+][ يًٍَُوًَمًٍُ فًَُِيًًُِ حًًٍُيًَُاُةًًُِ عًٍَُضًًًُوًًٍََ ][+.

[ورده جوريه]

(((( قطوة البريمي))))
وقع الاختيار عليكِ ههههههه

 

[قطوة البريمي]

عوني داشه اشوف الاوضاع

جان اشوف ورده جوريه مختارتني

امممممممم

عاد شو من الايام تيوني احكيكم ايامي كلها عادية

بس ما عليه بدورلكم يوم وبكتبه لكم تومورو ان شاء الله

لي باااااااك

 

[قطوة البريمي]

ييتكم مع قصتي اللي بقولكم عنهاااااا

يوم من ايام قطوتكم المتعب والمليئ بالأتعاب

كان يوم من ايام المدرسه .. نشيت الساعه 6 وسرت المدرسه وكان عندنا امتحان انجليزي
وكل البنات معتمدات عليه.. الامتحان طبعن الحصه الاولى .. ودخلنا الامتحان وتميت احل وعقب ما خلصت الا اشوف
ربيعتي تفرني بالمساحه .. اونه تقولي خلينا نتبادل الاوراق وانا بصراحه اخاف من هالاشياء ..
وتمت اطفربي لين ما رضيت .. ويوم بغيت اعطيها الورقه جان اطير الورقه من ايدي .. وقلبي بق بق ..
.. والابله شكت فالموضوع..
بس مشت الموضوع وتبادلنا الاوراق وحليلتها امتحانها ......... وخلص الامتحان الحمدلله محد مسكنا ...
ومرن الحصص حصه ورى حصه لين ما خلص الدوام .. ورديت البيت تعباانه .. بس لقيت الاهل متيمعين فبيتنا ..والكل لابس عباته متزهب .. قلت يمكن يظهرونا مكان يغيرولنا جو بدال المدرسه ..
.. سالت خواتي اللي مخلصات عاد متزهبات .. قلت لهم وين بنروح
قالتلي .. لا تقولين وين بنرح قولي وين بتروحون
قلتلها جيه انا ما بسير وياكم ...لييييييييش
قالتلي جيه ما عليج مدرسه باجر .. وانتي بعد توج يايه من المدرسه اكيد تعبانه ..
قلت واليهال وين بتودونهم ليكون هنيه وياي .. قالتلي والله انج ذكيه ..
قلت لااااااااااااااااااا بصوت عالي .. جان ادش خالتي ذيج الساعه الحجرة سمعتني وانا اقول لا
قالتلي شفيج .. قلت لها ماشي .. تمت توصيني ع عيالها وان اميته غيض
يت خالتي الثانية ونفس الموال عونه هالله هالله بالعيال .. عاد عيالم هب عيال
شياطين ..والواحد عن عشره .. وعقب قلت امري لله .. برقدهم عسب ما يزعجوني
وما بخليهم يظهرون من الحجرة .. ( سجن ) .. بس كلام كان بدون فعل لوووووول
طبعا بعد ما انطلقن الحريم صوب دبي .. تميت انا بروحي ويا اليهال والبلوة العوده
انه بشكارتنا ذاك اليوم مريضه واايد .. وما نشت من الرقاد .. عاد انا الحرمه
ما انفع فشي ..المهم
انا هب متعوده ع اليهال .. لانه بيتنا ما فيه يهال .. واصلن انا ماحب اليهاااال ابد
وهم ما يحبوني .. يعرفوني عصبيه وما استحملهم .. بس هم ما عليهم مني يسوون
الي ف راسهم .. عااد انا خليتهم ف الحوش عسب يلعبون وتضربهم الشمس.. عسب يدوخون
ويقرون ولا يرقدون ..بس قلتلكم انهم شياطين .. انا سكرت الباب اللي برع وقلتلهم محد يظهر
ويشرد ولا يسير الدكان .. ويشوفون ميمي الصغنن هاي اصغر وحده فيهم عمرها سنه وشي..
المهم
سرت احضر واكتب الواجبات واحفظ حق الامتحان بس اي تحضير وزعيجهم شال الحاره بكبرهاا.. حاولت اني احفظ كم كلمه .. بس
ماشي فايده .. قلت لازم ادخلهم يرقدون ما ينفع جيه .. جان اسيرلهم ودخلتهم الحجرة عقب انتبهت انه وحده
مفقوده .. سالتهم عنها .. قالولي ما ندري .. وذيج الساعه ينيت .. سرت ادور ميمي ف الحوش .. وشفت انه الباب مفتوح
قلت اكيد تحوط ف الحارة .. بس هاي صغيرة ما تروم حتى تمشي وايد .. يعني خطوتين واطيح.. عاد محد غيري ف البيت .. وخليت اليهال ف الحجرة وقفلت عليهم الحجرة حسبي الله عليهم كله منهم .. المهم .. قلت بسير شوي برع اشوفها يمكن بلاقيها.. جان اظهر عدال الباب أشوف يمين يسار .. ولكن للاسف محد .. كنت شوي وبصيح قسم بالله
جان اصرخ بصوت عالي مــــــــــــــيـــــــــــــمي .. تخيلو من وين ظهرت .. جان تظهر من بيت يرانا اللي مجابلنا
وهم ولا دارين انه ميمي ف بيتهم تتمشى حليلها تتحسبه حديقة
وعاد انه عصبت .. قلت ما اقدر اكمل وياهم .. جان ادقلهم واقولهم تعالو شلو عيالكم انا مالي خلص ولا بفجلهم الباب وبقولهم سيرو دورو اهلكم انا هب والدتنهم وناستنهم .. عاد هم خافو ع عيالهم عن اسويبهم شي هههههه
جان يطرشون ابهاتهم . .. كل واحد شل عياله .. وانا استانست ذيج الساعه يوم سارو عني .. بس بعدين تميت ادور فوني وينه وينه ما ادري .. قلت اكيد واحد منهم شله عاد ذيج الساعه دعيت عليهم دعوة حلوة من الخاطر..
بس قلت اكيد بييبونه عقب اهلهم يوم بيلاقونه ما حاتيت وايد .. وعقب سرت اكمل دراسه وابرشم ههههههه
لين ما رقدت ..عقب يو الاهل فليل متاخر .. وانا عاد باختنها .. وبسسسسسسس
هذا يومي المهلك .. والله لا يبليه حد بيهاال شرات يهال عايلتناا ....

