انا من الكويت وبحاجه لمساعدتكم ....... ارجوووووووووكم لاتهملون طلبي

[q8kk]

السلام عليكم ورحمة الله وبركاته

بسم الله الرحمن الرحيم

أنا دخلت هالمنتدى واشتركت فيه لانى بحاجه ماسه لمساعدتكم لى
مشكلتى انى ابى اكمل دراسه بسلطنه عمان بمحافظه البريمى لان فيه ناس نعرفهم سجلوا
بالمنطقه وماشاء الله دراستهم اسهل من الكويت وعشان جذى ابى اكمل هناك
اهلى سألوا هالناس اللى يدرسون عندكم انه هل يوجد حريم من الكويت يكملون هناك
وقالوا لا كل اللى مسجلين هناك رجال كويتين فقط والحريم ممنوع atch_no:
وانا تعبت نفسيا وتحطمت

معقوله مافيى تسجيل للحريم ولا يكذبون علينا ؟؟
طيب ليش الرجال الكويتين سامحين لهم بالدراسه والحريم لا ؟

الله يخليكم ابى شرح كامل منكم وابيكم تفيدونى
لانه انتو فقط اللى تقدرون تساعدونى بهالنقطه
والناس اللى نعرفهم كل ما سالناهم ما يردون علينا او يقولون ما فى تسجيل لج وبس


اذا فيه تسجيل اتمنى تعطونى اسامى مدارس الحريم للثانويه العامه بمنطقه البريمى وكل
شى يخص هالمدارس

للعلم انا حاصله على شهاده اول ثانوى من الكويت

تكفووووووووووووون لاتخلونى ​

 

[أ“أ‡أ،أ£ أ‡أ،أˆأ‡أڈأ­]

مرحبا فيج اختي ...
يسعدنا تواجد في منتديات البريمي
ويا مرحبا ومسهلا فييج


بخصوص المســاعده إن شاء الله الأخوان ما راح يقصرون وبيردونج بالردود الوافيه والكامله


وبخصوص الدارسه اعتقد انه عادي أي بنت من دول الخليج تدرس ...شرات الأولاد يعني ..
بس بخصوص المنزلي انا ما عندي فكره عن البنــات
أمــا الأولاد اشوف اولاد من الكويت قدمو إمتحانات السنه يلي طافت وهذي السنه..


وإن شاء الله نشوف لج ارقام المدارس وكل الإجرائات يلي تحتاجينها ....

 

[منوة الروح]

حيااج الله اختي

اممم والله ماادري
بس اكيد في تسجيل حق البنات لانها هذي كليه خاصه ويصير اي حد يسجل فيهااا


بس انا مافهمت يعني انتي ماعندج شهاده ثنويه عاامة وتبين تاذخين الشهاده من البريمي ؟؟

اذا على هالاساس ان شاء الله بشووف برد عليج


ولا تشيلين هم ولا تضايحين
الله بيسر امورج ان شاء الله

وبالتوفيج


اختج
منوة الروح

 

[بنت شيوخ]

اهلا وسهلا فيج اختي

اعتقد عادي ما يخصه بنت ولا ولد كله واحد

بس انت حددي شو تبين تدرسين مسائي (تعليم كبار) ولا عادي

وبنسالج ان شاء الله

 

[q8kk]

عثارى & منوة الروح & حور البريمي

وصلتنى رسائلكم على الخاص لكن لا استطيع ارسال رسائل الان لان الخاصيه مغلقه عندى

الله يجزاااااااكم كل خير ياااااااااارب تتحقق كل امانيكم ويسعدكم
مثل ما بشرتونى وسعدتونى ماتدرون شكثر
انا مستانسه الحين لانه فيه امل انى اكمل الدراسه بعمان
وماراح انساكم بالدعاء الله يجزززززززاكم كل خير
على تفاعلكم الاكثر من طيب معاى

يعنى اللى فهمته الكلام اللى وصلنى منهم موصحيح وفيه تسجيل للحريم

بالنسبه لى انا اخذت شهادة اولى ثانوى من الكويت
يعنى فقط حاصله على اولى ثانوى للعلم شهادتى قديمه
و ابى اكمل باقى مراحل الثانوى بالبريمي
وانا مو صغيره عمرى الحين 30 سنه
بس ماعتقد فيه مشكله بهالموضوع لان اللى اعرفهم نفس عمرى
وكملوا ماشاء الله دراستهم عندكم وماشيه حالتهم وكل شى اوكى
والشى اللى متأكده منه انهم مستواهم جدااااااا جدااااااااااااا ضعيف بالكويت
لكن بعمان نجحوا وبعضهم اخذ دور ثانى على ماده فقط
وهذا اللى شجعنى
وفيه شى بقوله انهم يروحون لعمان فقط مرتين بالسنه
يمتحنون ويرجعون فقط والحين فيه منهم عندكم يمتحنون
الله يخليكم ابحثوا لى بالهموضوع واى سؤال عندكم انا مستعده اجاوب عليه ​

 

[منوة الروح]

فالج طيب اختي


مب مشكله العمر عاادي .. والدارسه ان شاء الله بتكون سهله




واذا بغيتي شي نحن موجودين ..
انتي هني فبيتج الثاني بين اهلج


وبالتوفيق ان شاء الله

 

