شوربة الفطر والدجاج ... تطبيقي

[الشامسية]

السلام عليكم ورحمة الله وبركاته
اشحالكم عساكم طيبين
سويت شوربة حلوة
يا ليت تجربونها عاد الحين برد ولازم تدفون شوي :biggrinsanta:​

المقادير الاولى :
صدر دجاجة - فطر مقطع - بصل مقطع صغير - ثوم مهروس

المقادير الثانية :
علبه مكعب ماجي ( حبتين ) - 4 م ك حليب بودرة - 3 م ك طحين رقم (1) - ماء ملئ الخلاط ​

الكل يخلط بالخلاط الكهربائي ويترك جانبا

الطريقة :
نفوح صدر الدجاجة في ماء لحد ما ينضج ونترك الماء جانيا لانه بنسوي فيه الشوربة
نفتت الدجاج ويزال العظم منه

نحضر قدر ونضع فيه زيت ونحمر البصل ثم الثوم

ثم نضع عليه الفطر والدجاج ونحمره ايضا مع بعض

ثم نصب عليه ماء الدجاج ونغطي عليه ونتركه لحد ما يفور الماء ونضع عليه القليل من الفلفل الاسود وقليل من البزاز ( بس ذرة حتى يعطي نكهة احلى )

ثم نصب الي في الخلاط مع الخلط بالخلاط اليدوي مع التحريك المستمر بتلاحظون الخليط تكثف شوي نسكر الغاز ويقدم يمكن تضيفون بقدونس عليه أنا ما كان عندي لو كان موجود كان حطيت لانه بيعطي نكهة احلى

هذا الشكل النهائي بعد ما تكاثفت شوي

وبصحة وعافية عليكم ​

 

[رستاقية]

انا بعد اسوي مثل هذا الطريقة بس بدال الطحين اضع نشاء وبعد فلفل روميواريجانو ما اضع مشروم ان شاء الله اجربها بهذا الطريقة

 

[شآمسية البريمي]

ناااااايصصصصصصصص

:19:

يسلم الديات شامسيه ..


رستأآآآآقيه ..صوريلنأآ طريقتج خيتووووووووو:icon_smile_eyebrows

نبا نشوف..

ربي يحفظكم

 

[احساس طفله]

يمي

تسلمين الشامسيه على الوصفه الحلوه

ان شاء الله بنجربها ^^

ما قصرتي

 

[Queen Love]

شكلها فنتك ..

يسلموو ع الطرح الطيب

 

[واسع الصدر]

تسلم ايدج اختي على هالمجهود الطيب

الله يعطيج كل عافيه

 

[اثير]

تسلم ايدج اختي

شكله نااايسوووو


بصراحه


حلوووو


انا اسوى بطريقه ثاانيه من لانكوور بس بجرب مالتج
:clap:

 

[شواخ]

يمي يمي

شكلها لذيد

,, تسملين خيتو

 

[بنت هلي]

وايد حلو تسلمين​

 

[free.me.a]

الشامسيه خلينا عيال قبيله وحده وعزميني عاد

 

[الشامسية]

تسلمون على المرور والرد الحلو
موفقين ان شاء الله ​

 

[بنت هلي]

ماشاءالله عليج يالشامسية، تسلم أيدج والله.​

 

[ملاك بس هلاك]

يم يم يم
بتهور وبدش المطبخ

 

[[ود]]