برياني دياي بالطريقه الهنديه رووووعه اشوي عليها

[remnas]

نبتدي:

المقادير:


5 إلي 6 بصل صغير مقطع إلى شرائح جدا رفيعه (انا استخدم مفرمة )


اشوي حشيش( كزبرة) تقريبا ملئ يدك


اشوي نعناع بعد نفس الشي ملئ يدك


(( نفرم الحشيش والنعناع مع بعض))


2 روب (زبادي)


دجاجة مقطعه ومنزوعه الجلد


2ملعقتين كبيرتين معجون الثوم والزنجبيل


ملعقه ملح


ملعقة فلفل احمر


ملعقه كركم


ملعقه كبيرة غرام مسالا​

في البدايه نقطع البصل شرائح رفيعه جدا ونقليها في الزيت يفضل يكون الزيت وايد يعني​

وجذي بيكون شكله البصل​

​

عقب مانشيل البصل ونشيل الزيت نحط اشوي من البصل في الجدر ونحط الدياي ونحمس اشوي


وبعدين نحط ملعقتين كبيرتين من معجون الثوم والزنجبيل ( احنا بما إنه اكلاتنا كلها هنديه فنسوي كمية كبيرة من المعجون مثل هالصورة)

​

عقب مانحط المعجون نبدا نحمس اشوي

​

عقب نحط البهارات (الملح والفلفل الاحمر وكركم ) ونحمس

بعدين نحط مفروم الحشيش والنعناع ونخلط ونحط الروب (الزبادي) بعض الاحيان احط ا ونص زبادي موب اثنين

​

بعدين نحط الماسالا ملعقه ونص كبيرة من الماسالا( احنا نسويه في البيت جاهز بس إذا ماعندج اشتريه بيعونه في السوبرماركت)​

وجذي بيصير شكله

​

ونخليه يطبخ اشوي وعقب نحط ال بصل إلي حمسناه في البدايه ( انتي لين تحمسينه بتجوفين انه صار يابس وهذا المطلوب ناخذ البصل موب كله لا ثلاث اربعاعه بس ونفتته باصابعنا ونحطه على الخليط ونحمسه بتجوفون إنه بدا يصير كثيف وهذا المطلوب عقب نحطه على نار هادئة لين ينشف اشوي)​

وخلال هالفترة نسوي العيش ( الارز)​

طبعا نسوي عيش نص مستوي كالعاده بس الماي يكون فيه كمون حبوب واشوي حشيش ونعناع وقطعه قرفه (دارسين)

​

عقب مايستوي العيش (الارز) وتجوفون إن الدياي والخلطه استوت وصارت كثيفه ​

نحط في الجدر شوي عيش في قاعته ونحط فوقه الدياي بدون الحمسه

​

ونحط فوقه بعد العيش وفوقه الحمسه

​

وبعدين نحط باقي العيش وفوقه ننثر الباقي من البصل​

ونحطه على النار لين يستوي​

وبالهناء والعافيه

م
​

 

[الشامسية]

شو هذا الزين
يوعتني معني متعشية
يبالي اجربها
مشكور اخوي على الوصفه الحلوة
نتريا جديدك
بالتوفيق لك ​

 

[Queen Love]

يسلموو ع الطبق الرااااااائع :4f7c50bc2e7eee3c450

 

[دانة غزر]

واااااااااااااااااااو شكله روووعه

الف شكر لك اخووي على هالمشاركه

الله يعطيك العافيه

تسلم

 

[احساس طفله]

:34:

يسلموووو

^^

 

[رووح البريمي]

انشالله بجربها قريب احس طعمها فناااااااااااان

 

[أبيض وأسود$]

امممممممممم نااااايس
أنا أحب الأكلات الهنديه واااااايدات وااااايدات ...


بسويها باجر وبزييييييدها حشيييييييييش وفلفل حااااااار! يمي يمييييي:excited:

 

[شيخه البدو]

فيري نايص


اريد اجربها لكن


شو هذا الماسالا....< ما عرفيته..:74: