توحيد العمله ؟؟؟؟!!!!!!!!!!!

[غلا السعيدي]

السلام عليكم والرحمه ............
شعلومكم عساكم بخير وسهاله يا رب

بصراحه حبيت اعرف شو رايكم فتوحيد العمله فدول الخليج ؟؟؟؟؟؟مع او ضد وشو الاسباب ؟؟؟؟؟؟؟؟؟؟



اتريا ردودكم ........تحياتي غلا :364370309157ae42e12

 

[مردك لي]

تسليمن خيتو ع طرحج


بس انا اقول مالي وماال السياااااااااااااااااااااسه

 

[القلب الأبيض]

بصرااحة من وجهة نظري توحيد العملة شي زين ، بيرتاحوا المواطنين ، بدل سالفة فارق العملة وهالربشة .

مثلاً لو كان غرض معروض للبيع ف الإمارات ، بتسير إنته وتقارن بالعملة العمانية , وهكذا ..!!

لأ أحسن توحيد العملة .

شكراً ع الموضوع .

 

[سجين تحرسه امرأه]

فالبداية اشكرك على الطرح الجميل
بصراحه انا مع توحيد العملة ولكن اعتقد ان الحكومة لها منظور ثاني جايز يكون افضل فلنتك لها حرية الاختيار

 

[غلا السعيدي]

تسلموووووووووووووووون على الردود الحلوه


اخوي القلب الابيض صح السياسه لعبه قذرة بس الموضوع حلو وحبيت اطرحه لانه المواطن هو الهدف .......

 

[غلا السعيدي]

الفارس الابيض

خلا السياسه عنج افضل هههههه وتسلم اخوي

 

[عايش يومه]

انا عن نفسي اعتقد انه العملة الخليجية الموحده ما راح تغير من الوضع شيء ، يمكن حتى العكس تقل القيمة الشرائية للعملة الجديدة بالمقارنة بالريال العماني
مثلا علبة البيبسي اشتريها في البريمي من المحلات الكبيرة بـ 100 بيسة ، وفي العين بدرهم يعني لوحسبتها على هالعملة الصغيرة بتحصل الفرق تقريبا 10 فلس ، يعني انا ربحان في شرائي من البريمي 10 فلس على علبة البيبسي
لكن لو توحدت العملة انا كعماني يمكن اخسر القوة الشرائية في الفرقية !!! سامحوني بس احس نفسي ما قادر اوصل الفكرة اتمنى انكم فهمتوني

 

[Jύsт sмιℓε]

وعليكم السلام ورحمة الله وبركاته
الحمدلله بخير دامج بخير
-------->من صوبج---------->:a'9arb:










امممممممممممممم
أحسه أحسن ماشي بيصير فرق العملة

 

[بنوته غير]

عليكم السلام ورحمة الله وبركاته

والله أنا بصراحة مع توحيد العملة في دول الخليج لأن إذا وحدوا العمله بنحس إنا دول خليج صدق

 

[مردك لي]

القلب الابيــــــــــــــــــض والله مبدع ع ردك للمواضيع


طالع ع اخوووك الفارس الاببـــــــــــــــــــــــــض

 

[Bu_3thab]

مع توحيد العملة


مع توحيد كل شي بسنا من الفرقة والتشتت

 

[DarkFireSlash]

يمكن سبب التاخر في توحيد العملة حسب وجهة نظري الخوف من التطرق لتوحيد رواتب المسميات الوظيفية في كل دول الخليج وبالتالي نفس الرواتب في كل مكان في الخليج -_-