدقني ما بتندم

 

[طموح بلا حدود]

على العموم حلوة الردود بس اريد بشكل أكبر على قد طموح بلا حدود والكل بيستفيد انشالله