وتوته توته خلصت الحتوته

 

[ورده جوريه]

يومج وايد متعب
انا بعد ما احب اليهال يوم يحطوهم عندي اموت من القهر

 

[قطوة البريمي]

اليوم بمخمخ بمنو احطه عقبي

وبرد الجواب لكم باااجر

 

[قطوة البريمي]

يومج وايد متعب
انا بعد ما احب اليهال يوم يحطوهم عندي اموت من القهر

شرات الشعور واللهatch_joi:

 

[سجين القلم]

يوم رائع


نترقب اختيارج للعضو التالى ​

 

[احساس قلبي]

ههههههههههه يومج وايد حلو
والله حتى انا ما اطيقهم هاليهالوا شياطين يوم يحطونهم عندي ودي اجتلهم هههههههههه
احينه انا راسي مفتر منهم عــــــاد بنات شقايل لو اولاد بين اينوني

ننتظر اللي عقبج قطوتنا

 

[قطوة البريمي]

باك

اممممممم بعد تفكير طويل

قلت بختار شاب من شبابنا الي ف المنتدى


شو رايكم بالكعبي 2010


هاااااااااا الكعبي بتقولنا اي يوم من ايامك


ولا بتشرد

 

[(الكعبي)]

الصبر عليج يالقطوووة
عاااااااد ماحصلتي غيري بس مامشكلة

أذكر صار لي موقف وأنا صغير ف الصف الاول الابتدائي
كنا ندرس مختلط المهم طلبة من الابلة أني أروح أشرب
مااااااي وتدروون لما كنا صغار كلة ركض .. المهم أنا وأركض
دعمة ف بنت مسكينة الحمدلله أنا ما جاني شئ بس هي
طلع دم من خشمها وصاحت وأنا شرت بس للاسف بالباجر
جابة أبوهاا ...وطلبني المدير ... وتم عقد الصلح ههههههههاااي

 

[قطوة البريمي]

ههههههههههه

زين يابت ابوها لك هههههههه

عاد تتذكر اسمها البنت اللي دعمتهاااااا هااااااااا لووووووووول

عاد انت اختصرت يومك .. انا ابغي يومك من بدايته لين نهايته ..

