الكل عارف انه التبرج حرام...(نقاش)

[V.I.P]

السلام عليكم جميعا ..
عندي موضوع و حبيت اخذ رايكم فيه ..
طبعا الكل عارف انه التبرج حرام ومع ذلك الكثير من الناس يتجاهلو هالنقطة بسبب الانفتاااااااااح ع قولتهم..
الشباب هالايام ماشاء الله شعراء و غالبا ما يتغنو ويتغزلو بجسم البنت و شعرها و ميكبها...الخ
والبنات (بعضهن طبعا) يصدقن عمارهن ويسون فل ميكاب ويروحن السوق ويطلعن اي مكان عادي عندهن بس اللي محيرني فالموضوع انه ليش الشباب يكتبو هالنوع من القصايد مع انهم ما تعجبهم هالسوالف و بالتالي يزيدو من حماس بعض البنات اللي كانت تسوي مكياج،، اتزيد.... و اللي ما كانت تسوي اساسا للاسف،، سوت..
شو رايكم بهالنوع من الشباب ؟؟؟

 

[•¦[محمد السعدي]¦•]

ترى هالايام الكل يبي يستوي شاعد ويعد القصيد .. لا اكثر وحصلو اقبال من مجموعه من الفئات بهالنوع من القصايد فشو يسوون غير كتابة هالكلمات ..

 

[ذابحني غروري]

الشباب ما ينلاموا دام البنات كذا سوالفهن ماصخه

 

[خسر من تحدآإني]

اممممم

والله يآ خيتو الغلط من الاثنين..~

وهب الكل من البنآت يسوون جي...

والاسباب اللي أدت لجي بسبب ضعف الايمان والوازع الديني عند الكل..~

والنتآيج إنه كل البنآآت انقلبن وصآرن يشوفون رده فعل الريآل..والريآل منو طبعه جي هييع

تسلمين ع الطررح..~

خوييتج\المقبآآلييييهـ..~
​

 

[رحآيل]

أولاً المكياج مب حرام يا بنات ..
بس في قوله تعالى : " ولا تبرجن تبرج الجاهلية الأولى "
الله سبحانه وتعالى أرشدنا ما نصبغ ويهنا ونطلع نتمشى
فالحدايق والأسواق .. هذا هو الحرام ..
وللأسف أن بعض البنات مصدقات عمارهن ويقومن ويتصبغن
ويطلعن وياخذن عيون الشباب ..
طبعاً هنا الشباب ما ينلاموا ..
لكن والله واحد يكتب قصيدة غزل ويترسها وصف الجسم وما أعرف شو
هذا بعد ما يصير .. وأصلاً في أولاد لو كانت البنت متغطية من فوق
لي تحت بعدهم يتحرشون فيهم ..

الله يهدينا أجمعين ..

 

[دانة غزر]

الغلط من الاثنين

المفروض البنت ما تتعدل يوم تظهر لان هالزمن بكبره فتنه

والانسان مب دايما بعيش بييه يوم وبيكون تحت التراب

بس شو نقوول الله يهدى الجمميع يارب

ويثبتهم على الطاعه والايمان

 

[غيثة السحايب]

اصلا الشباب مايصدقون يشوفون وحده لابسه عباه الا ركضه وراها ماادري ليش ؟؟؟؟؟؟؟؟؟؟؟؟؟

ولا مسوين عمرهم شعراء ويتغزلون بالبنت وعاد هن مايصدقن ع الله

والله حاله​

 

[همس الشجون]

والله البنات وحدهن يسون سبه حج عمارهن ويجيبن الكلام
كوني محتشمه في لبسك وشكلك وما بيصيرلك شيء بس جربي

 

[دمعة حزن*]

الستر واااجب

الله أمر بذلك،،،

فكونووو ا واعييين بذللك

الله يحفظنا من كل شر


رب لا هانج خيتووووووو