ليش بعض البنات ما يحبون يتزوجون مطوع؟؟؟

[مزيونة قطر]

السلام عليكم ورحمة الله وبركاته





بدون مقدمات يرفض أغلب البنات الزواج من الشباب المتدينين .





وللرفض اسباب منها :





1. أن الشاب المتدين متشدد اكثر من اللازم . وغيرها من الاسباب




ليش أغلب الفتيات في وقتنا الحاضر ماتحب ترتبط بمطوع ....؟



اجتهاد شخصي : كنت بجمعه من البنات في احد المناسبات ومادري طرى على السؤالا للبنات الغير متزوجات ووجهت لهن السؤال ؟؟؟

بصرااااحه اغلبهن والاصح كلهن اجابن بالرفض سالت السبب الكل يناظر ببعض وبنظرة تعجب ....​

 

[شيخة الكل]

‏ هههههه ‏

أنا بخبرك لييييش طبعآااا هااااي م وجهة نظري أناا..

لانه لحيييين كل ما سمعت فلاااان متزوووج ع حرمته يطلع ف النهايه مطوع..

ولحيييين ف هالوقت واااايد هالسووووالف صايره وكله يطلع م ورا

المطاوعه ودايم هم معاارضين كل شي...

وشكرآاا ع الطرح

 

[سفيرة جامعة البريمي]

من قال هاي الكلام انا لو ياني مطول ورمنسي وطيب وحبوب والريال م فيه عيب وشغله محترمه وسمعه زينه اكيد بوافق وبعدين شو الفرق بين مطوع والريال العادي يعني لمطوع يصلي هم م يصلون مثلا اكيد لا وهو يستغفر ربه وهم يستغفرون هم اكيد لا طبعا واذا قال الريال سوي جي وهذا لا تسوينه اكيد يريد مصلحتج والخير لك ف الدنياوالاخره.......

 

[بلوشية و النعم]

شخصيا اعتقد ان المطوع يكون مشدد اكثر من اللازم و البنت
دايما تبا تكون على راحتهال و تبى تسوي اللي ف خاطرها و محد
يقولها شي و تريد واحد ع الستايل و يكون كشخة و رومنسي
هذا حلم البنات طبعا و البنت تكون ف بيت ابوها
وااااايد مدلعة ف بعد كل هالدلع ما تستحمل حد يعاملها بشدة
و الريال المطوع ما يحب ان حرمته تروح السوق حتى
و ما يخليها تلبس جينز و قميص مثل ما كانت متعودة قبل
و ثانكس على طرح الموضوةع الحلو و الرائع​

 

[جامعية]

مرحبا

تسلمين اختي ع الطرح ..

هو ف الاول والاخير يعتمد ع البنت و الشاب " المطوع"...

الطواعة ماهي يتقصير ثوب ولحية ... وايد شباب متدينين وملتزمين لكنه ف المظهر حالهم حال باقي الشباب ...

المشكلة اللي صايرة ان بعض المطاوع الله يصلحهم ماخذين الدين شدةى وكله حرام وممنوع :facepalm:.. وها طبع ابدا مايمت للدين بالصلة ...

ديننا يسر .. ديننا سماحة . .. خلق ... محبة الخير للناس ... :00100:

صدقيني الشاب المطوع اللي فاهم الدين صح ويطبقه صح والله ثم والله كل البنات يتمننه ... تعرفين ليش !!

لان اكثر واحد يحترم المرأة واكثر واحد يقدرها ويعطيها حقوقها ... اذا حبها اكرمها واذا ما حبها مايظلمها ... :315921608f80a798bcc

وحدة من ربيعاتي تقدم لها شاب ملتزم له وظيفة ومنصب ف الولاية وله سمعته بين الناس ... طاااااااااااااااااارت فرح :aa_france2: لانه مطوع والله حتى خواتها المعرسات كانن يقولن لها " حظج ياج مطوع"...

ف النهاية هاي حياة وكلن يقضيها بهواه ...


وسلامتكن

 

[مزيونة قطر]

ما عليكم زووود يا ربي ..واشكركـ وجهة نظركم ..واراكم الحلوه ..
نترياا الزوود من البنيات والشباب ..​

 

[راعية بو شنب]

ردود وتعليقات جميلة ...

الصراحه ما شي فرق , المهم ريال قدها وقدود , واهم شي يكون مصلي وعارف ربه , ومب كل مطوع يعني خلاص امشي ع الدرب المستقيم وكله حرام وعيب ومنقود , في رياييل متدينين ونفس الوقت متعصبين ما يحبون حريمهم تكشخ ولا تسوي هذا وهذاك ,,


وكلن بنصيبه والسموحه ع التقصير !!

 

[*اميرة بينهم وقمرهم كلهم*]

بصراحه عن نفسي عادي عندي مطوع ولا غير مطوع يعني زين لو يكون مطوع بس ما متشدد وايد
لأن عن نفسي احب اتكشخ لما اطلع طلعات (اطلع بصياعه لاه :biglaugh:شوي مب وايد)بس طبعا يكون معي اخواني بس لو خذيت مطوع هو بيخليني البس برقع ومدري شو قد يكون هذا لمصلحتي انا بس هم بعد انا ماحب اتقيد بنظام معين طبعي جي وبالمختصر المفيد عاااااااااااادي لو تقدملي مطوع ..