مااا يستوي جيه تقول بس موقف ...

لووووووووووول

 

[الكعبية]

هههههههههههههه

بصراحه موقفك حلو

زين يوم يابت ابوها عشان مره ثانيه تمشي عدل

 

[● مسـگـيـטּ قلبـيـﮯ●]

ماشااء الله تباارررك الرررحمن

ياامطوول يوومك يالكعبي هههههههههههه

ااسميك عيااز من الخاااااااااطرر <<<<< الحال وواحد ههههههههه

 

[(الكعبي)]

السموحة منكم يااااااااااااشبااااب
والحين جاء دوووور
؟
؟
؟
؟

الكعبية
خلاااااااااااااااااااا الكعبية
ننتظرج
ههههههههههههااااااي

 

[قطوة البريمي]

يالله الكعبية نتريااااااااااج

هع هع

 

[الكعبية]

كح كح

حد طراني؟؟؟

انشالله باجر بييكم بيومي

بس عاد خلوني ادورلكم يوم حلو اذا لقيت عاد

 

[الكعبية]

ييتكم مع يومي

فيوم من الايام قمنا الصبح من وقت شوي تقريبا الساعه ثمان عشان نسير الشمال
صوب راس الخيمه وام القيوين طبعن كل العايله سايره ويانا
يوم وصلنا طبعن نزلنا اول شي فالفندق عشان نحط اغراضنا وبعدين نتمشى ..
حطينا الاغراض وقعدنا شويه تقريبا نص ساعه
بعدين ظهرنا سرنا الحديقه ما اذكر اسمها .. المهم لعبت كل الالعاب ما خليت لعبه ما لعبتها ..
وكانن الالعاب صراحه روووعه
وبعدين سرنا السوق نتشرى اغراض .. وعقب رجعنا الفندق وقعدنا عند البحر
وشو حلاته هذاك البحر اللي يسير هناك ما وده يرجع وياني واحد مااعرفه منو عق علي سمجه صغيرنه تتحرك
وانا عاد ازيغ منهن تمت تناغز وانا اصارخ ويقولوني شفييج وانا اصارخ لين ما يت بنت خالتي يوم شافتني
وتمت تضحك علي وانا اقوله شليها عقيها فالبحر وهي تضحك عاد انا عصبت منها
وجان اشل السمجه اعقها عليها ورحت اقول حق اختي ابا اسير المطعم لاني كنت يوعانه قالتلي انزين ترييني
عشان اسير وياج وخذنا اخوي معانا مافينا حد يشوفنا بروحنا فالمطعم .. سرت اتسبح وبعدين رحنا المطعم ...
طلبنا الاكل وتغدينا وشبعنا الحمدلله وعاد انا اشرب البيبسي اخر وانا اشربه جان تمسك ايدي اختي ترويني شي
وجبت البيبسي علي .. وانا ما رمت اقوم من مكاني كان بااااارد.. والكل تم يطالع ..
وعاد انا مستحيه اقوم كلي بيبسي وماعرفت شسوي
المهم قمت رجعنا الفندق نمشي لانه المطعم كان قريب وجان تنقص نعالتي وما عرفت امشيبها
عقيتها فالزباله زين انه كنا قريب ولا كنت بحترق من الشمس ...
دخلنا الفندق ويلسنا نسولف لين العصر الساعه خمس .. وظهرنا نتمشى لين بعد العشاء تعشينا وردينا ..
هذا يومي باختصار طبعن استوي وايد احداث فيه بس ما اذكر الحين بس كان احلى يووووم

يلا قولوا رايكم فيومي ادري ما بيعيبكم

 

[منوة الروح]

ههههههههههههه

لا بالعكس حلوو يومج

وسوالف البيبسي دوووووم تستوي
والنعال بعد خخخخخخخخخخ



يلا منوووووووو تبين عقبج ؟؟

 

[الكعبية]

بااااااااك


اختاااار الربيعي

يالله شد الهمة يالربيعي وقولنا عن يوم من ايامك


والسمووووووحه

 

[ورده جوريه]

ههههههههههههههه

والله يومج كان حلوو