الاسعآف في البريمي \ ؟

[»̶»̶̥ м̽ɐ̲łќ 3̨̐τ̅н̲]

سلمن عليهم خووووي شــما​

بدخل فلموضووووع ريوووس ​

امس صاير حادث عند مستشفى البريمي ( التقااطع) ورياال كان ينزف و يصارخ و والحادث طبعا جنب المستشفى ​

و طلبو من الأسعااف انه تي تشله لا كن كــان ردهم ( ممنوع تطلع سيارة الأسعاف خارج المستشفى) :61: ​

شــرايكم بالرد وخــاصه انه الرياال ينزف و جنب المستشفى ​

اذا الأسعــاف ما بتشله من بيشله ؟؟​

واذا شلوه وتوفــى بينسجن الــي شله ​

وبــــث​

(نوو لردود السطحية)​

 

[•¦[محمد السعدي]¦•]

ليش ماتطلع الأسعاف برع المستشفى الحادث كان قوي ،، وبأي اساس قرو ان الأسعاف ممنوع تطلع ..
ليش هي زينه مثلاً ..

 

[n.alhatmyia]

اذا الاسعاف ما تطلع برا المستشفى عيل شو فايدتها !؟!

ليش يسمونها اسعاف!!


الموضوع فيه شيء غلط او مو مفهوم

 

[»̶»̶̥ м̽ɐ̲łќ 3̨̐τ̅н̲]

اذا الاسعاف ما تطلع برا المستشفى عيل شو فايدتها !؟!

ليش يسمونها اسعاف!!


الموضوع فيه شيء غلط او مو مفهوم

اخوي كل الي قلته 100% صح


واذا ما تصدج اسائل اي حد كان موجود امس وقت الحااادث

 

[n.alhatmyia]

اخوي كل الي قلته 100% صح


واذا ما تصدج اسائل اي حد كان موجود امس وقت الحااادث

السموحه منك اخوي انا ما قلت شيء بس انا مو فاهمه سر الاسعاف اللي ما تطلع برا المستشفى لا اكثر


واذا حد فهم ممكن يشرحلي

 

[اثير]

عيل حق شنو


زينه مثلا

 

[شآمسية البريمي]

ههههههههههههههههههههه

سيارة اسعاف ماتطلع برا المستشفى ؟؟:crazy:

عيل منو اييب المرضى ؟؟

يمكن يتمصخرون وياك @@ ولا شي ..!!

نتريا حد يفهمنأآ شسالفه !!

..

 

[بدوي آلبريمي]

ياخي هذيله لين متى بيتمؤن جيه؟ هذا اي قأنؤن ليش ما تتطلع برع المستشفى؟ ما فيها بترؤل مثلا؟؟


ياخي هذيله يبالهم وأحد يقدم رساله يؤصلها لين مسقط الكلام الي نقوله فالمنتديات وبينأ وبين أفراد المجتمع مأ رأح يؤدي ولا رأيح أيب نتيجه ..!

بنزيد قهرنآ بس .. ومثل ما قلت لك اخؤي هذيله يبالهم ؤأحد يقدم فيهم شكوى عشان يغيرؤن هالقانؤن ..!

؟ ما قالك شؤ السبب أنه السياره ما تتطلع برع المستشفى؟؟ هاي يديده الصرأحه من عجآئب الدنياء أعتبرهآ ..!

لا حؤل ولأ قؤه الا بآلله ..!

 

[صمت الجروح]

أعتذر على الجملة ولكن ..

إدارة المستشفى يجب أن تعيد تنظيم الأمور و الأنظمة

 

[غازي]

:17: ترا مثل ما قلت زينه

او مافيها بترول

وتلووومنا يوم نعصب

اركب اي سياره اكرم لك عن مذلة الحكومه

مطافي توصل مكان الحريق مافيها ماي..تتصل بالشرطه مايعبروك...تروح تراجع الوزاراة متلاقي حد يرد عليك او يساعدك


وتبون لاسعاف تجيك مكان الحادث هههههههه

هذا الي مشفته بعيني لحد الحين ....انه اسعاف في موقع الحادث

عيش يومك ولاتشيل هم


ودي

 

[في الصميم]

أنا معاك ف كل كلمة أخوي غازي
كذا مرة شفت حادث جدامي والجميع كان ينتظر الإسعاف
آخر شئ دورية النجدة تبرعوا يشلوا المصاب وبعد باب الدورية كان مفتوح لأن المصاب مسدح ف السيت الخلفي والباب ما يسكر
وحسب ما فهمته بعدين إن إسعاف المستشفيات خاص لنقل المرضى من مستشفى لآخر
وهناك فيه إسعاف خاص بالحوادث لكن مب موجود حاليا ف البريمي
يا كثر ناس ماتت ف حوادث والسبب عدم وجول الإسعاف

