تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: <blockquote data-quote="كحيلان البريمي" data-source="post: 79416" data-attributes="member: 338">شكله المنهالي محفظ الكلام اللي يقوله ،،،أولاً القرار شكله غير مدروس وبعناية ،، يعني الجاليات الأخرى الغير خليجية تدفع رسوم كل يوم في دخولها وخروجها وهذا عبأ أقتصادي عليها وطبعاً زيادة خزينة وزارة الداخلية ، كان الافضل يسون لهم بطاقة سنوية للدخول والخروج وبسعر رمزي ، والرسوم طبعاً مفروضه ولكن هذه الجالية كانت تستخدم منفذ هيلي سابقاً ولا تدفع بس ألحين بيكون الدفع تنفير لهم وسبب قوي للخروج نهائيا من البريمي.ثانياً تعليل هذا القرار بكثرة المتسللين وعدم ذكر رقم معين لهم هو فضيحة في حد ذاتها ، فلأسف هم ما قدروا يسيطرون على هذه الظاهرة والدليل اللي يمر على منفذ المضيف ألحين وفي فترة سابقة بيشوف أن الجماعة قاعدين يسولفون ، يعين اللي يبه يهرب واللي يبه يتسلل ترى الباب مفتوح له ، وكل هذا يطيح على راس أهل البريمي والسبب تكاسل موظفي الحدود والتفتيش من قبل الإمارات.ثالثاً المنهالي تحدث عن حل المشكلة العمرانية بسبب هذاالقرار ، بس شكله الريال ما مطلع على أحوال الناس سواء المواطنين أو الجاليات الثانية ، يا أخي قبل ما تحل مشكلة الجاليات الأخرى ، دورو حل لمشكلة سكن المواطنين اللي بعضهم ما لاقين بيوت يسكنوها بسبب قراراتكم الغريبه ، فكيف بوضع الجاليات الأخرى اللي دخلها محدود ، وموضوع إيجاد حل للمشكلة العمرانية من طرفهم صار له سنوات ولا شفنا شيء.رابعاً حول سؤال المنهالي عن ظهور مشكلة أحياء العزابية بعد هذا القرار ستشكل خطر على مدينة العين تلعثم الريال ولا جاوب لأنهم ما قادرين يسيطرون على هذه الظاهرة ، اللي راح تشكل هاجس أمني ألهم ، وطبعاً المتضرر هم أبناء الإمارات ، ومن المتوقع تفشي الجرائم والإعتداءات الجسدية على البعض.الغريب أن المنهالي ما وضح أن القرار بإتفاق بين الدولتين ، بس يمكن ما عنده صلاحية يتكلم فهذي النقطة ، أو أن رصيد حسابه من الكلام أنتهى ولازم يجدد الإشتراك.القصد من هذا القرار كما هو واضح للجميع هو قرار إقتصادي بحت ، فالجميع يعلم أن الكثير من  الجاليات تسكن في البريمي وتعمل في العين ودبي وأبوظبي وذلك بسبب إنخفاض الأجارات السكنية مقارنة بغيرها ، فأسلوب الضغط هذا سيجبر الكثير منهم على الرحيل من البريمي ، ونتمنى ألا تقوم إمارة دبي ببناء نقطة حدودية بينها وبين البريمي عن طريق شارع الروضة وحتا ،  ولو فعلت فسيصاب السوق العقاري بالبريمي بالركود.المخالفين كما ذكر أحد الأخوان يدخلون من الإمارات الثانية وهذا الكلام صحيح ، فدخولهم للبريمي سهل وااايد ، بس وقت ما ودهم يدخلون العين يمسكونهم واطيح المشكلة على البريمي.بس نحن لازم ما نتاثر بهذه المشكلة بشكل كبير ، لازم أهل البلاد يشوفون حل للمشكلات المترتبة على هذا القرار ، فالبنسبة للمساكن اللي راح تفضة فلا خوف عليها لأنه البريمي تشهد هجرة داخلية من داخل عمان للبريمي وطبعاً لأن وضع البريمي غير شوي .بالنسبة لإقتصاد البريمي هذا دور الحكومة ، يعني لازم توفر ألنا جميع المستلزمات الي تحتاجها البريمي من مواد غذائية وصناعية وبنائية من الأسواق العمانية الأخرى ، صحيح ما راح تكون متوفرة كلها ولا بنفس الجودة  ، ولكن لازم يسدون النقص.المشكلة اللي بنواجها هي إجتماعية ، فكيف أهالينا فالعين ونحن فالبريمي وما نقدر نروح نشوفهم ونزورهم ألا بعد ما نعبر الحدود وبعد نبرز بطاقتنا ، والخوف من هذا كله الزحمة اللي راح تصير ، يعني مشوارنا اللي فنص ساعة بيكون فساعتين والله المستعان.ولي عودة ...</blockquote>

الإسم

التحقق