[q8kk]

الله يوفقج ويسعدج ياااااااااارب
والله ونعم فيكم وبقلوبكم الطيبه ما قصرتووا
انا بنتظار تردون لى خبر عن الموضوع واسماء المدارس كل شي عنهم بالتفصيل

 

[بنت دار السلاطين]

السلام عليكم ورحمة الله وبركاته

q8kk

انا ابوي يشتغل في وزارة التربية والتعليم بسأله وبرد عليج ان شاء الله اختي

اما على طاري انج كويتيه وبتدرسين هنا عادي جداً لأن في وحده سعوديه فـ مدرسة اختي لا تشلين هم يالغاليه

" لي عوده بعد سوال الوالد ^^. "

ربي يحفظج ، وفداعة الرحمن

خويتج: بنت دار السلاطين​

 

[q8kk]

السلام عليكم ورحمة الله وبركاته

q8kk

انا ابوي يشتغل في وزارة التربية والتعليم بسأله وبرد عليج ان شاء الله اختي

اما على طاري انج كويتيه وبتدرسين هنا عادي جداً لأن في وحده سعوديه فـ مدرسة اختي لا تشلين هم يالغاليه

" لي عوده بعد سوال الوالد ^^. "

ربي يحفظج ، وفداعة الرحمن

خويتج: بنت دار السلاطين​

مشكوووووووووووره يا بنت السلاطين الله يسعدج مثل ما اسعدتينى
الحمد لله انه الوالد بالوزاره ,,, انا اللى اعرفهم يدرسون بالبريمي
انا بنتظارج

ماراح انسى وقفتكم الطيبه معاى كلكم atch_lov:​

 

[الطموحه]

حياج الله اختي q8kk

يسعدنا انضمامج معنا

هلا و غلا فيج


بالنسبه لاستفسارج
انا اعتذر منج لان ما لي ادني علم بهذا الموضوع لاني مش من البريمي و ما اعرف بخصوص الموضوع هذا
بس لو كنتي حابه تعرفين عن الجامعه اللي درسة فيها و هي جامعة الامارات فمن الممكن تسجلين فيها لان مسموح للبعثات فيها و في بنات ما شاء الله وايدات اعرفهم من السعوديه و من الكويت و عمان يدرسون فيها

هذا كل ما اقدر اساعدج فيه بخصوص هالموضوع
اعتذر منج و ان شاء الله الاخوان و الاخوات مارح يقصرون معاج ان شاء الله

دمتي بحفظ الله و رعايته​

 

[q8kk]

هلا فيج اختى الطموحه ما قصرتى وكل المتواجدين بالموقع ما قصروا معاى
بارك الله فيج والله يجزااكم كل خير ياارب .​

​

 

[عالية متعالية]

افاا عليج يا اختي المحافظه ترحب بج
انا اذكر عادي البنات ان شاء الله تحصلي وتي تكملي فالبريمي



تقبلو مروري

 

[مدوخه الحكومه]

هلابج اختي في بيتج الثاني شرات ما قالولج الاخوان واخواتت هني يصيرتدرسين لان في وحدة كويتية بعد اخذت شهادة الثنوية العامة من هني

يعني انتي تبين الحين تدرسين صف ثاني ثنوي في مدرسة وحدة في البريمي فيها صف ثاني ثنوي وثالث ثنوي واسمها مدرسة آمنة بنت المام جابر بن زيد بصراحة ما عندي رقمهم بس بدور عليه واذا لقيته بعطيج اياه وبتوفيق انشا الله وإذا بغيتي أي شي مثل أوراق امتحانات تشوفين كيف طريقة وضع الامتحان ترانا حاضري والله يوفقج انشاالله ويسعدج

تقبلي مروري خويتج لمسة هبايب

 

[q8kk]

لمسه هبايب ياريييييييييت تفيدينى برقم المدرسه ضرورى
انا بانتظاارج .....وراح ادعيلج​

​

 

[بنوتة dxb]

اهلا فيج ف البريمي

 

[منوة الروح]

هلا اختي

اسمحيلي قطعتج الفترة الللى طافت

بسبب امتحاناتي
وعدم تواجدي فالبلاد



ان شاء الله بتواصل معاج
بطرشلج رقمهم


واذا بغيتي شي رقمي عندج
ومابقصر وياج ان شاء الله



اسمحيلي والله مستحيه منج
انا فـ خدمتج اختي

 

[منوة الروح]

باك


هذا دليل مدارس البريمي


وبتلقين مدرسة امنه بنت الامام جابر بن زيد

http://www.alaql1.jeeran.com/school.htm

 

[الحلوة دوووم]

هذا رقم المدرسة اتصلي يمكن يفيدونج ان شاء الله 25650529

 

[q8kk]

يااابعد عمرى انتوا ما قصرتوا والله انكم ونعم الخوات
منوة الروح وصلني يالغلا المسج واتصلت على المدرسه

 

[منوة الروح]

هلا فيج
تستاهلين كل الخير ^^


بشريني شو قالو لج ؟؟



متى بتنورين البريمي ان شاءالله ^_^


مبارك عليج الشهر .....