 

[قطوة البريمي]

مثل ما قالت بلوشية والنعم ..

عن نفسي مابا مطوع يحرمني من وايد اشيااء .. لاني اعرفهم وايد مشددين ..

نبا الراحه .. ما نبا نضيج بعمارنا ..

:333:

 

[ندى الصباح]

منو قالكم كل مطوع متشدد

انا اخوي مطوع ومتزوج والحمد لله

لا متشدد ع عياله ولا شي بالعكس

اخوي الثاني متشدد

يمكن فكرهم انه المطوع لا بيخليها تلبس اللي تريده

من موضه العبايا والشيل والشنط وعاد البنات كله ولا استايلهن

ولا ما بيخليها تعيش كحياتها الطبيعيه يعني ما فيها طلعات للمولات يعني تحس انه فيه فرق كبير

بين حياتها الاعتياديه والحياة الجديده وهيك شغلاتها

 

[غلا السعيدي]

:0962b59e9642d670ff5مستحيل اخذ مطوع ...........متشدد
شكله غلط
ياخي التدين شيء مطلوب بس مب كيه الكندوره قصيره
اللحيه طويله
والله لوعه ...............

تحياتي
غلا

 

[لمسة حب awaw]

هيه والله صـــــادقات ما يواقفن لان المطاااااوعه واااايد متشددين..
بس احيانا في مطاوعة اوكيه وما يهون احد يرفضهم..
هذي وجهت نظري ..
وتسلمييين ع الموضوع المميز

 

[أم أحمـد]

:9lam:
بصرااحه موضوع والسموحه على الكلمه مب كامل
ما وضحتي جهه الطوااعه
وبعدين يوم تقولو مطوع تعرفوو شوو يعني
ختيه غلا السعيدي اسمحيلي ردج ما عجبني ابداا
ولووعه هالي قدرتي عليه
الله يستر علينا وعلى سائر عرب المسلمين
^^
والريااال ما يعيبه شي
والي يكون من نصيب البنت بتاخذه لو شوو ما صار
وفي شباب واكثر الناسس بعد عن الله بس في تشددهم وغيرتهم عمياان
احتراماتي للجميع
سويره ​

 

[دلع رواضي]

الحمد الله متزوجه مطوع

وما حرمني من شي

عايشه نفس كل الحريم

اطلع والبس واكشخ

ولا يمنعي من اللي اريده

والحمد لله

تعرفينين شو عكس المطوع ؟!

المطوع اللي يطيع ربع

وعكس المطوع عاصي

اللي يعصي ربه

وانتن اختارن زينه الدنيا

ولا الآخره.

 

[مس بنوته]

لانهن مايعرفن حقيقة وفوائد المطوع،،،،،

بس في انواع من المطاوعه في منهم متعصبين وفي منهم متشددين وفي منهم متوسطين ع حسب الشخصيه....

 

[مزيونة قطر]

المشكله انه الكل البنيات مخلين فكره فروسهم وهي انه ((((المطوع متشدد المطوع ما يحب الاستايلات المطوع عنيد والمطووع ............)) بالعكس واايد ريايل ملتزمين بس هالشيء يفرح وربي ..نااس تخاف ربها فاكيد بتخااف على بيتها وحرمته فالاول ..
صدقني المطوع مهما جان بس فضايله اكثر من الشاب العادي ..
وجهة نظر فقط ..والسمووحه

واشكر واحترم كل وجهة نظر انكتبت على صفحتي ..يسلمووووو..​

 

[عيـوز ستآآيل]

ذكرتوني بمسلسل بنات آدم هع

انا اشوف السالفه كلها وع بعضها // قسمه ونصيب ))

لـــــــــــــــــو البنت مابغت >> غصبا عنها بتآخذه إذا ((الله كاتبلها إياه))

عاد مابتقوول ذيج الحزه >> اوووه هذا ضد قناعاتي// هع

 

[بنت البريمي]

عفوا بس بعض الردود ما عيبتني ,,

أصلا المطوع هو الشخص الملتزم بأخلاقه ودينه وتعامله واسلوبه وسوكياته ,,

يعني مب شرط مطوع بس مقصر ثوبه ومطول لحيته ,, كل شيء بحدود يعني ,,

وبعضهم لا طواعة ولا شيء بس متشددين بدرجة فضيعة ,,

وف النهاية الزواج قسمة ونصيب ,,

 

[خفوق القلب]

مثل ما تعرفين خيتوو الحين البنت اكثر صارت تحرر من قبل والمطوع ما عنده واحد اثنين كله ممنوع وحرام وعيب وبيحرمها من اشياء حتى لو كانت عاديه ووبعدين انا اشوف المطاوعه ما ياخذون وحده ياخذون اربع عشان يقضون ع العنوسه هع هع والوحده تدور الراحه النفسيه ف هالزمن ^^
ويعطيج العافيه ع الطرح الطيب

 

[ذابحني غروري]

من وجهة نظري وبدون احراج مستحيل ارتبط بمطوع احس المطاوعه مب زينين ويتزوجون ع زوجاتهم ووووووو
أصلا حتى شكلهم ما يشجع وآآآآآآآآآآآآآآآآآآآآآآآسفه هذا رأي وأتمنى تحترموه وبدون تعليق