لا تجاملني

[بدويه واسمي بالفخر مطبوع]

يوم شلتك في عيوني وغطتك الجفون
كيف ترضى تجرح العين مع قلبي سوى
ادري اني لو تركتك عليك امري يهون
لكن اذكر لوجرحك الزمان اني دوى
ومثل مالك عزة تأخذك لأقصى الجنون
اعرف اني بالكرامة رفيع المستوى
ما اتنازل عن شموخي ولو مهما يكون
عزني رب السماوات يومنه نوى
ولا تجاملني بقربك ونظرات العيون
المجامل خله لقلب خالي محتوى
ما يهز جبالي الراسية طرف فتون
لو خفوقي وده يعيش لحظات الهوى
ودامها ما بينت فيك حلوات الظنون
عقبها قربك وبعدك عن القلب استوى
فرق بين اللي يصون العهد واللي يخون
ومن تشفق للسراب اشهد انه ما ارتوى
وانت دام انك تكابر وتهديني طعون
انتقض حبل بصدق الوفا فيك التوى
ولو تهددني برمح المفارق من تكون؟!
كنت نجم في سمايه ولكنه 'هوى'