إفتتاح مجمع البريمي

[الهاجس]

وصلني خبر موثوق إن شاء الله

سيتم بحفظ الله وعونه وبتارخ 15-3-2011

إفتتاح مجمع البريمي الصحي رسميا

لكن !!!!

اتمنى أعرف رايكم فهالمجمع الذي شيد بهالولاية والذي يفتقر الى كثير من المزايا

والعذر من هالكلام لكن هاي النظرة سمعتها من مجموعة من المواطنين بهالولاية

ويعطيكم العافية ​

 

[أ“أ‡أ،أ£ أ‡أ،أˆأ‡أڈأ­]

ينقل للقسم المناسب

وبالتوفيق
​

 

[الهاجس]

ينقل للقسم المناسب

وبالتوفيق
​

تسلم أخوي عتيج

والسموحة (( باي مستيك ))​

 

[سلام_العشق-2009]

السلام عليكم ياجماعه وسلام مخصوص لهل البريمي........................

ياجماعه انا من راي هذا مب مجمع
والله ياجماعه شفت بعني

الرجال والحريم نفس المكان ما فيه فاصل بينهم الاطفال الحريم الرجال


ليش كذا؟

وين نحن عايشين والله يااااجماعه لو الو احد يروح عياده خاااصه ابرك له مليووون مره ولا هذا.

 

[إنسآنـﮧ]

حفل الأفتتاح

تحت رعاية

سعادة الشيخ/ يحيى بن حمود المعمـري..............المحترم

يوم الثلاثاء بتاريخ 15/3 الساعة 10:00 صباحاً

وبالله التوفيق

 

[حــزن]

الصراحه المركز الصحي كثير صغير..
وماكو اماكن مخصصه للحريم؟

الكل فوق بعض؟
وفالزحمة الواحد يطفر ويطلع..حتى مايعالج..

المستشفى مايستقبل اي حالات؟لييييش؟
بس المواعيد؟


ليش ما يسهلوا ع المواطنين هذه صحتهم مو اي شيء





تسلم اخوي ع الطرح
ويعطيك العافيه
ودمت بهالأبداع والتميز





لك كل الـ سراب الروح ـود

 

[الهاجس]

يسلم الجميع عالمرور الجميل ويعطيكم العافية

وشو أقول عن هالمجمع الله يعين اللي يعالج فيه بصراحة , لو هالمبالغ اللي إنصرفن عليه وزادو أقسام وعيادات

ودكاترة فالمستشفى كان أعتقد بيكون أحسن من هالمجمع وما كذيه السالفة مرات يتبهدل المريض بين المجمع والمستشفى لا الطبيب عارف هل هو يعالج فالمجمع ولا الطبيب اللي فالمستشفى يعرف هالشي

التنسيق ما موجود والضحية المراجع .​

 

[نظر عيني]

بصراحه المجمع الصحي ما ينفع طول ضيق وايد وما فيه ادويه كله مخلص
حتى الداول الي الكل عنده مخلص منه ... بس شو أقول خليها ع الله .........

 

[شوق العـــامري]

حلوو العذر
يعني اذا حد قال ليش ما تصرفون ادويه للخلق بيقولون بعدنا ما افتتحنا المجمع يعني كان استهبال

 

[موزة النعيمي]

انا مره كانت فيني كحه وماكان عندهم دواء قالولي صرفيه من برع ...!
معقوله دواؤ كحه ماشي؟ عيل لو فيني مرض اكبر عن جذا مثلا؟
من غير الاسلوب الغير لائق في التعامل مع المرضى​

انا شخصيا تعرضت لموقف محرج هنا
واتحفظ في ذكره
ولكن مع احترامي المجمع يفتقد لكثير من المؤهلات ولكثير من الاطباء القادرين ولكثييييييييييير من الاموووووووووور​

شكرا على الطرح​

 

[شيخه البدو]

امي كانت رايحه باخوي الصغير
عمره اقل عن سنه
وكانت فيه حمى وزجام قوي
طبعا من غير انه صدره متعبنه

وهي سايره الساعه ثمانيه او تسعه
كان يقول لها المجمع خلاص الدوام فيه روحي المستشفى

شو هالمصخره
وطبعا لا المستشفى ولا المجمع
شخصوا اخوي
الله لا يسامحم..:ar15firing:

 

[الهاجس]

يسلم الجميع عالمرور الرائع

وكل واحد يعبر عن رأيه فهالموضوع

بصراحة أقولكم إن الطبيب الصح ما يطلع من بلده إلا إذا حصل مبلغ أضعاف اللي يحصله فبلاده أما الموجودين حاليا مع إحترامي الشديد لهم أعتقد إنهم ما قادرين يحصلوا شغل فبلادهم والله يخلي وزارة الصحة يستضلون تحت ضلها وطبعا الوزارة بس تريد تغطي فراغ وتقول الطبيب موجود أما كيف يكون تشخيصه او إسلوبه مع المريض فهالشي على الهامش

الله يعين مرضانا على بعض من هالأطباء اللي ما حطوا لقسم الطب أي معنى ​

 

[ولد البلوش]

هيه والله صدج

المكان مختلط وزحمه

أنا مره وحده سرت بس
مودي أمايه

ويا ليتني ما سرت

وما عندهم أسلوب حج لمريض مثل ما جالت أختي اليازيه

 

[طهر]

انا مره كانت فيني كحه وماكان عندهم دواء قالولي صرفيه من برع ...!
معقوله دواؤ كحه ماشي؟ عيل لو فيني مرض اكبر عن جذا مثلا؟
من غير الاسلوب الغير لائق في التعامل مع المرضى​

انا شخصيا تعرضت لموقف محرج هنا
واتحفظ في ذكره
ولكن مع احترامي المجمع يفتقد لكثير من المؤهلات ولكثير من الاطباء القادرين ولكثييييييييييير من الاموووووووووور​

شكرا على الطرح​

اختي

هالدوا مآيصرف في صيدليات المراكز الصحيه والمستشفيات الحكومية
لاحتوائه على مادة الهيستامين التي تساعد على النوم :4f7c50bc2e7eee3c450

لكن صحيح ان المركز يفتقر للكثير من المزايا :36:

 

[السَعيدي]

للأسف هذا حال جميع المراكز الصحية في البلاد
ولكن بإذن الله القادم أكثر

وما يهم الإفتتاح دام المركز شغال​

 

[Queen Love]

نترقب الافتتاااااااح:biggrin: