مظاهره مليونيه باجر فمسقط

[دلوعه كليه البريمي]

هلا والله شخباركم







سمعت ان باجر بيسوووون مظاهره مليونيه ف مسقط طبعااااااا فالتي في
ابا اعرف ليش هالمسيره ؟؟ ليكووون بيسووون شرات ما سوا ف صحاااار

 

[طارق توووووتو]

هذه اللي سمعته بس اتمنى انهم اينفذو المطالب بسرعه لا اتصير محرقه

 

[ذوق وآذوآقي]

بعدين شو تخريب ما تخريب بعد أنتو الله يهداكم


جيه بلدنا نباها مب مستعيلين عليها وعلى عمارنا

 

[دلوعه كليه البريمي]

لو المظاهره بتكون سلميه بدون تخريب وحرق بيكون احسن
لان الشعب هو لي بيتضرر فالنهايه
والمطالب ما بتتلبى فيوم وليله يبالها دراسه

 

[جراح الامس]

بعدين شو تخريب ما تخريب بعد أنتو الله يهداكم




جيه بلدنا نباها مب مستعيلين عليها وعلى عمارنا

عيل كل هالحرايق والتكسير
والظلم
شو هذا؟؟؟
مب تخريب؟؟

ربي يسلم بلادنا بس

 

[ذوق وآذوآقي]

جراح الامس

متى صار كل هذا ؟

الامن سببها هم اللي بدوها قبل لا يبديها الشباب

 

[جراح الامس]

من امس التكسير والحرق
وفي نيه انهم يحرقون لوى ومدارسها ومحلاتها

الشباب هم الي بدوا مب الامن
المخربين الي استفزوا الشرطه وعاندوهم والشرطه ما سوتلهم شي الا بعد ما حرقوا المركز وبدوا باعمالهم الهمجية التقليديه

 

[بلوشية وبأصلي افتخر]

الله يستر والله :bal:

 

[موزة النعيمي]

سؤال ..
ليش مب قادرين تصبرون؟
يعني ابا اعرف انتوا صدق تبون تغيرون الوضع في البلاد؟ ولا بس تبون تسوون مظاهرات ع الفاضي وحشرن مع الناس عيد؟
يعني البارحه نازلات قرارت يديده تبونهم ينفذونهم متى مثلا؟ اليوم الصببببببح؟

ياخي سمحولي عاد هذا اسمه " قلة وعي "

السلطان لبى بعض المطالب وياليت تصبرون شوي لان اكيد فيه قرارت ثانيه
عفان الله الواحد بدا يكره نفسه بسبة هالتفكير الغير منطقي..

وعذرا على ردي
وردي يمثلني انا شخصيا ولايمثل سواي.​

 

[بو حميد]

يبون كل شي فيوم وليله ايصير
يانس اصبرو شوي حق شو المظاهرات
ايكفي اللي صاير ف صحار
خليتونا مطنزه عند اللي يسوى واللي ما يسوى

 

[خطوة]

مابيصير الا كل خير ان شا ءالله

 

[سكرهـ]

أنا بعد سمعت أنها باجر بس ما أعرف إذا سلميه أو لا ..

بس إن شاءالله تكون مظاهره سلميه لأنا الدمار راح يضرنا نحنا _ وكل شي يستوي بالهدوء والتفاهم بدون تكسير أو تخريب ..

وان شاءالله مايصبر الا الخير ياااااااارب

 

[عسولة الجامعة]

ليش المظاهرات ؟
ومن هاذي الملايين الي بتشارك؟
وشو اهم مطالبهم؟
وهل هناك زيادة في رواتب الموظفين في القطاع الحكومي؟:imuae66::imuae66:

 

[إنسآنـﮧ]

ليش المظاهرات ؟
ومن هاذي الملايين الي بتشارك؟
وشو اهم مطالبهم؟
وهل هناك زيادة في رواتب الموظفين في القطاع الحكومي؟:imuae66::imuae66:

عسولة....

القطاع الخاص..زادوهم....^^

والحكومي...اليوم زادوهم بنسبة 50% .....

الله يحفظ بلآدنا من كل شر يارب العالمين

 

[سكرهـ]

عسولة....

القطاع الخاص..زادوهم....^^

والحكومي...اليوم زادوهم بنسبة 50% .....

الله يحفظ بلآدنا من كل شر يارب العالمين

أنا سمعت أنه الزياده كلها أشاعات لأنا مانزلوا مرسوم الزياده ف التلفزون والاخبار ......

 

[Queen Love]

الحمدلله والشكر

صراحه الي بيخرب لبلاد ماقول غير العقل زينه ..

 

[الحروف أغلاها عين]

سنــــــــــوره عرفت وااااااااااااااااااااااااااااااااااااااااو ...!!!:364370309157ae42e12

 

[maximauae]

غدا مسيره مليونية للتنديد بما حصل من تخريب وتكسير وإعتداءات وتجديد الولاء لمولاي صاحب الجلالة السلطان قابوس بن سعيد يحفظه الله

اللهم أحفظ عمان وأهلها

 

[Ąℓŋ3αỉмỉ]

الله يستر
ان شاء الله تكوون سلميه

 

[حميد راشد]

لا حول ولا قوة الا بالله