الله يصبرنا على هالقوانين بس
ناس تنتظر المشروع يتنفذ بسرعة وناس تشوف جدام عينها أهلها تموت

 

[غزلان البريمي]

الله يصبر الأهالي ع هيييك بلووه


ثانكيوو ع الخبر


انزين كيف الريال احينه حي ولا بعده؟!!​

 

[سنيوريتا]

يستخدمو الاسعاف في نقل المرضي من والى مستشفيات ثانيه لطواري

 

[موزة النعيمي]

أخواني . . قبل طرح اي موضوع او أي مشاركه يرجى مراجعة قوانين القسم . !
من قوانين القسم :

4- السعي الى ايجاد الحلول دائما \ والمناقشه الايجابية في القضايا المطروحه وعدم العبث في الردود والاستهزاء وعدم الجدية , وان وجد سنضطر الى الحذف دون الرجوع الى صاحب المشاركة.




5- اي رد يكون بهذه الصيغه او رد سطحي سوف يتم حذفه : [ شكرا\ يسلمو على الموضوع \ بارك الله فيك \ موضوع نآيس \ . . . الخ ]

والسموحه لان راح نضطر الى حذف اي رد يخالف هذه القوانين
دعونا نرتقي بحاواراتنا . .


احترامي للجميع \ مشرفة القسم
​

 

[rosereem]

يا جاعة الخير يمكن عندهم اسباب تمنع طلوع سيارات الاسعاف

منها:

يمكن ما فيها بترول
والا يمكن مسوين فيها حادث
والا يمكن ما عندهم سائق
والا يمكن وسخه وماحابين يطلعو فيها


يعني خلقو لهم عذر


(تخلف x تخلف)​

 

[قيادة حرس الرئاسة]

والله حااله ..،،
كيف يعني ما تطلع برع المستشفى ..،، لايكوون ديكوور هع هع ..،،
لا حيـــــاه لمن تنادي ..،،
الناس يسعففوون بطيارات ونحن بعدنا..،،
​

 

[شرطي مرور]

الحلو الموضوع هذا تكلمنا فيه بما فيه الكفاية

أنا صار عندي نفس الموقف بس زوجت خالتي ريال كبير

طاح فالحمام وانكسر ضلعة
وانكسر الحوض
وكتفة

وما خلينا حد ما كلمناه عشان ينقلوه بالأسعاف

مدير المستشفى قال هذا قرار وزاري

سيارات الإسعاف ما تطلع إلا لتسفير المرضى

من البريمي إلى مسقط

أو العين بس

فلا تعب عمرك ما وصلنا لنتيجة

بس نتأمل مبنى الأسعاف والإنقاذ الجديد والدفاع المدني يجهز بسرعة ​

 

[حاميها حراميها]

ههههههه تضحكوني بهالمواضيع والله مهمى كتبتو مابيتعدلون لين ماييهم السلطان و ينزلهم من كراسيهم

 

[حول البريمي]

كلامك صحيح اخوى نفس الموقف صار لي من فترة
والعذر الى عندهم ان الاسعاف مخصصة لنقل المرضى فقط وليس المصابين ؟؟؟؟

 

[انا غير]

صح الاسعاف ماتطلع من المستشفى
حتى المطافي
شو الغريب في هذا ؟؟؟؟
(((( انت عايش في سلطنة عمان )))
والله وهذة حلفة مني
استوت حريجة في مخزن واحد من تجار البريمي
مساكين حاولوا مع المطافي بدون فايدة ابدا ملوا ماشي فايدة
اتصلوا بمطافي العين والله والله والله ماكملوا خمس دقايق وهم واصلين وطفوا النار والصحافة خذا اقوال التاجر وهدوا الوضع وخلاص
تتوقعوا شو مطرشين لهم في اخر الوقت(مطافي البريمي )مطرشين تنكر ماي والله الكل يضحك
وبعد في حادثة ثانية
في واحدة الله يعزكم طاح في بالوعة بيتهم
طلبوا النجدة
وصلت الشرطة وطلبوا الاسعاف قالوا لهم تعالوا عبوا الاستمارة علشان انطلع لكم الاسعاف
تتوقعون كيف اسعفوا الريال والله حطوه في دبة سيارة الشرطة ونقلوا للمستشفى وتوفي الريال قبل ما يوصل المستشفى